💞ആയിരം കണ്ണുമായി – 11 25

 

ഇത്രയും പറഞ്ഞു അഖിൽ മേശപുറത്ത് വച്ചിരുന്നു അവരുടെ സിഗരറ്റ് ബോക്സിൽ നിന്നും ഒന്നെടുത്തുകൊണ്ട് പുറത്തേക്ക് പോയി…

 

******************

 

പിറ്റേന്ന് രാവിലെ

 

സാർ : എല്ലാവരും വേഗം കയറിക്കേ സമയം പോയി… പ്ലാനൊക്കെ തെറ്റും വേഗമാകട്ടെ

 

എല്ലാകുട്ടികളും വേഗം സീറ്റുകളിൽ കയറി ഇരുന്നു അഖിൽ പതിയെ ശ്രുതിയുടെ അടുത്തേക്ക് ഇരുന്ന ശേഷം അവളെ നോക്കി ചിരിച്ചു

 

അഖിൽ : എന്താ ഇങ്ങനെ നോക്കുന്നെ…

 

ശ്രുതി : നീ വലിച്ചോ…

 

അഖിൽ 🙁 ദൈവമേ ഇവളിത് എങ്ങനെ )

 

ശ്രുതി : എന്താ ഒന്നും മിണ്ടാത്തെ

 

അഖിൽ : എന്ത് വലിക്കാൻ വലിക്കാൻ എന്റെ കയ്യിൽ ഒന്നും ഇല്ലല്ലോ…

 

ശ്രുതി : കള്ളം പറയരുത്… നിന്റെ ചുണ്ടിന്റെ നിറം എങ്ങനെയാ മാറിയെ…

 

അഖിൽ : അത്…

 

ശ്രുതി : നീ എന്തോ ചെയ്യ്…. വേണ്ടെന്ന് പറയാൻ ഞാൻ ആരാ

 

അഖിൽ 🙁 തുലഞ്ഞു ) ദാ നോക്ക് വെറും ഒന്നേ വലിച്ചുള്ളൂ… എനിക്ക് നല്ല ടെൻഷനായി അതാ സോറി…

 

ശ്രുതി : എന്ത് ടെൻഷൻ

 

അഖിൽ : അതാ റോണി…

 

ശ്രുതി : ഇതാ ഞാൻ പറഞ്ഞെ…എന്താ തല്ല് പിടിച്ചോ…

 

അഖിൽ : ഇല്ല നീയല്ലേ പറഞ്ഞെ പ്രശ്നം ഉണ്ടാക്കരുത് എന്ന്… സത്യം പറഞ്ഞാൽ രണ്ട് കൊടുക്കേണ്ടതായിരുന്നു.. നിന്നെ ഓരോന്നൊക്കെ ഇരുന്ന് പറയുവായിരുന്നു…

 

ശ്രുതി : ഇതാണോ വലിയ കാര്യം അവമമാർ എപ്പോഴും പറയുന്നതല്ലേ കേൾക്കാതിരുന്നാൽ പോരെ… നീയും പറഞ്ഞിട്ടുള്ളതല്ലേ എന്നിട്ട് ഞാൻ കാര്യമാക്കിയോ…..

 

അഖിൽ : ദേ പഴയ കാര്യമൊക്കെ പറഞ്ഞു വെറുതെ… അന്നെനിക്ക് അങ്ങനെ പറ്റിപോയി..

 

ശ്രുതി : അവരുടെ കാര്യവും അങ്ങനെ കണ്ടാൽ മതി… അവര് വാ വച്ച് പറയുകയേ ഉള്ളു വേറെ ഒന്നും ചെയ്യില്ല പേടിതോണ്ടമ്മാരാ..

 

അഖിൽ : അങ്ങനെ ഇപ്പോൾ അവമ്മാര് പറയണ്ട ഞാൻ കേട്ടോണ്ട് നിൽക്കില്ല…

 

ഇത് കേട്ട് ശ്രുതി പതിയെ ചിരിച്ചു…

 

കുറച്ച് മണിക്കൂറുകൾക്ക് ശേഷം പോർട്ട് കൊച്ചി…

 

“എല്ലാവരും അങ്ങോട്ടൊക്കെ പോയി കറങ്ങിയിട്ട് വാ… ഉച്ചക്ക് ഹൗസ് ബോട്ടിൽ ആയിരിക്കും ഫുഡ്‌ ”

 

സാർ അവരോടായി പറഞ്ഞു

 

അഖിൽ : നീയിത് എങ്ങോട്ടാ…

 

ശ്രുതി : ഞാൻ ബസിൽ ഇരിക്കാം… നീ പോയി കണ്ടിട്ടുവാ

 

അഖിൽ : ദേ നിന്നെയുണ്ടല്ലോ… വന്നേ അവിടെ കുറേയൊക്കെ കാണാനുണ്ട്

 

അഖിൽ അവളെയും പിടിച്ചുകൊണ്ട് മുന്നോട്ട് നടന്നു…

 

ശ്രുതി : അതെന്താ അവിടെ…

 

അഖിൽ : എന്തോ വിൽക്കുകയാണെന്ന് തോന്നുന്നു നോക്കാം…ഓഹ്.. ഇതായിരുന്നോ.. പേരെഴുതിയ മോതിരവും ബ്രേസ്ലെറ്റുമൊക്കെയാ

 

ശ്രുതി : നമ്മൾ പറയുന്ന പേര് എഴുതി തരുമോ…

 

അഖിൽ : അല്ലാതെ പിന്നെ…

 

ശ്രുതി : ചേട്ടാ എത്രയാ

 

“റിങ്ങ് 40.ബ്രേസ്ലെറ്റ് 60”

 

ശ്രുതി : രണ്ട് റിങ്ങ് ഒന്നിൽ വിമല എന്ന് എഴുതക്കോ

 

അഖിൽ : ആരാ അത്…

 

ശ്രുതി : എന്റെ അമ്മയാ…

 

“അടുത്തതിൽ എന്ത് എഴുതണം ”

 

ശ്രുതി : ആനി എന്ന് എഴുതിക്കോ…

 

അഖിൽ : നീയെന്താ ഈ…

 

ശ്രുതി : ഇതാ ചേട്ടാ പൈസ…

 

ഇത്രയും പറഞ്ഞു മോതിരങ്ങൾ വാങ്ങിയ ശ്രുതി ഒന്ന്‌ തന്റെ വിരലിൽ ഇട്ടു ശേഷം ഒന്ന്‌ അഖിലിന് നേരെ നീട്ടി

 

അഖിൽ : ഞാൻ പറഞ്ഞോ എനിക്ക് വേണമെന്ന്

 

ശ്രുതി : മര്യാദക്ക് കൈ നീട്ടിക്കോ…

 

ശ്രുതി പതിയെ അവന്റെ വിരലിൽ മോതിരം ഇട്ടുകൊടുത്തു

 

ശ്രുതി : ടീച്ചർ വേഗം വന്നോളും… വാ അങ്ങോട്ട് പോകാം

 

അവർ വീണ്ടും വഴിവക്കിൽ കച്ചവടം ചെയ്യുന്ന ഒരാളുടെ അടുത്തേക്ക് എത്തി

 

ശ്രുതി : ഇത് എത്രയാ ചേട്ടാ

 

“100”

 

ശ്രുതി : ഒന്നെടുത്തോ അത് ആ വെള്ളമതി

 

അഖിൽ : ഇതെന്താ സാധനം..വീട് ഡെക്കറേറ്റ് ചെയ്യാനുള്ളത് വലതുമാണോ?

 

ശ്രുതി : അങ്ങനെയും പറയാം ഇതാണ് ഡ്രീം കാച്ചർ ഇത് നമ്മൾ കിടക്കുന്ന റൂമിൽ തൂക്കിയിടണം അപ്പോൾ പിന്നെ നല്ല സ്വപ്നങ്ങൾ മാത്രമേ കാണുള്ളു നെഗറ്റീവ് എനർജിയെ മാറ്റിനിർത്തും എന്നാ പറയുന്നത്.