പക്ഷേ, അത് അവളെ തളർത്തുകയല്ല, മറിച്ച് മുമ്പ് അനുഭവിക്കാത്ത ഒരുതരം ഉന്മാദത്തിലേക്കാണ് നയിച്ചത്. തന്റെ സ്വഭാവം ഇത്രമേൽ മാറിയത് അവൾ തന്നെ അത്ഭുതത്തോടെ ഓർത്തു. പണ്ട് ഷാൾ ഇല്ലാതെ ചുരിദാർ പോലും ഇടാൻ മടിച്ചിരുന്ന, ആൾക്കൂട്ടത്തിൽ തല താഴ്ത്തി നടന്നിരുന്ന ആ പഴയ കുട്ടിയല്ല അവളിന്ന്. ഇന്ന് ഉള്ളിൽ ബ്രാ പോലും ധരിക്കാതെ, നേർത്ത വസ്ത്രങ്ങൾക്കുള്ളിലൂടെ തന്റെ ശരീരം വെളിവാക്കി പൊതുസ്ഥലങ്ങളിലൂടെ നടക്കുമ്പോൾ പുരുഷന്മാരുടെ കണ്ണുകൾ തന്നിൽ ഉടക്കുന്നത് അവൾ ആസ്വദിക്കുന്നു.
“അതെ… ആ രാത്രി ഞാൻ ഒരു ചരക്കായിരുന്നു,” അവൾ സ്വയം മന്ത്രിച്ചു.
ഫവാസിന്റെ നീക്കങ്ങളും, അയാൾ തന്നെ പൂർണ്ണമായും കീഴടക്കിയ രീതിയും ഓർത്തപ്പോൾ അവളുടെ ശ്വാസം വേഗത്തിലായി. ആ വേദന കലർന്ന സുഖം തനിക്ക് ഗോകുലിൽ നിന്ന് ഒരിക്കലും കിട്ടില്ലെന്ന് അവൾക്കറിയാം.
പക്ഷേ, ഗോകുലിന്റെ നിഷ്കളങ്കമായ മുഖം ഓർക്കുമ്പോൾ അവൾക്ക് കുറ്റബോധം തോന്നി. ഒരുവശത്ത് താൻ ഏറെ സ്നേഹിക്കുന്ന ഗോകുൽ, മറുവശത്ത് തന്നെ വെറുമൊരു ഭോഗവസ്തുവായി കാണുന്ന, എന്നാൽ തനിക്ക് ഏറ്റവും വലിയ ശാരീരിക സുഖം നൽകുന്ന ആൾ.
“എനിക്ക് എന്താണ് പറ്റിയത്?” അവൾ സ്വയം ചോദിച്ചു. ഗോകുലിനെ വഞ്ചിക്കണമെന്ന് അവൾ ഒരിക്കലും ആഗ്രഹിച്ചിട്ടില്ല. പക്ഷേ, സാഹചര്യങ്ങൾ തന്നെ ഇന്ന് ഇവിടം വരെ എത്തിച്ചു, ഒപ്പം ഗോകുലിന് നൽകാൻ കഴിയാത്ത ഒന്ന് ഫവാസ് നൽകുന്നുണ്ട്. തന്റെ ഉള്ളിലെ അടങ്ങാത്ത ശാരീരിക ദാഹത്തെ തൃപ്തിപ്പെടുത്താൻ ഫവാസിന് കഴിയുന്നു. അതുപോലെ ഗോകുലിനും സാധിക്കുമോ? അറിയില്ല.. എന്നാൽ സ്നേഹത്തിന്റെ കാര്യം വരുമ്പോൾ ഗോകുൽ അല്ലാതെ മറ്റൊരാളെ സങ്കൽപ്പിക്കാൻ പോലും അവൾക്കാവില്ല.
രണ്ടുപേരെയും ഒരേസമയം എങ്ങനെ കൊണ്ടുപോകും? ഒരാളെ തിരഞ്ഞെടുക്കേണ്ടി വന്നാൽ ആരെ തിരഞ്ഞെടുക്കും? സ്നേഹത്തിന് വേണ്ടി ഗോകുലിനെയോ, അതോ ശാരീരിക സുഖത്തിന് വേണ്ടി ഫവാസിനെയോ? ആ ചോദ്യം അവളുടെ തലയ്ക്കുള്ളിൽ തുളഞ്ഞുകയറി. ഗോകുലിന്റെ കൂടെ താമസം തുടങ്ങുമ്പോൾ എല്ലാം പഴയതുപോലെയാകുമെന്ന് തോന്നുന്നില്ല. അവന്റെ സാമീപ്യത്തിൽ ഫവാസിന്റെ ഗന്ധം താൻ ഒളിപ്പിക്കേണ്ടി വരും. ഓരോ തവണ ഗോകുൽ തൊടുമ്പോഴും ഫവാസിന്റെ സ്പർശനം അവൾക്ക് ഓർമ്മ വരുമോ?.
താൻ ചെയ്യുന്നതിനെ ‘ചതി’ എന്ന് വിളിക്കാൻ അവൾക്ക് മടിയായിരുന്നു. പക്ഷേ അതല്ലാതെ മറ്റൊന്നുമല്ലിതെന്ന് അവളുടെ മനസ്സാക്ഷി മന്ത്രിച്ചു. ഗോകുൽ അടുത്തുണ്ടാകുമ്പോൾ ഫവാസിനെ കാണാൻ പറ്റില്ലെന്ന സത്യം അവളെ അസ്വസ്ഥയാക്കി. എങ്കിലും, കൊച്ചിയിലെ ആ ഫ്ലാറ്റിൽ ഗോകുലിന്റെ സ്നേഹവും ഫവാസിന്റെ വന്യതയും ഒരേപോലെ അനുഭവിക്കാൻ കഴിയുന്ന ഒരു രഹസ്യ വഴി അവൾ അറിയാതെ തന്നെ തിരയുകയായിരുന്നു. ഒരു വലിയ കൊടുങ്കാറ്റിന് മുൻപുള്ള ശാന്തത പോലെ അവൾ ആ ബെഡിൽ ചുരുണ്ടുകൂടി
ഗോകുൽ വരുന്നതിന് മുൻപ് ഫവാസിനെ ഒന്നുകൂടി നേരിട്ട് കാണണമെന്ന ചിന്ത ചിത്രയുടെ മനസ്സിൽ ഒരു നിമിഷം മിന്നിമറഞ്ഞു. ഗോകുലിന്റെ കൂടെ താമസം തുടങ്ങിക്കഴിഞ്ഞാൽ പിന്നെ ഫവാസിനെ കാണുന്നത് വലിയ റിസ്കായിരിക്കും. ഗോകുൽ അറിയാതെ കണ്ടാലോ? പക്ഷേ അത് കാര്യങ്ങൾ വഷളാക്കത്തെ ഉള്ളു.
അവന്റെ കണ്മുന്നിൽ ചതിച്ചാൽ ഗോകുൽ തന്നെ വേണ്ടെന്ന് പറഞ്ഞാൽ എല്ലാം തീരും. തനിക്ക് കുറച്ച് സമയം വേണം. കാര്യങ്ങളെല്ലാം ഒന്ന് നേരെയാക്കാൻ. ഗോകുൽ വരുന്നുണ്ട്, അവൻ എന്റെ ജീവിതത്തിന്റെ ഭാഗമാണ്. എനിക്ക് ഒരേസമയം എല്ലാവരെയും തൃപ്തിപ്പെടുത്താൻ കഴിയില്ല. ഒന്ന് തിരുമാനിച്ചേ പറ്റൂ.. അതെ.. അത് ഗോകുൽ ആവണം…
ഗോകുൽ എത്തുമ്പോൾ താൻ എങ്ങനെ പെരുമാറണം? അവനോട് എല്ലാം തുറന്നു പറയണോ അതോ ഈ രഹസ്യങ്ങൾ തന്റെ ഹൃദയത്തിന്റെ ആഴങ്ങളിൽ കുഴിച്ചുമൂടണോ?
തന്റെ ജീവിതം ഒരു നൂൽപ്പാലത്തിലൂടെയാണ് കടന്നുപോകുന്നതെന്ന് അവൾക്ക് തോന്നി. ഗോകുൽ വരുന്നതിന് മുൻപുള്ള ഈ കുറച്ച് ദിവസങ്ങൾ തന്റെ ചിന്തകളെ ഒന്ന് ക്രമീകരിക്കാൻ അവൾ ഉപയോഗിച്ചു.