💞ആയിരം കണ്ണുമായി – 11 25

 

അഖിൽ : എന്റെ ശ്രുതി…

 

ശ്രുതി : നീ നിർത്തിക്കെ… എത്രയാ ചേച്ചി

 

“320 ”

 

ശ്രുതി : 320…

 

ശ്രുതി പതിയെ പൈസ എടുക്കുവാൻ തുടങ്ങി..

 

അഖിൽ : ചേച്ചി അത് വേണ്ട.. ഇതെല്ലാം കൂടി എത്രയായി എന്ന് പറഞ്ഞേ

 

“1300”

 

അഖിൽ : ഇതാ പൈസ..

 

കാശ് കൊടുത്ത ശേഷം അഖിൽ പാക്ക് ചെയ്ത സാധങ്ങൾ കയ്യിലേക്ക് എടുത്തു ശേഷം അവർ മുന്നോട്ട് നടന്നു അല്പനേരം ശ്രുതി അവനോട് ഒന്നും മിണ്ടിയില്ല..

 

അഖിൽ : എന്താ ഒന്നും മിണ്ടാത്തെ

 

ശ്രുതി : ഒന്നുമില്ല…

 

അഖിൽ : ഒന്നുമില്ലാഞ്ഞിട്ടാണോ… ഇങ്ങനെ നിക്കുന്നെ… ഇതാ ഇത് പിടിക്ക്

 

ഇത്രയും പറഞ്ഞു അഖിൽ കയ്യിലുണ്ടായിരുന്നു കിറ്റ് അവൾക്ക് നേരെ നീട്ടി…

 

ശ്രുതി : എനിക്കൊന്നും വയ്യ പിടിക്കാൻ നീയല്ലേ വാങ്ങിയേ അങ്ങ് വച്ചോണ്ടാൽ മതി..

 

അഖിൽ : എടി ഇത് നിനക്കാ… ഒരു തേയില പൊടിയും ചോക്ലേറ്റ് ബോക്സും ലക്ഷ്മിക്ക് ബാക്കി മുഴുവൻ നിനക്ക്…

 

ശ്രുതി : എനിക്കൊന്നും വേണ്ട…

 

അഖിൽ : വേണ്ടെങ്കിൽ ഞാൻ ഇതൊക്കെ ഇവിടുന്ന് എടുത്ത് താഴേക്ക് എറിയും കാണണോ…

 

ശ്രുതി : നിന്നെ ഉണ്ടാല്ലോ… അപ്പോൾ നിനക്ക് വേണ്ടേ…

 

അഖിൽ : ഞാൻ ചോക്ലേറ്റ് കഴിക്കില്ല… 3 തേയില ഉണ്ട് ഒന്ന്‌ ഞാൻ എടുത്തോളാം..

 

ശ്രുതി : ഉം… വാ അങ്ങോട്ട് പോകാം…

 

അവർ മുന്നോട്ട് നടന്നു…

 

ശ്രുതി : എവിടുന്ന് താഴോട്ട് നോക്കാൻ നല്ല രസമുണ്ട് അല്ലേ…

 

അഖിൽ : നോക്കി നോക്കി താഴെ പോയി വീഴരുത്…

 

ശ്രുതി : നീ പോടാ…

 

അഖിൽ : കിടന്ന് എത്താതെ അവിടെ പിടിച്ചു നിൽക്ക് ശ്രുതി..

 

ശ്രുതി : നീ എന്തിനാ ദേഷ്യപ്പെടുന്നെ… ഞാൻ എത്തും എന്ത് ചെയ്യും… 😝

 

പെട്ടെന്ന് തന്നെ ശ്രുതിയുടെ കാല് തെറ്റി എന്നാൽ ആ നിമിഷം തന്നെ അഖിൽ അവളുടെ കയ്യിൽ പിടുത്തമിട്ട് അവളെ അടുത്തേക്ക് അടുപ്പിച്ചു..ഒരു നിമിഷം നെട്ടിപോയ ശ്രുതി… അഖിലിന്റെ കണ്ണിലേക്ക് നോക്കി നിന്നു

 

അഖിൽ : മൈര് നിനക്ക് പറഞ്ഞാൽ മനസ്സിലാകില്ല അല്ലേ… 😡

 

ദേഷ്യത്തോടെ ശ്രുതിയിൽ നിന്നും വിട്ട് മാറിയ അഖിൽ അല്പം മാറി നിന്നു ശ്രുതി വേഗം അവന്റെ അടുത്തേക്ക് എത്തി

 

ശ്രുതി : അറിയാതെ പറ്റിയതാ… ഞാൻ ഉണ്ടല്ലോ…

 

അഖിൽ : ചിലക്കാണ്ട് പോകാൻ നോക്ക്… താഴെ എങ്ങാൻ പോയെങ്കിൽ എന്ത് ചെയ്തേനെ😡

 

ഇത് കേട്ട ശ്രുതി തിരിഞ്ഞു നടക്കാൻ തുടങ്ങി.. അഖിൽ വേഗം തന്നെ അവളുടെ കയ്യിൽ പിടുത്തമിട്ടു

 

അഖിൽ : എങ്ങോട്ടാ ങ്ങേ…

 

ശ്രുതി : എനിക്ക് ഇഷ്ടമുള്ളിടത് പൊക്കോളാനല്ലേ പറഞ്ഞെ…

 

അഖിൽ : അങ്ങനെ പറഞ്ഞാൽ പോകുവോ… മനുഷ്യൻ എത്ര പേടിച്ചെന്ന് അറിയോ…

 

ശ്രുതി : അതിന് തെറിവിളിക്കുവോ…

 

അഖിൽ : എന്റെ വായിൽ പെട്ടെന്ന് അതാ വന്നേ… പോട്ടെ വിട്ടേക്ക്… ദോ അവിടെ നോക്ക് മഞ്ഞു മൂടി നിക്കുന്നത് കണ്ടോ

 

അഖിൽ പതിയെ ശ്രുതിയെ അടുത്തേക്ക് ചേർത്ത് നിർത്തി..

 

അഖിൽ : ഇനി ആ കണ്ണൊക്കെ തുടക്ക്

 

ശ്രുതി : എന്ത് തുടക്കാൻ… ദേ 😡

 

അഖിൽ : അല്ല ഞാൻ വഴക്ക് പറഞ്ഞപ്പോൾ കണ്ണൊക്കെ നിറഞ്ഞല്ലോ

 

ശ്രുതി : എവിടെ നിറഞ്ഞു… നീ വഴക്ക് പറഞ്ഞാൽ എനിക്ക് ഒരു കുന്തവും ഇല്ല…

 

പെട്ടെന്ന് കാറ്റ് വീശാൻ തുടങ്ങി…

 

അഖിൽ : നല്ല തണുപ്പ് അല്ലേ

 

ശ്രുതി : ഹേയ് അത്രയൊന്നും ഇല്ല..

 

അഖിൽ : ജാക്കറ്റും ഇട്ടോണ്ട് നിന്നാൽ എങ്ങനെ അറിയും…

 

ശ്രുതി : ഇപ്പോൾ ശരിയാക്കി തരാം

 

ഇത്രയും പറഞ്ഞു ശ്രുതി കൈകൾ കൂട്ടി തിരുമിയ ശേഷം അഖിലിന്റെ രണ്ട് കവിളിലേക്കും കൈകൾ വച്ചു…

 

ശ്രുതി : ഇപ്പോൾ ചൂട് തോന്നുണ്ടോ…

 

ഇത് കേട്ട അഖിൽ പതിയെ ചിരിച്ചു…

 

അഖിൽ : ഭയങ്കര ചൂടാ… ചുട്ട് പൊള്ളുവാ…😁

 

ശ്രുതി : 😡

 

അഖിൽ : എന്നാലും ഒരു സുഖമുണ്ട്…

 

ശ്രുതി : അങ്ങനെ സുഖിക്കണ്ട അവിടെ വിറച്ചോണ്ട് നിന്നോ..