“സിസ്റ്റർ റിയ ഇവിടെ വന്നിരുന്നോ ”
“സാം നീ വിളിച്ചതിനു പിന്നാലെ അവളിവിടെ എത്തി കൂടാതെ എല്ലാ വിവരവും അറിയുകയും ചെയ്തു കുറച്ചു മുൻപ് വരെ ഇവിടെ വലിയ ബഹളമായിരുന്നു അവൾ സമനില തെറ്റിയതു പോലെയാ പെരുമാറിയത് അവൾക്ക് അമ്മുവിനെ കാണണം എന്ന് പറഞ്ഞു എന്നാൽ ഇവരാരും അതിനനുവധിച്ചില്ല ”
“എന്നിട്ട് അവൾ എവിടെ ”
“ഞാൻ ആകുന്ന വിധത്തിൽ അവളെ ഇവിടെ പിടിച്ചു നിർത്താൻ ശ്രമിച്ചു എന്നാൽ അവൾ ഇവിടെ നിൽക്കാൻ കൂട്ടാക്കിയില്ല ഭ്രാന്ത്‌ പിടിച്ചതുപോലെ എന്നെ തള്ളി മാറ്റിയ ശേഷം അവൾ പുറത്തേക്കോടി “
ഇത് കേട്ട സാമിന്റെ കണ്ണുകൾ നിറഞ്ഞോഴുകി അവൻ പതിയെ അമ്മുവിന്റെ അമ്മയുടെ അടുത്തേക്ക് എത്തി
“റിയയുടെ മരണം കണ്ടാൽ നിങ്ങൾക്ക് സന്തോഷമാകുമോ ”
“നീ എന്തൊക്കെയാടാ ഈ പറയുന്നേ ”
“നിങ്ങളൊക്കെ മനുഷ്യമ്മാരാണോ അറിയാതെ ചെയ്തു പോയ ഒരു തെറ്റിന്റെ പേരിൽ നിങ്ങളെല്ലാം അവളെ ദ്രോഹിക്കാവുന്നതിന്റെ പരമാവധി ദ്രോഹിച്ചു ശെരിയാ അവളൊരു തെറ്റുചെയ്തു പോയി അതിൽ ഏറ്റവും കൂടുതൽ ദുഃഖിക്കുന്നതും അവൾ തന്നെയാണ്‌ നിങ്ങളുടെ മകളെ അവൾക്ക് എത്ര ഇഷ്ടമാണെന്ന് നിങ്ങൾക്കറിയാമോ അവൾ ജീവിക്കുന്നത് പോലും അവൾ ഉണരുന്നത് കാണാൻ വേണ്ടിയായിരുന്നു ഓരോ ദിവസവും അവൾ നീറി നീറിയായിരുന്നു കഴിഞ്ഞിരുന്നത് നിങ്ങൾ അവളോട് ഈ ചെയ്തതിന് നിങ്ങളുടെ മകൾ പോലും നിങ്ങളോട് പൊറുക്കില്ല നിങ്ങളെല്ലാവരും ചേർന്ന് അവളെ തള്ളി വിട്ടിരിക്കുന്നത് മരണത്തിലേക്കാ അവൾക്കെന്തെങ്കിലും സംഭവിച്ചാൽ ഒരാളെയും ഞാൻ വെറുതെ വിടാൻ പോകുന്നില്ല”
ഇത്രയും പറഞ്ഞു സാം തിരിഞ്ഞു നടന്നു പെട്ടെന്നാണ് അങ്ങോട്ടേക്കു വരുന്ന അരുണിനെ അവൻ കാണുന്നത്
“എന്തിനാടാ കോപ്പേ ഇപ്പോൾ ഇങ്ങോട്ടേക്കു കെട്ടിയെടുത്തത് അവൾ നിന്നോട് കെഞ്ചിപറഞ്ഞതല്ലെ ഒരു തവണ ഇവിടെ വരെ ഒന്ന് വരാൻ എന്നാൽ നീ അത് കേട്ടോ ഇപ്പോൾ എന്തിനാടാ വന്നത് ഹോ മരിക്കാൻ നേരം കൂടെ നിന്ന് കടമ തീർക്കണമല്ലോ അല്ലെ പൊക്കോ പോയി എല്ലാവരും ചേർന്ന് അമ്മുവിനെ പറഞ്ഞയക്കുന്നത് കാണ് ”
ഇത്രയും പറഞ്ഞു സാം മുന്നോട്ടേക്കു നടന്നു അപ്പോഴേക്കും അവന്റെ കണ്ണുകൾ നിറഞ്ഞോഴുകിയിരുന്നു അവൻ വിറക്കുന്ന കൈകളുമായി തന്റെ ഫോണിൽ റിയയുടെ നമ്പർ ഡയൽ ചെയ്തു വിളിച്ചു
“നിങ്ങൾ വിളിക്കുന്ന വ്യക്തി ഇപ്പോൾ പ്രതികരിക്കുന്നില്ല ”
സാം ഭയവും നിരാശയും കൊണ്ടലറി ശേഷം മുന്നോട്ടേക്കോടി വേഗം തന്നെ ഹോസ്പിറ്റലിനു പുറത്തേക്കെത്തിയ അവൻ റിയയുടെ നമ്പറിൽ വീണ്ടും വിളിച്ചു കൊണ്ട് മുന്നോട്ടേക്കോടി എന്നാൽ അപ്പോഴും റിയയിൽ നിന്നും യാതൊരു പ്രതികരണവും അവനു ലഭിച്ചില്ല
“ഞാൻ ഇനി എങ്ങോട്ട് പോകും എവിടെ ചെന്ന് അവളെ കണ്ടു പിടിക്കും റിയാ പ്ലീസ് ഫോൺ എടുക്ക് ”
സാം വീണ്ടും മുന്നോട്ടേക്കോടി
പെട്ടെന്നാണ് അവന്റെ ഫോൺ റിങ് ചെയ്യാൻ തുടങ്ങിയത്
“റിയ ” അവൻ പെട്ടെന്ന് തന്നെ ഫോൺ എടുത്തു
“റിയാ കേൾക്കുന്നുണ്ടോ റിയാ എന്തെങ്കിലും ഒന്ന് പറയ് ”
“സാം ”
പതിയെ അവളുടെ ശബ്ദം അവന്റെ ചെവിയിലെത്തി
“റിയാ അബദ്ധമൊന്നും ചെയ്യരുത് ”
“സാം അവർ അമ്മുവിനെ ”
“റിയ നീ എവിടെയാ റിയാ നിനക്കറിയാമോ നിന്നെ രക്ഷിക്കാൻ വേണ്ടി മാത്രമാ ഞാൻ ഇങ്ങോട്ടേക്കു വന്നത് പ്ലീസ് ഞാൻ പറയുന്നത് കേൾക്ക് നിനക്കെന്തെങ്കിലും പറ്റിയാൽ പിന്നെ ഞാനും ഉണ്ടാകില്ല പ്ലീസ് റിയാ നീ എവിടെയാ ”
പെട്ടെന്നാണ് സാം റോഡിന്റെ മറുവശത്തായി കരഞ്ഞു കൊണ്ട് നിൽക്കുന്ന റിയയെ കണ്ടത്
“റിയാ ഞാൻ നിന്നെ കണ്ടു അവിടെ തന്നെ നിൽക്ക് ”
ഇത്രയും പറഞ്ഞു സാം അങ്ങോട്ടേക്കോടി ശേഷം അവളുടെ അടുത്തേക്കെത്തിയ സാം അവളെ നെഞ്ചോട് ചേർത്തു
“എനിക്ക് നിന്നെ വീണ്ടും നഷ്‌ടപ്പെട്ടു എന്നാ ഞാൻ കരുതിയത് ”
സാം റിയയെ കെട്ടിപിടിച്ചു കരയാൻ തുടങ്ങി
“ഞാൻ മരിച്ചുകളയും എന്ന് നീ കരുതിയല്ലേ ഇല്ല സാം എനിക്കതിന് പറ്റില്ല നീ എന്നെ ഒരുപാട് സ്‌നേഹിച്ചു നിന്റെ സ്നേഹം കണ്ടില്ല എന്ന് നടിച്ചു ഞാൻ എങ്ങനെ പോകും സോറി സാം ഞാൻ നിന്നെ വീണ്ടും വേദനിപ്പിച്ചു അല്ലേ ”
“സാരമില്ല റിയാ ”
സാം പതിയെ റിയയുടെ തലമുടിയിൽ തഴുകി അവളെ ആശ്വസിപ്പിച്ചു
“സാം എന്റെ അമ്മു അവരെല്ലാം കൂടി..”
റിയക്ക് അവളുടെ വാക്കുകൾ മുഴുവിപ്പിക്കാൻ കഴിഞ്ഞില്ല
“ഇല്ല റിയാ അമ്മുവിന് ഒന്നും സംഭവിക്കില്ല ”
പെട്ടന്നാണ് സാമിന്റെ ഫോൺ റിങ് ചെയ്യാൻ തുടങ്ങിയത് സാം പതിയെ ഫോണെടുത്തു
“എന്താ സാം ”
റിയ പതിയെ സാമിനോടായി ചോദിച്ചു
“റിയാ അത്..”
പെട്ടെന്ന് തന്നെ സാമിനു ചുറ്റുമുള്ളതെല്ലാം നിശ്ചലമായി ആളുകളും വാഹനങ്ങളും അങ്ങനെയെല്ലാം
“റിയാ.. റിയാ ” സാം തനിക്കടുത്തായി നിശ്ചലയായി നിൽക്കുന്ന റിയയെ വിളിച്ചു ”
“ഇവിടെ എന്താ ഈ നടക്കുന്നത് ഇവരെല്ലാം എങ്ങനെയാ ”
“നിന്റെ ഇവിടുത്തെ സമയം അവസാനിച്ചിരിക്കുന്നു സാം “
പെട്ടെന്നാണ് ആ ശബ്ദം സാമിന്റെ ചെവിയിൽ എത്തിയത്
“അവസാനിച്ചെന്നോ നിങ്ങൾ ആരാ എന്തോക്കെയാ ഈ പറയുന്നത് ”
“എന്നെ നിനക്ക് എന്ത് വേണമെങ്കിലും വിളിക്കാം ഈ ഞാനാണ് നിന്നെ ഇങ്ങോട്ടേക്കു തിരികെ കൊണ്ട് വന്നത് ഇപ്പോൾ നീ വന്ന കാര്യം പൂർത്തിയായിരിക്കുന്നു ഇനി തിരിച്ചു പോകുവാനുള്ള സമയമാണ് ”
“തിരിച്ചുപോകാനോ എങ്ങോട്ടേക്ക് ”
“നീ വന്ന ഇടത്തേക്കു തന്നെ നിന്റെ ഭാവിയിലേക്ക് ”
“ഭാവിയിലേക്കോ ഇല്ല പറ്റില്ല ഞാൻ ഇവിടെ നിന്നോളാം ”
“പറ്റില്ല സാം നീ മടങ്ങുക തന്നെ വേണം അതാണ് നിയമം ”
“ഇല്ല എന്നോട് അല്പം ദയ കാണിക്ക് എനിക്കാ നശിച്ച ജീവിതത്തിലേക്ക് തിരികെ പോകണ്ട ഞാൻ അതിന് അനുവദിക്കില്ല ”
“നീ അനുവധിച്ചാലും ഇല്ലെങ്കിലും നിന്നെ ഞാൻ തിരികെ അയക്കുക തന്നെ ചെയ്യും പിന്നെ ഒരാളുടെ ജീവിതം നശിക്കുന്നതും നന്നാകുന്നതും അയാളുടെ പ്രവർത്തികൾ മൂലം തന്നെയാണ്‌ തിരികെ ചെന്ന് നിന്റെ ജീവിതം എങ്ങനെയാകണമെന്ന് നീ തന്നെ തീരുമാനിക്ക് ”
“ഇല്ല റിയാ എന്നെ നോക്ക് റിയാ ഞാൻ പോകുവാ റിയാ പ്ലീസ് ഒരുതവണ ഒന്ന് നോക്ക് ”
സാം നിശ്ചലയായി നിൽക്കുന്ന നിറയയെ നോക്കി കരഞ്ഞു
“സാം മടങ്ങിക്കൊള്ളു ”
അടുത്ത നിമിഷം സാം നിന്നയിടം വലിയൊരു ഗർത്തമായിമാറി അവൻ അതിനുള്ളിലേക്ക് വളരെ വേഗം പതിച്ചു
“ആാാ…”
സാം ആഴങ്ങളിലേക്ക് പതിക്കുവാൻ തുടങ്ങി
“അമ്മേ”
ആ…
സാം വേഗം തന്റെ കണ്ണുകൾ തുറന്നു
“ഞാൻ … ഞാൻ ഇതെവിടെയാ ”
കിതച്ചുകൊണ്ട് സാം ചുറ്റും നോക്കി
“ഇതെന്താ ഞാൻ ലിഫ്റ്റിനുള്ളിലാണോ ഈ ലിഫ്റ്റ്..അപ്പോൾ ഞാൻ തിരികെയെത്തിയോ ”
പെട്ടെന്ന് തന്നെ ആ ലിഫ്റ്റ് ഓപ്പണായി സാം പതിയെ ലിഫ്റ്റിനു പുറത്തേക്കിങ്ങി
“ഡോക്ടർ എത്തിയോ ഞാൻ കരുതി ഇന്ന് ഓഫ്‌ ആയിരിക്കുമെന്ന് ”
പെട്ടെന്നാണ് ഒരു നേഴ്സ് അങ്ങോട്ടേക്കെത്തിയത്
“(റിൻസി )”