മൈ ഡിയർ യക്ഷി – 2 32അടിപൊളി 

“അതിനിപ്പോ എന്താ ജിത്തേട്ടാ… എനിക്ക് അങ്ങനെ തോന്നിപ്പോ ഞാൻ അവളോട് പറഞ്ഞു… അവൾ വേണൊങ്കില് വേറെ സ്ഥലത്ത് പോകട്ടെ… ജിത്തേട്ടൻറെ അടുത്ത് എന്തിനാ വരുന്നേ… ആകെ ഇത്തിരി നേരമാ ജിത്തേട്ടനെ ഒപ്പം കിട്ടോളു… ആ നേരത്ത് ആ സാധനം വരും. വന്നാലോ എനിക്ക് ഒന്നും ജിത്തേട്ടനോട് മിണ്ടാൻ പറ്റില്ല…. ഇനി ജിത്തേട്ടന് ഞാൻ വരണത് ഇഷ്ടലെങ്കിൽ പറഞാതി.. ഞാൻ ഇനി വരില്ല… പോരെ….”

ഒറ്റ ശ്വാസത്തിൽ ചെറിയ ദേഷ്യത്തോടെ അമ്മു പറഞ്ഞൊപ്പിച്ചു.

ഞാൻ കുറച്ച് നേരം ഒന്നും മിണ്ടാതെ നിന്നു…

“ഞാൻ അങ്ങനെ ഒന്നും പറഞ്ഞില്ലല്ലോ…. ആ കുട്ടിയോട് നീ അങ്ങനെ പറഞ്ഞത് എന്തിനാ എന്നേ ഞാൻ ചോദിച്ചുള്ളൂ… ”

ഞാൻ കുറച്ച് ദേഷ്യപ്പെട്ടുകൊണ്ടാണ് ചോദിച്ചത്.

“എനിക്ക് അറിയാ… ഇപ്പോ ജിത്തേട്ടന് എന്നെ ഇഷ്ടൊല്ല… നന്ദുട്ടനേ കിട്ടിപ്പോ എന്നെ വേണ്ടാതായി… ഇനിയിപ്പോ ആ പ്രാന്തിയെയും കിട്ടീലോ ചേട്ടന്… എന്നെ ആർക്കും ഇഷ്ടോല്ല… ജിത്തേട്ടനും എന്നെ വേണ്ട…”

കുഞ്ഞായത്കൊണ്ട് നന്ദുട്ടനെ എല്ലാരും കൊഞ്ചിക്കുന്നത് കണ്ടിട്ടും അമ്മുൻ്റെ കുറുമ്പുകൾക്കും പഠിക്കാത്തതിൻ്റെയും ചേർത്ത് വഴക്ക് കേൾക്കുന്നത് ഓർത്തുകൊണ്ട് ആ 13 വയസുകാരിയുടെ മനസ്സിൽ ഉദിച്ചത് എല്ലാം പുറത്ത് വന്നു…

എനിക്കാകെ സങ്കടം ആയി… ഞാൻ അമ്മുൻ്റെ അടുത്ത് ചെന്ന് എൻ്റെ രണ്ട് കൈപ്പത്തി കൊണ്ട് മുഖം ചേർത്തു പിടിച്ച് നെറ്റിയിൽ ഒരു ഉമ്മ വെച്ചു.

“ആരൊക്കെ വന്നാലും എന്തൊക്കെ നടന്നാലും ചേട്ടന് ഏറ്റവും ഇഷ്ടം അമ്മുനെയാട്ടോ… ചേട്ടൻ്റെ പുന്നാര അല്ലേ അമ്മു…”

എന്ന് വളരെ സ്നേഹത്തോടെ പറഞ്ഞുകൊണ്ട് ഒന്നൂടെ നെറുകിൽ മുത്തി.

മുഖം തുളുമ്പിക്കൊണ്ട് അമ്മു വേഗം എന്നിലേക്ക് അടുത്തു എന്നെ ചുറ്റിപ്പിടിച്ചു… ശേഷം ഒരു പൊട്ടിക്കരച്ചിലായിരുന്നു.

“പ്ലീസ് ജിത്തേട്ടാ…. അവള് വേണ്ട ജിത്തേട്ടാ… നിക്ക് സഹിക്കണില്ല… ജിത്തേട്ടൻ അവളോട് സംസാരിക്കുമ്പോൾ എന്നെ വേണ്ടാത്ത പോലെ തോന്നണു… പ്ലീസ്… പറ ജിത്തേട്ടാ …..ഞാൻ… ഞാൻ മാത്രം… മതിലേ… പറ… പ്ലീസ്….”

അമ്മു കരഞ്ഞു ആകെ അവശതയായി എന്നെ മുറുക്കിപ്പിടിച്ചു എന്നിലേക്ക് അലിഞ്ഞു ചേരുന്ന പോലെ നിന്നു. അന്നേരം അമ്മുവിനെ കണ്ടപ്പോൾ ഒരു നിഷ്കളങ്കത നിറഞ്ഞ കുട്ടിയെ പോലെയേ എനിക്ക് തോന്നിയുള്ളൂ….

അവസാനം അവളുടെ വാശി പോലെ സംഭവിച്ചു. എനിക്ക് നേഹയെ ഓർത്ത് ചെറിയ വിഷമം ഉണ്ടായിരുന്നു. പിന്നെ വേറെ നല്ല സ്ഥലത്ത് ചേർന്നതുകൊണ്ട് കാര്യങ്ങൾക്ക് ബുദ്ധിമുട്ട് ഉണ്ടായില്ല.

പക്ഷേ നമ്മുടെ മാഡത്തിൻ്റെ പഠനം വീണ്ടും കേമമായിരുന്നു. അവസാനം നിത ആൻ്റി വന്ന് എന്നോട് പറഞ്ഞു.

“ജിത്തുട്ടാ… എടാ അമ്മു നിൻ്റെ അടുത്ത് വന്നിട്ടും ഒന്നും പഠിക്കുന്നിലല്ലേഡാ…? ഇന്ന് ക്ലാസ്സ് ടീച്ചർ വിളിച്ചിട്ടുണ്ടായി. ഭയങ്കര ഉഴപ്പ് ആണെന്നാ പറഞ്ഞത്. ഞാൻ പറഞ്ഞ് തോറ്റു. ജയേട്ടനെ പെണ്ണ് കയ്യിൽ വെച്ചേക്കാണ്. അതുകൊണ്ട് നീ ഒന്നു പറഞ്ഞു നോക്ക്…നീ അല്ലേ അവളുടെ പുന്നാര ചേട്ടൻ…. നീ പറഞ്ഞാലേ അവള് കേൾക്കൂ… ഒന്ന് പറയ് ട്ടോ….”

എനിക്ക് സംഭവം മനസ്സിലായി… ഞാൻ അവളെ വിളിച്ചു കാര്യം പറഞ്ഞു. അടുത്ത ക്ലാസ് ടെസ്റ്റിന് നല്ല മാർക്ക് വാങ്ങാതെ എൻ്റെ അടുത്ത് ട്യൂഷൻ എന്ന് പറഞ്ഞു കൊഞ്ചാൻ വരണ്ട എന്ന് പറഞ്ഞു. അതോടെ ആൾ കുറച്ച് മിണ്ടാതെ ആയി. പക്ഷേ കുറച്ച് ദിവസം കഴിഞ്ഞ് ഓകെ ആയി… എൻ്റെ അടുത്ത് ട്യൂഷന് എന്ന് പറഞ്ഞു വരുന്നതിൽ മാറ്റം ഉണ്ടായില്ല. പക്ഷേ മാർക്കിൽ മാറ്റം ഉണ്ടായി.

ക്ലാസുള്ള ദിവസങ്ങളിൽ അവളിലെ കുറുമ്പ് കാണിക്കാൻ സമയപരിധി വെച്ചു. അതിന് പകരം അവധി ദിവസം മൊത്തം അവൾ എൻ്റെ നെഞ്ചത്ത് ആയിരിക്കും. ഒരു സ്ഥലത്ത് പോകാൻ സമ്മതിക്കില്ല. എന്തിന് എൻ്റെ ആകെയുള്ള 2 ഫ്രണ്ട്സിൻ്റെ അടുത്ത് പോലും പോകണമെങ്കിൽ അമ്മുൻ്റെ അനുവാദം വേണം. അറിയാതെ എങ്ങാനും പോയാൽ തീർന്നു. അവൾ വന്ന് എന്നെ അന്വേഷിക്കുമ്പോൾ കണ്ടില്ലെങ്കിൽ ഒരു അടിപിടി ഉറപ്പാണ്. പിന്നെ സാധാരണ പോലെ മയക്കി എടുക്കണം. ഇപ്പോഴും ആ കാര്യത്തിൽ യാതൊരു വിധ മാറ്റവും ഇല്ലാതെ പ്രവർത്തിക്കുന്ന വിശ്വസ്ത സ്ഥാപനമാണ് അമ്മു.