💞ആയിരം കണ്ണുമായി – 11 25

അഖിൽ : നിക്ക് ദോ അങ്ങോട്ട് പോയി ഇരിക്കാം

 

അഖിൽ ശ്രുതിയുമായി കുറച്ചപ്പുറത്തായി ഉണ്ടായിരുന്ന കല്ലുകൊണ്ടുള്ള ഇരിപ്പിടത്തിൽ ഇരുന്നു..

 

അഖിൽ : ഇതാ കുടിച്ചോ

 

കയ്യിൽ ഉണ്ടായിരുന്ന വെള്ളം അഖിൽ ശ്രുതിക്ക് നൽകി

 

ശ്രുതി പതിയെ വെള്ളം കുടിച്ചുകൊണ്ട് കുറച്ച് മുൻപ് കണ്ട കപ്പിൾസിനെ നോക്കി നിന്നു ആ പെൺകുട്ടി ഫോട്ടോക്ക് വേണ്ടി പോസ് ചെയ്യുകയായിരുന്നു കാരറ്റ് കടിച്ചു കൊണ്ടും മറ്റും അവൾ പലതരം പോസുകൾ ഇട്ടു ഇതെല്ലാം കണ്ട് ശ്രുതി ചിരിച്ചുകൊണ്ട് ഇരുന്നു

 

അഖിൽ : അവര് കൊള്ളാം അല്ലേ..അയാൾക്ക് ഇത്തിരി മെച്ചൂരിറ്റി ഒക്കെ ഉണ്ട് ആ പെണ്ണ് കിളി പോയത് പോലെയാ ഓരോന്ന് ചെയ്യുന്നെ… ഇടക്ക് ഇടക്ക് നല്ല ഇടിയും കൊടുക്കുന്നുണ്ട്

 

ശ്രുതി : അത് സ്നേഹം കൊണ്ടാ നോവത്തില്ല.. പിന്നെ വെറുതെ അവരെ കണ്ണ് വെക്കണ്ട

 

അഖിൽ : നീ വെക്കാതിരുന്നാൽ മതി 😂… അല്ല നിനക്ക് എന്താ ഈ കല്യാണത്തെ പറ്റിയൊക്കെയുള്ള അഭിപ്രായം

 

ശ്രുതി : 😲 നീ എന്തിനാ ഇപ്പോൾ ഇതൊക്കെ ചോദിക്കുന്നെ…

 

അഖിൽ : അല്ല അവര് ചെയ്യുന്നതൊക്കെ എൻജോയ് ചെയ്യുവല്ലേ… കല്യാണം കഴിച്ചാൽ നിനക്കും..

 

ശ്രുതി : അതൊക്കെ ഞാൻ നോക്കികോളാം നീ മിണ്ടാതെ ഇരുന്നോ

 

അഖിൽ : അല്ല എങ്ങനെയുള്ള ആളെയാ ഇഷ്ടം

 

ശ്രുതി : നീ അറിയണ്ട…

 

അഖിൽ : ഓഹ് അങ്ങനെയാണല്ലേ…

 

ശ്രുതി : അതെ അങ്ങനെ തന്നെയാ…

 

അഖിൽ : ശരി പറയണ്ട മനസ്സിൽ തന്നെ വച്ചോ….

 

ശ്രുതി : ശരി വച്ചോളാം…

 

അല്പസമയത്തിന് ശേഷം

 

ശ്രുതി : അടുത്ത ആഴ്ച റിസൾട്ട് വരും എന്നാ കേട്ടെ

 

അഖിൽ : വരട്ടെ…

 

ശ്രുതി : ഇതെന്താ ഇങ്ങനെ പറയുന്നെ

 

അഖിൽ : പിന്നെ എങ്ങനെയാ പറയേണ്ടേ

 

ശ്രുതി : ജയിച്ചിട്ട് എന്നോട് എന്തോ പറയണം എന്നൊക്കെ പറഞ്ഞതല്ലേ ഇപ്പോൾ ആവേശമൊക്കെ പോയോ…

 

അഖിൽ : 😒

 

ശ്രുതി : എന്താ മിണ്ടാത്തെ… ശരി ഞാൻ പോകുവാ… ബസിൽ ചെന്നിരുന്നോളാം…

 

അവിടെ നിന്നും എഴുനേറ്റ ശ്രുതിയെ അഖിൽ അവിടേക്ക് തന്നെ പിടിച്ചിരുത്തി

 

അഖിൽ : എക്സാമൊക്കെ ഞാൻ ജയിക്കും.. പക്ഷെ അത് കഴുഞ്ഞു പറയാനുള്ളത് പറയുമ്പോൾ വാക്ക് മാറരുത്

 

ശ്രുതി : എന്ത് വാക്ക്

 

അഖിൽ : ഞാൻ പറഞ്ഞത് കേൾക്കുമെന്ന വാക്ക്

 

ശ്രുതി : ആദ്യം നീ ജയിക്ക് എന്നിട്ട് നോക്കാം

 

അഖിൽ : കരിബ് ജ്യൂസ് വേണോ

 

ശ്രുതി : വേണ്ട…

 

അഖിൽ : അപ്പോൾ ഞാൻ പോയി ഒന്ന്‌ കുടിക്കാം

 

ശ്രുതി : അവിടെ ഇരിക്ക് നിനക്ക് എപ്പോഴും എന്തെങ്കിലും കുടിക്കണോ..

 

അഖിൽ : പൊക്കിയെടുത്തോണ്ട് ഇത്ര ദൂരം വന്നതല്ലേ… നല്ല വെയിറ്റ് ഉണ്ട് കേട്ടോ…

 

ശ്രുതി : വെയിറ്റ്…. നീയല്ലേ പറഞ്ഞേ കുഴപ്പമില്ലെന്ന് ഇനി വാ ഞാൻ കാണിച്ചു തരാം…

 

*******************

 

ഉച്ചക്ക് ലഞ്ച് ടൈം

 

ശ്രുതി : നീ എന്തിനാ ഇത്രയും ചോറ് വാങ്ങിക്കൊണ്ട് വന്നെ

 

അഖിൽ : ഇത് കുറച്ചല്ലേ ഉള്ളു… ഇനിയിപ്പോൾ കഴിക്കാൻ പറ്റുന്നില്ല എങ്കിൽ ബാക്കി ഞാൻ കഴിച്ചോളാം പോരെ

 

ഇത് കേട്ട ശ്രുതി അഖിലിനെ ഒന്ന്‌ നോക്കിയ ശേഷം കഴിക്കാൻ തുടങ്ങി

 

കുറച്ച് സമയത്തിന് ശേഷം അഖിൽ തന്റെ പാത്രത്തിൽ ബാക്കി ഉണ്ടായിരുന്ന പൊരിച്ചമീൻ ശ്രുതിക്ക് ഇട്ടുകൊടുത്തു

 

ശ്രുതി : ഇതെന്തിനാ എന്റെ പാത്രത്തിൽ ഇടുന്നെ

 

അഖിൽ : നിന്റെ മീൻ തീർന്നല്ലോ

ശ്രുതി : എന്നു പറഞ്ഞ് മര്യാദക്ക് എടുക്ക്

 

അഖിൽ : എനിക്ക് മതിയായി…

 

ശ്രുതി : വെറുതെ പറയല്ലേ അഖിലെ

 

അഖിൽ : സത്യമായും മതിയായി…ലക്ഷ്മി ഉണ്ടായിരുനിന്നെങ്കിൽ അവൾക്ക് കൊടുത്തേനെ ഇപ്പോൾ നീയല്ലേ ഉള്ളു ഒന്ന്‌ സഹായിക്ക് വെറുതെ വേസ്റ്റ് ആക്കാൻ പറ്റില്ലല്ലോ..

 

ഇത് കേട്ട ശ്രുതി കഴിക്കാൻ തുടങ്ങി…

 

അഖിൽ : നീ ഒറ്റ മോളാ അല്ലേ ശ്രുതി…

 

ശ്രുതി : അതെ…

 

അഖിൽ : അതെന്താ നീ അനിയത്തിയും അനിയനും ഒന്നും വേണ്ട എന്ന് പറഞ്ഞോ