💞ആയിരം കണ്ണുമായി – 11 25

 

അഖിൽ : ഓരോ അന്ധവിശ്വാസങ്ങൾ…അല്ല നിനക്ക് എപ്പോഴും മോശം സ്വപ്നങ്ങളാണോ വരാറ്…

 

ശ്രുതി : അല്ല…

 

അഖിൽ : പിന്നെ എന്തിനാ ഇത്

 

ശ്രുതി : അതിനിത് നിനക്കല്ലേ…

 

അഖിൽ : എനിക്കോ…

 

ശ്രുതി : അതെ നിനക്കല്ലേ ഉറക്കമില്ല എന്നൊക്കെ പറയാറ് ഇത് റൂമിൽ തൂക്കിക്കോ..

 

അഖിൽ : നിനക്ക് എന്താടി… എനിക്കൊന്നും വേണ്ട… വെറുതെ പൈസ കളയാൻ

 

ശ്രുതി : നീ തന്നതൊക്കെ ഞാൻ വാങ്ങിയല്ലോ.. അതുകൊണ്ട് ഇത് പിടിക്ക്..

 

ശ്രുതി അഖിലിന്റെ കയ്യിലേക്ക് അത് നൽകി…

 

ശ്രുതി : വീട്ടിൽ കൊണ്ടുപോയി തൂക്കണം മനസ്സിലായോ… വാ പോകാം

 

അവർ മുന്നോട്ട് നടന്നു… ഉച്ചക്ക് ഹൗസ് ബോട്ടിലായിരുന്നു അവരുടെ ഭക്ഷണം… പിന്നീട് മെട്രോയിലും മാളിലുമെല്ലാം പോയശേഷം

 

അന്നേ ദിവസം രാത്രി…

 

ക്ലാസ്സ്‌ പ്രസിഡന്റ്‌ : എല്ലാവരും അങ്ങോട്ടേക്ക് പൊക്കോ അവിടെയാണ് ക്യാമ്പ് ഫയർ സെറ്റ് ചെയ്തിരിക്കുന്നെ

 

കുട്ടികൾ എല്ലാം അങ്ങോട്ടേക്ക് പോകാൻ തുടങ്ങി..

 

ശ്രുതി : ക്യാമ്പ് ഫയറൊക്കെ ഉണ്ടോ?

 

അഖിൽ : പിന്നെ ഇല്ലാതെ പാക്കേജിൽ ഉണ്ടായിരുന്നല്ലോ…

 

അവർ പതിയെ അങ്ങോട്ടേക്ക് പോയി…

 

ലൈറ്റ് കൊണ്ട് അലങ്കരിച്ച ഒരു സ്ഥലത്തിന് നടുവിലായി വിറകും മറ്റും കൂട്ടി തീ ഇട്ടിരിക്കുന്നു അതിനു ചുറ്റും അല്പം മാറി കുട്ടികൾക്ക് ഇരിക്കുവാനുള്ള സ്ഥലവും സെറ്റാക്കിയിരുന്നു

 

ശ്രുതി : കൊള്ളാമല്ലേ

 

അഖിൽ : ഉം…

 

അവർ പതിയെ അവിടെ ഇരുന്നു

 

സാർ : അപ്പോൾ ക്യാമ്പ് ഫയർ എന്താണെന്ന് അറിയാമല്ലോ… ഓരോരുത്തരായി മുന്നിൽ വന്നു അവർക്ക് അറിയാവുന്ന എന്തെങ്കിലും ചെയ്യ് പാട്ട് പാടുകയോ, ഡാൻസ് ചെയ്യുകയോ, മിമിക്രിയോ അങ്ങനെ എന്താണെങ്ങിലും രണ്ട് മൂന്ന് മണിക്കൂറെ ഉള്ളു അതുകൊണ്ട് വേഗം വേഗം വന്നു ചെയ്യ്..

 

അതോടെ ഓരോ കുട്ടികളായി വന്നു ഓരോന്ന് ചെയ്യുവാൻ തുടങ്ങി.. ബാക്കിയുള്ളവർ കൈകൊട്ടി പ്രോത്സാഹനം നൽകി

 

അഖിൽ : നീ എന്താ ചെയ്യാൻ പോകുന്നെ ശ്രുതി പാട്ടാണോ

 

ശ്രുതി : ഹേയ് അല്ല എപ്പോഴും പാടാറല്ലേ ഉള്ളു ഇന്നല്പം വെറൈറ്റി ആക്കാം

 

അഖിൽ : ഡാൻസ് കളിക്കാൻ പോകുവാണോ

 

ശ്രുതി : അതൊക്കെ കണ്ടോ..അല്ല നീ ഒന്നും ചെയ്യുന്നില്ലേ

 

അഖിൽ : ഞാൻ എന്ത് ചെയ്യാൻ എനിക്ക് ഒന്നും അറിയില്ല….

 

ശ്രുതി : ദേ ഇപ്പോൾ നോക്കിക്കോ… നന്നായിട്ട പാടുമല്ലോ

 

അഖിൽ : ഞാനോ?

 

ശ്രുതി : അല്ലാതെ പിന്നെ അന്നെനിക്ക് പാടി തന്നില്ലേ…

 

അഖിൽ : അത് പിന്നെ അന്നങ്ങ് പാടി പോയതാ.. അപ്പോൾ നീ മാത്രമല്ലേ അടുത്തുണ്ടായിരുന്നുള്ളു

 

ശ്രുതി : ഇപ്പോഴും അങ്ങനെ കരുതിയാൽ മതി ഞാൻ മാത്രമേ അടുത്തുള്ളു എന്ന് എന്നെ മാത്രം നോക്കി പാടിയാൽ മതി

 

അഖിൽ : അതൊന്നും പറ്റില്ല… നീ പോയേ…

 

ശ്രുതി : എന്നാൽ ഞാനും ഒന്നും ചെയ്യില്ല…

 

അഖിൽ : നിനക്ക് എന്താടി…

 

ശ്രുതി : പാടുവോ ഇല്ലേ…

 

അഖിൽ : നീ എന്നെ നാണം കെടുത്തുമല്ലോ… എനിക്ക് ഇതൊന്നും ശീലമില്ല…

 

ശ്രുതി : പാടുവോ ഇല്ലേ…

 

അഖിൽ : പാടം പോരെ… അവസാനം കുളമാകുമ്പോൾ ഒന്നും പറഞ്ഞോണ്ട് വന്നേക്കരുത്…

 

“അപ്പോൾ അടുത്തത് ആരാ ആരുമില്ലേ ”

 

ശ്രുതി : സാർ അഖിൽ…

 

“അഖിലോ… ശരി വേഗം വാ ”

 

ശ്രുതി : എന്നെ നോക്കി പാടിയാൽ മതി..പേടിക്കുകയൊന്നും വേണ്ട..

 

അഖിൽ പതിയെ മുന്നിലേക്ക് ചെന്ന് നിന്നു..

 

“അപ്പോൾ എന്താ ഡാൻസ് ആണോ”

 

അഖിൽ : അത്… പാട്ടാ…

 

“ശെരി പാടിക്കോ ”

 

അഖിൽ പതിയെ അവിടെ നിന്ന ശേഷം ശ്രുതിയെ നോക്കി അവൾ പതിയെ അവനെ ചിരിച്ചു കാണിച്ചു

 

അഖിൽ പതിയെ പാടി തുടങ്ങി ശ്രുതിയെ നോക്കി പാടി തുടങ്ങി

 

“🎶ഈ നിമിഷം പ്രിയ നിമിഷം നാം ഒന്ന്‌ ചേരും ശുഭനിമിഷം 🎶

 

🎶എൻ അരികിൽ നിൻ നിനവായി മഞ്ഞു പെയ്യും ഇരുനിമിഷം 🎶

 

🎶എന്റെ നെഞ്ചിൽ നിന്റെ നെഞ്ചിൽ ആരുമറിയാതെന്നുമെന്നും പീലി നീർത്തിയതാണി അനുരാഗം…🎶🎶