“സാമേ നീ ”
“അമ്മ പൊക്കോ ഞാൻ ഇപ്പോ വരാം ”
ഇത്രയും പറഞ്ഞു സാം ജൂണോയുമായി റോഡിലേക്ക് നടന്നു കുറച്ചു ദൂരം പിന്നിട്ടെങ്കിലും ഇരുവരും പരസ്പരം ഒന്നും മിണ്ടാൻ തയ്യാറായില്ല
“ജൂണോ നിനക്കൊന്നും പറയാനില്ലേ ”
ഒടുവിൽ മൗനം അവസാനിപ്പിച്ച് സാം ജൂണോയോട് ചോദിച്ചു
“സാമേ ഞാൻ നിന്റെ ചേച്ചിയെ കെട്ടുന്നതിൽ നിനക്ക് എതിർപ്പ് വല്ലതുമുണ്ടോ ”
“ഇത് കേട്ട സാം പതിയെ ചിരിച്ചു ”
“നീ എന്തിനാടാ ചിരിക്കുന്നെ ഞാൻ സീരിയസ് ആയി ചോദിച്ചതാ എനിക്കറിയാം നിനക്കിത് പെട്ടെന്ന് ഉൾക്കൊള്ളാനാകിലെന്ന് പക്ഷെ നീ ഇതിനെ കുറിച്ച് ഒന്ന് ചിന്തിച്ചു നോക്ക് ഞാൻ നിന്റെ അളിയനായിട്ട് വന്നാൽ നന്നായിരിക്കില്ലെ ”
“പിന്നേ വളരെ നന്നായിരിക്കും ”
“ടാ കോപ്പേ ഞാൻ കളിപറയുന്നതല്ല ”
“ടാ ജൂണോ സത്യത്തിൽ അന്ന് നീയും ചേച്ചിയും ഇഷ്ടത്തിലാണെന്ന് അറിഞ്ഞപ്പോൾ നിന്റെ തല മണ്ട അടിച്ചു പൊട്ടിക്കാനാണ് എനിക്ക് തോന്നിയത് പിന്നെ പിന്നെ എനിക്ക് മനസ്സിലായി നിന്നെപോലെ മറ്റാർക്കും എന്റെ ചേച്ചിയെ സ്നേഹിക്കാൻ പറ്റില്ലെന്ന് ”
“എന്തൊക്കെയാടാ നീ യീ പറയുന്നേ എനിക്കൊന്നും മനസ്സിലാകുന്നില്ല ”
മനസ്സിലായില്ലെങ്കിൽ ആകണ്ട പിന്നെ ഞാൻ കെട്ടണ്ടാ എന്ന് പറഞ്ഞാൽ നീ ചേച്ചിയെ കേട്ടാതിരിക്കോ ഇല്ല എന്ത് വന്നാലും നിങ്ങൾ കെട്ടും അപ്പോൾ പിന്നെ ഞാൻ നിങ്ങളുടെ കൂടെ നിൽക്കുന്നതല്ലെ നല്ലത് ”
“അളിയാ നീ കാര്യമായി പറഞ്ഞതാണോ ”
“അതേടാ പിന്നെ അമ്മ നന്നായി എതിർക്കും അത് കാര്യമാക്കണ്ട ചേച്ചി കുറച്ച് ദിവസം പട്ടിണി കിടക്കുമ്പോൾ തനിയെ സമ്മതിച്ചോളും ”
ഇത് കേട്ട ജൂണോ സാമിനെ വേഗം കെട്ടിപിടിച്ചു
“താങ്ക്സ് അളിയാ നീയാണ് യഥാർത്ഥ അളിയൻ ഞാൻ കരുതിയത് നീയെന്നെ തല്ലികൊല്ലുമെന്നാ “
“ഉം മതി മതി പിന്നെ എന്റെയും റിയയുടെയും കാര്യം വരുമ്പോൾ നീയോ അവളോ കാല് മാറിയാൽ ഉണ്ടല്ലോ
“ഇല്ല അളിയാ ഇന്ന് മുതൽ നിനക്കെന്റെ ഫുൾ സപ്പോർട്ടും ഉണ്ടാകും ”
“എന്നാൽ ശെരി നീ വീട്ടിൽ പൊക്കോ പിന്നെ കുറച്ച് ദിവസത്തേക്ക് അമ്മയുടെ മുന്നിൽ പെടണ്ട ”
ഇത്രയും പറഞ്ഞു സാം തന്റെ വീട്ടിലേക്ക് നടന്നു
രാത്രി സാം തന്റെ റൂമിനുള്ളിൽ
“എല്ലാം ഞാൻ വിചാരിച്ചതു പോലെ തന്നെ നടന്നു ഇനി ഒന്നും പേടിക്കാനില്ല എന്നിട്ടും എന്റെ മനസ്സിനെന്താ ഒരു സമാധാനം കിട്ടാത്തത് സാം പതിയെ കലണ്ടറിലേക്കു നോക്കി നാളെയാണ് ഞാൻ ജീവിതത്തിൽ ഏറ്റവും കൂടുതൽ വെറുത്തിരുന്ന ആ ദിവസം ” ആ ദിവസത്തിന്റെ ഓർമ്മകൾ ഓരോന്നായി വീണ്ടും സാമിന്റെ മസ്സിലേക്കു വരുവാൻ തുടങ്ങി
“ഞാൻ എന്തിനാണ് ഇപ്പോൾ ഇതെല്ലാം ഓർക്കുന്നത് അവൾ എത്ര സന്തോഷവതിയായാണ് ഇന്ന് വീട്ടിലേക്കുപോയത് എന്നിട്ടും ഞാൻ എന്തിനാണ് ഇങ്ങനെ പേടിക്കുന്നത് ”
സാം വേഗം തന്നെ റിയയുടെ ഡയറി കയ്യിലെടുത്തു
“അവൾ എന്തൊക്കെയോ എഴുതിയിട്ടുണ്ടല്ലോ ”
സാം പതിയെ അത് വായിച്ചു
“ഇന്ന് എന്റെ ജീവിതത്തിലെ ഏറ്റവും സന്തോഷം നിറഞ്ഞ ദിവസമാണ് ഇന്ന് നടന്നതെല്ലാം ഒരു സ്വപ്നമായാണ് എനിക്ക് തോന്നുന്നത് ഞാനും ആ പൊട്ടനും കൂടി ഇന്ന് ആദ്യത്തെ ഡേറ്റിനു പോയി എന്നെ അതിശയിപ്പിച്ച കാര്യം ഇന്നെന്റെ ബർത്ത്ഡേയാണെന്ന് അവൻ മനസ്സിലാക്കിയിരുന്നു എന്നതാണ് അവൻ എങ്ങനെയായിരിക്കും അത് കണ്ട് പിടിച്ചത് ഓരോ ദിവസം കഴിയും തോറും അവൻ എന്നെ കൂടുതൽ അതിശയിപ്പിക്കുകയാണ്, ജീവിതകാലം മുഴുവൻ അവൻ എന്നോടൊപ്പം ഉണ്ടാകണം എന്നതാണ് ഇപ്പോൾ എന്റെ ഏറ്റവും വലിയ ആഗ്രഹം ബർത്ത് ഡേ ഗിഫ്റ്റ് ആയി ദൈവത്തോട് ഞാൻ ചോദിച്ചതും അത് തന്നെയാണ് കൂടാതെ എന്റെ അച്ഛനും ഇന്നെന്റെ ബർത്ത് ഡേ ഓർത്തു ഞാൻ കരുതിയത് അച്ഛനത് മറന്നു പോയിട്ടുണ്ടാകും എന്നാണ് എന്നാൽ വീട്ടിൽ വന്ന യുടൻ അച്ഛൻ എന്നെ വിഷ്ചെയ്തു കൂടാതെ രാത്രി എനിക്കുവേണ്ടി ഭക്ഷണവും ഉണ്ടാക്കി തന്നു ഒരുപാട് നേരം എന്നോട് സംസാരിച്ചു ഞാൻ അന്ന് മരിച്ചിരുന്നെങ്കിൽ എനിക്കിതിനുള്ള ഭാഗ്യം ഉണ്ടാകുമായിരുന്നില്ല എല്ലാത്തിനും നന്ദി പറയേണ്ടത് സാമിനോടാണ് ഞാൻ അവനോട് ഒരുപാട് കടപ്പെട്ടിരിക്കുന്നു കൂടാതെ ഇപ്പോൾ ഞാൻ അവനെ ഒരുപാട് സ്നേഹിക്കുന്നുമുണ്ട് ഇത് എഴുതുമ്പോഴും എന്റെ മനസ്സിൽ മുഴുവൻ അവനാണ് സത്യത്തിൽ രാവിലെ മുതൽ അവന്റെ കൂടെയായിരുന്നെങ്കിലും എനിക്കിപ്പോഴും അവന്റെ ശബ്ദം കേൾക്കാൻ തോന്നുന്നുണ്ട് അവനെ ഒന്നു വിളിച്ചു നോക്കിയാലോ അല്ലെങ്കിൽ വേണ്ട സമയം ഒരുപാടായില്ലെ അവൻ ഉറങ്ങികാണും വെറുതെ അവനെ ശല്യം ചെയ്യണ്ട “