രാത്രി ഭക്ഷണ സമയത്തതാണ് എബി വന്നത്, ഇന്നും ചെറുതായി മിനുങ്ങിയിട്ട് ആണ് വരവ്, എന്തൊക്കെയോ വാരി കഴിച്ചിട്ട് അവൻ പോയി കിടന്നു, ഞാനും കുറച്ചേ കഴിച്ചുള്ളു…ഭക്ഷണം കഴിഞ്ഞ് ഞാനും അങ്കിളും ഇരുന്നു ക്രിക്കറ്റ് കണ്ടോണ്ടിരുന്നു, ട്രീസ എഴുനേറ്റ് പോയി കിടന്നു, കുറച്ചു കഴിഞ്ഞു ആന്റി വന്നു പറഞ്ഞു
നിങ്ങൾ വന്നു കിടക്കുന്നില്ലേ….ആന്റി അങ്കിളിനെ ഞാൻ കാണാതെ കണ്ണ് കാണിച്ചു…., മോന് പോയി കിടക്കണ്ടേ…
അങ്കിൾ – മോനെ പോയി കിടക്കാം,
കുറച്ചും കൂടി കഴിയട്ടെ അങ്കിളെ….
അതോടെ ആന്റി പോയി,അങ്കിൾ കുറച്ചു നേരം കൂടി ഇരുന്നിട്ട് മോനെ കിടക്കുന്നില്ലേ….
കളി തീർന്നിട്ട് കിടക്കാം,
ഇല്ല മോനെ മതി, മോൻ പോയി കിടന്നോ….
നിവർത്തിയില്ലാതെ ഞാൻ എഴുനേറ്റ് മുറിയിൽ പോയി, ഭാഗ്യം അവൾ ഉറങ്ങി എന്ന് തോന്നുന്നു, ഞാൻ സോഫയിൽ കയറി കിടന്നു ഉറങ്ങി,
കാലത്തു എഴുനേറ്റ് ഫ്രഷ് ആയി താഴേയ്ക്ക് പോയി…അവിടെ ഒക്കെ നിന്നു കറങ്ങി എബിയോട് സംസാരിച്ചോണ്ടിരിക്കുമ്പോൾ ട്രീസ വന്നിറങ്ങി, ഒരു വയലറ്റ് കളർ സാരി ഉടുത്ത് സുന്ദരി ആയിട്ടുണ്ട്.ഒരു കുഞ്ഞു വട്ട പോട്ട് നെറ്റിയിൽ ഉണ്ട്, അവളുടെ വിടർന്ന കണ്ണുകളും ചുവന്നു തുടുത്ത ചുണ്ടുകളും എല്ലാം നല്ല ഭംഗി,പക്ഷെ എന്ത് കാര്യം, സ്വഭാവം മോശമായി പോയി.
ഞാൻ അവളുടെ മുഖത്ത് നോക്കിയിരിക്കുന്നത് അവൾ കണ്ടു, എന്നെ ഒന്ന് നോക്കിയിട്ട് അവൾ ആന്റിയോട് ഭക്ഷണം എടുത്തു വയ്ക്കാൻ പറഞ്ഞു ബഹളം വച്ചു,
എനിക്ക് ജോലിക്കു പോണ്ടേ…ഭക്ഷണം എടുത്ത് വയ്ക്കാത്തത് എന്താ….?
ഇവളാര് ഇവിടത്തെ ഗുണ്ടയോ…. ഇവൾക്ക് കാല് വയ്യാത്തത് ശരിക്കു മുതലാക്കുന്നുണ്ട്.ഞാൻ ഒന്നും മിണ്ടിയില്ല. ആന്റി ഭക്ഷണം എടുത്ത് കൊടുത്തു,
മോനും എടുക്കട്ടെ….
വേണ്ട ആന്റി , ഞാൻ എബിയുടെ കൂടെ കഴിച്ചോളാം…..
അപ്പോൾ ട്രീസ എന്നെ ഒന്ന് നൂന്നു നോക്കി.
ഞാൻ വലിയ കാര്യമാക്കിയില്ല, അവൾ ഭക്ഷണം കഴിക്കുന്നത് കണ്ടാൽ അതിനോട് എന്തോ ദേഷ്യമുള്ളത് പോലെയാണ്. ഇവൾക്ക് എല്ലാത്തിനോടും ദേഷ്യമാണോ…..
അവൾ കഴിച്ചു കഴിഞ്ഞ് എഴുനേട്ടതും എബി കാറിന്റെ കീ എന്റെ കൈയിൽ തന്നിട്ട്
നീ തന്നെ കൊണ്ടക്ക് നിന്റെ കെട്ട്യോളെ…
ഞാൻ ഒന്നും മിണ്ടാതെ കീയും വെടിച്ചോണ്ട് വന്നു വണ്ടി എടുത്തു, അവളും വന്നു ഫ്രണ്ടിൽ തന്നെ കയറി, ഞാൻ കരുതി കൊച്ചമ്മ പിറകിലെ കയറൂ എന്ന്, വണ്ടി കുറച്ചു ദൂരം പിന്നീട്ടതും ട്രീസ….
ഇന്നലെ എന്താ അന്തി കൂട്ടിനു എവിടെയും പോകാത്തത്….
ങേ…..
രാത്രി വേറെ അവള് മാരെ തേടി പോവാത്തത് എന്ത് എന്ന്…
ഓ…. അതോ….ഇന്ന് പകൽ പോകാമെന്നു കരുതി.
ഓ…അമ്പലത്തിൽ ആണോ അങ്ങനത്തെ പെണ്ണുങ്ങൾ ഇരിക്കുന്നത് …..
അതെ…എന്തെ അവർക്ക് അവിടെ വന്നോടെ….
കൂടുതൽ ആളാവണ്ട, ആലിന്റെ കിടന്ന് ഉറങ്ങുന്നത് ഞാൻ കണ്ടു. എന്നിട്ട് വന്നു എന്തൊക്കെ ആയിരുന്നു…നാണം ഇല്ലല്ലോ ഇങ്ങനെ നുണ പറയാൻ….
അതിന് ഞാൻ അല്ലല്ലോ…, നീ അല്ലെ ഓരോന്ന് പറഞ്ഞു ഉണ്ടാക്കിയത്.
എന്നെ ഒന്ന് കടുപ്പിച്ചു നോക്കിയിട്ട്….. എബിയേയാണോ നിങ്ങൾ കെട്ടിയത്, അതോ എന്നെയോ…
നീ എന്തൊക്കെയാ ചോദിക്കുന്നെ..
അവന്റെ കൂടെ ഇരുന്നേ കഴിക്കൂ…
പിന്നെ നിന്റെ കൂടെ ഇരിക്കണോ….കെട്ടിയ കാര്യം ഒന്നും പറയാതിരിക്കുന്നതാ നല്ലത്, അതിനേക്കാളും വല്ല ….
വല്ല…. ബാക്കി പറ…. എനിക്ക് കാലില്ലല്ലോ…. അതല്ലേ…. ഇങ്ങനെ പറയുന്നത്
അല്ല നിനക്ക് എന്താണ് കുഴപ്പം, നിന്റെ കാൽ അല്ലായിരുന്നു മുറിച്ചു മറ്റേണ്ടത്, നാവാ….
അതോടെ ട്രീസ മുഖം പൊത്തിയിരുന്നു കരയാൻ തുടങ്ങി….
ഞാനും വണ്ടി ഒതുക്കി നിർത്തി,
ട്രീസ ഐ ആം സോറി…. ഞാൻ അങ്ങനെ ഒന്നും ഉദ്ദേശിച്ച പറഞ്ഞതല്ല, പെട്ടെന്ന് അറിയാതെ വന്നു പോയതാ…സോറി…. സോറി….
അവൾ ഇപ്പോഴും കുനിഞ്ഞിരുന്നു കരയുകയാണ്….
എടൊ താനിങ്ങനെ ചൊറിഞ്ഞ വർത്തമാനം പറഞ്ഞോണ്ട് പറഞ്ഞതാ…. സോറി……തനിക്ക് കാൽ ഇല്ലാത്തത് എനിക്ക് പ്രശ്നം ഇല്ല.ഒന്ന് കരച്ചിൽ നിർത്തെടോ…ഏത് നേരത്ത് ഇങ്ങനെ പറയാൻ തോന്നിയോ….
അവൾ നിവർന്നിരുന്നു, കണ്ണൊക്കെ തുടയ്ക്കുന്നുണ്ട്.
ഞാൻ അവളുടെ മുഖത്ത് നോക്കി സോറി എന്ന് പറഞ്ഞു..
അതോടെ അവളുടെ കണ്ണുകൾ വീണ്ടും നിറഞ്ഞു, അതും തുടച്ചോണ്ട്….. അവൾ ഇരുന്നു, മുഖം അത്രയും കണ്ണീർ ആയി, അവൾ ഇങ്ങനെ കരയുമെന്ന് ഞാൻ കരുതിയില്ല. എന്റെ ഭാഗത്തു തന്നെയാണ് തെറ്റ്. ഞാൻ ഇങ്ങനെ ഒന്നും പറയാൻ പാടില്ലായിരുന്നു.
ഞാൻ ഡോർ തുറന്നിറങ്ങി ഒരു കുപ്പി വെള്ളമെടുത്ത അവൾക്കു കൊടുത്തു മുഖം കഴുകാൻ പറഞ്ഞു,അവൾ മുഖം കഴുകി അകത്തു കയറി, പിന്നെ ഒന്നും മിണ്ടുന്നില്ല, എനിക്ക് ആകെ കൊണ്ട് വിഷമം ആയി, സാധാരണ അവൾ വാ തുറക്കല്ലേ എന്നായിരുന്നു എന്റെ പ്രാർത്ഥന.ഇപ്പൊ അവൾ മിണ്ടാതിരിക്കുന്നത് കണ്ട് എനിക്ക് വല്ലാണ്ടായി, അവൾ എന്നെ രണ്ടു വഴക്ക് എങ്കിലും പറഞ്ഞെങ്കിൽ, എന്റെ കണ്ണും നിറഞ്ഞു, അവൾ കാണാതെ ഞാൻ തുടച്ചു മാറ്റി.
കൃഷി ഓഫീസിന്റെ മുന്നിൽ വണ്ടി കൊണ്ട് നിർത്തി, ഞാനും കൂടെ ഇറങ്ങി…ട്രീസ എന്നെ നോക്കി
ഞാൻ പൊയ്ക്കോളാം….
ഞാൻ ഒന്നും മിണ്ടാതെ കൂടെ നടന്നു…,രണ്ടാമത്തെ നിലയിൽ ആണ് ഓഫീസ്, അവൾ സ്റ്റെപ് കയറിയപ്പോൾ ഞാനും കൂടെ കയറി,അവൾ ഇടയ്ക്ക് എന്നെ നോക്കുന്നുണ്ട്, ഞാൻ തിരിച്ചും, പെട്ടെന്ന് അവളുടെ കാൽ സ്ലിപ്പായി പുറകിൽ നിന്നു ഉടനെ ഞാൻ പിടിച്ചു, പിടിച്ചത് അവളുടെ മുലയിൽ ആയി പോയി, അവളെ നൂത്തി നിർത്തി ഞാൻ പെട്ടെന്ന് തന്നെ കൈ എടുത്തു.
അവൾ എന്നെ രൂക്ഷമായി ഒന്ന് നോക്കി….
എനിക്ക് സന്തോഷമായി…ഇപ്പൊ എന്നെ രണ്ട് വഴക്ക് പറയും.., അതോടെ എന്റെ മനസ്സിന്റെ ഭാരം കുറയും., പറഞ്ഞോ…ട്രീസ പെട്ടെന്ന് പറ…. അവൾ ഒന്നും മിണ്ടിയില്ല…. വീണ്ടും സ്റ്റെപ് കയറുകയാണ് ഞാനും കൂടെ കയറി,
ശേ…. ഇവൾ എന്താ ഒന്നും പറയത്തെ…. ഞാൻ അസ്വസ്തമായ മനസ്സുമായി കയറി,
അനൂപേ….. പിറകിൽ നിന്നു ഒരു വിളി… തിരിഞ്ഞു നോക്കിയപ്പോൾ അശ്വതി….
എടി അശ്വതി നീയോ….
എടാ എനിക്ക് ഇവിടെയാ ജോലി, നിനക്കും ഇങ്ങോട്ട് കിട്ടിയോ…. തിങ്കളാഴ്ച വരും എന്നാണല്ലോ പറഞ്ഞത്, നീ നേരത്തെ ഇങ്ങു വന്നോ…
അല്ലെടി …. ഇത് എന്റെ വൈഫ്‌ ആണ്.. ഇവളെ കൊണ്ടാക്കാൻ വന്നതാണ്. അവൾക്കു ട്രീസയെ കാണിച്ചു കൊടുത്തു….
ട്രീസയെ കണ്ടതും അവളുടെ മുഖം മങ്ങി..,
ഗുഡ് മോർണിംഗ് മാഡം…
ഗുഡ് മോർണിംഗ്….ഇതും പറഞ്ഞു ട്രീസ ഓഫീസിലേക്ക് പോയി..അതോടെ അശ്വതി…,
ഞാൻ കരുതി ഇവിടെ പുതിയ ഒരാൾ വരുന്നു എന്ന് പറഞ്ഞത് നീ ആണെന്ന്….. ശേ നീ ആയിരുന്നെങ്കിൽ നല്ല രസമായേനെ….. അല്ല നിന്റെ കല്യാണം ഈ ആഴ്ച അല്ലായിരുന്നോ…അതിനു മുമ്പ് മാഡം ഇങ്ങു ജോലിക്കു വന്ന….
നീ അത് നേരിട്ട് തന്നെ ചോദിച്ചോ….
നിന്റെ മുഖത്ത് എന്താ ഒരു പാട്…,അശ്വതി ചിരിച്ചോണ്ട് ചോദിച്ചു…