💞ആയിരം കണ്ണുമായി – 11 25

 

അഖിൽ : ഇത്രയും പേടിയുണ്ടായിരുന്നോ ആദ്യം ഞാൻ പോയി കാണിക്കാം എന്താ

 

ഇത്രയും പറഞ്ഞു അഖിൽ സ്ലൈഡിനുള്ളിലേക്ക് ചറുകി അല്പസമയത്തിനുള്ളിൽ അവൻ താഴെ പൂളിൽ എത്തി

 

അഖിൽ : കണ്ടോ ഒന്നുമില്ല വാ ശ്രുതി…

 

ശ്രുതി :…..

 

അഖിൽ : ഞാൻ ദാ ഇവിടെ നിക്കുവല്ലേ ഞാൻ പിടിച്ചോളാം വാ…

 

ഇത് കേട്ട ശ്രുതി പതിയെ ഉള്ളിലേക്ക് ഇറങ്ങി അല്പസമയത്തിനുള്ളിൽ വെള്ളത്തിലേക്ക് വീണ ശ്രുതിയെ അഖിൽ താങ്ങി എടുത്തു…

 

അഖിൽ : പേടി മാറിയോ…

 

ശ്രുതി പതിയെ ചിരിച്ചു… അപ്പോഴാണ് ശ്രുതിയുടെ ബനിയൻ തോളിൽ നിന്ന് അല്പം ഇറങ്ങി കിടക്കുന്നത് അവൻ കണ്ടത് അവളുടെ അവളുടെ ബ്രായുടെ സ്ട്രാപ്പും പുറത്തേക്ക് കാണാമായിരുന്നു അഖിൽ പതിയെ അവളുടെ ബനിയൻ നേരെയാക്കി…ശ്രുതി അപ്പോഴാണ് അത് ശ്രദ്ധിച്ചത് അവൾ ചമ്മലോടെ അവന്റെ കൈ തട്ടി മാറ്റി

 

ശ്രുതി : എന്താ ചെയ്യുന്നെ…

 

അഖിൽ : ഡ്രസ്സ്‌ നേരെ…

 

ശ്രുതി : എന്നോട് പറഞ്ഞാൽ മതി…

 

ഇത്രയും പറഞ്ഞു ശ്രുതി വെള്ളത്തിലൂടെ മുന്നോട്ട് പോയി…

 

അഖിൽ : ഞാൻ പിടിച്ചു തിന്നത്തൊന്നുമില്ല..

 

ശ്രുതി നാക്ക് കൊണ്ട് അവനെ ഗോഷ്ടി കാണിച്ച ശേഷം വീണ്ടും മുന്നോട്ട് പോയി…

 

ശ്രുതി : വാ നമുക്ക് ഒന്നുകൂടി മുകളിൽ നിന്ന് സ്ലൈഡ് ചെയ്യാം…ഇത്തവണ ഏറ്റവും മുകളിൽ..

 

അഖിൽ : പേടിയൊക്കെ പോയോ…

 

ശ്രുതി : എപ്പഴേ…

 

അവർ പതിയെ സ്ലൈഡിന്റെ മുകളിലേക്ക് എത്തി…

 

ശ്രുതി : അമ്മാ കയറുന്നത് ഒരു പാട് തന്നെയാ കാല് കഴക്കുവാ…

 

അഖിൽ : ശെരി സ്ലൈഡ് ചെയ്തോ…

 

ശ്രുതി : നീ പുറകിൽ ഇരിക്ക്

 

അഖിൽ : ഇതാണോ പേടി മാറിയെ…

 

ശ്രുതി : ഇരിക്ക്…

 

അഖിൽ അവളുടെ പുറകിലായി ഇരുന്നു..

 

ശ്രുതി : പിടിച്ചോ…

 

അഖിൽ അഖിൽ പതിയെ അവളുടെ വയറ്റിൽ ചുറ്റി പിടിച്ചു…

 

അഖിൽ : മതിയോ…

 

ശ്രുതി : ഉം…

 

അവർ താഴേക്ക് സ്ലൈഡ് ചെയ്തു… രണ്ട് പേരും അല്പനേരത്തിനുള്ളിൽ താഴെ എത്തി എന്നാൽ വെള്ളത്തിൽ നിന്നും പൊങ്ങിയ ശ്രുതി പതിയെ തന്റെ കണ്ണ് തീരുമാൻ തുടങ്ങി

 

അഖിൽ : എന്താ പറ്റിയെ… എന്താ ശ്രുതി

 

ശ്രുതി : വെള്ളം കണ്ണിൽ വന്നടിച്ചു

 

അഖിൽ : നോക്കട്ടെ… കണ്ണ് കാണിക്ക്…

 

അഖിൽ പതിയെ അവളുടെ കൈ മാറ്റിയെ ശേഷം കണ്ണിലേക്ക് നോക്കി… കണ്ണ് ചുമന്ന് കിടപ്പുണ്ടായിരുന്നു… അഖിൽ പതിയെ അവളുടെ കണ്ണിലേക്ക് ഊതുവാൻ തുടങ്ങി… ശ്രുതിയുടെ ചുണ്ടുകൾ പതിയെ വിറക്കാൻ തുടങ്ങി ശ്വാസം വേഗത്തിലായി അഖിലും പതിയെ അവളുടെ മുഖത്തേക്ക് നോക്കി ശ്രുതി അല്പനേരം അങ്ങനെ നിന്ന ശേഷം പെട്ടെന്ന് അവനെ വിട്ടുമാറി…

 

ശ്രുതി : ശരിയായി…

 

അഖിലും പെട്ടെന്ന് ബോധത്തിലേക്ക് തിരിച്ചു വന്നു…

 

********

 

അന്ന് രാത്രി ഭക്ഷണത്തിന് ശേഷം മടക്കയാത്രക്കായി എല്ലാവരും ബസിലേക്ക് കയറി

 

ശ്രുതി : നല്ല താമസിച്ചു അല്ലേ…

 

അഖിൽ : ഉം… വൈകി… അല്ല ട്രിപ്പ് എങ്ങനെയുണ്ടായിരുന്നു

 

ശ്രുതി : സൂപ്പറായിരുന്നു.. ഞാൻ ആദ്യമായി അല്ലേ ഇങ്ങനെ.. അതുകൊണ്ട് ഒരുപാട് ഇഷ്ടപ്പെട്ടു..

 

അഖിൽ : കണ്ടോ… ഇപ്പോൾ വരുന്നില്ല എന്ന് പറഞ്ഞ് ഇരുന്നെങ്കിലോ… അന്ന് എന്നെ എന്തൊക്കെയാ പറഞ്ഞെ… ഇന്ന് പൂളിലും അങ്ങനെ തന്നെ… നീ ഏറ്റവും കൂടുതൽ ഹാപ്പിയായിരുന്നത് പൂളിലായിരുന്നു എന്നാ എനിക്ക് തോന്നുന്നെ..

 

ശ്രുതി : സോറി.. പോരെ… നീ പറഞ്ഞത് സത്യമാ പൂളിൽ നല്ല രസമായിരുന്നു… ഇപ്പോഴും വെള്ളത്തിലാണെന്നാ എനിക്ക് തോന്നുന്നെ..

 

അഖിൽ : കുറേ നേരത്തേക്ക് അങ്ങനെയായിരിക്കും…

 

അപ്പോഴേക്കും ബസ് എടുത്തു…

 

അഖിൽ : ഉറങ്ങിക്കോ തളർന്നിരിക്കുവല്ലേ..

 

ശ്രുതി പതിയെ കണ്ണുകൾ അടച്ചു…ഒപ്പം അഖിലും..

 

കുറച്ച് മണിക്കൂറുകൾക്ക് ശേഷം തോളിൽ എന്തോ ഭാരം അനുഭവപ്പെട്ട അഖിൽ പതിയെ കണ്ണ് തുറന്നു അപ്പോൾ ശ്രുതിയുടെ തല അവന്റെ തോളിലായിരുന്നു വണ്ടി ഒന്ന്‌ കുലുങ്ങിയതോടെ അവൾ വീണ്ടും ഒന്ന്‌ ചരിഞ്ഞു സീറ്റിൽ തല വച്ച് കിടന്നു അപ്പോഴും അവൾ കുലുങ്ങുന്നുണ്ടായിരുന്നു അവൻ അല്പനേരം അവളെ നോക്കിയിരുന്നു ബസിൽ മറ്റെല്ലാവരും നല്ല ഉറക്കമായിരുന്നു… അഖിൽ പതിയെ അവളുടെ കവിളിൽ ചെറുതായി മുത്തമിട്ടു ശേഷം അവളുടെ തല തന്റെ തോളിലേക്ക് തന്നെ തിരികെ വച്ചു ശേഷം അവൻ വീണ്ടും കണ്ണുകൾ അടച്ചു… പെട്ടെന്നാണ് ശ്രുതി തന്റെ കണ്ണുകൾ തുറന്നത് അവൾ സ്വയം തന്റെ കവിളിലേക്ക് ഒന്ന്‌ തൊട്ട ശേഷം കണ്ണടച്ചു കിടക്കുന്ന അഖിലെ നോക്കി