പോത്ത് വറീദിൻ്റെ അവസാനത്തെ ഡയലോഗ്കൂടി ചെന്നതും “പ്രിൻസിയും വിശ്വനും അതോടെ ഫ്ളാറ്റായ്”….
———————————————–
റൂമിൽ നിന്ന് പുറത്തിറങ്ങിയതും ഞങ്ങൾ എല്ലാരും റോണിയുടെ പപ്പയോട് നന്ദി പറഞ്ഞു….
പോത്ത് വറീദിൻ്റെ പെർഫോമൻസ് കണ്ട് എല്ലാരും അതിശയിച്ചിരിക്കുകയായിരുന്നു….
ആ സമയത്താണ് മാക്രിദാമു അത് വഴി വന്നത്…. അടുത്തെത്തിയതും ദാമൂനോട് എന്തൊക്കെയോ സംസാരിച്ചുകൊണ്ട് അനുരാജേട്ടൻ പ്രിൻസിയുടെ റൂമിന് മുന്നിലൂടെ വരാന്തയുടെ എൻഡിങ്ങിലേക്ക് പോയി…..
ഞങ്ങൾ നടന്ന കാര്യങ്ങൾ സംസാരിച്ചു കൊണ്ടിരിക്കുന്നതിനിടയിൽ ” Oപ്പേ” എന്നൊരു ശബ്ദം കേട്ടു….. തിരിഞ്ഞു നോക്കിയപ്പോൾ അനുരാജേട്ടൻ ദാമൂനോട് ദേഷ്യപ്പെട്ട് എന്തൊക്കെയോ സംസാരിക്കുന്നു…
ഒരു താക്കീത് നൽകി ഏട്ടൻ നടന്നു വരികയാണ് പിന്നിലായ് കവിളിൽ പൊത്തിപ്പിടിച്ചുകൊണ്ട് ദാമുവും….
ഞങ്ങളുടെ അടുത്തെത്തിയതും അനുരാജേട്ടൻ ഒന്ന് ചിരിച്ചു….
റോണി ചോദിച്ചു
എന്താ അനുരാജേട്ടാ ഒരു ശബ്ദം കേട്ടത്???
അതാണോ …. അത് കയ്യും കവിളും കൂടി കൂട്ടിമുട്ടിയതാ ഒരു ചെറുപുഞ്ചിരിയോട് കൂടി അനുരാജേട്ടൽ പറഞ്ഞു…..
അനുരാജേട്ടൻ്റെ മറുപടി വന്നതും അനൂപ് ഒട്ടും വിശ്വാസമാവാതെ ചോദിച്ചു ” ഏട്ടൻ മാക്രിയെ തല്ലിയോ “???…..
””ആ കഴുവേറിക്ക് ഒരെണ്ണത്തിൻ്റെ കുറവുണ്ടായിരുന്നു അതുകൊണ്ട് ഞാനൊരെണ്ണം കൊടുത്തു അവനിട്ട്”’ ….
“പോലീസിലായ്പ്പോയ് അല്ലായിരുന്നേൽ പ്രിൻസിപ്പാളിൻ്റെ റൂമിലിട്ട് ഞാൻ പൊട്ടിച്ചേനെ”….
ആ നായിൻ്റെ മോൻ നിങ്ങളെപ്പറ്റി പറഞ്ഞത് എനിക്ക് തീരെ പിടിച്ചില്ല . നിങ്ങളെപ്പറ്റി സംസാരിക്കാൻ അവനാരാ അധികാരം നൽകിയത് .”’അമ്മയേയും പെങ്ങളെയും തിരിച്ചറിയാൻ വയ്യാത്തവരല്ല എൻ്റെ അനിയന്മാർ”’ എന്ന് ഞാനവന് പറഞ്ഞ് മനസ്സിലാക്കിക്കൊടുത്തിട്ടുണ്ട് …
എട്ടാ അവൻ കേസ് വല്ലതും കൊടുക്കുമോ???…
ഏയ് അവനോട് ഞാൻ പറഞ്ഞിട്ടുണ്ട് ഇതിൻ്റെ പേരിൽ കേസോ വല്ല പുക്കാറോ കൊണ്ട് വന്നാൽ “””ആലപ്പുഴ സ്റ്റേഷനിലെ തെളിയാതെ കിടക്കുന്ന എല്ലാ കേസുകളും അവൻ്റെ തലയിലേക്ക് ഞാൻ ഇട്ടു കൊടുക്കുമെന്ന്”””, അതുകൊണ്ട് അവനതിന് മുതിരില്ല.. ഇവിടുത്തെ SI എൻ്റെ ഒരു സുഹൃത്താണ് ഞങ്ങൾ കായംകുളം സ്റ്റേഷനിൽ വെച്ചുള്ള പരിചയമാണ്…
എന്തെങ്കിലും പ്രശ്നം വന്നാൽ സാർ നോക്കിക്കോളും ബാക്കി…
എന്നാൽ ഞങ്ങളിറങ്ങിക്കോട്ടെ , നിങ്ങൾ വേഗം ചെന്ന് ക്ലാസ്സിൽ കയറു…
ശരി എട്ടാ….
ക്ലാസ്സിലേക്കായ് തിരിഞ്ഞു നടന്നതും വാസു അച്ഛൻ ഞങ്ങളെ പിന്നിൽ നിന്നും വിളിച്ചു….
മക്കളേ…..
“അതേ ഞങ്ങൾ എന്തിനും കൂടെ ഉണ്ടെന്ന് കരുതി എന്തിനുമേതിനും ചാടി ഇറങ്ങരുത്”….
‘ന്യായമായ കാര്യത്തിന് മാത്രമേ ഇറങ്ങിത്തിരിയ്ക്കാവു കേട്ടോ’….
അപ്പോൾ ക്ലാസ്സിലേക്ക് പൊക്കോളു …. പറഞ്ഞത് മറക്കണ്ട എന്ന് പറഞ്ഞ് അവർ നാലുപേരും യാത്രയായ്…
———————————————
ഞങ്ങൾ പതിയെ നടന്ന് ക്ലാസ്സിനു മുന്നിലെത്തി സോണിയ മിസ്സിൻ്റെ കെമിസ്ട്രി ക്ലാസ്സാണ് നടന്ന് കൊണ്ടിരിക്കുന്നത്….
‘മിസ്സേ കയറിക്കോട്ടെ’…. അനൂപ് ചോദിച്ചു
ഞങ്ങളെക്കണ്ടതും കുട്ടികളും മിസ്സും ശരിക്കും അതിശയിച്ചു!!!
കുറഞ്ഞപക്ഷം ഒരു സസ്പെൻഷനെങ്കിലും എല്ലാരും പ്രതീക്ഷിച്ചിരുന്നു…
എല്ലാരുടെയും മുന്നിലൂടെ ”’നെഞ്ച് വിരിച്ച് ഞങ്ങൾ നാലുപേരും ക്ലാസ്സിലേക്ക് കയറി”’ സോണിയ മിസ് ഞങ്ങളെ നാല് പേരെയും മാറി മാറി നോക്കുകയാണ് “പ്രിൻസിയുടെ ചങ്കിൻ്റെ മോനെ തല്ലിയിട്ട് ഒരു സസ്പെൻഷൻ പോലും കിട്ടിയില്ലെന്നോ”???
എന്നതായിരുന്നു മിസ്സിൻ്റെ മുഖഭാവം….
അതിശയത്തോടെ ഇരിക്കുന്ന കുട്ടികളുടെ ഇടയിൽ സന്തോഷത്തോടെ ഞങ്ങളെ നോക്കിയൊരു മുഖം ഞാൻ കണ്ടു വേറെ ആരുമല്ലായിരുന്നു ”ആരതിയായിരുന്നത്” ….
‘ജിത്തുവിനെ കണ്ടപ്പോഴാണ് ആരതിക്ക് സമാധാനമായത്’…
മഹത്തായ ആദ്യ ഇടിയുടെ ആലസ്യത്തിൽ അന്നത്തെ ദിവസം പോയത് പോലും അറിഞ്ഞില്ല…
“ആ സംഭവത്തോടെ ഞങ്ങളിലെ സുഹൃത്ത്ബന്ധം സൗഹൃദത്തിൻ്റെ അതിർവരമ്പുകളെല്ലാം താണ്ടി അവർണ്ണനീയമായ സഹോദര ബന്ധത്തിലേക്ക് എത്തിച്ചേരുകയായിരുന്നു”…..
———————————————-