💞ആയിരം കണ്ണുമായി – 11 25

 

🎶മലരേ മാൻമിഴിയാളെ ഉയിരിൻ പെയ്ത കിനാവേ നീ എന്നോടെന്നും ഇഷ്ടം കൂടാമോ ഓ…. 🎶

 

അഖിൽ പാടുന്നത്തിനോടൊപ്പം പല കുട്ടികളും എഴുനേറ്റ് ഡാൻസ് കളിക്കുവാനും തുടങ്ങി അവരോടൊപ്പം അഖിലും ഡാൻസ് കളിച്ചു..ഒടുവിൽ പാട്ട് നിർത്തിയ അവൻ തിരികെ ശ്രുതിയുടെ അടുത്തേക്ക് ചെന്നിരുന്നു എല്ലാവരും നിർത്താതെ അവനു കൈ അടിച്ചു

 

തിരികെ എത്തിയ അഖിൽ ശ്രുതിയുടെ മുഖത്തേക്ക് നോക്കി

 

അഖിൽ : എന്താ കൊള്ളാമായിരുന്നോ

 

ശ്രുതി : കയ്യടി കേട്ടില്ലേ… ഇനി ഞാൻ പറയണോ

 

അഖിൽ : പിന്നെ വേണ്ടേ ഞാൻ നിനക്ക് വേണ്ടിയാ പാടിയെ…

 

ശ്രുതി : വേറെ പാട്ടൊന്നും കിട്ടിയില്ലെ…

 

അഖിൽ : ഈ പാട്ടിന് എന്താ പ്രശ്നം

 

ശ്രുതി : പാട്ടിന് പ്രശ്നം ഒന്നുമില്ല നീ എന്നെ തന്നെ നോക്കിയല്ലേ പാടിയെ… അത് കുറേ പേരൊക്കെ ശ്രദ്ധിച്ചു.

 

അഖിൽ : നീ തന്നെയല്ലേ നിന്നെ നോക്കി പാടാൻ പറഞ്ഞെ… അല്ല ആരെങ്കിലും ശ്രദ്ധിച്ചാൽ തന്നെ ഇപ്പോൾ എന്താ..

 

ശ്രുതി : അല്ല അവര് വെറുതെ തെറ്റിദ്ധരിക്കില്ലേ…

 

അഖിൽ : എന്തെന്ന് തെറ്റിദ്ധരിക്കുംമെന്ന്..

 

ശ്രുതി : ഒന്നുമില്ല പോരെ…

 

അഖിൽ : ഇനിയിപ്പോൾ എന്തെങ്കിലും തെറ്റിദ്ധരിച്ചാലും അതൊന്നും കാര്യമാക്കാത്ത ആളല്ലേ നീ… അങ്ങനെയല്ലേ എപ്പോഴും പറയാറ്.

 

ശ്രുതി : അതെ എനിക്ക് ഒരു പ്രശ്നവും ഇല്ല പോരെ…

 

“അടുത്തത് ആരാ ”

 

അഖിൽ : ശ്രുതി നീ പോ…

 

ശ്രുതി പതിയെ അവിടെ നിന്നും എഴുനേറ്റ് മുന്നോട്ട് ചെന്നു നിന്നു

 

ശ്രുതി : ഞാൻ പാട്ടുപാടുന്നതും ഡാൻസ് ചെയ്യുന്നതുമൊക്കെ എല്ലാവരും കണ്ടിട്ടുണ്ടാകുമല്ലോ അതുകൊണ്ട് ഇന്ന് അല്പം വെറൈറ്റി ആക്കാം.. ഞാൻ അല്പം മിമിക്രി കാണിക്കാം.. ഞാൻ എനിക്ക് പറ്റുന്ന കുറച്ച് പേരെ അനുഗരിക്കാം സിനിമാ നടൻമാരെയോ നടിമാരെയോ ഒന്നുമല്ല നമ്മുടെ ക്ലാസ്സിലും കോളേജിലുമൊക്കെ ഉള്ള കുറച്ച് പേരെ.. തെറ്റൊക്കെ സംഭവിക്കാം എന്നാലും ഞാൻ ശ്രമിക്കാം.

 

ശ്രുതി പതിയെ മിമിക്രി തുടങ്ങി

 

ശ്രുതി : ആദ്യം തന്നെ നമ്മുടെ പ്രിൻസിപ്പൽ സാറിനെ അനുകരിക്കാം “ഉം… ഏത് ക്ലാസ്സാ എന്നാ പറഞ്ഞെ… ഓഹ് ഐ സീ… സൈൻ വേണോ… എന്തിനാ ഇപ്പോൾ സൈൻ… സന്തോഷേ ആ സീൽ ഇങ്ങ് കൊണ്ടുവന്നേ…സീൽ ഒരെണ്ണം മതിയോ അതോ അഞ്ചാറെണ്ണം വേണോ ”

 

ശ്രുതി പ്രിൻസിപലിന്റെ മാനറിസത്തിൽ അയാൾ പറയുന്ന രീതീൽ സംസാരിക്കാൻ തുടങ്ങി…

 

ഇത് കേട്ട കുട്ടികൾ എല്ലാം ചിരിക്കാനും

 

ശ്രുതി : ഒക്കെ അടുത്തത് നമ്മുടെ ഷിബു സാർ..

 

അവിടെ ഉണ്ടായിരുന്ന സാറിനെ നോക്കിയ ശേഷം ശ്രുതി പറഞ്ഞു..

 

ശ്രുതി : “നോൺസൻസ്… നിങ്ങൾക്കൊന്നും ബുദ്ധിയില്ലേ… ഇങ്ങനെയാണോ അസൈൻമെന്റ് എഴുതുക.. സ്റ്റുപ്പിഡ്സ്… അപ്പോൾ സപ്പോളാർ ലോ പ്രഷർ ബെൽറ്റാ പിന്നെ സബ്കോണ്ടിനന്റൽ ഹൈപ്രഷർ ബെൽറ്റാ… മനസ്സിലാകുന്നുണ്ടല്ലോ അല്ലേ…”

 

സാറിനെ അനുകരിക്കുന്നതെല്ലാം കണ്ട് കുട്ടികൾ ചിരിച്ചു മറിയാൻ തുടങ്ങി

 

അഖില് : ഇവള് 🤣…

 

അല്പനേരത്തിന് ശേഷം ശ്രുതി പതിയെ തിരികെ ചെന്നിരുന്നു

 

ശ്രുതി : എപ്പടി ഇരുക്ക്…

 

അഖിൽ : ഇതൊക്കെ കയ്യിൽ ഉണ്ടായിരുന്നു അല്ലേ…

 

ശ്രുതി : പിന്നില്ലാതെ എല്ലാം ഉണ്ട്…

 

അഖിൽ : അല്ല എന്നെ അനുകരിക്കാത്തതെന്താ… ലക്ഷ്മിയെയൊക്കെ അനുകരിച്ചല്ലോ…

 

ശ്രുതി : നിന്നെ അനുകരിക്കാൻ ഈ സമയം ഒന്നും പോര… ഓരോ സമയം ഓരോ മോഡ് ആല്ലേ…

 

അഖിൽ : ഓഹ്.. എനിക്കിട്ടും വച്ചു അല്ലേ

 

ശ്രുതി : സത്യമല്ലേ പറഞ്ഞെ…

 

അല്പസമയത്തിന് ശേഷം അവിടെ സ്‌പീക്കറിൽ പാട്ട് ഓണായി എല്ലാവരും തീക്ക് ചുറ്റും നിന്ന് ഡാൻസ് ചെയ്യാനും തുടങ്ങി…അഖിലും ശ്രുതിയും ബാക്കിയുള്ളവരോടൊപ്പം കൂടി… എല്ലാവരും മതിമറന്നു ഡാൻസ് കളിക്കാൻ തുടങ്ങി പെട്ടെന്നാണ് ശ്രുതിയുടെ സ്റ്റിക്കിന്റെ ബാലൻസ് ചെറുതായി തെറ്റിയത് അവൾ കാല് തെറ്റി തീയിലേക്ക് വീഴാൻ തുടങ്ങിയപ്പോൾ തന്നെ അഖിൽ അവളുടെ ഒരു കയ്യിൽ പിടുത്തമിട്ടു ഉടൻ തന്നെ അടുത്ത് നിന്നിരുന്ന റോണിഅവളുടെ സ്റ്റിക്കിൽ പിടിച്ചു അവളെ നേരെ നിർത്തി…