അവൾ അഭിരാമിയുടെ മുഖത്തേക്ക് തലഉയർത്തി നോക്കി.
വാങ്ങിക്കോ.. അഭിരാമി നീനുവിനോട് പറഞ്ഞു.
നീനു മടിയോടെ ഓരോ സ്റ്റെപ്പും വച്ച് എന്റെടുക്കൽ വന്നു.
ടെഡി ബെയർ വാങ്ങുവാൻ വേണ്ടി രണ്ടു കൈകളും നീട്ടി.
മെനി മോർ ഹാപ്പി റിട്ടേൺസ് ഓഫ് ദി ഡേ… ഞാൻ മനസ്സറിഞ്ഞ് നീനുവിനെ വിഷ് ചെയ്തു.
താങ്ക്യൂ… നീനു ഒരു കൊഞ്ചലോടെ എന്നോട് നന്ദി പറഞ്ഞു.
ഹാപ്പി ബർത്ത്ഡേ മോളെ… അതിനിടയിൽ രമ്യകൂടി നീനുവിനെ വിഷിത്തു.
കിഷോർ.. ഗസ്റ്റയിട്ട് നിങ്ങളെ രണ്ടുപേരെ മാത്രേ വിളിച്ചിട്ടോളൂട്ടോ. അഭിരാമി ഒരു ചിരിയോടെ ഞങ്ങളെ നോക്കി പറഞ്ഞു.
വരു… നമ്മുക്ക് കേക്ക് കട്ടിയാം. അവൾ ഞങ്ങളെ വിളിച്ചു.
വാ… ഞാൻ നീനുവിന്റെ തോളിൽ കൈവെച്ച് അഭിരാമിയുടെ അടുത്തേക്ക് നടന്നു.
ഞങ്ങളുടെ വരവ് കണ്ടതും അഭിരാമിക്ക് അത്ഭുദമായി. അതുവരെ നാണിച്ച് നിന്നിരുന്ന നീനു എന്നോട് ചേർന്ന് നടന്നുവരുന്നു. അഭിരാമി ചെറു ചിരിയോടെ എന്റെ മുഖത്തേക്ക് നോക്കി.
എന്നാൽ ആ നേരത്ത് തന്നെ ഞാനും അവളെ നോക്കി. കണ്ണുകൾ തമ്മിൽ ഒരു നിമിഷത്തേക് ഉടക്കി. എന്നാൽ അതിന് അധികം ആയുസ് കൊടുക്കാതെ ഞാനെന്റെ കണ്ണുകളെ വെട്ടിച്ചു മാറ്റി.
ചെറിയ ടേബിളിൽ ഒരു റെഡ് വെൽവെറ്റ് കേക്ക് ഉണ്ടായിരുന്നു. അതിൽ നീനു 4th ബർത്തഡേ എന്ന് എഴുതിയത് കണ്ടു.
അഭിരാമിയും നീനുവും ടേബിളിന് ഒരുവശത്തും. മറുവശത്ത് ഞാനും രമ്യയും.
അഭിരാമി നീനുവിന്റെ കയ്യിൽ കത്തികൊടുത്തു. ശേഷം അവർ രണ്ടുപേരും ചേർന്ന് കേക്ക് മുറിച്ചു. ഞാനും രമ്യയും ചേർന്ന് ഹാപ്പി ബർത്ത് ഡേ പാടി.
അഭിരാമി ഒരു ചെറുകഷ്ണം കേക്ക് എടുത്ത് നീനുവിന്റെ വായിൽ വച്ചുകൊടുത്തു. നീനു അത് നുണഞ്ഞിറക്കുന്നതിനിടയിൽ ഒരു കഷണം കേക്കുമായി എന്റെ അടുക്കലേക്ക് ഓടിവന്ന് അതെനിക്ക് നേരെ നീട്ടി.
അത് കണ്ട് എന്റെ മാത്രമല്ല അഭിരാമിയുടെയും രമ്യയുടെയും കിളി പോയിരുന്നു.
ഞാൻ ആ കേക്ക് കഷ്ണത്തിനായി അല്പം കുനിഞ്ഞ് വാ തുറന്ന് കാണിച്ചു.
നീനു അതെന്റെ വായിലേക്ക് വച്ചുതന്നു. പെട്ടെന്ന് ഞാനാ കുഞ്ഞിനെ എന്റെ നെഞ്ചോട് ചേർത്ത് ആ കുഞ്ഞി കവിളിൽ ഒരുമ്മ കൊടുത്തു. അങ്ങനെ ചെയ്യാനാണ് എനിക്ക് തോന്നിയത്.
അവൾ എന്നെ നോക്കി കുഞ്ഞി പല്ലുകൾ കട്ടി ചിരിച്ച ശേഷം അവൾ അഭിരാമിയുടെ പുറകിലേക്ക് വലിഞ്ഞു.
ഞാൻ നേരെ നിന്ന് നോക്കിയത് അഭിരാമിയുടെ കണ്ണുകളിലേക്കാണ്. ആ കണ്ണുകൾ എന്നോട് എന്തോ പറയാൻ ശ്രമിക്കുന്നുണ്ട്. ആ മുഖത്ത് പലവിധ ഭാവങ്ങളുമുണ്ട്. ആ കണ്ണുകളിൽ കണ്ണുനീർ തീർത്ത ഒരു തിളക്കവുമുണ്ട്.
ഇതിനിടയിൽ രമ്യ നീനുവിനോട് എന്തൊക്കയെ പറയുന്നുണ്ട്. പക്ഷേ അതൊന്നും ഞങ്ങൾ കേൾക്കുന്നുണ്ടായിരുന്നില്ല. ആ കുറച്ച് നേരത്തെ നോട്ടം അവസാനിക്കാൻ അഭിരാമി തന്നെ മുൻകൈയെടുത്തു.
നമ്മുക്ക് ഫുഡ് കഴിച്ചാലോ… അവൾ നോട്ടം മാറ്റി രമ്യയെ നോക്കി ചോദിച്ചു.
മ്മ്… രമ്യ മൂളി ക്കൊണ്ട് മറുപടി പറഞ്ഞു.
അമ്മേ.. ആന്റിക്ക് കേക്ക് കൊടുക്ക്.. അഭിരാമി മറന്നുപോയത് നീനു ചെറു കൊഞ്ചലോടെ ഓർമ്മിപ്പിച്ചു.
അയ്യോ.. സോറി… ഇതാ.. എടുക്ക്. അവൾ രമ്യക്ക് നേരെ ഒരുകഷ്ണം കേക്ക് നീട്ടി.
രമ്യ അത് വാങ്ങി കഴിക്കുന്നതിനിടയിൽ ഫുഡ് വിളമ്പിക്കോളാൻ പറഞ്ഞു.
ഇവളി പെൻസില് പോലെ ഇരിക്കുന്നത് വെറുതെയാണ്. നല്ല തീറ്റയാണെന്ന് തോന്നുന്നു. ഞാൻ ചിന്തിച്ചു.
ഞാനും രമ്യയും കുഞ്ഞും കൂടി കൈ കഴുകി ഡൈനിങ് ടേബിളിൽ പോയിരുന്നു. എന്റെ ഇരു വശത്തുമായാണ് അവർ രണ്ട് പേരും ഇരുന്നത്.
അഭിരാമി ഞങ്ങൾക്കുള്ള പ്ലേറ്റുമായി വന്നു. അവൾ തന്നെയാണ് ഞങ്ങൾക്ക് വിളമ്പി തന്നതും.
ചേച്ചി ഇരിക്കുന്നിലെ… രമ്യ ചോദിച്ചു.
ഇല്ല നിങ്ങള് കഴിക്ക് ഞാൻ പിന്നെ ഇരുന്നോളാം.
അതുവേണ്ട. ചേച്ചി ഇരിക്ക്. രമ്യ വീണ്ടും പറഞ്ഞു.
അഭിരാമി എന്റെ മുഖത്തേക്കൊന്ന് നോക്കി.
ഞാൻ കണ്ണുകൾ കൊണ്ട് ഇരിക്കാൻ പറഞ്ഞു. ഞാൻ എന്താണ് പറഞ്ഞത്. എന്തിനാണ് പറഞ്ഞത്. എന്നൊന്നും എനിക്കപ്പോൾ ഒരു നിശ്ചയവും ഉണ്ടായിരുന്നില്ല.
അഭിരാമി എനിക്ക് എതിർവശത്തുള്ള ചെയറിൽ ഇരുന്നു.