“അച്ചോടാ മോന് വിഷമമായോ എന്നാൽ ആ ഫോൺ നീ എടുത്തോ ”
“എനിക്കൊന്നും വേണ്ട നമുക്ക് ഇതൊക്കെ തന്നെ ധാരാളം നീ അങ്ങോട്ട് നിന്നെ ഞാൻ ഒരു ഫോട്ടോ കൂടി എടുത്തു തരാം “
“അതൊന്നും വേണ്ട നീ വരാൻ നോക്കിയേ നേരം ഇരുട്ടി തുടങ്ങി എനിക്ക് വീട്ടിൽ പോണം ”
“നിക്ക് റിയാ കുറച്ച് കൂടി കഴിയട്ടെ സമയം അത്രയൊന്നും ആയിട്ടില്ല ”
“എന്നാൽ മോൻ ഇവിടെ തന്നെ അങ്ങ് കൂടിക്കോ ഞാൻ പോകുവാ” ഇത്രയും പറഞ്ഞു റിയ ബോട്ടിനു താഴേക്ക് ഇറങ്ങി
“ഇവള്.. എന്തായാലും അവളിപ്പോൾ സന്തോഷവതിയാണ് ഇനി എനിക്കൊന്നും പേടിക്കാനില്ല നാളെ അരുതാത്തതൊന്നും നടക്കില്ല ഞാൻ ഭാവിയിൽ മാറ്റം വരുത്തിയിരിക്കുന്നു ”
മുഖത്ത് ചെറിയൊരു പുഞ്ചിരിയുമായി സാം താഴേക്കിറങ്ങി
“വേഗമൊന്ന് വാടാ സമയം പോയി”
തഴേക്കെത്തിയ സാമിനോടായി റിയ പറഞ്ഞു
“സമയം ഒരിടത്തും പോകില്ല അവിടെ തന്നെ കാണും ”
“ഓഹ് നല്ല വളിച്ച കോമഡി ”
“ശെരി ശെരി വാ പോകാം ”
ഇത്രയും പറഞ്ഞു സാം റിയയുമായി അവിടെ നിന്നിറങ്ങി
ഇതേ സമയം ലിസിയും ജൂണോയും
“അമ്മേ സൈക്കിൾ തള്ളി ഞാൻ മടുത്തു ഒറ്റ വണ്ടി പോലും കാണുന്നില്ലല്ലോ ചേച്ചി വരുന്ന വണ്ടികൾ ഒന്നും നിർത്തുന്നുമില്ല ”
“മിണ്ടാതെ ഇരുന്നോ എല്ലാം നീയും നിന്റെ പാട്ടവണ്ടിയും കാരണമാ മനുഷ്യന് വിശന്നിട്ടു വയ്യ ”
“ഞാൻ എന്ത് ചെയ്യാനാ ചേച്ചി ഞാൻ ചായയും വടയും വാങ്ങി തന്നില്ലേ അവിടെ വേറേ ഒന്നുമില്ല ചേച്ചി കണ്ടതല്ലേ ”
“ഓഹ് അവന്റെ ഒരു ചായയും വടയും ഇവിടെ ഒരു ഹോട്ടൽ പോലും ഇല്ലല്ലോ ദൈവമേ ഏത് കോപ്പിലെ സ്ഥലമാടാ ഇത് ”
“എനിക്കറിയാമോ ചേച്ചിടെ അനിയനോട് തന്നെ ചോദിക്ക് അവനിപ്പോൾ അവളുമായി വിലസി നടക്കുന്നുണ്ടാകും ”
“ടാ ജൂണോ ഫോൺ എടുത്ത് അവനെ വിളിക്കെടാ ”
“എന്റെ ഫോണിൽ പൈസ ഇല്ല ചേച്ചി ”
“ഓഹ് ദാരിദ്രവാസി ”
“എന്നാൽ പിന്നെ ചേച്ചി വിളിക്ക് ”
“എന്റെ ഫോൺ കംപ്ലയിന്റ് ആണെടാ ശെരിയാക്കാൻ കൊടുത്തിരിക്കുവാ ”
“അപ്പോൾ പിന്നെ വാ നടക്കാം കുറച്ചു കൂടി നടന്നാൽ ഒരു ബസ് സ്റ്റോപ്പ് ഉണ്ടെന്നല്ലേ ചായ കടയിലെ ചേട്ടൻ പറഞ്ഞത് “
“ശെരി വാ അല്ലാതെ വേറേ വഴിയില്ലല്ലോ ”
ഇത്രയും പറഞ്ഞു അവർ ഇരുവരും വീണ്ടും മുന്നോട്ടേക്കു നടന്നു പെട്ടെന്നാണ് ലിസി എന്തോ അസ്വസ്ഥത പ്രകടിപ്പിക്കാൻ തുടങ്ങിയത്
“എന്താ ചേച്ചി എന്താ പ്രശ്നം ”
“ജൂണോ ഛർദി വരുന്നെടാ ”
“എന്താ ചേച്ചി പറയുന്നേ ”
പെട്ടെന്ന് തന്നെ റോഡിന്റെ സൈഡിലേക്ക് മാറിന്ന് ലിസി ഛർദിക്കാൻ തുടങ്ങി ജൂണോ വേഗം തന്നെ ലിസിയുടെ അടുത്തേക്ക് എത്തി അവളുടെ മുതുക് തടകാൻ തുടങ്ങി
“ആ ചായയും വടയും പിടിച്ചു കാണില്ല ഇപ്പോൾ എങ്ങനെയുണ്ട് ചേച്ചി ”
ലിസി കൂടുതൽ ഛർദിക്കാൻ തുടങ്ങി
“ദൈവവമേ പ്രശ്നമായല്ലോ ”
ജൂണോ കൂടുതൽ വേഗത്തിൽ മുതുക് തടകി
“മതി ജൂണോ എനിക്ക് കുഴപ്പമില്ല ”
ലിസി പതിയെ നിവർന്നു നിന്നുകൊണ്ട് പറഞ്ഞു
ജൂണോ വേഗം തന്നെ തന്റെ സൈക്കിൾ ലോക്ക് ചെയ്ത ശേഷം ലിസിയുടെ അടുത്തേക്ക് എത്തി
“ചേച്ചിക്ക് നടക്കാൻ പറ്റുവോ ”
“ഇല്ലെടാ വല്ല വണ്ടിയും വരുന്നത് വരെ നമുക്ക് ഇവിടെ നിൽക്കാം എനിക്ക് ഒട്ടും വയ്യ ”
“ശെരി ചേച്ചി എന്റെ തോളിൽ കയറിക്കൊ ബസ് സ്റ്റോപ്പ് വരെ ഞാൻ കൊണ്ട് പോകാം ”
“നിനക്കെന്താടാ ജൂണോ എനിക്ക് നല്ല വെയിറ്റുണ്ട് ”
“സാരമില്ല ചേച്ചി ഇവിടെ നിന്നാൽ നമുക്ക് ഒരു വണ്ടിയും കിട്ടാൻ പോകുന്നില്ല അടുത്ത ബസ് വരുന്നതിനു മുൻപ് നമുക്ക് ആ ബസ് സ്റ്റോപ്പിൽ എത്തണം ചേച്ചി വന്ന് കയറിക്കെ ”
ജൂണോ നിലത്ത് താഴ്ന്നിരുന്നുകൊണ്ട് ലിസിയോട് പറഞ്ഞു
“ടാ അപ്പോ സൈക്കിളോ ”
“ഞാൻ ലോക്ക് ചെയ്തിട്ടുണ്ട് നാളെ വന്നെടുക്കാം ”
ഇത് കേട്ട ലിസി പതിയെ ജൂണോയുടെ അടുത്തേക്ക് എത്തി
“ഞാൻ കയറുവാണെ ”
ഇത്രയും പറഞ്ഞു അവൾ പതിയെ ജൂണോയുടെ പുറത്തേക്കു കയറി
“അമ്മോ.. “ജൂണോ പതിയെ ലിസിയുമായി എഴുന്നേറ്റു
“എന്താടാ നിനക്ക് പറ്റുന്നില്ലേ ”
“സാരമില്ല ചേച്ചി കുറച്ച് ദൂരമല്ലേ ഉള്ളു ”
ഇത്രയും പറഞ്ഞു ജൂണോ മുന്നോട്ടേക്കു നടന്നു
അല്പസമയത്തിനു ശേഷം ” കുഴപ്പം വല്ലതും ഉണ്ടോടാ ജൂണോ “
“ഇല്ല ചേച്ചി ചേച്ചിക്ക് എങ്ങനെയുണ്ട് ”
“കുറവുണ്ടെടാ വേണമെങ്കിൽ ഞാൻ നടക്കാം ”
“വേണ്ട നമ്മൾ ഇപ്പോ എത്തും ”
“ടാ ജൂണോ നമ്മുടെ സാമിനു വരെ ലൈനായി നിനക്ക് ആരുമില്ലേടാ ”
ലിസി ജൂണോയോടായി ചോദിച്ചു
“ഇല്ല ചേച്ചി എത്ര എണ്ണത്തിന്റെ പുറകേ നടന്നതാ ഒരുത്തിയും തിരിഞ്ഞു നോക്കിയില്ല അവസാനം ഒരുത്തി സെറ്റായി വന്നതായിരുന്നു ചേച്ചിയുടെ പുന്നാര അനിയൻ കാരണം അതും പോയി ”
ഇത് കേട്ട് ലിസി പതിയെ ചിരിച്ചു
“ചിരിച്ചോ ചിരിച്ചോ അല്ലെങ്കിലും ഞാൻ കോമഡി പീസ് അല്ലേ ”
“ഒന്ന് പോടാ നീ പൊളിയാ ജൂണോ ”
“ചേച്ചി ബസ് സ്റ്റോപ്പ് എത്തി ”
ജൂണോ പതിയെ ലിസിയുമായി ബസ് സ്റ്റോപ്പിനുള്ളിലേക്ക് കയറി ശേഷം അവളെ പതിയെ അവിടെ ഇരുത്തി
“ഇവിടെ വേറേ ആരെയും കാണുന്നില്ലല്ലോ ചേച്ചി ആർക്കും ബസിലൊന്നും പോണ്ടേ ”
“ഇവിടെ വന്നിരിക്കെടാ നടന്നു ക്ഷീണിച്ചതല്ലേ ”
ഇത് കേട്ട ജൂണോ പതിയെ ലിസിയുടെ അടുത്തിരുന്നു
“സോറിടാ നീ നല്ല കഷ്ടപ്പെട്ടു അല്ലേ ”
“സാം തന്നിട്ടുള്ള പണികൾ വച്ച് നോക്കുമ്പോൾ ഇത് ഒന്നുമല്ല, അല്ല ചേച്ചി എന്നോട് ലൈൻ ഉണ്ടോന്ന് ചോദിച്ചല്ലോ ചേച്ചിയുടെ കാര്യം പറ ഞാൻ സാമിനോട് പറയില്ല ”
“ഹേയ് അങ്ങനെയൊന്നുമില്ലെടാ ”
“ചുമ്മാ പറയാതെ ചേച്ചി സത്യം പറ ”
“അങ്ങനെ ചോദിച്ചാൽ എനിക്ക് ഒരാളെ ഇഷ്ടമാണ് ”
“അതല്ലേ ഞാൻ പറഞ്ഞത് ഇനി പറ ആരാ ആള് ”
“ആള്ക്ക് എന്നെക്കാൾ പ്രായം കുറവാണ് ”
“അമ്മോ ചേച്ചി..”
“എന്തടാ വല്ല പ്രശ്നവും ഉണ്ടോ ”
“ഹേയ് ഇല്ല അതൊക്കെ ചേച്ചിയുടെ ഇഷ്ടമല്ലേ ഇനി ആളാരാണെന്ന് പറ ”
“അത് സാമിന്റെ ഒരു കൂട്ടുകാരനാടാ എനിക്ക് കുഞ്ഞിലേ മുതൽ അറിയാം വീട്ടിലൊക്കെ വരാറുണ്ട് ആദ്യമൊക്കെ അനിയനെ പോലെയായിരുന്നു പിന്നെ എന്തോ അവനോട് ഒരു ഇഷ്ടം തോന്നിതുടങ്ങി ”
“ദൈവമേ ഏതാ അവൻ ഞാൻ അറിയാത്ത ഒരു കൂട്ടുകാരൻ അവൻ ആള് കൊള്ളാമല്ലോ സാമിന് അറിയാമോ “
“ഇല്ല സാമിന് മാത്രമല്ല ഞാൻ പറഞ്ഞ ആളിനും അറിയില്ല ”
“അപ്പോൾ അവനോടും പറഞ്ഞിട്ടില്ലേ എന്നാലും അതാരാ ”
“ജൂണോ നിനക്ക് സത്യമായും ആളെ മനസ്സിലായില്ലേ ”
“ഇല്ല ചേച്ചി ”
പെട്ടെന്നാണ് അവിടേക്ക് ബസ് വന്നത്
“ജൂണോ ദാ ബസ് വന്നു നമുക്ക് പോകാം ”
ലിസി ജൂണോയോടായി പറഞ്ഞു ശേഷം ഇരുവരും ബസിലേക്ക് കയറി പിന്നിലെ സീറ്റിൽ ഇരുന്നു ബസ് പതിയെ മുന്നോട്ടേക്കെടുത്തു
അല്പസമയത്തിനു ശേഷം
“ചേച്ചി ”
ജൂണോ പതിയെ ലിസിയെ വിളിച്ചു
“എന്തടാ ”
“അത് ചേച്ചി പറഞ്ഞ ആളുണ്ടല്ലോ അത് ഞാൻ ആണോ ”
ഇത് കേട്ട ലിസി അല്പമൊന്ന് ഞെട്ടി
“അത് ജൂണോ ”
“ഞാൻ അല്ലാതെ അവന് മറ്റേതുകൂട്ടുകാരനാ ഉള്ളത് പിന്നെ ഞാൻ അല്ലേ കുഞ്ഞുനാൾ മുതലേ നിങ്ങളുടെ വീട്ടിൽ വരുന്നത് ചേച്ചിക്ക് ആകെ അറിയാവുന്ന സാമിന്റെ കൂട്ടുകാരനും ഞാൻ അല്ലേ ”