ഒന്നും ഇല്ലെടി….
മാഡം ആളു കൊള്ളാല്ലോ….
നീ അവളോട് ഒന്നും പോയി ചോദിക്കല്ലേ..
ഓ…ചോദിക്കാൻ പറ്റിയ ആളു…നമ്മളെ ഒക്കെ വിറപ്പിച്ചു നിർത്തിയേക്കുവാണ്….
പിന്നെയും കുറച്ചു നേരം സംസാരിച്ചു ഇടയ്ക്ക് ട്രീസ എന്നെയും അശ്വതിയെയും നോക്കുന്നുണ്ട്.
ഞാൻ അവിടെ നിന്നും ഇറങ്ങി വീട്ടിൽ പോയി, എബി ഞാൻ വരുന്നതിനു മുമ്പ് തന്നെ ജോലിക്കു പോയി, ഞാൻ എബിയുടെ അച്ഛന്റെ കൂടെ കൃഷി സ്ഥലത്ത് ഒക്കെ പോയി, പുള്ളിയെ ജോലിയിൽ സഹായിച്ചും മറ്റും സമയം കഴിച്ചു, വൈകുന്നേരം ട്രീസയെ വിളിക്കാൻ പോയി.
ഞാൻ ചെന്നപ്പോൾ അശ്വതി വന്നു എന്റോടെ സംസാരിച്ചോണ്ട് നിന്നു , ട്രീസ വന്നു വണ്ടിയിൽ കയറി,കുറച്ചു നേരം കൂടി അശ്വതിയോട് സംസാരിച്ചിട്ട് ആണ് ഞാൻ കാർ എടുത്തത്, കുറച്ചു ദൂരം പിന്നിട്ടപ്പോഴേക്കും ട്രീസ
എന്തിനാ നിർത്തി കളഞ്ഞത്, അവളോട് ഒപ്പം പൊയ്ക്കൂടായിരുന്നോ…..
ഞാൻ ഒന്നും മിണ്ടിയില്ല…
എന്താ മിണ്ടാത്തത്…അശ്വതിയോട് കൊഞ്ചി കുഴയുന്നത് കണ്ടല്ലോ…
ഞാൻ ഒന്നും മിണ്ടാൻ പോയില്ല, നമ്മൾ വല്ലതും പറഞ്ഞാൽ പിന്നെ നേരത്തെ പോലെ കരയണം, എങ്ങനെ നോക്കിയാലും മൗനം വിദ്വാനു ഭൂഷണം എന്നാണല്ലോ…
ഓ…എനിക്ക് കാലില്ലല്ലോ.. അയ്യോ കാലല്ലല്ലോ നാക്കല്ലേ മുറിക്കേണ്ടത്…മറന്നു പോയി….
എന്റെ പൊന്നു ട്രീസെ നീ ഒന്ന് മിണ്ടാതിരി…. ഞാൻ അറിയാതെ പറഞ്ഞതാ…,
കുറച്ചു നേരം ട്രീസ ഒന്നും മിണ്ടിയില്ല
നീ കാലത്ത് എന്തിനാ എന്നെ കേറി പിടിച്ചത്….,
അത് നീ വീഴാൻ പോയപ്പോൾ പിടിച്ചത…
ഞാൻ വീണാൽ നിനക്കെന്താ….
ഞാൻ ഒന്നും മിണ്ടിയില്ല…
നീ കിട്ടിയ അവസരം ശരിക്ക് മുതലെടുത്തു അല്ലെ….രാത്രിയൊക്കെ സോഫയിൽ ഒതുങ്ങി കിടക്കുന്ന കണ്ട പാവം, ഇപ്പോഴല്ലേ തനി കൊണം പുറത്ത് വന്നത്, ഇനി മേലിൽ എന്റെ അടുത്ത് നിന്റെ സൂക്കേടും കൊണ്ട് വരരുത്.
അപ്പോഴേക്കും എന്റെ ഫോൺ ബെല്ലടിച്ചു, ഞാൻ വണ്ടി ഒതുക്കി നിർത്തി ട്രീസയോട് മിണ്ടാതിരിക്കാൻ ആംഗ്യം കാട്ടി ഫോണെടുത്തു, ഓഫീസിൽ നിന്നായിരുന്നു എനിക്ക് ട്രാൻസ്ഫർ…..എനിക്ക് നല്ല സന്തോഷം ആയി
ഞാൻ കാർ എടുത്തോണ്ട് ട്രീസയോട് പറഞ്ഞു.., എനിക്ക് ട്രാൻസ്ഫർ ആണ്, അതോടെ അവളുടെ മുഖം മങ്ങി.
ദൂരെ എവിടെ എങ്കിലും ആയ മതിയാരുന്നു, ജില്ല മാറിയായിരുന്നെങ്കിൽ അത് മതിയായിരുന്നു. സ്വസ്ഥത കിട്ടിയേനെ…. നിന്നോട് സംസാരിച്ചു എന്റെ വായിൽ നിന്നു തന്നെ എന്താ വരുന്നത് എന്നറിഞ്ഞു കൂടാ, പിന്നെ ഞാൻ അവസരം മുതലാക്കി അല്ലെ, നീ നെഞ്ചിൽ കൈ വച്ചു പറഞ്ഞാണ് ഞാൻ അവസരം മുതലാക്കാൻ ചെയ്തതാണ് എന്ന്…, എനിക്കു മടുത്തു ഞാൻ എന്ത് ചെയ്താലും കുറ്റം….ആരോടെങ്കിലും സംസാരിച്ച കുറ്റം, നിന്നോട് സംസാരിച്ച അത് കുറ്റം, അറിയാതെ ഒന്ന് പിടിച്ചപ്പോൾ അത് കുറ്റം, എന്റെ കുറ്റം അല്ലാതെ ഒന്നും നിനക്കു കാണാൻ പറ്റുന്നില്ലലോ..,
അവൾ ഒന്നും മിണ്ടിയില്ല.., ഞാൻ പിന്നെയും തുടർന്നു…
ഏതെങ്കിലും പട്ടികാടു ആയാലും മതി ആയിരുന്നു., മനസമാധാനം എങ്കിലും കിട്ടിയേനെ…
എന്നെ മടുക്കും, അശ്വതി ആയിരുന്നെങ്കിൽ കൊള്ളാമായിരുന്നു അല്ലെ…അവളെ കെട്ട്യോൻ ഗൾഫിൽ ആണല്ലോ ….എല്ലാം സൗകര്യം ആയല്ലോ
ട്രീസെ നിർത്ത്…. നിനക്ക് എന്ത് വേണമെങ്കിലും പറയാമോ…നിനക്ക് പഠിത്തം ഉള്ളതല്ലേ…. ഇങ്ങനെ മോശം ആയി സംസാരിക്കാമോ…..അവളും ഒരു പെണ്ണല്ലെ….
ഓ…. അവളെ പറഞ്ഞപ്പോൾ നൊന്താ….
ട്രീസെ ഇനി നേരെ സംസാരിക്കാൻ പടിച്ചിട്ട് എന്നോട് മിണ്ടിയ മതി,എന്തൊക്കെ വൃത്തികേട് ആടോ താൻ പറയുന്നത്…. തനിക് നാണക്കേട് ഒന്നും തോന്നുന്നിലെ…. അല്ലെങ്കിൽ തന്നെ എനിക്ക് ട്രാൻസ്ഫർ ആയല്ലോ…. ഇനി ഇതൊന്നും കേൾക്കണ്ടല്ലോ…, ഇനി ഇങ്ങോട്ട് വരത്തില്ല.
കൂടെ കൂടെ പറയുന്നണ്ടല്ലോ …. ആരെങ്കിലും ഇവിടെ പിടിച്ചു വച്ചിട്ടുണ്ട…എങ്ങോട്ടാണ് എന്ന് വച്ച പോണം…
ഞാൻ അവളെ ഒന്ന് നോക്കി, അവൾ മുഖത്ത് നല്ല ദേഷ്യം.., പിന്നെ ഞാൻ ഒന്നും മിണ്ടിയില്ല, അന്ന് വീട്ടിൽ എത്തി…പതീവ് പോലെ കാര്യങ്ങൾ പോയി.., രാത്രി മുറിയിൽ എത്തിയപ്പോഴും ട്രീസയുടെ മുഖം ഒരു കുട്ടയുണ്ട്, എന്നോട് ഒന്നും മിണ്ടാനും വന്നില്ല.. രാവിലെ എഴുന്നേറ്റപ്പോൾ അവൾ ഉണർന്നു കിടക്കെയാണ് മുഖം ഒക്കെ നീര് വച് ഇരിക്കുന്നു, ഇന്നലെ ഉറങ്ങിയില്ല എന്ന് തോന്നുന്നു, കരഞ്ഞിട്ടും ഉണ്ട് എന്ന് തോന്നുന്നു.
എന്താടോ വയ്യേ….ഞാൻ ആന്റിയെ വിളിക്കണോ…
എനിക്ക് ഒരു കുഴപ്പവും ഇല്ല, നീ കൂടുതൽ സ്നേഹിക്കല്ലേ…, എനിക്ക് സംസാരിക്കാൻ അറിഞ്ഞു കൂടാ.. എന്റെ നാക്ക് മുറിക്കണം….,
ട്രീസെ ഞാൻ അറിയാതെ പറഞ്ഞത് അല്ലെ, താൻ ക്ഷമിക്കേടോ…. അതും പറഞ്ഞു താൻ ഇപ്പോഴും കരയുക ആണോ…. മനുഷ്യൻ അല്ലെ പറഞ്ഞു പോയി.., താൻ എന്നെ എന്തൊക്കെ പറയുന്നു..,വേണം എങ്കിൽ ഞാൻ ഏത്തം ഇടാം…,
ഒരു തേങ്ങയും ഇടണ്ട …. ഇതും പറഞ്ഞു അവൾ എഴുനേറ്റ് പോയ്‌ കാല് എടുത്തിട്ട് ബാത്ത് റൂമിൽ പോയി..
ശേ.. ഞാൻ പറഞ്ഞത് അവൾക്ക് ഇത്രയും വിഷമം ആയോ…. അല്ലെങ്കിലും പറയണ്ടായിരുന്നു….
താഴേക്ക് പോയപ്പോൾ എബി….,
ഇന്നെന്താ മുഖത്തിന്‌ ഒരു വാട്ടം.., ട്രീസയും ആയി ഉടക്കിയോ…
മ്…
ഇതിനൊക്കെ ഇങ്ങനെ വിഷമിക്കണോ…. കേട്ടിട്ടില്ലേ ചട്ടിയും കലവും ആകുമ്പോൾ തട്ടിയും മുട്ടിയും ഇരിക്കും…., അതൊക്കെ അങ്ങ്. ശരി ആകും…..
അന്ന് ട്രീസയെ കൊണ്ടാക്കാൻ പോയപ്പോളും അവൾ സൈലന്റ് ആയിരുന്നു.., ഞാൻ ഒന്ന് കൂടി സോറി പറഞ്ഞു…, എന്നിട്ടും കാര്യം ഉണ്ടായില്ല…, പിന്നെ ഞാനും ഒന്നും മിണ്ടിയില്ല…., അവളെ കൊണ്ടാക്കി ഞാൻ തിരിച്ചു വന്നു…അശ്വതി വന്നിട്ടിലായിരുന്നു അത് കൊണ്ട് അവളോടും സംസാരിക്കാൻ പറ്റിയില്ല, ആകെ കൊണ്ട് ഒരു വല്ലായ്മ…
അന്ന് വൈകുന്നേരം പോയപ്പോൾ ട്രീസ വന്നു കാറിൽ കേറിയതും അശ്വതി വന്നു, അവളോടും സംസാരിച്ചിട്ട് വണ്ടി എടുത്തു…ഞാൻ അവളോട് സംസാരിക്കുന്നത് ഒന്നും ട്രീസയ്ക് ഇഷ്ടപ്പെടുന്നില്ല…. അവൾ എന്നെയും അശ്വതിയെയും മറൈൻ മാറി നോക്കി കൊണ്ടിരുന്നു.. വണ്ടി എടുത്തിട്ടും ട്രീസ ദേഷ്യത്തിൽ തന്നെ ആണ്…., കുറച്ചു ദൂരം കൂടി പോയതും ആൻ മേരിയെ കണ്ടു, അവൾ ബസ് കാത്തു നിൽക്കെയാണ്, ഞാൻ വണ്ടി അവളുടെ അടുത്ത് നിർത്തി.
എടൊ ഇതാണ് എബി കെട്ടാൻ പോകുന്ന കുട്ടി…
ഏത്…. അവൾ എന്നോട് മിണ്ടിയത് എനിക്ക് വലിയ സന്തോഷം ആയി…
ഞാൻ കാണിച്ചു തരാം
ആൻ മേരി…. ആൻ മേരി…
അവൾ നമ്മളെ കണ്ടു…ഇങ്ങോട്ട് വന്നിട്ട് അനൂപേട്ടനൊ….
താൻ കേറൂ ഞാൻ വീട്ടിൽ ആക്കി തരാം..
വേണ്ട അനൂപേട്ടാ…
കൂടുതൽ പോസിടാതെ കേറടോ….
അവൾ പിറകിലെ വാതിൽ തുറന്നു കയറി,
ഇതാണോ ട്രീസ ചേച്ചി…
ഉം…
ട്രീസ അവളെ നോക്കി ചിരിച്ചു….അവളും….
താൻ ചിരിക്ക ഒന്നും വേണ്ട…കൊടും ഭീകരയാ….തന്നെ അവിടെ ഇട്ട് മൂക്ക് കൊണ്ട് ‘ ക്ഷ ‘ വരപ്പിക്കും.