💞ആയിരം കണ്ണുമായി – 11 25

 

അഖിൽ : എന്ത് ചെയ്യാൻ.. അതിനുള്ള ധൈര്യമൊന്നും അവമ്മാർക്കില്ല എന്തെങ്കിലും കാണിച്ചോണ്ട് വന്നാൽ ഞാൻ നല്ലത് വച്ച് കൊടുക്കും അത്ര തന്നെ…

 

അല്പനേരത്തിനുള്ളിൽ അവർ മുകളിലേക്ക് എത്തി..

 

ശ്രുതി : മതി… മതി… ഇറക്ക്.. ഇറക്ക്

 

അഖിൽ : അല്പം കൂടി ഉണ്ടെടി…

 

ശ്രുതി : ഇതുവരെ മതി അവിടെ അവരൊക്കെ നിൽക്കുവാണെങ്കിലോ…

 

അഖിൽ ചിരിച്ചു കൊണ്ട് അവളെ താഴെ നിർത്തി ശേഷം അവർ മുകളിലേക്ക് കയറി

 

അഖിൽ : ഹോ… അങ്ങനെ എത്തി…

 

 

പെട്ടെന്നാണ് പിന്നിൽ നിന്നും ഓടി വന്ന ഒരാൾ അവർക്ക് മുന്നിലായി വന്നു കിതച്ചു കൊണ്ട് നിന്നത്..

 

“നിന്നെ ഇന്ന് കൊല്ലൂടാ അജു…”

 

അവനു പിന്നാലെ അലറികൊണ്ട് ഒരു പെൺകുട്ടിയും ഉണ്ടായിരുന്നു… അവനടുത്തേക്ക് എത്തിയ അവളും കിതച്ചു കൊണ്ട് അവനടുത്തായി നിന്നു…

 

അഖിൽ : വട്ട് കേസുകൾ ആണെന്ന് തോന്നുന്നു…

 

ശ്രുതി : മിണ്ടാതെ ഇരിക്ക് കണ്ടാൽ അറിയില്ലേ ഭാര്യയും ഭർത്താവുമാ..

 

അഖിൽ : ഭാര്യയോ… അത് പെണ്ണാണോ… മുടിയൊന്നും കാണാനില്ലല്ലോ…

 

ശ്രുതി : ദേ… ഈ സ്വഭാവമാ എനിക്ക് ഇഷ്ടമല്ലാത്തത്.. രണ്ട് പേരും ക്യൂട്ട് ആയിട്ടുണ്ട് ഇപ്പോൾ കല്യാണം കഴിഞ്ഞതേ ഉള്ളു എന്ന് തോന്നുന്നു…

 

അഖിൽ : അതെങ്ങനെ നിനക്ക് അറിയാം

 

ശ്രുതി : അതൊക്കെ മനസ്സിലാക്കാവുന്നതേ ഉള്ളു…

 

അഖിൽ : ശരി വാ അങ്ങോട്ടൊക്കെ ഒന്ന്‌ പോയി നോക്കാം

 

അവർ പതിയെ മുന്നിലെ സ്റ്റാളുകളിലൊക്കെ ഓരോന്ന് നോക്കി നടന്നു

 

അഖിൽ : എടി നിനക്ക് ചോക്ലേറ്റ് വേണോ..എടി..നീ എന്താ ഈ നോക്കുന്നെ… ഹോ… ഇപ്പോഴും അവരെ തന്നെ നോക്കുവാണോ

 

ശ്രുതി : ഹേയ് അവര് നല്ല രസമുണ്ട്.. ഹസ്ബൻഡ് ആയാൽ ഇതുപോലെ വേണം പുള്ളിക്കാരിയോട് എന്ത് സ്നേഹമാ…

 

ശ്രുതി ചിരിച്ചുകൊണ്ട് പറഞ്ഞു

 

അഖിൽ : എന്ത് സ്നേഹം… അയാൾക്ക് അവരെ പേടിയായിരിക്കും… ആ ബോയ്കട്ടൊക്കെ കണ്ടാൽ അറിയാം ആള് അല്പം പിശകാണെന്ന്

 

ശ്രുതി : മിണ്ടാതെ നിന്നോണം… ഇതാ നിന്റെ കുഴപ്പം നല്ലത് ഒന്നും പിടിക്കില്ല…

 

അഖിൽ : ആരാ പറഞ്ഞെ നല്ലത് ഒന്നും പിടിക്കില്ലെന്ന്… ചില നല്ലതൊക്കെ എനിക്ക് പിടിക്കും

 

ഇത്രയും പറഞ്ഞു അഖിൽ ശ്രുതിയുടെ മുഖത്തേക്ക് തന്നെ ചിരിച്ചുകൊണ്ട് നോക്കി

 

ശ്രുതി : അതെ… കള്ളും സിഗരറ്റും പിടിക്കും…

 

ഇത്രയും പറഞ്ഞു ശ്രുതി ചിരിച്ചുകൊണ്ട് മുന്നോട്ട് നടന്നു

 

അഖില് : ഇവള്…

 

അവൻ വേഗം അവളുടെ അടുത്തേക്ക് നടന്നു..

 

അഖില് : എടി ചോക്ലേറ്റ് വേണ്ടേ…

 

ശ്രുതി : എന്തിന്…അച്ഛന് ഷുഗറൊക്കെ ഉള്ളതാ.. പിന്നെ വില നീയും കേട്ടതല്ലേ

 

അഖില് : അത്ര വിലയൊന്നും ഇല്ല… നിനക്ക് എന്തായാലും ഷുഗർ ഒന്നും ഇല്ലല്ലോ…നീ വന്നെ

 

ശ്രുതി : എനിക്ക് വേണ്ട…

 

അഖിൽ : നിനക്ക് വേണ്ടെങ്കിൽ വേണ്ട… എനിക്ക് വേണം നീ വാ

 

ഇത്രയും പറഞ്ഞു അഖിൽ തൊട്ടടുത്ത സ്റ്റാളിനു മുന്നിൽ എത്തി

 

അഖിൽ : ചേച്ചി രണ്ട് ബോക്സ്‌ വൈറ്റ് ചോക്ലേറ്റ്, രണ്ട് ബോക്സ്‌ സാധ ചോക്ലേറ്റ് പിന്നെ എല്ലാം കൂടി ചേർന്ന രണ്ട് മിക്സട് ബോക്സ്‌…

 

ശ്രുതി : എന്തിനാ എത്രയും വാങ്ങുന്നെ…

 

“വലിയ ബോക്സ്‌ ആണോ അതോ ”

 

അഖിൽ : അതെ വലുത് 3 പാക്കറ്റ് ടീ പൗഡർ കൂടി

 

ശ്രുതി : എനിക്ക് വേണ്ട എന്നല്ലേ പറഞ്ഞെ പിന്നെ എന്തിനാ എത്രയും വാങ്ങുന്നെ

 

അഖിൽ : അതിനിത് നിനക്ക് ആണെന്ന് ആര് പറഞ്ഞു..ഇത് എനിക്കും ലക്ഷ്മിക്കുമാ… വേണ്ടാന്ന് പറയുന്നവർക്ക് വേണ്ടി വാങ്ങാൻ എനിക്ക് വാട്ടൊന്നും ഇല്ല

 

ശ്രുതി : ലക്ഷ്മി… ലക്ഷ്മിക്ക് എന്തിനാ നീ വാങ്ങുന്നെ… ങ്ങേ… മര്യാദക്ക് തിരിച്ചു വെക്ക്…

 

അഖിൽ : നിന്റെ ബെസ്റ്റ് ഫ്രണ്ടിന്റെ കാര്യം നീയോ ഓർത്തില്ല ഞാൻ ഓർത്ത് വാങ്ങിയപ്പോൾ തിരിച്ചു വെക്കാനോ…

 

ശ്രുതി : അത് തന്നെയാ.. അവൾ എന്റെ ബെസ്റ്റ് ഫ്രണ്ടാ അതുകൊണ്ട് നീ വാങ്ങണ്ട അവിടെ വെക്ക്… ഞാൻ വാങ്ങികോളാം.. ചേച്ചി ആ ഒരു ബോക്സ്‌ ചോക്ലേറ്റ് എടുക്ക്…