മൈ ഡിയർ യക്ഷി – 2 32അടിപൊളി 

അന്നത്തെ സംഭവത്തിന് ശേഷം ഞാനും അമ്മുവും നേഹയെ ഒരുമിച്ചു കാണുന്നത് ഇപ്പോഴാണ്. ഞാൻ ഒറ്റക്ക് പുറത്ത് പോകുമ്പോൾ രണ്ട് മൂന്നു തവണ കണ്ടിട്ടുണ്ട്.

ലിഫ്റ്റ് താഴെ എത്തി. എല്ലാവരും പുറത്തേക്ക് ഇറങ്ങി. എൻ്റെ കയ്യിൽ തൂങ്ങി വെട്ടിത്തിളങ്ങി നടക്കുന്ന അമ്മുവിനെ കണ്ടിട്ട് അവർ മിഴിച്ച് നോക്കുന്നുണ്ട്.

“ഹായ് ജിത്തു ചേട്ടാ… സുഖമാണോ..?”

വണ്ടിയെടുക്കാൻ നടക്കുമ്പോൾ പിന്നിൽ നിന്ന് ഒരു വിളി. ഞാൻ തിരിഞ്ഞ് നോക്കി… നേഹ ഞങ്ങളെ തന്നെ നോക്കി നിൽക്കുകയാണ്. അമ്മു വേണ്ട വേണ്ട എന്ന് മെല്ലെ പറഞ്ഞോണ്ട് എന്നെ പിടിച്ച് വലിക്കുന്നുണ്ട്.

ശേഷം നേഹ ഞങ്ങളുടെ അടുത്തേക്ക് നടന്നു വന്നു. അമ്മു ഇളിച്ചു നിൽക്കുന്നുണ്ട്. ഞാൻ പതിയെ ചിരിച്ച് പരിചയം പുതുക്കി… ഞാൻ ചിരിക്കുന്നത് കണ്ടിട്ടോ എന്തോ എൻ്റെ കയ്യിൽ കൂടെ നിൽക്കുന്ന യക്ഷി ഒരു പിച്ച് തന്നു…

“ഹായ് ശ്രുതി….രണ്ടാളും മിണ്ടാതെ പോകുകയാണോ..”

ഞങ്ങളെ രണ്ടുപേരും നോക്കിക്കൊണ്ട് നേഹ ചോദിച്ചു.

“ഏയ് അങ്ങനെ ഒന്നുല്ല മോളെ. നേരം വൈകിയതുകൊണ്ടാണ്..”

ഞാൻ ചെറിയ ചമ്മലോടെ പറഞ്ഞു.

“ആണോ… എങ്ങോട്ടാ പോകുന്നേ നിങ്ങൾ… ”

ഞാൻ അമ്മുൻ്റെ കോളേജിലെ പരിപാടിയുടെ കാര്യം പറഞ്ഞു.

” ആണോ… ഒകെ… ശ്രുതി ചേച്ചി ഇപ്പോഴും ചേട്ടൻ്റെ കൂടെ തന്നെ ആണല്ലേ…. ചേച്ചിക്ക് ഒരു മാറ്റവും ഇല്ല…”

ഒരു ചിരിയോടെ നേഹ പറഞ്ഞു.

അമ്മു എപ്പോഴും എൻ്റെ പിന്നാലെ തന്നെ ഉണ്ടാവും എന്നത് ഫ്ലാറ്റിൽ ഞങ്ങളെ പരിചയം ഉള്ള മിക്കവർക്കും അറിയാം… 10 വർഷം ആയില്ലേ ഇവിടെ… ഞാൻ പിന്നെ അങ്ങനെ ആരുമായും അത്രയ്ക്ക് അടുക്കാൻ നിക്കാറില്ല.

ഞാനും ചെറുതായിട്ട് ചിരിച്ചു. അമ്മു സ്ഥിരം ഇളി തന്നെ.

“നേഹയെ ഇപ്പോ ഇവിടെ കാണാറില്ലല്ലോ.. ഇടയ്ക്ക് കാണാറുള്ളൂ…എന്താ ചെയ്യുന്നേ ഇപ്പൊ”

ഞാൻ എൻ്റെ ഒരു സംശയം ചോദിച്ചു. അമ്മു എന്നെ മിഴിച്ച് നോക്കുന്നുണ്ട്.

“ചേട്ടാ.. ഞാൻ ഇപ്പോ BCA ചെയ്യുവാണ്. ബാംഗ്ലൂർ ആണ്. മാസത്തിൽ ഒരിക്കൽ ഒക്കെയേ വരാറുള്ളൂ… അതാ”

നേഹ എൻ്റെ സംശയങ്ങൾക്കുള്ള മറുപടി നൽകി. ആള് കാണാൻ നല്ല സ്മാർട്ട് ആണ്. നല്ല സംസാരവും. ഞാൻ മൊത്തത്തിൽ ഒന്ന് സ്കാൻ ചെയ്തു. കൊള്ളാം… നല്ല കുട്ടി…

ഞങൾ താമസിക്കുന്നത് നാലാമത്തെ ഫ്ലോറിൽ ആണ്. നേഹ 8 മത്തെ ഫ്ലോറിൽ എന്തോ ആണ്. അതുകൊണ്ട് അവരുടെ വീട്ടുകാർ ആയിട്ട് അധികം അടുപ്പം ഇല്ല. ജസ്റ്റ് കാണാറുണ്ട് അത്ര മാത്രം. പിന്നെ ഈ ഫ്ലാറ്റിൽ എത്തിയാൽ എൻ്റെ ലോകം എന്നത് കൂടെ ഉള്ള ഈ യക്ഷി ആണല്ലോ. വേറെ അധികം ആരെയും അടുപ്പിക്കില്ല.

“ആണോ… ഓ ശരി ശരി… അതായിരിക്കും കാണാത്തത്… ”

ഞാൻ ചിരിച്ചുകൊണ്ട് പറഞ്ഞു തീർന്നതും….

” അതേ … നേഹ ഞങൾ ഇപ്പോ തന്നെ വൈകി… പിന്നെ ഒരിക്കൽ സംസാരിക്കാട്ടോ… വാ ചേട്ടാ പോകാം… ”

കൂടെ നിൽക്കുന്ന കക്ഷിക്ക് അത്ര പിടിച്ചിട്ടില്ല എന്നത് വ്യക്തം. പോരാത്തതിന് പഴയ വട്ട്കേസും.

“ഓ.. ആയിക്കോട്ടെ.. ബൈ ചേട്ടാ… ബൈ ചേച്ചി..”

നേഹ ഞങ്ങളെ പോകുവാൻ അനുവദിച്ചു. തിരിചും യാത്ര പറഞ്ഞു ആ സംഭാഷണം അവിടെ നിർത്തി ഞങൾ വണ്ടിയുടെ അടുത്തേക്ക് നടന്നു.ബൈക്ക് ഡാഡികൂൾ കൊണ്ടുപോയേക്കാണ്. അതുകൊണ്ട് കാറിനാണ് പോകുന്നേ. ഒരു ബ്ലാക്ക് സ്വിഫ്റ്റ്.

കാറിലെ കറുത്ത സീറ്റിൽ അമ്മു കരിനീല കുർത്തിയും വെള്ള ലെഗ്ഗിൻസും ഇട്ട് ഇരിക്കുന്നത് കാണാൻ നല്ല ചന്തം ഉണ്ട്. ഞാൻ അവളെ വിശദമായി നോക്കി…

ഈ ഇടയായി പെണ്ണിന് ഭംഗി കൂടി കൂടി വരികയാണ്. ഇനി എനിക്ക് തോന്നുന്നതാണോ എന്നറിയില്ല. എന്തായാലും കോളേജിലെ ചെക്കന്മാർ കുറച്ചെങ്കിലും പിന്നാലെ ഉണ്ടാവും. പെണ്ണിൻ്റെ പേരുള്ള ഒരു അക്കൗണ്ട് ഫേസ്ബുക്കിലോ ഇൻസ്റ്റഗ്രാമിലോ കണ്ടാൽ തുരു തുരാ മെസ്സേജ് അയക്കുന്ന ആണുങ്ങൾ ഉള്ളപ്പോൾ അത്യാവശ്യം കാണാൻ കൊള്ളാവുന്ന ഇവളുടെ കാര്യം പറയണോ…

ഒന്ന് രണ്ട് പേര് ഇഷ്ട്ടാണ് എന്നൊക്കെ പറഞ്ഞു അമ്മുനെ പ്രൊപ്പോസ് ചെയ്ത കാര്യം എന്നോട് അമ്മു പറഞ്ഞിരുന്നു. എന്നിട്ട് നീ എന്ത് പറഞ്ഞു എന്ന് ചോദിച്ചപ്പോ പോയി പണി നോക്കാൻ പറഞ്ഞു എന്നായിരുന്നു പറഞ്ഞത്. ചുമ്മാ പുളു അടിക്കുന്നത് ആയിരിക്കും.