💞ആയിരം കണ്ണുമായി – 11 25

 

അഖിൽ : അവളെ കാണുന്നില്ലല്ലോ… അപ്പോഴാണ് കാലത്ത് ശ്രുതിയെ ഒപ്പം പറഞ്ഞു വിട്ട പെൺകുട്ടികളെ അഖിൽ കണ്ടത് അവൻ വേഗം അവരുടെ അടുത്തേക്ക് എത്തി

 

അഖിൽ : ശ്രുതയെ കണ്ടായിരുന്നോ അവൾ എവിടെ….

 

“റൂമിൽ ഉണ്ടായിരുന്നു… പിന്നെ കണ്ടില്ല..”

 

അഖിൽ : കണ്ടില്ലേ… നിങ്ങളുടെ കൂടെയല്ലേ അവളെ അയച്ചേ… നിങ്ങൾക്ക് ഒന്ന്‌ നോക്കികൂടായിരുന്നോ…

 

“അവള് ഒപ്പം വരാത്തതിന് ഞങ്ങൾ എന്ത് ചെയ്യാനാ… നിനക്ക് വേണമെങ്കിൽ നീ പോയി നോക്ക് ”

 

അപ്പോഴാണ് ദൂരെ നിന്ന് നടന്നു വരുന്ന ശ്രുതിയെ അഖിൽ കണ്ടത് അവൻ വേഗം അവളുടെ അടുത്തേക്ക് എത്തി

 

അഖിൽ : നിനക്ക് എന്താ പറഞ്ഞാൽ കേട്ടാൽ… അവരുടെ കൂടെ വന്നാൽ പോരായിരുന്നോ… എല്ലാം ഒറ്റക്ക് ചെയ്യണം അല്ലേ…

 

ശ്രുതി : അവര് തിരക്ക് കൂടിയാൽ ഞാൻ എന്ത് ചെയ്യും… ലക്ഷ്മിവിളിച്ചിരുന്നു… പിന്നെ അച്ഛനെയും വിളിച്ചു… സംസാരിച്ചുകൊണ്ടിരുന്നപ്പോൾ അവര് ഇറങ്ങി ഞാൻ എന്ത് ചെയ്യാനാ…

 

അഖിൽ : എല്ലാത്തിനും ഒരു ന്യായം കാണും..

 

ശ്രുതി : ഓവറാകല്ലെ അഖിലെ… നീ ആരാ എന്റെ ബോർഡിഗാർഡോ…

 

അഖിൽ : ശരി വിട്… അല്ല നീ ഈ ചുരിദാർ ഇട്ടോണ്ടാണോ വരുന്നെ ജാക്കറ്റ് എവിടെ… നല്ല തണുപ്പാ അങ്ങോട്ട് പോകുമ്പോൾ കൂടും..

 

ശ്രുതി : ജാക്കറ്റ് ഒന്നും എടുത്തില്ല… നീ വേണമെന്ന് പറഞ്ഞില്ലല്ലോ

 

അഖിൽ : നിന്നെയുണ്ടല്ലോ..

 

ശ്രുതി : ഞാൻ എന്ത് ചെയ്യാനാ…

 

അഖിൽ : തണുക്കുന്നുണ്ടോ…

 

ശ്രുതി : ചെറുതായിട്ട്.. പക്ഷെ സാരമില്ല… ഈ ചുരിദാർ കട്ടിയുള്ളതാ ഞാൻ അഡ്ജസ്റ്റ് ചെയ്തോളാം

 

ഇത് കേട്ട അഖിൽ തന്റെ ജാക്കറ്റ് ഊരി ശ്രുതിക്ക് ഇട്ടുകൊടുത്തു

 

അഖിൽ : ഇതിട്ടോ…

 

ശ്രുതി : അപ്പോൾ നിനക്കോ…

 

അഖിൽ : അത് കുഴപ്പമില്ല

 

ശ്രുതി : അതല്ലേ ഞാനും പറഞ്ഞെ എനിക്ക് കുഴപ്പം ഇല്ലെന്ന് നീ ഇത് ഇട്ടേ

 

 

അഖിൽ : നീയിപ്പോൾ ഞാൻ പറയുന്നത് കേട്ടാൽ മതി….ശരി വാ കഴിക്കാൻ പോകാം.. ഇവിടെ അടുത്താ ഫുഡ്‌ അറേഞ്ചു ചെയ്തിരിക്കുന്നെ… അതുകഴിഞ്ഞു ഇവിടെയുള്ള തൊട്ടങ്ങളൊക്കെ ചുറ്റികാണാം..

 

ശ്രുതി : 😒

 

അവർ പതിയെ ഭക്ഷണം കഴിക്കാനായി പോയി…

 

അഖിൽ : ഇനി വേണോ…

 

ശ്രുതി : ഉം.. മതി..

 

അഖിൽ : ലക്ഷ്മി വിളിച്ചിട്ട് എന്ത് പറഞ്ഞു…

 

ശ്രുതി : അവിടെ വേറെ കുഴപ്പം ഒന്നുമില്ല ട്രിപ്പ് എൻജോയ് ചെയ്യാൻ പറഞ്ഞു.. അവള് ഒക്കെയാ..

 

അഖിൽ : ശരി എഴുനേറ്റോ… എല്ലാവരും പോകാൻ റെഡിയായി…

 

*****************

 

കുറച്ച് സമയത്തിനു ശേഷം കുട്ടികളും മറ്റും തേയില തോട്ടങ്ങൾക്ക് അടുത്തുകൂടിയുള്ള യാത്രയിൽ…

 

ശ്രുതി : ശരി അച്ഛാ… ഗുളിക മറക്കാതെ കഴിക്കണേ… ഉം ഞാൻ വിളിക്കാം

 

അഖിൽ : ഇങ്ങനെ മണിക്കൂറ് മണിക്കൂറ് വച്ച് വിളിച്ചാൽ നിന്റെ അച്ഛൻ ഫോൺ തല്ലി പൊളിക്കാൻ സാധ്യതയുണ്ട്…

 

ശ്രുതി : അച്ഛൻ ഒറ്റക്കല്ലേ ഉള്ളു… ഇന്ന് കച്ചവടത്തിന് വല്ലതും പോകുവോ എന്നാ എന്റെ പേടി..

 

അഖിൽ : നിന്റെ അച്ഛന് എന്താ ചെയ്യേണ്ടത് എന്നൊക്കെ അറിയാം നീ വെറുതെ ഓരോന്ന് ചിന്തിക്കാതെ വരാൻ നോക്ക്…

 

ശ്രുതി : അവരൊക്കെ അങ്ങ് എത്തി…

 

അഖിൽ : സാരമില്ല നീ പയ്യെ നടന്നാൽ മതി…സമയമൊക്കെ ഒരുപാടുണ്ട്…

 

അവർ മുന്നോട്ട് നടന്നു…

 

തണുപ്പ് കാരണം അഖിൽ ചെറുതായി വിറക്കുന്നുണ്ടായിരുന്നു ശ്രുതി പതിയെ അത് ശ്രദ്ധിച്ചു…

 

അഖിൽ : ദോ അവിടെ ഒരു തട്ടുണ്ട് ചായ കുടിക്കാം വാ..

 

അവർ പതിയെ അങ്ങോട്ട് കയറി…

 

അഖിൽ : അണ്ണാ രണ്ട് ചായ…ബിസ്‌ക്കറ്റ് ഉണ്ട് ബന്ന് ഉണ്ട് നിനക്ക് എന്ത് വേണം

 

അഖിൽ ശ്രുതിയോട് ചോദിച്ചു

 

ശ്രുതി : വട ഒന്നുമില്ലേ

 

അഖിൽ : ഇല്ലെന്ന് നിനക്ക് കണ്ട് കൂടെ ഇവിടെയൊക്കെ ഇങ്ങനെയാ…

 

ശ്രുതി : ബന്ന് മതി.

 

അഖിൽ : രണ്ട് ബന്ന് കൂടി

 

അവർ പതിയെ ചായ കുടിക്കാൻ തുടങ്ങി..