“പൈസ കൊടുത്താലും അയാൾ അച്ചുവിനെ ഒഴിവാക്കും എന്ന് തോന്നുന്നുണ്ടോ…”…സമർ ശാന്തയോട് ചോദിച്ചു…അതിനവൾക്ക് ഉത്തരമില്ലായിരുന്നു…
ഒരു നിശബ്ദത അവർക്കിടയിൽ പടർന്നു..സമർ ഫോൺ എടുത്തു…അവൻ എന്തോ തീരുമാണിച്ചുറപ്പിച്ച മട്ടിൽ ആയിരുന്നു…അവൻ ഒരാളെ വിളിച്ചു…
“കുഞ്ഞുട്ടാ…വണ്ടിയും കൊണ്ട് കോളേജിന്റെ മുൻപിലേക്ക് വാ…”…സമർ അത്രയും പറഞ്ഞിട്ട് ഫോൺ കട്ട് ചെയ്തു…എന്നിട്ട് ശാന്തയ്ക്ക് നേരെ തിരിഞ്ഞിട്ട്…
“ചേച്ചി വാ പോകാം…”..അവൻ അവളെ പിടിച്ചെഴുന്നേല്പിച്ചിട്ട് പറഞ്ഞു…
“എങ്ങോട്ടാ മോനെ..”…ശാന്ത ചോദിച്ചു..
“അതൊക്കെയുണ്ട്… വാ..”
സമർ അവരുമായി കോളേജിന് മുൻപിലേക്ക് നടന്നു…കുഞ്ഞുട്ടൻ ജീപ്പുമായി അവിടെ എത്തിയിരുന്നു…
“ചേച്ചി കയറ്…ചേച്ചിയുടെ വീട്ടിലേക്കുള്ള വഴി ഒന്ന് പറഞ്ഞുതരണെ…”…സമർ ശാന്തയോട് പറഞ്ഞു…അവൾ വഴി പറഞ്ഞുകൊടുത്തു…അവർ ശാന്തയുടെ വീട്ടിലെത്തി…
“ചേച്ചി അച്ചുവിനെ വിളിക്ക്…”…സമർ ശാന്തയോട് പറഞ്ഞു..ശാന്ത വീട്ടിനുള്ളിലേക്ക് കയറി…സമർ കുഞ്ഞുട്ടനോട് കാര്യങ്ങൾ ധരിപ്പിച്ചു അവർ വരുന്നതിനുമുമ്പ്…ശാന്ത മകളുമായി പുറത്തേക്ക് വന്നു…
“ചേച്ചിയുടെ കയ്യിൽ അയാളുടെ നമ്പർ ഉണ്ടോ…”…സമർ ശാന്തയോട് ചോദിച്ചു…ശാന്ത അതെയെന്ന് തലയാട്ടി…
“എന്നാ ചേച്ചി അയാളെ വിളിച്ചിട്ട് അച്ചുവിനേം കൂട്ടി വരാം എന്ന് പറ…”..സമർ പറഞ്ഞു…ഇത് കേട്ട് അച്ചു പേടിച്ചു…
“മോനെ..ഇവൾക്ക് വല്ലതും പറ്റിയാൽ ഞാൻ ജീവിച്ചിരിക്കില്ല…”..ശാന്ത പറഞ്ഞു..
“എന്നെയിപ്പോ മോനെ എന്നല്ലേ വിളിച്ചത്…അപ്പൊ ഇവൾ എന്റെ പെങ്ങളാണ്…പെങ്ങൾക്ക് ഒരു പ്രശ്നം വന്നാൽ ആങ്ങള നോക്കി നിക്കുമോ…ആ പ്രശ്നം ഇന്നത്തോടെ തീരും…ചേച്ചി വിളിക്ക്..”..സമർ കട്ടിയായി പറഞ്ഞു…അച്ചുവിനും ശാന്തയ്ക്കും അവന്റെ വാക്കുകൾ ധൈര്യം നൽകി…ശാന്ത അയാളെ വിളിച്ചു സംസാരിച്ചു…എന്നിട്ട്..
“അച്ചുവിനെ അയാളുടെ ഗോഡൗണിലേക്ക് കൊണ്ട് ചെല്ലാനാ പറഞ്ഞെ…അയാൾ അവിടെ ഉണ്ടത്രേ..”…ശാന്ത സമറിനോട് പറഞ്ഞു…
“ചേച്ചി ആ ന്യൂസ് ചാനൽ ഒന്ന് കണ്ടോണ്ടിരിക്കണേ…”…കുഞ്ഞുട്ടൻ ശാന്തയോട് പറഞ്ഞു..
“എന്തിനാ മോനെ…”…ശാന്ത അവനോട് ചോദിച്ചു…
“അതൊക്കെയുണ്ട്…ചുമ്മാ കണ്ടോണ്ടിരിക്കൂ…”..കുഞ്ഞുട്ടൻ ചിരിച്ചു കൊണ്ട് പറഞ്ഞു….
“അച്ചു…കയറ്… ചേച്ചി തല്ക്കാലം വരണ്ടാ… ഞങ്ങൾ പെട്ടെന്ന് വരാം…”…സമർ പറഞ്ഞു..അച്ചു ജീപ്പിൽ കയറി…സമറും കുഞ്ഞുട്ടനും കയറി…
കുഞ്ഞുട്ടൻ വണ്ടിയെടുത്തു…റോഡിലേക്കിറങ്ങി..ഗോഡൗൺ ലക്ഷ്യമാക്കി കുതിച്ചു…
“അച്ചു പേടിയുണ്ടോ…”…സമർ തിരിഞ്ഞിട്ട് അച്ചുവിനോട് ചോദിച്ചു….
“എന്റെ ആങ്ങള എന്റെയൊപ്പം ഉള്ളപ്പോ ഞാനെന്തിനാ പേടിക്കുന്നെ…”..അച്ചു തിരിച്ചു ചോദിച്ചു….അത് കേട്ട് സമറിന്റേം കുഞ്ഞുട്ടന്റേം മുഖത്ത് ഒരു പുഞ്ചിരി വന്നു…
ജീപ്പ് ഗോഡൗണിന്റെ ഗേറ്റും കടന്ന് ഉള്ളിലേക്ക് കയറി…
ഏഴെട്ടുപേർ അവിടെ നിൽക്കുന്നത് അവർ കണ്ടു…ഏഴെട്ടുപേർ എന്ന് പറഞ്ഞാൽപോരാ ഏഴെട്ട് ഫയൽവാന്മാർ…അവർ മസിലും പെരുപ്പിച്ചു ഞങ്ങൾ വരുന്നത് നോക്കി നിന്നു… കൂടെ അച്ചുവിനെ കണ്ടപ്പോ അവർക്ക് കാര്യം പിടികിട്ടി…പക്ഷെ അവർ അവരുടെ അടുത്തേക്ക് വന്നതൊന്നുമില്ല… കുഞ്ഞുട്ടൻ ജീപ്പ് നടുക്ക് തന്നെ ചവിട്ടി നിർത്തി…സമറും കുഞ്ഞുട്ടനും വണ്ടിയിൽ നിന്നിറങ്ങി…കുഞ്ഞുട്ടൻ അവരുടെ അടുത്തേക്ക് നടന്നു…
“സേട്ടന്മാരെ രാജൻ മൊയലാളി എവിടെ…”..വളരെ വിനീതത്തോടെ തോളിന്മേൽ രണ്ടും കയ്യും പിണഞ്ഞു വെച്ച് ഒന്നാക്കിയ പോലെ കുഞ്ഞുട്ടൻ ആ ഗുണ്ടകളോട് ചോദിച്ചു..അവർക്ക് അത് തീരെ ഇഷ്ടപ്പെട്ടില്ല…അവർ അവന് മറുപടിയായി ഒരിടത്തേക്ക് ചൂണ്ടിക്കാണിച്ചു…
ആ കെട്ടിടത്തിന് ചേർന്നുണ്ടാക്കിയ ഒരു മുറിയിലേക്കാണ് അവർ കൈചൂണ്ടിയത്..മൂന്നുഭാഗം ഗ്ലാസ്സുകളാലാണ് മറച്ചിരുന്നത്…അതിന് മുകളിൽ സ്റ്റിക്കർ ഒട്ടിച്ചിരുന്നത് കൊണ്ട് ഉള്ളിലെന്താ നടക്കുക എന്ന് പുറത്തുള്ളവർക്ക് മനസ്സിലാകില്ല..രാജന്റെ ഓഫീസ് മുറിയായിരുന്നു അത്…
കുഞ്ഞുട്ടൻ ഗുണ്ടകൾ കൈചൂണ്ടിക്കാണിച്ച സ്ഥലത്തേക്ക് സമറിന് ചൂണ്ടിക്കാണിച്ചു കൊടുത്തു…സമർ അച്ചുവിനെയും കൊണ്ട് ആ റൂമിന്റെ അടുത്തേക്ക് പോയി..അച്ചുവിനോട് ആദ്യം ഉള്ളിലേക്ക് കയറാൻ പറഞ്ഞു…
“ഹാ ആരിത്… വരില്ലായെന്നൊക്കെ വീരവാദം മുഴക്കി പോയിട്ട് ഇതെന്തുപറ്റി….”…അച്ചുവിനെ കണ്ടതും രാജൻ ചിരിച്ചുകൊണ്ട് പറഞ്ഞു…സമറും പിന്നാലെ കുഞ്ഞുട്ടനും ആ റൂമിലേക്ക് കയറി…
“ഇതൊക്കെയാരാ…”…ലേശം ഭയത്തോടെ രാജൻ ചോദിച്ചു…അവൾ അതിനുമറുപടി കൊടുത്തില്ല…സമറും കുഞ്ഞുട്ടനും ഒപ്പമുള്ളത് കൊണ്ട് അവൾക്ക് പേടി കുറവായിരുന്നെങ്കിലും അയാളോട് സംസാരിക്കാൻ മാത്രമുള്ള ധൈര്യം അവൾക്കില്ലായിരുന്നു…സമർ അച്ചുവിന്റെ മുന്നിലേക്ക് വന്നു…
“ഇയാളാണോ…”…സമർ അച്ചുവിനോട് ചോദിച്ചു..അച്ചു പതുക്കെ തലയാട്ടി…അവൾ തലയാട്ടുന്നത് കണ്ടതും സമർ തിരിഞ്ഞുനിന്ന് രാജന്റെ കരണം നോക്കി ഒന്ന് പൊട്ടിച്ചു…അടിയുടെ ശക്തിയിൽ മുന്പിലുണ്ടായിരുന്ന മരത്തിന്റെ മേശമേൽ രാജന്റെ മുഖം വന്ന് പതിച്ചു..രാജന്റെ മുഖത്തിന്റെ വലത്തെഭാഗത്തുള്ള നാലുപല്ല് ഒറ്റയടിക്ക് ഇളകി..അയാൾ അയാളുടെ കരണം പൊത്തിനിന്നു…
“ഇതാണ് നിന്റെ പ്രശ്നം..ഒരു കാര്യം ഡീൽ ചെയ്യാൻ നിനക്ക് അറിയില്ല….ഇങ്ങോട്ട് മാറിനിക്ക്…”…കുഞ്ഞുട്ടൻ സമറിനോട് പറഞ്ഞിട്ട് അവനെ പിന്നിലേക്ക് വലിച്ചു രാജന്റെ മുന്നിലേക്ക് കുഞ്ഞുട്ടൻ കയറി നിന്നു… രാജൻ ഒരു പ്രതീക്ഷയോടെ കുഞ്ഞുട്ടനെ നോക്കി…രാജൻ ഇമ ചിമ്മിയൊന്ന് തുറന്നതെയുള്ളൂ…കുഞ്ഞുട്ടന്റെ വലത്തേ കൈ സമർ രാജനെ അടിച്ച അതെ ഭാഗത്ത് വന്ന് പതിഞ്ഞു..രാജന്റെ ഒന്നുകൂടെ മേശയ്ക്കുമുകളിലേക്ക് ഒരു യാത്ര പോയി വന്നു…രാജൻ കരണം പൊത്തി കുഞ്ഞുട്ടനെ നോക്കി…
“അവനും തല്ലി നീയും തല്ലി…ഇതിലെന്താ വ്യത്യാസം…”…രാജൻ കുഞ്ഞുട്ടന്റെ മുഖത്തേക്ക് കാര്യം മനസ്സിലാകാത്തപോലെ ചോദിച്ചു…
“അവൻ അടിച്ചപ്പോ എങ്ങാനുണ്ടാർന്നു…”…കുഞ്ഞുട്ടൻ രാജന്റെ അരികിൽ വന്നിട്ട് ചോദിച്ചു…
“അവൻ അടിച്ചപ്പോ ഒരു പത്തുനൂറ്റമ്പത് കിളികൾ ശറേന്ന് പറഞ്ഞങ്ങ് പറന്നുപോയി…പിന്നെ ഒരു വണ്ടിന്റെ മൂളക്കം ചെവിയിൽ….”…രാജൻ കുഞ്ഞുട്ടനോട് പറഞ്ഞു….
“ഞാൻ അടിച്ചപ്പോളോ…”…കുഞ്ഞുട്ടൻ പിന്നേം രാജനോട് ചോദിച്ചു…
“കിളികളുടെ എണ്ണം കുറവുണ്ടായിരുന്നു…പിന്നെ സൗണ്ട് എഫക്ട് ഇല്ലായിരുന്നു..”…രാജൻ കുറച്ചു തെളിഞ്ഞ മുഖത്തോടെ കുഞ്ഞുട്ടനോട് പറഞ്ഞു..
“ഇപ്പൊ മനസ്സിലായില്ലേ വ്യത്യാസം എന്താണെന്ന്…ഈ നായി രണ്ടടി അടിച്ചു കഴിഞ്ഞാൽ പിന്നെ തല്ല് വാങ്ങിയവനെ തല്ലാൻ നമുക്കൊരു മൂഡ് കിട്ടില്ല…ഒരുമാതിരി ചത്തവനെ തോണ്ടി നോക്കുന്നത് പോലെ ഉണ്ടാകും…സൊ തുടക്കത്തിൽ തന്നെ നമ്മൾ കൊടുക്കാൻ തുടങ്ങിയാൽ നമ്മൾ ജീവനുള്ള ഒരു സാധനത്തിനെയാണ് തല്ലുന്നത് എന്ന ഒരു ഫീൽ കിട്ടും…സംജാ ബേട്ടാ…”…കുഞ്ഞുട്ടൻ രാജനോട് ഒരു തത്വശാസ്ത്രം പറഞ്ഞുകൊടുക്കുന്ന ലാഘവത്തോടെ പറഞ്ഞു….