ഞാൻ ഒന്നും മിണ്ടിയില്ല, എനിക്ക് അവളുമായി ഒരു വഴക്കിനു താല്പര്യം ഇല്ലായിരുന്നു, ബാത്ത് റൂമിൽ കേറി ഫ്രഷ് ആയി ഞാൻ താഴേക്കു ചെന്നു. അങ്കിൾ പത്രം വായിച്ചു കൊണ്ടിരിപ്പുണ്ട്.അങ്കിൾ എന്നെ ഒന്ന് വിഷ് ചെയ്തു, ഞാൻ തിരിച്ചും, രാവിലെ തന്നെ ചോദിച്ചാലോ.. വേണ്ട കുറച്ചു കഴിയട്ടെ…ആന്റി ചായയുമായി വന്നു,
മോൻ എഴുനേറ്റായിരുന്നോ… ഞാൻ ചായ എടുക്കാം.അവൾ എഴുന്നേറ്റില്ല….
വേണ്ട ആന്റി.., ഞാൻ ചായ കുടിക്കില്ല.അവൾ എഴുനേറ്റു.. ബാത്‌റൂമിലാണ്…
അങ്കിൾ ചായ കുടിച്ചു കഴിഞ്ഞു എഴുന്നേറ്റു. അവരുടെ കൃഷി സ്ഥലത്തേയ്ക്ക് നടന്നു, ഞാനും കൂടെ ഇറങ്ങി.
അങ്കിളെ ചോദിക്കുന്നത് കൊണ്ട് ഒന്നും വിചാരിക്കരുത്, അങ്കിൾ ഏതോ വസ്തു എന്റെ പേരിലേക്കു മാറ്റുന്നു എന്ന് പറഞ്ഞത് ഉള്ളതാണോ….
അതെ മോനെ…എന്നായാലും വേണ്ടേ…
അങ്കിളെ ഞാൻ ഇവിടെ കച്ചവടത്തിനായി വന്നതല്ല. അവളോടുള്ള സഹതാപം കൊണ്ടും വന്നതല്ല, എനിക്ക് അവളെ ഇഷ്ടമായിട്ടാണ് വന്നത്. എനിക്ക് ഒരു വസ്തുവും വേണ്ട ഒന്നും വേണ്ട…
അത് മോനെ…ഒരു അച്ഛന്റെ കടമയല്ലേ…
അങ്കിൾ ഒന്നും പറയണ്ട.., എന്നെ ഒരു അന്യനായാണ് കണ്ടത് എന്ന് ഞാൻ അറിഞ്ഞില്ല..,
മോനെ അങ്ങനെയൊന്നുമല്ല
ഈ കല്യാണത്തിന്റെ പേരിൽ ഒരു പുൽ നമ്പു പോലും എനിക്ക് വേണ്ട.., കല്യാണം കഴിഞ്ഞും അച്ചി വീട്ടിൽ നിൽക്കുന്നത് എനിക്ക് നട്ടെല്ല് ഇല്ലാഞ്ഞിട്ടല്ല.. എന്റെ വീട്ടിലോ പ്രശ്നം ഇവിടെയും പ്രശ്നം വേണ്ട എന്ന് കരുതിയാണ്. ഇനിയും എന്തെങ്കിലും തന്നു എന്നെ ഒരു കച്ചവടക്കാരൻ ആക്കാൻ ആണ് ഭാവമെങ്കിൽ, എനിക്ക് വാടക വീട് അന്വേഷിക്കേണ്ടി വരും. ഇത് ഞാൻ കളിക്ക് പറയുന്നതല്ല കാര്യമായിട്ടാ..
മോനെ… മോൻ കരുതും പോലെ അല്ല.. ഞാൻ ഒരു അച്ഛന്റെ കടമ ചെയ്തു എന്നെ ഉള്ളൂ…
അങ്കിളെ മോളെ കെട്ട്യോന്റെ പേരിൽ വസ്തു നൽകി അല്ല കടമ ചെയ്യേണ്ടത്.
അത് മോനെ…
അങ്കിൾ ഇനി ഒന്നും പറയണ്ട ., അങ്കിളിൽ നിന്നും ഇത് ഞാൻ പ്രതീക്ഷിച്ചില്ല. പിന്നെ ഞാൻ നേരത്തെ പറഞ്ഞത് കാര്യമായിട്ടാ..
മോനെ ഞാൻ ഒരു കാർ ബുക്ക്‌ ചെയ്തിട്ടുണ്ട്, അത് എന്ത് ചെയ്യും
അങ്കിൾ ബുക്ക്‌ ചെയ്തെങ്കിൽ അങ്കിൾ തന്നെ ഓടിച്ചോ…എന്നോട് ഒരു വാക്ക് ചോദിച്ചില്ലല്ലോ…
മോനെ.. അത്…
അങ്കിളെ അങ്കിളിന്റെ ഈ മോനെ വിളിയിൽ ഒരു ആത്മാർത്ഥ ഉണ്ടായിരുന്നെങ്കിൽ അങ്കിൾ എന്നെ ഒരു കച്ചവടക്കാരൻ ആക്കില്ലായിരുന്നു . എനിക്ക് എന്നോട് തന്നെ പുച്ഛം തോന്നുന്നു.
ഇത്രയും പറഞ്ഞു കൊണ്ട് ഞാൻ എന്റെ വണ്ടിയും എടുത്തോണ്ട് കാരാം കുന്നിലേക്ക് പോയി. വണ്ടി താഴെ വച്ചു അതിന്റെ മുകളിൽ കേറി. അവിടെ നിന്നും ചുറ്റും നോക്കി.., വീടുകൾ ഒകെ ചെറുതായി കാണാൻ തുടങ്ങി, എന്റെ വീടും കണ്ടു. അമ്മ ഇപ്പോ എന്ത് ചെയ്യുക ആണോ എന്തോ…ഞാൻ ഓരോന്ന് ആലോചിച്ചു ഇരുന്നപ്പോൾ എബി അങ്ങോട്ട് വന്നു,
അളിയാ എന്തോന്ന് പ്രശ്നം.. രാവിലെ ഉറങ്ങാനും സമ്മതിക്കില്ലേ.. നീ പിണങ്ങി പോയി എന്നും പറഞ്ഞു ഡാഡി വന്നു എന്നെ കുത്തിപ്പൊക്കി വിട്ടതാ…എന്താടാ പ്രശ്നം..
പ്രശ്നം…ഞാൻ ഒന്ന് ചിരിച്ചു..
നീ ഇളിക്കാതെ കാര്യം പറ….
നിനക്ക് അറിയില്ലേ…നിന്റെ ഡാഡിയും മമ്മിയും കൂടി നിന്റെ പെങ്ങളെ ഞാൻ കെട്ടുന്നതിനു ഒരു വിലയിട്ടു.
വിലയോ…. എന്തോന്ന് വില….
നീ നിന്റെ ഡാഡിയെ വിളിച്ചു ചോദീര്…
ഡാഡിയെ വിളിക്കാൻ ഒന്നും വയ്യ… നീ കാര്യം പറ..
ഏതോ വസ്തുവോ.. വണ്ടിയോ എന്തൊക്കെയോ എനിക്ക് തരുന്നെന്നു..
ഓ.. അതാണോ കാര്യം… അത് എല്ലായിടത്തും ഉള്ളതല്ലേ…
അപ്പോൾ നീയും കൂടി അറിഞ്ഞു കൊണ്ടുള്ള ഏർപ്പാട് ആണ്.
ഒന്നു പോയെടാ., ഞാൻ ഒരു തേങ്ങയും അറിഞ്ഞില്ല. അല്ല നിനക്ക് എന്താ…. അവർ തരുന്നെങ്കിൽ തരട്ടെ…
എനിക്ക് എന്തായാലും വേണ്ട..
ഓ.. നീ സ്ത്രീധന വിരോധി ആണെന്ന് ഞാൻ അറിഞ്ഞില്ല.
അതെ.. ഞാൻ അത് തന്നെയാ…, നീ വെറുതെ ചൂടാക്കല്ലേ….
എടാ നീ അത് വിട്…, വാ വീട്ടിലോട്ട് വാ. ആരെങ്കിലും അറിഞ്ഞാൽ വിചാരിക്കും നീ പിണങ്ങി പോയതാണ് എന്ന്.
ഇനിയും സ്വത്ത്‌ വല്ലതും തന്നു എന്നെ കച്ചവടക്കാരൻ ആക്കിയാൽ ഞാൻ ശരിക്കും പിണങ്ങി പോകും.
നീ വാ….
നമ്മൾ ഓരോന്ന് സംസാരിച്ച വീടെത്തി.
ട്രീസ അവിടെ ഇരിപ്പുണ്ട്, മുഖം ഒരു കുട്ടയുണ്ട്. ഞാൻ കാര്യം ആക്കിയില്ല.
ആന്റി വന്നു സംസാരിക്കാൻ തുടങ്ങി,
മോനെ.. അത്….
ആന്റി നമ്മുക്ക് മറ്റെന്തെങ്കിലും സംസാരിക്കാം. അതിനെ കുറിച് ഒരു സംസാരം വേണ്ട, പറയാനുള്ളത് ഞാൻ അങ്കിളിനോട് പറഞ്ഞിട്ടുണ്ട്. അതോടെ സംസാരം അവിടെ അവസാനിച്ചു.
ആന്റി ട്രീസയെ ഒന്ന് കടുപ്പിച്ചു നോക്കിയിട്ട് മോനെ ഭക്ഷണം എടുക്കാം…
എന്ന് പറഞ്ഞു തിരിഞ്ഞു നടന്നു.
ട്രീസ എന്നെ രൂക്ഷമായി നോക്കിയിട്ട് എന്തോ പറയാൻ വന്നു, എബി വരുന്നത് കണ്ട് നിർത്തി.
ഭക്ഷണം ഒക്കെ കഴിഞ്ഞു അങ്ങനെ ഇരുന്നു, എബിയും ഞാനും ഓരോ വെടി പറഞ്ഞു ഇരുന്നു, ട്രീസ മുറിയിലോട്ട് തന്നെ പോയി. കുറച്ചു കഴിഞ്ഞു അങ്കിളും വന്നു ഓരോന്ന് സംസാരിച്ചിരുന്നു, വസ്തുവിന്റെ കാര്യമൊന്നും പിന്നെ ചർച്ചയ്ക്ക് വന്നില്ല.
ഉച്ച ഊണിനാണ് സഭ പിരിഞ്ഞത്,അത് കഴിഞ്ഞു ഞാൻ അങ്കിളിന്റെ കൂടെ പുറത്ത് ഒക്കെ നടക്കാൻ തുടങ്ങി, എബി ഉറങ്ങാനും, ട്രീസ പതിവ് പോലെ വന്നു കഴിച്ചിട്ട് പോയി,നമ്മൾ തിരിച്ചു വരുമ്പോൾ ട്രീസയുടെ മുറിയിൽ നിന്നു സംസാരം കേൾക്കുന്നുണ്ട്
എടി ട്രീസേ.. നിനക്ക് ഒന്ന് വന്നു എന്നെ സഹായിച്ചു കൂടെ.. ഇപ്പൊ പഴയ പോലെ അല്ല, അനൂപ് എന്ത് വിചാരിക്കും….
ആര് എന്ത് വിചാരിച്ചാലും എനിക്ക് ഒന്നുമില്ല., എല്ലാരും കൂടെ മോനെ കെട്ടിക്കാനായിട്ട് എന്നെ ഒഴിവാക്കി അല്ലെ.. ഞാൻ കല്യാണം വേണ്ട വേണ്ട എന്ന് നൂറു വട്ടം പറഞ്ഞതല്ലേ.. അപ്പൊ മമ്മി കെട്ടി തൂങ്ങി ചാകും എന്ന് പറഞ്ഞിട്ട്…. എന്നെ കൊണ്ട് കൂടുതൽ ഒന്നും പറയിപ്പിക്കല്ലേ…..
ഇത് കേട്ടു ഞാൻ അങ്കിളിനെ നോക്കി, അങ്കിൾ തല കുനിച് നിക്കെയാണ്.
അങ്കിളെ ഞാൻ അന്നേ ചോദിച്ചത് അല്ലെ ട്രീസയ്ക്ക് സമ്മതമാണോ…എന്ന്, അപ്പോ നിങ്ങളെല്ലാം കൂടി നാടകം കളിച്ചിട്ട്
മോനെ എന്റെ മോളും ഒരു കുടുംബം ആയി കാണാനുള്ള ആഗ്രഹം കൊണ്ടാണ്….
ആ അച്ഛന്റെ കണ്ണീരിനു മുന്നിൽ എനിക്ക് വാക്കുകൾ ഇല്ലായിരുന്നു.
അങ്കിളെ പോട്ടെ…എനിക്ക് മനസിലാകും.. പെട്ടെന്ന് കേട്ടപ്പോൾ ചോദിച്ചു പോയതാണ്.
മോനെ അവൾക്കു കല്യാണം ഒക്കെ നടക്കാതിരുന്നു, ഓരോരുത്തർ വന്നു സഹതപിച്ചു പോയതിന്റെയും ദേഷ്യമാണ്. അല്ലാതെ മോനെ ഇഷ്ടമല്ലാഞ്ഞിട്ട് ഒന്നുമല്ല.
ആ…എനിക്ക് മനസിലായി അങ്കിളെ…എബി ഇതൊന്നും അറിയണ്ട.
വൈകുന്നേരം വരെ എബിയുമായി സംസാരിച്ചിരുന്നു പോയി.കുളിക്കാനായി മാത്രം ആണ് റൂമിലേക്ക് കയറിയത്.എന്നെ കണ്ട ഉടനെ ട്രീസ