“കല്യാണമോ നീ അതുവരെയൊക്കെ ചിന്തിച്ചോ ”
“ഞാൻ എല്ലാം പ്ലാൻ ചെയ്തു കഴിഞ്ഞു റിയാ നീ എന്റെ കൂടെ ഒന്ന് നിന്നാൽ മതി ”
ഇത് കേട്ട റിയ പതിയെ ചിരിച്ചു അവർ വീണ്ടും കായലിന്റെ ഭംഗി നോക്കി ആസ്വദിച്ചു
അല്പസമയത്തിനു ശേഷം
“സാമേ ഇങ്ങനെ നിന്നാൽ മതിയോ എനിക്ക് വിശക്കുന്നുണ്ട് ”
റിയ സാമിനോടായി പറഞ്ഞു
“അയ്യോ ഇനിയിപ്പോൾ എന്ത് ചെയ്യും നമ്മൾ കഴിക്കാൻ ഒന്നും എടുത്തില്ലല്ലോ നീ എന്താ റിയാ ഒന്നും കൊണ്ടുവരാത്തത് ”
“നീ അതിന് എന്നോട് എന്തെങ്കിലും പറഞ്ഞിരുന്നോ ദൈവമേ ഇന്ന് പട്ടിണിയാകുമോ ”
“അമ്മോ ഒന്നടങ്ങ് റിയേ ഞാൻ നിന്നെ പട്ടിണിക്കിടും എന്ന് തോന്നുന്നുണ്ടോ ദാ അത് കണ്ടോ നമ്മൾ അവിടുന്നാണ് ഇന്ന് ഭക്ഷണം കഴിക്കാൻ പോകുന്നത് ”
“എവിടുന്ന് ആ ഹൗസ് ബോട്ടിൽ നിന്നോ ”
“അതെ നീ വാ ”
“സാമേ കയ്യിൽ കാശൊക്കെ ഉണ്ടല്ലോ അല്ലേ അതൊ അന്ന് ചായ കടയിൽ കൊണ്ട് കയറിയത് പോലെ ആകുമോ കാശ് കൊടുത്തില്ലെങ്കിൽ അവര് നമ്മൾ രണ്ടിനേയും കായലിൽ മുക്കും “
“പൈസയൊക്കെ സെറ്റാ നീ വാ റിയാ ”
ഇതും പറഞ്ഞു സാം റിയയേയും കൊണ്ട് ഹൗസ് ബോട്ടിലേക്ക് കയറി
“റിയാ വാ നമുക്ക് അങ്ങോട്ടേക്കിരിക്കാം ”
സാം റിയയുമായി അടുത്ത് കണ്ട ടേബിളിനിരുവശത്തുമായി ഇരുന്നു
“റിയാ നീ ഹൗസ് ബോട്ടിൽ ഫസ്റ്റ് ടൈം ആണോ”
“ഹേയ് അല്ല സാം അച്ഛന്റെകൂടെ പണ്ട് പോയിട്ടുണ്ട് അതൊക്കെ കുറേ കാലം മുൻപാ ”
“ഉം ശെരി നീ എന്താ വേണ്ടതെന്നു വെച്ചാൽ ഓർഡർ ചെയ്തോ നല്ല വിശപ്പുണ്ടെന്നല്ലേ പറഞ്ഞത് ”
“ഓർഡറൊക്കെ നീ ചെയ്താൽ മതി ഞാൻ തിന്നു സഹായിക്കാം ”
“അതൊന്നും പറ്റില്ല നീ ഓർഡർ ചെയ്തെ പൈസയെ പറ്റിയൊന്നും നീ വിഷമിക്കണ്ട ”
ഇത് കേട്ട റിയ പതിയെ മെനു നോക്കാൻ തുടങ്ങി ശേഷം വേണ്ട ഭക്ഷണങ്ങൾ അവർ ഓർഡർ ചെയ്തു അല്പനേരത്തിനുള്ളിൽ തന്നെ ഭക്ഷണസാധനങ്ങൾ അവരുടെ ടേബിളിൽ എത്തി അവർ ഇരുവരും പതിയെ കഴിച്ചു തുടങ്ങി
അല്പസമയത്തിനു ശേഷം
“റിയാ മുഴുവനും കഴിച്ചു വയറു വീർപ്പിക്കണ്ട ഒരു സർപ്രൈസ് കൂടി ഉണ്ട് ”
ഇത് കേട്ട റിയ കഴിക്കുന്നത് നിർത്തി പതിയെ സാമിന്റെ മുഖത്തേക്കു നോക്കി
“എന്ത് സർപ്രൈസ് ”
“അതൊക്കെ ഉണ്ട് ”
ഇതും പറഞ്ഞു സാം അവിടെ നിന്നെഴുന്നേറ്റ് ഹൗസ് ബോട്ടിന്റെ കിച്ചണിലേക്ക് നടന്നു
“(അവനിതെന്താ പ്ലാൻ ചെയ്യുന്നത് )”
റിയ സാമിനെ തന്നെ നോക്കിയിരുന്നു
പെട്ടന്നാണ് കയ്യിൽ ഒരു ചെറിയ കേക്കുമായി സാം അങ്ങോട്ടേക്കെത്തിയത് ശേഷം അവൻ അത് പതിയെ ടേബിളിലേക്ക് വെച്ചു
“ഹാപ്പി ബർത്ത്ഡേ റിയാ ”
സാമിന്റെ വാക്കുകൾ കേട്ട റിയ സാമിനെ അത്ഭുതത്തോടെ നോക്കി അവളുടെ കണ്ണുകൾ പതിയെ നിറഞ്ഞു
“സാം നീ എങ്ങനെ ഇതറിഞ്ഞു ”
“അതൊക്കെ അറിഞ്ഞു നീ കരയാതെ കേക്ക് കട്ട് ചെയ്യാൻ നോക്ക് ”
ഇത്രയും പറഞ്ഞു സാം കത്തി റിയക്ക് നൽകി റിയ പതിയെ കേക്ക് കട്ട് ചെയ്ത് സാമിനു നൽകി
“സാം താങ്ക്സ് സത്യത്തിൽ ഇത് ഞാൻ തീരെ പ്രതീക്ഷിച്ചിരുന്നില്ല നീ ഓരോ തവണയും എന്നെ അത്ഭുതപ്പെടുത്തിക്കൊണ്ടിരിക്കുവാ എനിക്ക് നിന്നോടുള്ള ഇഷ്ടം കൂടി കൂടി വരുവാ സാം ഐ റിയലി ലവ് യു “
ഇത് കേട്ട സാം റിയയെ നോക്കി പതിയെ ചിരിച്ചു
“റിയാ ഒരു കാര്യം ചോദിച്ചോട്ടെ ”
“എന്താ ”
“നീ എന്നെ എപ്പോൾ മുതലാ ഇഷ്ടപ്പെട്ടു തുടങ്ങിയത് ”
“അങ്ങനെ ചോദിച്ചാൽ എനിക്ക് കൃത്യമായി അറിയില്ല നിന്നെ അന്ന് ആദ്യം ക്ലാസ്സിൽ കണ്ടപ്പൊഴെ ഞാൻ ശ്രദ്ധിച്ചിരുന്നു നീ എന്നെ തന്നെ നോക്കി ഇരിക്കുവായിരുന്നില്ലെ ”
“അപ്പോൾ ആദ്യം മുതലെ ഇഷ്ടമായിരുന്നോ ”
“അങ്ങനെ ചോദിച്ചാൽ അറിയില്ല പക്ഷെ നിന്റെ കാര്യത്തിൽ എന്തോ ഒരു താല്പര്യം ഉണ്ടായിരുന്നു പിന്നെ പെട്ടന്നല്ലെ നീ എന്നോട് വന്ന് മിണ്ടാൻ തുടങ്ങിയത് ആദ്യം ഞാൻ നന്നായി പേടിച്ചു പിന്നീട് ഞാൻ അത് ഇഷ്ടപ്പെടാൻ തുടങ്ങി ”
“ഉം വാ റിയാ കൈ കഴുകാം എന്നിട്ട് ബോട്ടിന്റെ മുകളിൽ പോകാം അവിടുന്ന് കായൽ കാണാൻ നല്ല രസമായിരിക്കും”
അല്പനേരത്തിനുള്ളിൽ തന്നെ അവർ ബോട്ടിനു മുകളിൽ എത്തി
“നല്ല കാറ്റുണ്ട് അല്ലേ സാം ”
“ഉം കൊള്ളാം ഞാൻ കരുതിയതിനേക്കാൾ സൂപ്പർ ആയിട്ടുണ്ട് ”
“സാം ഈ ദിവസം ഞാൻ ഒരിക്കലും മറക്കില്ല ഞാൻ ഇന്ന് അത്രയും ഹാപ്പിയാണ്‌ ”
അവർ പിന്നെയും ഓരോന്ന് പറഞ്ഞു സമയം കളഞ്ഞു അങ്ങനെ സമയം സന്ധ്യയോടടുത്തു
“റിയാ ദേ നോക്ക് ഞാൻ പറഞ്ഞില്ലെ വൈകുന്നേരം ഇവിടം കാണാൻ കൂടുതൽ ഭംഗിയുണ്ടാകുമെന്ന് ”
ചുമന്ന ആകാശത്തിനു കീഴിലെ കായൽ ചൂണ്ടി കാണിച്ചുക്കൊണ്ട് സാം പറഞ്ഞു
“ശെരിയാ സാം ഇവിടം കൂടുതൽ സുന്ദരമായിട്ടുണ്ട് ”
ഇത്രയും പറഞ്ഞു റിയാ സാമിനോട്‌ കൂടുതൽ ചേർന്നു നിന്നു റിയയുടെ മുഖത്തേക്ക് ഒന്ന് നോക്കിയ ശേഷം സാം പതിയെ തന്റെ ചുണ്ടുകൾ അവളുടെ മുഖത്തിനു നേര കൊണ്ടു പോയി ഇത് കണ്ട റിയ പെട്ടെന്ന് തന്നെ സാമിനെ വിട്ടുമാറി നിന്നും
“സോറി റിയാ ഞാൻ പെട്ടെന്ന് ഇനി ഉണ്ടാകില്ല സത്യം ”
ഇത് കേട്ട റിയ വീണ്ടും സാമിനടുത്തേക്കു വന്നു
“കണ്ണടക്ക് ”
“എന്തിനാ ഞാൻ സോറി പറഞ്ഞില്ലേ ”
“അടക്ക് സാമേ “
“(ദൈവമേ ഇവൾ എന്തിനുള്ള പുറപ്പാടാ )”
സാം ചെറിയ ഭയത്തോടെ തന്റെ കണ്ണുകൾ അടച്ചു അടുത്ത നിമിഷം റിയ സാമിന്റെ ചുണ്ടുകളിൽ മുത്തമിട്ടു ശേഷം പെട്ടെന്ന് തന്നെ മുന്നിലേക്ക് മാറി തിരിഞ്ഞു നിന്നും
സാം പതിയെ തന്റെ കണ്ണുകൾ തുറന്നു ശേഷം തന്റെ ചുണ്ടുകളിൽ തൊട്ടുനോക്കി
“റിയാ.. റിയാ..”
സാം പതിയെ തിരിഞ്ഞു നിന്നിരുന്ന റിയയെ വിളിച്ചു എന്നാൽ റിയ അത് കേൾക്കാത്ത മട്ടിൽ നിന്നു
“കഷ്ടമുണ്ട് റിയാ എന്തിനാ കണ്ണടക്കാൻ പറഞ്ഞത് എനിക്ക് ഒന്നും കാണാൻ പറ്റിയില്ല ”
“അങ്ങനെയിപ്പോൾ കാണണ്ട അതാ കണ്ണടക്കാൻ പറഞ്ഞത് ”
പെട്ടെന്ന് തന്നെ സാമിനു നേരെ തിരിഞ്ഞു കൊണ്ട് റിയ പറഞ്ഞു
“ഇത് ചതിയാ റിയാ പ്ലീസ് ഒന്ന് കൂടി തരുവോ ”
“ഇപ്പോ തന്നത് തന്നെ കൂടുതലാ കല്ണം കഴിയുന്നതിനുമുൻപുള്ള ആദ്യത്തേതും അവസാനത്തേതുമാ ഇപ്പോൾ കിട്ടിയത് ”
“അപ്പൊ ഇനി കല്യാണം കഴിയുന്നത് വരെ ഒന്നുമില്ലെന്നാണോ ”
“അതെ ഇല്ല ”
“ഓഹ് ഇത് ദുഷ്‌ടത്തരമാ റിയാ ”
“ഞാൻ അല്പം ദുഷ്‌ടയാ നിനക്കത് അറിയാല്ലോ എന്താ നിനക്ക് ബ്രേക്ക് അപ്പ് വേണോ ”
“ഹേയ് വേണ്ട ”
“നിനക്ക് വീണോങ്കിലും ഞാൻ തരില്ല എന്നെ വിട്ടിട്ടെങ്ങാൻ പോയാ കൊന്ന് കളയും ഞാൻ ”
“(ദൈവമേ )”
“എന്താ ആലോചിക്കുന്നെ ”
“ഹേയ് ഒന്നുമില്ല നീ വാ നമുക്ക് കുറച്ച് ഫോട്ടോസ്‌ എടുക്കാം ”
അല്പസമയത്തിനു ശേഷം
“റിയാ ദാ ഈ ഫോട്ടോ എങ്ങനെയുണ്ട് സൂപ്പർ ആയിട്ടില്ലേ ”
സാം ഫോൺ റിയക്ക് നേരെ നീട്ടിക്കൊണ്ട് പറഞ്ഞു
“ഫോട്ടോയൊക്കെ നന്നായിട്ടുണ്ട് പക്ഷെ അതൊക്കെ എന്റെ ഫോണിന്റെ ഗുണമാ ”
“അമ്മോ എന്തൊരു പൊങ്ങച്ചം ശെരിയാ നിനക്ക് ക്യാമറ സെറ്റുമുണ്ട് വലിയ വീടുമുണ്ട് പൂത്ത പണവുമുണ്ട് നമ്മളൊക്കെ പാവം ആകെ ഉള്ളത് ഈ കീ പേഡ് സെറ്റാ ”
