മൈ ഡിയർ യക്ഷി – 2 32അടിപൊളി 

കണ്ടുപരിചയം തോന്നിയതുകൊണ്ട് അവനെ കുറിച്ച് ഞാൻ ഓരോന്ന് ചോദിച്ചു… അവൻ എന്നോടും ഓരോന്നും ചോദിച്ചു… അവസാനം ജിഷ്ണു എന്ന ഒരാളെ അറിയുമോ എന്ന് ചോദിച്ചു.. ഞാൻ അറിയാം എന്ന് പറഞ്ഞു…

“ഓ… ചേട്ടനെ എനിക്ക് അറിയാം… എൻ്റെ ചേട്ടൻ ചേട്ടൻ്റെ ഒപ്പം ഇവിടുത്തെ ഫുട്ബോൾ ടീമിൽ കളിച്ചിട്ടുണ്ട്..ചേട്ടൻ്റെ കൂടെ ചേട്ടൻ നിൽക്കുന്ന ഫോട്ടോയും കണ്ടിട്ടുണ്ട്… നിങ്ങൾടെ ബാച്ചിൻ്റെ കാര്യം ഒക്കെ കോച്ചും പറയാറുണ്ട്… നിങ്ങളായിരുന്നു ഈ കോളേജിലെ അവസാനത്തെ യൂണിവേഴ്സിറ്റി ചാമ്പ്യൻസ് എന്ന്… ഞാൻ ഇപ്പോ കോളേജ് ടീമിൽ കളിക്കുന്നുണ്ട്… ”

ശരിയാണ്… ഇവിടെ ഡിഗ്രിക്ക് പഠിച്ചിരുന്നപ്പോ ഫൈനൽ ഇയറിൽ ഞങൾ MG യൂണിവേഴ്‌സിറ്റി ചാമ്പ്യൻസ്… എന്നെക്കാൾ നന്നായി കളിക്കുന്ന നല്ല പ്ലെയർസ് ഉണ്ടായിരുന്നിട്ടോ ടീമിൽ ഞാനും അത്യാവശ്യം കളിക്കുമായിരുന്നു… അതിലെ ജിഷ്ണു എന്ന ഒരുത്തൻ്റെ അനിയൻ ആണ് ഇവൻ…വെറുതെ അല്ല ചെറിയ പരിചയം തോന്നിയത്…

പിന്നെ ഞാനും നവിനും കുറച്ച് നേരം സംസാരിച്ചു.. കളിയെക്കുറിച്ചുള്ള ഞങ്ങളുടെ സംസാരം കണ്ട് അമ്മുൻ്റെ ഫ്രണ്ട്സ് മെല്ലെ വലിഞ്ഞു…

ഒരു പാവം പയ്യൻ ആണ് നവിൻ… അമ്മൂസിൻ്റെ ലുക്കും കുറുമ്പും പെരുമാറ്റവും കണ്ട് ആരാധന മൂത്തതാണ് അവന്… കുറെ പിന്നാലെ നടന്നു ശല്യം ചെയ്തതിന് വീണ്ടും അവൻ സോറിയും പറഞ്ഞു… പോകുമ്പോൾ കോച്ചിനെ കണ്ട് പോകാമെന്നും പറഞ്ഞു…

അങ്ങനെ കോച്ചിനെ കണ്ട് പരിചയം പുതുക്കി.. കുറച്ച് നേരം സംസാരിച്ചു… പുള്ളിക്ക് സന്തോഷായി…

ഇറങ്ങുമ്പോൾ ഞാൻ നവിനോട് പറഞ്ഞു ഈ പ്രാവശ്യം കപ്പ് അടിക്കാൻ… അവൻ ശ്രമിക്കാം ചേട്ടാ, കളി കാണാൻ വരണം എന്നൊക്കെ പറഞ്ഞു… ജിഷ്ണുവിനെ അന്വേഷിച്ചെന്ന് പറഞ്ഞേക്ക് എന്നും പറഞ്ഞു ഞങൾ വണ്ടിയുടെ അടുത്തേക്ക് നടന്നു… എല്ലാം കഴിഞ്ഞ് സമയം 11:30 ആയി… ഇതിനിടയ്ക്ക് അമ്മ രണ്ട് തവണ വിളിച്ചു… ഇപ്പോ എത്താം എന്ന സ്ഥിരം ഡയലോഗ് കാച്ചി…

ഇന്നത്തെ സംഭവത്തെ കുറിച്ച് വിശദമായി വീട്ടിൽ ചെന്നിട്ട് ചോദിക്കാം എന്ന് തീരുമാനിച്ചു.

“അമ്മൂസെ അപ്പൊ ഞാൻ ഇറങ്ങാണേ… ഏട്ടൻ ഈവനിംഗ് വരാട്ടോ….”

കുഞ്ഞിപ്പിള്ളേരെ നഴ്സറിയിൽ ആക്കി യാത്ര പറയുന്ന പോലെ അമ്മുനോട് പറഞ്ഞ് ഞാൻ വണ്ടിയിൽ കയറി… കയറിയ പാടെ അമ്മു അപ്പുറത്തെ ഡോർ തുറന്ന് കയറി സീറ്റിൽ ഇരുന്നു…

“നീ എങ്ങോട്ടാ… പോയി ക്ലാസ്സിൽ കേറടി കൊരങ്ങി…”

ഞാൻ അമ്മുൻ്റെ ചെവിക്ക് പിടിക്കാനായി കൈ നീട്ടിക്കൊണ്ട് പറഞ്ഞു… അവസാനം പിടുത്തം കിട്ടി…

“ഇസ്… ഏട്ടാ… വിട്…. ഇന്ന് ക്ലാസിക്കേറിയില്ലേലും പ്രശ്നം ഇല്ല… പ്ലീസ്… ഞാൻ കൂടി വന്നോട്ടെ…. പ്ലീസ് ജിത്തേട്ടാ… പ്ലീസ്…”

അമ്മു എൻ്റെ കൈ വിടിച്ചുകൊണ്ട് കിടന്ന് കെഞ്ചി… ഒപ്പം മുഖത്തെ സ്ഥിരം എക്സ്പ്രെഷൻസും…

ഞാൻ അവളെ ഒന്നു ഇരുത്തി നോക്കി….

“പ്ലീസ് … നല്ല ഏട്ടനല്ലേ… എൻ്റെ പുന്നാര ഏട്ടനല്ലേ… പ്ലീസ്… ഞാനിനി ഏട്ടൻ പറയുന്നത് എല്ലാം കേൾക്കാം… പ്ലീസ്… കുറെ നാളായില്ലേ ഏട്ടൻ്റെ കൂടെ പുറത്തൊക്കെ കറങ്ങിട്ട്….. പ്ലീസ് ജിത്തേട്ടാ…. ”

മിഠായിക്ക് വേണ്ടി കെഞ്ചുന്ന കുഞ്ഞിപ്പിള്ളേരെ പോലെയുള്ള ഭാവത്തോടെ അമ്മൂസ് എന്നോട് യാചിച്ചു… ഒപ്പം എൻ്റെ മുടിയിലും മുഖത്തും തലോടിക്കൊണ്ടിരുന്നു…

“അപ്പൊ കഴിഞ്ഞ ആഴ്ച നമ്മൾ എല്ലാരും കൂടി സിനിമക്ക് ഒക്കെ പോയത് മറന്നാ നീ..”

നല്ല സിനിമ വരുമ്പോൾ വീക്കെൻഡിൽ കാണാൻ പോകും. ലുലു, അല്ലേൽ ഓബ്രോണിൽ ആവും പോവുക. പിന്നെ ഫുഡ് ഒക്കെ കഴിച്ചു, എന്തേലും ചെറിയ പർച്ചേസ് ചെയ്തു, ലേശം കറങ്ങി രാത്രി ആവും തിരിച്ചെത്താൻ. എൻ്റെ വാലായി അമ്മുവും നന്ദുട്ടനും ഉണ്ടാവും. രണ്ടെണ്ണം കൂടി തല്ലിട്ട് അവസാനം എൻ്റടുത്ത് വരും. നന്ദു ചെറുതായതുകൊണ്ട് ഞാൻ അവൻ്റെ ഒപ്പാണ് നിക്കാറ്. അതുകൊണ്ട് അമ്മു സാധാരണ ഉള്ള പിണക്കം കാണിക്കും പിന്നെ ഞാൻ പിന്നാലെ ചെന്ന് സമാധാനിപ്പിക്കണം. ഇതാണ് അജണ്ട. ഞാൻ മുന്നേ പറഞ്ഞത് പോലെ ആ നിമിഷങ്ങൾ ആസ്വദിക്കാൻ എനിക്ക് ഭയങ്കര ഇഷ്ടാണ്… ഇപ്പോളാണെങ്കില് അങ്ങനത്തെ നിമിഷങ്ങൾ ഉണ്ടാവാൻ അത് ഞാൻ ഒരുപാട് ആഗ്രഹിച്ച് പോകുന്നു. അറിയാതെ…