ഞാനെന്റെ പ്രീതിയെ കെട്ടിപിടിച്ചു ചുണ്ടിൽ ചുണ്ട് ചേർത്ത് കെട്ടിപിടിക്കുന്നതോർക്കുമ്പോ പിറകിൽ നിന്നുമൊരു വിളി.
“മാധുരി അവർ വരാറായി ട്ടോ!!!”
“ഹായ് മഞ്ജരി, ഇതാണ് പ്രീതിയുടെ മരുമകൻ!”
“പ്രിജിമോൾടെ ഭർത്താവല്ലേ, ഇന്നലെ ഇവർ കല്യാണ മണ്ഡപത്തിൽ ഡിന്നർ കഴിക്കുമ്പോ ജ്യോത്സ്ന കാണിച്ചു തന്നിരുന്നു! അമൽ എന്നല്ലേ പേര്, ഞാൻ ജ്യോത്സ്നയുടെ അമ്മയാണ്!!!!”
ഞാനും അവരെ പരിചയപെട്ടു, അവർക്ക് പക്ഷെ ഇക്കാര്യങ്ങളെ കുറിച്ചൊന്നും അറിവില്ല എന്നത് കുറച്ചൊന്നുനല്ല സമാധാനം തന്നത്. നമ്മുടെ നാട്ടിൽ പ്രീതിയെപോലെ ഒരു വീട്ടമ്മക്ക് അതും അമ്മായിയമ്മ എന്ന ലേബലിൽ ഇരിക്കുന്ന പെണ്ണിന് അവളുടെ ഭർത്താവ് മരിച്ചെങ്കിൽ നാട്ടാർക്ക് വാതിലിൽ മുട്ടാം; ചോദിച്ചാൽ അത് അവർ ഭർത്താവു മരിച്ചതല്ലേ അവർക്ക് മോഹങ്ങൾ ഉണ്ടാകില്ലേ?! തനിച്ചല്ലേ എന്നുള്ള ന്യായങ്ങൾ വേണേൽ പറയാം പക്ഷെ അവർക്കൊരു പ്രണയം ഇപ്പൊ ഉണ്ടെന്നെങ്ങാനും അറിഞ്ഞാൽ സദാചാരക്കാർ അപ്പൊ ഇറങ്ങും! അവർക്ക് മാത്രമോ…..നാണം കെടുത്താനല്ലേ വിവാഹിതയായ വൈധവ്യം അനുഭവിക്കുന്ന പെണ്ണ് പ്രേമത്തിൽ ആണെന്നറിഞ്ഞാൽ ചുറ്റുമുള്ള എല്ലാര്ക്കും താല്പര്യം. ഞാൻ നാട്ടിലെ വ്യവസ്‌ഥിതി അവസ്‌ഥയോർത്തുകൊണ്ട് സ്റ്റെപ്പ് ഇറങ്ങി.
മാധുരിയ്ക്കും ജ്യോത്സ്നക്കും ഏതാണ്ട് കാര്യങ്ങൾ അറിയാം കൂട്ടത്തിൽ ശരണ്യക്ക് ഊഹങ്ങൾ മാത്രമേ ഉളളൂ, ഞാനാണ് പ്രീതിയുടെ കാമുകനെന്ന് പോലും അവരൂഹിച്ചതാണല്ലോ.!
ഞാനും താഴെ ഒരു അപ്പൂപ്പനോട് സംസാരിച്ചു നില്കുമ്പോ,
മഞ്ജരിയും മധുരിയും എന്നെ അടുക്കളയിലേക്ക് ഒന്ന് ക്ഷണിച്ചു അവിടെ മുഴുവനും മധുര പലഹാരങ്ങളുടെ മേള ആയിരുന്നു. ശാന്തിലാൽ മിട്ടായി വാല തോറ്റുപോകുമല്ലോ എന്ന് ഞാനോർത്തു. എന്റെ പ്രീതിയും ഒപ്പം ഡൌട്ട് ശരണ്യയും അവിടെ എന്നെ കണ്ടതും വാ ന്നു പറഞ്ഞു. ഇരുവരും സാരിയുടെ മുന്താണി ഇടുപ്പിലും ചുറ്റി, ഉണ്ടാക്കിയ വിഭവങ്ങളും മറ്റും പാത്രത്തിലേക്ക് ആക്കി മാറ്റുന്ന തിരക്കിൽ ആണ്. എന്നോടും കൂടാനായി പറഞ്ഞു. പ്രീതി ഓറഞ്ചിന്റെ നിറമുള്ള ജിലേബി കഴിക്കുമ്പോ ശരണ്യ എന്നോട് വേണോന്നു നന്നായിട്ടുണ്ടോ നോക്ക് എന്നും ചോദിച്ചു കൈ നീട്ടി. ഞാൻ ചിരിച്ചുകൊണ്ട് ഇപ്പൊ വേണ്ടാന്ന് പറഞ്ഞു.
പ്രീതിയുടെ കവിളിൽ ഞാൻ കവിൾ ചേർത്തുകൊണ്ട് കമ്മലിട്ട ചെമ്പകപ്പൂ കാതിൽ പതിയെ പറഞ്ഞു. “പ്രീതി ഒരു മിനിറ്റൊന്നു വരാവോ…”
“ഉം എങ്ങോട്ടേക്ക….അവരൊക്കെ എത്താറായി അമൽ!”
“വാ എന്റെ പെണ്ണെ …”
പട്ടത്തി സ്റ്റൈലിൽ സാരി ചുറ്റിയ പെണ്ണുങ്ങളുടെ ഇടയിലൂടെ പ്രീതിയെ കൈപിടിച്ച് ഞാൻ മുന്നിൽ നടന്നു. ശരണ്യ കയ്യും ഇടുപ്പിൽ കുത്തി ഞങ്ങളെ നോക്കി നിൽക്കുന്നുണ്ടായിരുന്നു. സ്റ്റെപ് കയറി മുകൾ നിലയിലേക്ക് ഞാനും പ്രീതിയും എത്തി. പ്രീതയുടെ മുഖത്ത് ആശങ്കയുണ്ടായിരുന്നു, ആരെങ്കിലും കാണുമോ എന്ത് വിചാരിക്കുമോ എന്നൊക്കെ. പക്ഷെ എന്തായാലും ഒരു കുഴപ്പോമില്ല എന്ന ഭാവമായിരുന്നു എനിക്കപ്പോൾ. ഈ പെണ്ണുങ്ങളെ സമ്മതിച്ചേ പറ്റൂ… രഹസ്യം ഇത്രകാലം സൂക്ഷിക്കാനും, അതുപോലെ മനസ്സിൽ നോവായി പ്രണയത്തെ പൊതിഞ്ഞു പിടിക്കാനും ഇനി അത് വേണ്ട..!!!!
“പ്രീതി പറ, ജ്യോത്സ്‌നയോടു പ്രിജിയുടെ ഫോട്ടോ കൊടുത്തയച്ചു പെണ്ണ് കാണാൻ വരാൻ പറഞ്ഞത് പ്രീതിയാണോ…?! എന്നെ അതിനു എങ്ങനെയാണു പ്രീതിക്ക് ഓർമയുള്ളത്?! നമ്മൾ അവസാനം കാണുന്നത് എനിക്ക് 10 വയസുള്ളപ്പോൾ ആണ്… അല്ലെ?!!”
“ഉഹും!!!!!” പ്രീതി നാണിച്ചുകൊണ്ട് ചിരിക്കുമ്പോ ആ ചിരിയിൽ എന്തൊക്കൊയോ ഒളിക്കുന്നുണ്ടെന്നു തോന്നി. പെണ്ണിന്റെ മനസ് തുറക്കാൻ അവൾ തന്നെ വിചാരിക്കണമല്ലോ.
“പ്രീതി… ദേ കളിപ്പിച്ചത് മതി…ഞാൻ ഇവിടെ വന്നത് മുതൽ ജ്യോത്സ്‌നയെ കണ്ടത് മുതൽ കിളി പോയിട്ടിരിക്കയാണ്…”
“കണ്ടിട്ടുണ്ടോ ചോദിച്ചാൽ….”
“പറ എന്റെ പ്രീതി…” ഞാൻ ഇരു കൈകളും പ്രീതിയുടെ കവിളിൽ പൊതിഞ്ഞുകൊണ്ട് ആ കണ്ണിലേക്ക് നോക്കി. എന്നോട് പറയാനായി വിങ്ങുന്നുണ്ട്‌ പക്ഷെ.. പക്ഷെ എന്തോ അവളെ തടുക്കുന്നപോലെയെനിക്ക് തോന്നി.
“ജ്യോത്സ്നയില്ലേ… അവളെന്റെ വീട്ടിൽ താമസിക്കുന്ന സമയത്തു, അവളുടെ കുറുമ്പ് സ്വഭാവമൊക്കെ മാറ്റാൻ വേണ്ടി മഞ്ജരിയും പിന്നെ മധുരിയും എന്നോട് ശ്രദ്ധിക്കാൻ പറഞ്ഞിരുന്നു. ഞാനതിനു ചുമ്മാ കാമ്പസ് അല്ലെ പ്രേമിക്കാനൊക്കെ ജ്യോത്സ്‌നയോടും പറഞ്ഞിരുന്നു.
അവളും എന്നെ പോലെയാണെന്ന് ഞാൻ വിശ്വസിച്ചു അതായത് പ്രേമ വിരോധി!
അതുകൊണ്ടു തന്നെ അവളാദ്യമത് കാര്യമാക്കിയിലെങ്കിലും പിന്നെ പിന്നെ അവളിൽ ചെറിയ മാറ്റങ്ങൾ ഒക്കെ ഞാൻ കണ്ടു. ചോദിച്ചപ്പോള് ഒരാളെ ഇഷ്ടമാണെന്നെന്നോട് സമ്മതിച്ചു. ഞാനുമതിൽ ഹാപ്പിയായി പേര് പറഞ്ഞപ്പോൾ അമൽ!!!
അമൽ എന്ന് ഞാൻ കേട്ടപ്പോ ആകെ ഞാൻ കേട്ടിരിക്കുന്നത് അമൽ സ്വരൂപ് എന്ന പേരാണ്. അതുകൊണ്ട് തമാശയ്ക്ക് ഞാൻ അമൽ സ്വരൂപ് ആണോന്നു തമാശക്ക് ചോദിച്ചതാണ് അവളോട്.!
പക്ഷെ ജ്യോത്സ്ന പറഞ്ഞ ഉത്തരം അതേയെന്നായിരുന്നു, അത് പക്ഷെ എനിക്ക് ലവ് ലെറ്റർ തന്ന കുറുമ്പൻ ആണെന്ന് ഞാനും ഓർത്തപ്പോ എനിക്കെന്തോ…നിന്നെ ഒന്ന് കാണണം എന്നും തോന്നി”
“എന്നിട്ട്?!”
“കണ്ടു.!”
“അതെപ്പോ…?!”
“അതൊക്കെയുണ്ട്….ജിലേബി വേണോ?!”
കയ്യിലെ ജിലേബി പൊട്ടിച്ചുകൊണ്ട് പ്രീതി ചുണ്ടിന്റെ ഇടയിലേക്ക് വെച്ചു.
“ഉഹും വേണ്ട!”
“ആഹ് ആഹ് പ്ലീസ് ആം.. അമൽ!!!!”
മാധുരിയുടെ മകളും അവളുടെ ഭർത്താവും പുത്തൻ കാറിൽ വീട്ടുമുറ്റത്തേക്ക് വരുന്നവരെ ചുണ്ടുകൾ മോചിപ്പിക്കാതെ ഞാനും പ്രീതിയും കണ്ണടച്ച് നിന്നു.
എന്റെ കൈകളെ പ്രീതിയുടെ കവിളിൽ നിന്നും ഞാനെടുത്തപ്പോ അവിടെ ചുവന്നിരുന്നു. ജിലേബി പതിയെ ഞാനെന്റെ നാവുകൊണ്ട് നുണഞ്ഞു ഉമിനീരുമായി ഇറക്കിയ ശേഷം പ്രീതിയെ നോക്കി കണ്ണിറുക്കി കാണിച്ചു.
പ്രീതി കിളി പോയപോലെ താഴേക്ക് നടന്നു. ഇത്രയും ലെങ്ത് ഉള്ള ചുംബനം അവൾക്കാദ്യമായിരിക്കണം!
“പ്രീതി എന്താടി ചുണ്ടു പൊട്ടിയിരിക്കുന്നെ…” മധുരിയാണ് അത് ചോദിച്ചത്. ഞാനും പതിയെ സ്റ്റെപ് ഇറങ്ങുമ്പോ പുതു പെണ്ണും ചെക്കനും കൂടെ കയ്യും പിടിച്ചു വീട്ടിലേക്ക് കയറുന്നുണ്ടായിരുന്നു. പട്ടു വേഷ്ടിയും ഷർട്ടുമാണ് അവന്റെ വേഷം, പെണ്ണിന് ചുവന്ന കഞ്ഞീപുരം പോലെയുള്ള നല്ല റിച് ഫീൽ തരുന്ന പട്ടു സാരിയും. ആകെമൊത്തം കാണാൻ ഒരു വല്ലാത്ത ഫീൽ!
ഞാൻ ആൾക്കൂട്ടത്തിന്റെ ഇടയിൽ ശരണ്യയുടെ അടുത്ത് നിന്നപ്പോ ചന്ദനവും കുങ്കുമവും പിടിച്ച താലം എന്റെ നേരെ നീട്ടി കൊണ്ട് ശരണ്യ നെറ്റിയിൽ തൊടാൻ പറഞ്ഞു. ജിലേബി തുണ്ട് എന്റെ ചുണ്ടിൽ കണ്ടതും ശരണ്യ എന്റെ കാതിൽ ചോദിച്ചു. “ജിലേബി ഇപ്പൊ വേണ്ടാന്ന് പറഞ്ഞിട്ട്…”
