💞ആയിരം കണ്ണുമായി – 11 25

 

അഖിൽ : നഖം വേട്ടാറായി കേട്ടോ എന്റെ കൈ ദാ മുറിഞ്ഞു…

 

ശ്രുതി : അത് പിന്നെ… നീ എന്തിനാ കൈ എടുത്ത് അവിടെ വച്ചേ…

 

അഖിൽ : ഇപ്പോൾ കുറ്റം എനിക്കായോ..

 

ശ്രുതി : ഇനി എന്റെ അടുത്ത് ഇരിക്കണ്ട പോരെ…

 

ഇത് കേട്ട അഖിൽ പതിയെ ചിരിച്ചു…

 

അഖിൽ : ടി ഷർട്ട് വല്ലതും ഉണ്ടോ… അകത്തേക്ക് പോകുമ്പോൾ അത് വേണം ഇടാൻ

 

ശ്രുതി ഒന്നും മിണ്ടിയില്ല…

 

അഖിൽ : കാണില്ല എനിക്ക് അറിയാം…

 

ഇത്രയും പറഞ്ഞു അഖിൽ തന്റെ ബാഗിൽ നിന്നും ഒരു കറുത്ത ബനിയനും… ബെർമുഡയും ശ്രുതിക്ക് നേരെ നീട്ടി..

 

അഖിൽ : അവിടെയാ സ്ത്രീകളുടെ ഡ്രെസ്സിങ്ങ് റൂം പോയി മാറ്റിയിട്ടു വാ

 

ശ്രുതി : ഇതിടാനോ… എനിക്കൊന്നും വയ്യ

 

അഖിൽ : എടി റൈഡിൽ ഒക്കെ കയറണ്ടേ…

 

ശ്രുതി : ഞാൻ ഒന്നുമില്ല… കാലിന് പണി കിട്ടും…

 

അഖിൽ : ശരി എന്നാലും പൂളിൽ ഇറങ്ങണ്ടെ

 

ശ്രുതി : എനിക്ക് നീന്താൻ ഒന്നും പറ്റില്ല എന്ന് അറിയില്ലേ

 

അഖിൽ : നീന്താൻ ഇത് പുഴയൊന്നുമല്ല നിന്റെ തോളുവരെ വെള്ളം കാണു

 

ശ്രുതി : ഇല്ലടാ ഞാൻ അവിടെ കണ്ടോണ്ട് ഇരുന്നോളാം നിങ്ങളൊക്കെ ഇറങ്ങിക്കോ

 

അഖിൽ : ഇവള്… നീ ഇറങ്ങണ്ട പക്ഷെ ഇതിട്… എങ്കിലെ പൂളിന്റെ അങ്ങോട്ട് പോകാൻ പറ്റു…

 

ശ്രുതി : അങ്ങനെയാണോ…

 

അഖിൽ : അതെ ഇട്ടിട്ട് വാ…

 

ശ്രുതി മടിച്ചു മടിച്ചു ഡ്രെസ്സിങ്ങ് റൂമിലേക്ക് കയറി…

 

അല്പസമയത്തിന് ശേഷം

 

ശ്രുതി : പാന്റിന് ഇറക്കം കുറവാണോ

 

അഖിൽ : മുട്ടിന് താഴെ വരെയില്ലേ…ഓരോരുത്തര് ഇട്ടിരിക്കുന്നത് കണ്ടാൽ…

 

ശ്രുതി : ദേ അവിടെ ചെന്നിട്ട് പെണ്ണുങ്ങളുടെ വായിനോക്കി ഒന്നും വാങ്ങിച്ചു പിടിക്കരുത്… ഓരോരുത്തർ ഇട്ടിരിക്കുന്നതിലാ നോട്ടം…

 

അഖിൽ : ഹോ… എന്ത് പറഞ്ഞാലും പ്രശ്നം ആണല്ലോ

 

കുറച്ച് സമയയത്തിന് ശേഷം റൈഡുകളും മറ്റുമുള്ള ഇടത്തേക്ക് എത്തിയ ശ്രുതി സാധാരണ ഡ്രസ്സുകൾ ഇട്ടുകൊണ്ടു നിൽക്കുന്ന കുറച്ച് പേരെ ശ്രദ്ധിച്ചു

 

ശ്രുതി : നീ എന്നോട് കളളം പറഞ്ഞതാ അല്ലേ…

 

അഖിൽ : എന്ത് കള്ളം

 

ശ്രുതി : സാധാരണ ഡ്രസ്സ്‌ ഇട്ടാൽ കയറ്റില്ലെന്ന്

 

അഖിൽ : മുൻപ് ഞാൻ വന്നപ്പോൾ അങ്ങനെയായിരുന്നു ഇപ്പോൾ മാറ്റിയതായിരിക്കും…

 

ശ്രുതി : ദേ കളിക്കല്ലേ അഖിലെ…നീ മനഃപൂർവം ചെയ്തതാ…

 

അഖിൽ : അതെ.. മനഃപൂർവമാ… സാധാരണ ഡ്രസ്സ്‌ ഇട്ടാൽ പൂളിൽ ഇറങ്ങാൻ പറ്റില്ല… അവർക്കൊന്നും ഇറങ്ങാൻ താല്പര്യം കാണില്ല അതാ ഇടാത്തത്…

 

ശ്രുതി : എനിക്കും താല്പര്യമില്ല… ഞാൻ പറഞ്ഞില്ലേ

 

അഖിൽ : ഇതുവരെ വന്നിട്ട് പിന്നെ…

 

ശ്രുതി : നീ പോയേ എനിക്ക് പറ്റില്ല…

 

അഖിൽ : ശെരി ഇറങ്ങണ്ട പോരെ… നീ വാ നമുക്ക് ഒന്ന്‌ എല്ലായിടത്തും പോയി നോക്കാം അധികം സ്പീഡ് ഇല്ലാത്ത റെയ്‌ഡ്‌ വല്ലതും ഉണ്ടെങ്കിൽ നിനക്ക് കയറാല്ലോ…

 

അവർ പതിയെ മുന്നോട്ട് നടന്നു ഗോസ്റ്റ് പാലസിലും ചെറിയ ചെറിയ റെയ്‌ഡടുകളിലും മറ്റും കയറിയ അവർ ഉച്ചക്ക് മറ്റുള്ളവരോടൊപ്പം അവിടെ നിന്നു തന്നെ ഭക്ഷണവും കഴിച്ചു…

 

ശ്രുതി : നീ എന്താ റൈഡിൽ ഒന്നും കയറാത്തെ ഞാൻ ഇവിടെ ഇരുന്നോളാം നീ പോയി കയറ്…

 

അഖിൽ : എനിക്ക് ഈ റെയ്‌ഡ്‌ ഒന്നും വലിയ ഇന്ട്രെസ്റ് ഇല്ല… എന്തായാലും പൂളിൽ ഇറങ്ങാം നല്ല ചൂടല്ലേ ബാക്കിയുള്ള സമയം വെള്ളത്തിൽ കിടക്കാം… നീ ഇറങ്ങുന്നുണ്ടോ?

 

ശ്രുതി : ഹേയ് ഞാൻ ഒന്നുമില്ല… ഞാൻ അവിടെ ഇരുന്നോളാം പൂളിന്റെ സൈഡിലെ ഇരിപ്പിടം ചൂണ്ടി ശ്രുതി പറഞ്ഞു

 

ശെരി അങ്ങോട്ട് പോകാം അവർ പതിയെ പൂളിന് അടുത്തേക്ക് എത്തി

 

അഖിൽ : ആഴം കുറവാടി നല്ല രസമായിരിക്കും… നീ വരുന്നോ…

 

ശ്രുതി : ഞാൻ ഇല്ല എന്ന് പറഞ്ഞില്ലേ…

 

അഖിൽ : ഉം ശെരി നിനക്ക് ഇവിടുത്തെ ടിക്കറ്റ് ചാർജ് നഷ്ടമാ

 

ശ്രുതി : സാരമില്ല…

 

അഖിൽ : ഇവിടെ ഇരുന്നോളോ… ഞാൻ പൊക്കോട്ടെ…