ആയിരം കണ്ണുമായി 11

Aayiram Kannumayi Part 11 | Author : Fang leng

[ Previous Part ] [ www.kambi.pw ]

---

 

കുറച്ചധികം ലേറ്റായത് കൊണ്ടുതന്നെ അവസാന പാർട്ട്‌ ഒന്നുകൂടി വായിച്ച ശേഷം വായിച്ചാൽ നന്നായിരിക്കും…

അഖിൽ : കഴിച്ചോ അരമണിക്കൂറെ ഉള്ളു… ഇനി വേണമെങ്കിൽ പറയ്..

 

ശ്രുതി : ഇത് തന്നെ ഞാൻ കഴിക്കുവോ എന്ന് നോക്കട്ടെ 😁…

 

അവർ പതിയെ കഴിക്കാൻ തുടങ്ങി…

 

അല്പനേരത്തിനു ശേഷം

 

അഖിൽ : നിനക്ക് മതിയോ… ജ്യൂസ് വല്ലതും വേണോ

 

ശ്രുതി : ഹേയ് വയറ് നിറഞ്ഞു… പിന്നെ ജ്യൂസ് ബാഗിൽ ഇരിക്കുവല്ലേ

 

അഖിൽ : അപ്പോൾ പോകാം വാ

 

ഇരുവരും അല്പനേരത്തിനുള്ളിൽ ബസിലേക്ക് കയറി സീറ്റിൽ ഇരുന്നു

 

ശ്രുതി : അല്ല കയറുന്നതിനു മുൻപ് നീ എന്താ ആ ചേട്ടനോട് പറഞ്ഞെ

 

അഖിൽ : പാട്ടിടുമ്പോൾ ശബ്ദം ഒരു പൊടിക്ക് കുറക്കാൻ… നിനക്ക് ഇത്രയും സൗണ്ട് പിടിക്കുന്നില്ലല്ലോ

 

ശ്രുതി : ഇതാ ഞാൻ വരുന്നില്ല എന്ന് പറഞ്ഞത്

 

അഖിൽ : മിണ്ടാതെ കിടന്ന് ഉറങ്ങാൻ നോക്ക്.. നാളെ എല്ലായിടവും കാണേണ്ടതാ ഇല്ലെങ്കിൽ ഉറക്കം തൂങ്ങേണ്ടി വരും… എന്താടി നോക്കുന്നെ കണ്ണടച്ചു കിടന്നാൽ മതി ഉറങ്ങിക്കോളും

 

ഇത് കേട്ട ശ്രുതി പതിയെ കണ്ണുകൾ അടച്ചു ഉടൻ തന്നെ ബസ് പുറപ്പെടാൻ തുടങ്ങി ഒപ്പം മ്യൂസിക്കും ഓണായി ശ്രുതി വീണ്ടും കണ്ണുകൾ തുറന്നു

 

ശ്രുതി : ഉറങ്ങാൻ പറ്റിയത് പോലെ തന്നെ…

 

ഇത്രയും പറഞ്ഞ് അവൾ ചിരിച്ചു…

 

അഖിൽ : ആ ബാഗ് എങ്ങെടുക്ക്

 

അഖിൽ ശ്രുയുടെ കയ്യിലിരുന്ന തന്റെ ബാഗ് വാങ്ങിയ ശേഷം അതിനുള്ളിൽ നിന്നും ഒരു ഹെഡ് സെറ്റ് പുറത്തേക്ക് എടുത്തു

 

ശ്രുതി : ഈ പാട്ട് പോരാഞ്ഞിട്ട് വേറെ പാട്ട് കേൾക്കാൻ പോകുവാണോ

 

അഖിൽ : ഇത് എനിക്കില്ല നിനക്കാ അമ്മ എന്നെ ഉറക്കാൻ വേണ്ടി പാടിയ കുറച്ച് റെക്കോർടിങ്ങ്സ് ഉണ്ട് കേട്ടാൽ പെട്ടെന്ന് ഉറക്കം വരും

 

ഇത്രയും പറഞ്ഞു ഹെഡ് സെറ്റ് ഫോണിൽ കണക്ട് ചെയ്ത ശേഷം അഖിൽ അത് ശ്രുതിയുടെ ചെവിയിൽവച്ച് കൊടുത്തു..അഖിലിനെ നോക്കി ഒന്ന് ചിരിച്ച ശേഷം ശ്രുതി കണ്ണുകൾ അടച്ചു…

 

കുറച്ച് സമയത്തിന് ശേഷം അഖിൽ പതിയെ ശ്രുതിയെ നോക്കി.. അവൾ അപ്പോഴേക്കും ഉറങ്ങിയിരുന്നു

 

അഖിൽ : ഉറങ്ങിയോ… ഇവളെന്താ വായും തുറന്നു വച്ചോണ്ട് കിടക്കുന്നെ

 

അഖിൽ ചിരിച്ചുകൊണ്ടു അവളുടെ താടിയിൽ പിടിച്ചു വായ അടച്ചു ശേഷം പതിയെ ഹെഡ്സെറ്റ് ഊരി മാറ്റി… ഒപ്പം അവനും കണ്ണുകൾ അടച്ചു…

 

എപ്പോഴോ ബസ് ഒന്ന് കുലുങ്ങിഎപ്പോഴാണ് ശ്രുതി പതിയെ തന്റെ കണ്ണ് തുറന്നത് ബസ്സിലെ ലൈറ്റ് എല്ലാം ഓഫ് ആയിരുന്നു അവളുടെ തോളിൽ എന്തോ കനം തോന്നിയ ശ്രുതി സൈഡിലേക്ക് നോക്കി അഖിലിന്റെ തല തന്റെ തോളിലാണെന്ന് അതോടെ അവൾക്ക് പിടികിട്ടി അവൻ അപ്പോഴും ഉറക്കമായിരുന്നു..അവനെ നോക്കിയ ശ്രുതി പതിയെ ചിരിച്ചു ശേഷം ശ്രുതി പതിയെ ചുറ്റും നോക്കി എല്ലാവരും മയക്കമായിരുന്നു..

 

ശ്രുതി : ( ഇവൻ ഉറക്കം അഭിനയിക്കുവാണോ.. ഹേയ് കണ്ടാൽ അറിയാം നല്ല ഉറക്കമാ )

 

എന്തോ ചിന്തിച്ച ശേഷം ശ്രുതി പതിയെ തന്റെ വിരൽ കൊണ്ട് മൂക്കിൽ ഒന്ന് തൊട്ടു… ശേഷം കൈ വിരലുകൾ കണ്ണിനു നേരെ കുത്തുന്നത് പോലെ കൊണ്ടുപോയി

 

ശ്രുതി 🙁 വെറുതെ സംശയിച്ചു പാവം നല്ല ഉറക്കമാ )

 

അവൾ പതിയെ അവന്റെ തല ഒന്നുകൂടി നന്നായി തന്റെ തോളിൽ വച്ച ശേഷം വീണ്ടും കണ്ണുകൾ അടച്ചു…

 

****************

 

“ശ്രുതി… എഴുനേൽക്ക്… ശ്രുതി…”

 

അഖിലിന്റെ വിളികേട്ടാണ് ശ്രുതി കണ്ണ് തുറന്നത്

 

അഖിൽ : സ്ഥലം എത്തി എഴുനേൽക്ക്

 

ശ്രുതി പതിയെ ബസിലൂടെ പുറത്തേക്ക് നോക്കി

 

ശ്രുതി : നേരം വെളുത്തില്ലേ

 

അഖിൽ : 4 ആവാൻ പോകുന്നു… നീ എഴുന്നേൽക്ക്… ഇവിടെയാണ് സ്റ്റേ…

 

ശ്രുതി : ഈ റിസോർട്ടിലോ

 

അഖിൽ : അതെ പെണ്ണുങ്ങൾക്ക് അവിടെയും ആണുങ്ങൾക്ക് അപ്പുറത്തും