ആയിഷ : ഹരി ഭയങ്കര ഷൈ ആണ്..
ആയിഷ തന്റെ ഫോൺ എടുത്ത് എന്തോ തോണ്ടി അംബികക്ക് നേരെ നീട്ടി പറഞ്ഞു : മാം, ഇത് ഞങ്ങളുടെ പേർസണൽ ആണ്,, ഇങ്ങനെ ഒരു ചോദ്യം വന്നത് കൊണ്ടു മാത്രം കാണിക്കുന്നു എന്നെ ഉള്ളൂ..
ഹരി കണ്ണ് തുറിച്ചു കൊണ്ട് ആയിഷയെ നോക്കി. ഹരിക്ക് ഓർമ ഉണ്ട്, ഹോട്ടലിൽ ആയിഷ എടുത്ത തങ്ങളുടെ ചില ഫോട്ടോസ്. അന്ന് ഒന്നും ചോദിച്ചില്ല താൻ. ചോദിക്കാൻ തോന്നിയില്ല…
ഫോട്ടോ നോക്കി അംബിക ഹരിയെ കണ്ണാടിയുടെ മുകളിലൂടെ കൂർപ്പിച്ചു നോക്കി..
ഹരി നാണക്കേട് കൊണ്ട് തല താഴ്ത്തി..
ആയിഷ ചിരിച്ചു കൊണ്ട് : ഞാൻ പറഞ്ഞില്ലേ മാം, ഹി ഈസ് ഷൈ..
അംബിക ഫോൺ വേഗം ആയിഷക്ക് തിരിച്ചു കൊടുത്തു.എന്നിട്ട് പറഞ്ഞു : ഓക്കേ, ഐ ആം കൺവിൻസ്ഡ് നൗ. നിങ്ങൾക്ക് മാര്യേജുമായി മുന്നോട്ട് പോവാം, പക്ഷെ അന്വേഷണം അത് ഈ ടേബിളിൽ മാത്രം ഒതുങ്ങുന്നതല്ല.
ഹരിയും ആയിഷയും താങ്ക്സ് പറഞ്ഞു കൊണ്ട് അംബികയുടെ റൂമിൽ നിന്നും ഇറങ്ങി..
……………………………………………………….
കാറിൽ വച്ച് ആയിഷ രൂക്ഷമായി ചോദിച്ചു : നീ എന്തിനാ ഫൈസിയെ ഇതിൽ പെടുത്തിയത്.. ഹൌ ദേയർ യൂ?..
ഹരി കൂൾ ആയി : കാരണം ഉള്ളിൽ പറഞ്ഞത് തന്നാണ്. പിന്നെ അന്വേഷണം വീട്ടിൽ വന്നാൽ, അവനോട് ചോദിച്ചാൽ?.. ഞാൻ പറഞ്ഞില്ലെങ്കിലും അറിയില്ലേ..
ആയിഷ അതോടെ സൈലന്റ് ആയി..
ഹരി : മാം വെൽ പ്ലാൻഡ് ആയിരുന്നല്ലേ, ഫോട്ടോസ്….
ആയിഷ : നിനക്ക് അറിയാലോ, ഞാൻ എപ്പോഴും പത്തു പടി മുന്നിലോട്ട് ചിന്തിക്കുന്ന ആൾ ആണ് എന്ന്.
……………………………………………………….
രാത്രി ആയിഷയെ കണ്ടപ്പോൾ ഫൈസി ഒന്നേ ചോദിച്ചുള്ളൂ : ഒരാളുടെ അവസ്ഥയെ, നിസ്സഹായതയെ സ്വന്തം താല്പര്യയത്തിനു വേണ്ടി ഉപയോഗിക്കാൻ ഉമ്മാക്ക് ഇത് എങ്ങിനെയാ കഴിയുന്നത്… യൂ ആർ ഗ്രേറ്റ് ഉമ്മ… യൂ റിയലി ആർ…..
……………………………………………………….
ദിവസത്തിനകം ഓഫീസിൽ പാട്ടായി ഹരിയുടെയും ആയിഷയുടെയും വിവാഹ കാര്യം….
ഓഫീസിൽ അടഞ്ഞിരുന്ന, ഓഫീസിൽ ആർക്കും ചോദിക്കാൻ, കളിയാക്കാൻ ധൈര്യം ഇല്ലാത്തത് കൊണ്ട്, ആയിഷക്ക് ഒന്നും കേൾക്കേണ്ടി വന്നില്ല..
മറിച് ഹരിയുടെ അവസ്ഥ വളരെ പരിതാപകരമായിരുന്നു..
പല തരത്തിലുള്ള കളിയാക്കലുകൾ എല്ലാം കേട്ട് നെഞ്ച് നീറി ഒരു പുഞ്ചിരിയോടെ ഹരി മിണ്ടാതെ ഇരുന്ന് തന്റെ ജോലി ചെയ്തു….
ആരും അടുത്തില്ലാത്ത നേരത്ത് ഹരി മടിച്ചു മടിച്ചാണ് എങ്കിലും ദീപ്തിയെ കണ്ട് സോറി പറഞ്ഞു.
ദീപ്തിയുടെ കണ്ണുകളിൽ സങ്കടം ഹരി കണ്ടു. പക്ഷെ ദീപ്തി പറഞ്ഞു : ഹരി എന്തിനാ സോറി പറയുന്നേ.. ഞാൻ അല്ലെ സോറി പറയേണ്ടത്. ഞാൻ അല്ലെ ഹരിയെ ശല്യം ചെയ്തത്. എനിക്ക് മനസ്സിലക്കാം, ഹരിക്ക് മാടവുമായി ഉള്ള റിലേഷൻ പുറത്ത് പറയാൻ ഉള്ള ബുദ്ധിമുട്ട് എന്താണ് എന്ന്.
ഹരി ഇത്രക്ക് ഉദ്ദേശിച്ചില്ല എങ്കിലും, ദീപ്തിയെ തിരുത്താൻ പോയില്ല.
ദിവസങ്ങൾ കടന്നു പോയി..
രണ്ടു ദിവസമായി അഞ്ചു ആണ് ആയിഷയുടെ ഇര. തുടർച്ചയായ ചീത്ത വിളി ആസ്ഹ്യമായതോടെ അഞ്ചു തന്റെ രാജി കത്ത് കരഞ്ഞു കൊണ്ട് വീണക്ക് കൊടുത്ത് ഓഫീസിൽ നിന്നും പടി ഇറങ്ങി….
……………………………………………………….
രാത്രി അനുവിന്റെ ഫ്ലാറ്റിൽ.. കാളിങ് ബെൽ മുഴങ്ങി…..
അനു വാതിൽ തുറന്നപ്പോൾ കണ്ടത് അടിച്ചു കിളി ആയി ആടി നിൽക്കുന്ന ഹരിയെ ആണ്.
ഹരി : മാടം ഉണ്ടല്ലോ അകത്തു.. കുറച്ചു സംസാരിക്കാൻ ഉണ്ട് എനിക്ക്.
അനു എന്തെങ്കിലും പറയുന്നതിന് മുൻപ് ഹരി അകത്തു കയറി. ഹാളിൽ സോഫയിൽ തന്റെ പതിവ് സീറ്റിൽ ഗ്ലാസ് പിടിച്ചിരിക്കുന്ന ആയിഷയുടെ അടുത്തോട്ടു ആടി, അടി നടന്ന് ആയിഷയുടെ അടുത്തുള്ള സീറ്റിൽ ആയിഷയോട് ഒന്നും പറയാതെ ഹരി ഇരുന്നു.
അനുവിന്റെ ഒഴിച്ച് വച്ച ഗ്ലാസ്സ് ഒറ്റ വലിക്കു തീർത്ത് കൊണ്ട് ഹരി പറഞ്ഞു : അഞ്ജുവിനെ തിരിച്ചു എടുക്കണം.
എല്ലാം കണ്ട് അതിശയിച്ചിരുന്ന ആയിഷ തന്റെ ചൂടൻ സ്വഭാവം പുറത്ത് എടുത്തു ചോദിച്ചു : റിക്വസ്റ്റ് ആണോ അതോ ഭീഷണിയോ?…