ഞാൻ കേറിചെന്നു. എന്റെ അതെ പോലത്തെ മുറി തന്നെ. പിന്നെ കുറെ ചാർട്ടും, കളർ പേപ്പറും ഒക്കെ വേറൊരു ടേബിളിൽ വെച്ചിട്ടുണ്ട്. പിന്നെ കബോഡിനോട് ചേർന്ന് ഒരു ചെറിയ മേശയിൽ സോൾഡറിങ് അയണും, കുറെ ഇലക്ട്രോണിക്സ് ഐറ്റംസും. റൂമിൽ കുറെ പെയിന്റിങ്‌സ് ഒക്കെ ഒട്ടിച്ചു വെച്ചിട്ടുണ്ട്… പിന്നെ അവളും ഏതൊക്കെയോ ഫ്രണ്ട്‌സ് ഒക്കെ നിൽക്കുന്ന ഫോട്ടോസും.
” വാ..ഇവിടിരിക്ക്.. “അവൾ കട്ടിലിൽ കുറച്ചു നീങ്ങിക്കിടന്നു കൊണ്ട് പറഞ്ഞു.
ഞാൻ പോയി കട്ടിലിന്റെ ക്രാസിയിൽ ചാരി ഒരു കാൽ ബെഡിലേക്ക് നീട്ടിവെച്ചു ഇരുന്നു.
” നിനക്ക് വിശക്കുന്നില്ലേ?? “, ഞാൻ ചോദിച്ചു.
” ആ..,ചെറുതായിട്ട്…”
” എന്നാ വാ… നമുക്ക് എന്തേലും കഴിക്കാം…”
” നിക്ക്… ഇപ്പൊ പോവാം..” എന്റെ നേരെ തിരിഞ്ഞു കിടന്നുകൊണ്ട് അവൾ പറഞ്ഞു.
അവൾ തിരിഞ്ഞു കിടന്നപ്പോ ടോപ് ഒന്ന് മാറി അവളുടെ സൈഡ് വയർ ചെറുതായി കാണുന്നുണ്ട് സ്ലിറ്റിലൂടെ… അവൾ വന്നിട്ട് ടോപ് മാറ്റിയിട്ടുണ്ട്.. പാൻറ് അത് തന്നെ… ഡ്രെസ്സിന്റെ ഇടക്ക് കൂടി കാണുന്ന അവളുടെ വയറിന്റെ ഭാഗത്തിന് ഒടുക്കത്തെ ഭംഗി.. പക്ഷെ അവിടെ എന്തോ ഒരു പാട് പോലെ…
ഞാൻ ഒന്നും മിണ്ടാതായപ്പോ അവൾ എന്നെ ഒന്ന് നോക്കി..
” ഇതെന്താടീ നിന്റെ വയറിൽ ഒരു കഷ്ടപ്പാട്?? ” ഞാൻ കുസൃതിയോടെ ചോദിച്ചു.
“അതോ… അത് പണ്ട് ഞാൻ സ്കൂട്ടർ ഓടിക്കാൻ പഠിച്ചപ്പോ ഗേറ്റിലെ കമ്പി തട്ടിയതാ….” അവൾ നിസ്സാരമായി പറഞ്ഞു. അവൾ ഡ്രസ്സ് പിടിച്ചിട്ടതൊന്നും ഇല്ല. എന്തോ ഫോണിൽ ഒടുക്കത്തെ ചാറ്റിങ് ആണ്. ബോയ്‌ഫ്രണ്ട്‌ ആണോ??
” ഓക്കേ… ” അവൾ ചാടി എണീറ്റ് എന്റെ അടുത്തേക്ക് ഇരുന്നു കൊണ്ട് പറഞ്ഞു.
” എന്ത് ഓക്കേ?? ”
” അത് നാളെ ഒരു സർപ്രൈസ് ഉണ്ട്… ”
” എന്താ…?? ”
” അതൊക്കെ അങ്ങനെ പറയാൻ പറ്റുമോ….നാളെ കാണാം മോനെ… ” അവളെന്റെ കവിളിൽ പിടിച്ചു വലിച്ചു കൊണ്ട് പറഞ്ഞു.
” ഞാനേ ഡ്രസ്സ് മാറ്റിയിട്ട് വരാം…എന്നിട്ട് നമുക്ക് പുറത്തു പോയി ഫുഡടിക്കാം…” അവൾ ബെഡിൽ നിന്നും ചാടി എണീറ്റ് കബോഡിൽ നിന്നും ഒരു ടോപ് എടുത്ത് ബാത്റൂമിലേക്ക് കേറാൻ തുടങ്ങി.
” നീ ഇവിടുന്നു മാറിക്കോ… ഞാനും ഈ ടീഷർട് മാറട്ടെ…” ഞാൻ എണീറ്റ് അപ്പുറത്തെ റൂമിലേക്ക് നടന്നു.
* * * * * * * * * *
ടൗണിലെ നല്ലൊരു ഹോട്ടലിൽ ആണ് ഫുഡ് കഴിക്കാൻ പോയത്.. ചിക്കനും പൊറോട്ടയും ഫ്രൈഡ് റൈസും ഒക്കെ കഴിച്ചു ഒരു പെപ്‌സി കൂടി കുടിച്ചപ്പോ ഒരു സമാധാനം ആയി. പുറത്തേക്ക് ഇറങ്ങുമ്പോൾ അവൾ അഭിയെ വിളിച്ചു. അഭി ഡ്യൂട്ടി കഴിഞ്ഞു ഇറങ്ങാൻ നിൽക്കുകയാണ്… അവിടെ തന്നെ നിൽക്ക്, ഞങ്ങൾ ഇപ്പൊ വരാം എന്നും പറഞ്ഞു ശ്രീ വണ്ടി നേരെ അങ്ങോട്ട് വിട്ടു.
അഭിയുടെ കാർ അവിടുത്തെ ഹോസ്റ്റലിന്റെ മുന്നിലാണ് പാർക്ക് ചെയ്തിട്ടുള്ളത്. ഞങ്ങൾ ചെന്നപ്പോൾ അവൾ കാറിൽ ചാരി നിന്ന് വെള്ള കോട്ടിട്ട ഒരാളുമായിട്ട് സംസാരിക്കുകയാണ്. നല്ല ഹൈറ്റും വെയിറ്റും ഉള്ള ശരീരം. ഒരു ഡാർക്ക് റെഡ് ഷർട്ട് ബ്ലാക്ക് പാന്റ്സ്, ഇൻ ചെയ്തിട്ടുണ്ട്.. കാലിൽ ഫോർമൽ ഷൂ.. കയ്യിൽ ഒരു മെറ്റൽ സ്ട്രാപ്പ് ഉള്ള വാച്ച്.. തലയിൽ അധികം മുടി ഇല്ല… ഉള്ളത് മുടി ഇത്തിരി കളർ ചെയ്തിട്ടുണ്ട് എന്ന് തോന്നുന്നു. ഒരു ബ്രൗൺ ഷെയ്‌ഡ് അവിടവിടെ ആയി കാണാം.സ്റ്റെത് കഴുത്തിലൂടെ രണ്ടു സൈഡിലേക്ക് ആയി ഇട്ടിട്ടുണ്ട്.
ഞങ്ങൾ വരുന്നത് കണ്ടപ്പോൾ അഭി കൈ കാണിച്ചു.. എന്നിട്ട് അങ്ങോട്ട് വരാൻ പറഞ്ഞു. ഇല്ല, വണ്ടി എടുത്തിട്ട് ഇങ്ങോട്ട് വരാൻ പറഞ്ഞിട്ട് ഞങ്ങൾ കുറച്ചു മാറി കാത്തു നിന്നു.
” അതാരാ?? ” ഞാൻ ശ്രീയോട് ചോദിച്ചു. അവൾ വണ്ടി സ്റ്റാൻഡിൽ ഇട്ട് സൈഡ് ആക്കി ഒരു കാൽ നിലത്തു കുത്തി ഇരിക്കുകയാണ്.. ഞാൻ രണ്ടു കാലും ഒരേ സൈഡിലേക്കിട്ട് പതുക്കെ ആട്ടിക്കൊണ്ട് അവളുടെ പിന്നിലും…
” പതുക്കെ.. അല്ലേൽ നമ്മൾ രണ്ടും കൂടെ ആ ഓടയിൽ കിടക്കും” , അവൾ പതുക്കെ എന്റെ കയ്യിൽ അടിച്ചുകൊണ്ട് പറഞ്ഞു..
” കിടന്നാലെന്താ… ഇത് മെഡിക്കൽ കോളേജ് അല്ലെ?? ഇഷ്ടം പോലെ ഡോക്ടർമാർ കാണും നമ്മളെ നോക്കാൻ…”, ഞാൻ പറഞ്ഞു…
” മ്… എനിക്കിവിടെ കിടക്കാൻ വയ്യ… അന്നൊരു ദിവസം ഫ്രണ്ടിന്റെ അച്ഛനെ കാണാൻ വന്നിട്ട് തന്നെ എന്റെ തല കറങ്ങി… എന്തോരം ആളുകളാ ഓരോ അസുഖം ആയിട്ട്… അതിൽ തന്നെ ചിലരൊക്കെ നിലത്തൊക്കെയാ കിടക്കുന്നെ… കണ്ടാ തന്നെ നമുക്ക് സങ്കടം വരും”
” മ്… ശെരിയാ… ഞാൻ ബ്ലഡ് കൊടുക്കാൻ അവിടത്തെ മെഡിക്കൽ കോളേജിൽ പോയപ്പോഴും ഇങ്ങനെ ഒക്കെ ആണ് അവസ്ഥ…”
” നമ്മുടെ കോളേജിന് ഒരു ബ്ലഡ് ഡോണർ ഗ്രൂപ്പ് ഒക്കെ ഉണ്ട്… പിന്നെ പാർട്ടി യൂണിറ്റിന് വേറെ.. ഇവിടുന്നു എപ്പോഴും ആളുകൾ വിളിക്കാറുണ്ട്… നമ്മൾ വന്നു കൊടുക്കും…”
” നീ കൊടുക്കാറുണ്ടോ?? ”
” അത്… ഒരു പ്രാവശ്യം… എനിക്കെന്തോ പേടി ആണ്… അന്നത്തെ പ്രാവശ്യം തന്നെ ഫുൾ എടുത്തില്ല… കുറച്ചു കഴിഞ്ഞപ്പോഴേക്കും എന്നെ വിയർത്തു എന്നും പറഞ്ഞു അവർ നിർത്തി ”
” ഇത്ര തീപ്പൊരി ആയ നിനക്കു പേടിയോ?? ” ഞാൻ ചിരിച്ചു കൊണ്ട് കളിയാക്കി….
അവൾ ഒരു കപടദേഷ്യത്തോടെ എന്നെ നോക്കിയിട്ട് എന്നെ ഒന്ന് പിച്ചി… ” ഈ പറയുന്ന ആൾ എത്ര പ്രാവശ്യം കൊടുത്തിട്ടുണ്ട്?? ”
” ഞാൻ രണ്ടു മൂന്നു പ്രാവശ്യം. പിന്നെ മിക്കപ്പോഴും കൊടുക്കാൻ പറ്റിയ അവസ്ഥയിൽ അല്ലായിരിക്കും… അതാ..” ഞാൻ ചെറിയ ചിരിയോടെ പറഞ്ഞു.
” അതെന്താ…??”
ഞാൻ വെള്ളമടിക്കുന്ന സൈൻ കൈ കൊണ്ട് കാണിച്ചിട്ട് അവളെ നോക്കി കണ്ണടച്ചു….
” ഇവിടെന്താ രണ്ടും കൂടെ കഥകളി ആണോ?? ” അഭി ആണ്.. അവൾ കാർ ഞങ്ങൾക്കടുത്തു പാർക്ക് ചെയ്തു ചോദിച്ചു.
” ഏയ്… ഞങ്ങൾ ഇങ്ങനെ ഓരോ കാര്യങ്ങൾ പറഞ്ഞിരിക്കായിരുന്നു “, ഞാൻ പറഞ്ഞു…
” നീയെന്തിനാടീ ശ്രീ വിളിച്ചത്?? ” അഭി ചോദിച്ചു.
” അത്.. ഏട്ടൻ ഇവിടെ വന്നിട്ട് എവിടേം .പോയില്ലലോ… നീ ഒന്ന് കൊണ്ട് പോയി നമ്മുടെ ബീച്ച് ഒക്കെ കാണിച്ചിട്ട് വാ…”
” അതിനു ഞാൻ എന്തിനാ… നിനക്ക് ഇവന്റെ കൂടെ പൊയ്ക്കൂടേ?? ”
” ആ.. എന്റെ കൂടെ രണ്ടു ദിവസം ക്ലാസിനു വന്നതാ… അതിന്റെ ഐശ്വര്യം പറയണ്ട…”
” അതെന്താടീ….”
ശ്രീയും ഞാനും ഇരുന്നു അഭിയോട് ഫുൾ കഥ പറഞ്ഞു കൊടുത്തു… അവസാനം അഭി ചിരിയോടെ പറഞ്ഞു..
” ഇപ്പൊ മനസ്സിലായില്ലേ അവിടെ ആത്മാർത്ഥത ഉള്ള സാറുമ്മാർ ഉണ്ടെന്നു?? ”
” അത് ആത്മാർത്ഥത അല്ല, അയാൾ പണ്ട് കോളേജിൽ മറ്റേ പാർട്ടി ആയിരുന്നു… അന്നത്തെ ആ ചൊരുക്ക് ഇപ്പോഴും മാറിയിട്ടില്ല. അതാണ് ഞങ്ങളെ കണ്ടാ ഇത്ര പ്രെശ്നം. അയാൾക്കുള്ളത് ഞാൻ കൊടുക്കുന്നുണ്ട്.. നീയിപ്പോ തല്ക്കാലം ഈ സാധനത്തിനേം കൊണ്ട് എവിടേലും ഒക്കെ കറങ്ങാൻ പോ…”
അവൾ എന്നെ സ്കൂട്ടറിൽ നിന്ന് താഴേക്കു തള്ളിക്കൊണ്ട് പറഞ്ഞു…
