ഗ്രാമവഴികളിലൂടെയുള്ള ഓട്ടം. തണുത്ത കാറ്റും, പച്ചപ്പും, നാട്ടിൻപുറത്തിന്റെ ആ പ്രഭാതഭംഗിയുമെല്ലാം കണ്ടും ആസ്വദിച്ചും അവളങ്ങനെ കുറച്ചുദൂരം ഓടി. ദേഷ്യമൊക്കെ മാറി മനസ്സ് ശാന്തമായപ്പോൾ അവൾ തിരികെ മന ലക്ഷ്യമാക്കി ഓടാൻ തുടങ്ങി.
എന്നാൽ പാടവരമ്പിനോട് ചേർന്നുള്ള വഴിയിലൂടെ ഓടിവരികയായിരുന്ന അവൾ പെട്ടെന്ന് ബ്രേക്കിട്ടത് പോലെ നിന്നുപോയി. ദേ… തൊട്ടുമുന്നിൽ കൈകൾ രണ്ടും മാറിൽ പിണച്ചുവെച്ച്, ചുണ്ടിൽ ആ സ്ഥിരം കള്ളച്ചിരിയുമായി നിൽക്കുന്നു നമ്മുടെ നായകൻ ആനന്ദ്!
വഴിയിൽ തീരെ പ്രതീക്ഷിക്കാതെ അവനെ മുന്നിൽ കണ്ടപ്പോൾ തനു ശരിക്കും ഒന്നമ്പരന്നു. എങ്കിലും ആ ഞെട്ടൽ പുറത്തുകാണിക്കാതെ, അവന് യാതൊരു വിലയും കൊടുക്കാത്ത മട്ടിൽ മുഖം വെട്ടിത്തിരിച്ച് അവൾ ഓട്ടം തുടർന്നു.
അവനെ വകവെക്കാതെ വേഗത്തിൽ കടന്നുപോകാൻ ശ്രമിക്കുന്നതിനിടയിലാണ് ആ അപകടം പിണഞ്ഞത്.
ഇന്നലെ പെയ്ത മഴയുടെ ബാക്കിയായി വരമ്പിലെ മണ്ണിൽ നല്ല വഴുവഴുപ്പുണ്ടായിരുന്നു. അവനെ മൈൻഡ് ചെയ്യാതിരിക്കാനുള്ള തത്രപ്പാടിൽ അവളുടെ കാലുകൾ കൃത്യമായി ചെന്നുവീണത് ആ ചെളിനിറഞ്ഞ വഴുവഴുപ്പിലേക്കാണ്.
തെന്നിമാറിയ കാലുകൾക്ക് ബാലൻസ് കിട്ടാതെ വന്നതും കാറ്റ് പോയ ബലൂൺ പോലെ തനു താഴേക്ക് പതിച്ചു.
“അമ്മേ…!” എന്നൊരു വലിയ അലർച്ചയോടെ, കൈകാലുകളിട്ടടിച്ച് അവൾ നേരെ ചെന്ന് വീണത് താഴെ വെള്ളവും ചെളിയും കെട്ടിക്കിടക്കുന്ന ആ പാടത്തേക്കാണ്!
നല്ല കിടിലൻ ഒരു വീഴ്ച!
അവൾപെട്ടെന്ന് തന്നെ എഴുന്നേൽക്കാൻ ശ്രമിച്ചു. പക്ഷേ ആ വഴുവഴുപ്പിൽ ചേറിൽ കാൽ ഉറയ്ക്കുന്നുണ്ടായിരുന്നില്ല. വീണ്ടും വീഴാൻ പോയതും, മുന്നിലേക്ക് നീണ്ടുവന്ന ഒരു വലിയ കൈപ്പത്തി അവൾ കണ്ടു.
അവൻ അവൾക്കായി കൈ നീട്ടി നിൽക്കുകയായിരുന്നു!
അവന്റെ ആ സഹായം വകവെക്കാതെ, മുഖം വെട്ടിത്തിരിച്ച് അവൾ സ്വന്തമായി എഴുന്നേൽക്കാൻ ഒന്നുകൂടി ശ്രമിച്ചു നോക്കി. പക്ഷേ ഫലമുണ്ടായില്ല, ചെളിയിൽ വീണ്ടും വഴുതി അവൾ മുട്ടുകുത്തി വീണു.
ഇനി സ്വന്തമായി എഴുന്നേൽക്കാൻ കഴിയില്ലെന്ന് തീർത്തും ബോധ്യമായതോടെ, അവളുടെ ഈഗോ അല്പമൊന്ന് താഴ്ന്നു. മനസ്സില്ലാമനസ്സോടെ, അനിഷ്ടം മുഴുവൻ മുഖത്ത് കാണിച്ച് അവൾ ആനന്ദിന്റെ കയ്യിൽ പിടിച്ചു.
അവൻ ഒറ്റവലിക്ക് അവൻ അവളെ വരമ്പിലേക്ക് കയറ്റി നിർത്തി. വസ്ത്രം മുഴുവൻ ചെളിയിൽ കുളിച്ച് നിൽക്കുകയായിരുന്നു തനു. ദേഹത്ത് പറ്റിപ്പിടിച്ച ആ ചെളിയുടെ രൂക്ഷഗന്ധം മൂക്കിലടിച്ചതും അവൾക്ക് വല്ലാത്തൊരു അറപ്പ് തോന്നി.
അവൾ ദേഷ്യത്തോടെ മുഖമുയർത്തി നോക്കിയപ്പോൾ കണ്ടത്, ചുണ്ടുകൾ കടിച്ചുപിടിച്ച് ചിരി അടക്കാൻ പാടുപെടുന്ന ആനന്ദിനെയാണ്!
തന്നെ നോക്കിയുള്ള അവന്റെ ആ ചിരി കണ്ടതും തനുവിന്റെ സമനില തെറ്റി. പിന്നെ ഒന്നും ആലോചിച്ചില്ല, സർവ്വ ശക്തിയുമെടുത്ത് അവൾ ആനന്ദിന്റെ നെഞ്ചിൽ ആഞ്ഞൊന്നു തള്ളി. തീരെ പ്രതീക്ഷിക്കാതിരുന്ന ആ തള്ളലിൽ, അവനും ബാലൻസ് തെറ്റി നേരെ പോയി വീണത് അവൾ കിടന്നിരുന്ന അതേ ചെളിക്കുണ്ടിലേക്കാണ്!
കൈകാലുകൾ വിടർത്തി ചെളിയിൽ വീണുകിടക്കുന്ന ആനന്ദിനെ കണ്ട്, ഇതുവരെ അനുഭവിച്ച അപമാനമെല്ലാം മറന്ന് തനു ഉറക്കെ ഉറക്കെ പൊട്ടിച്ചിരിച്ചു. വരമ്പിൽ അവളുടെ ആ ചിരി മുഴങ്ങിക്കേട്ടു.
ചെളിവെള്ളത്തിൽ നിന്നും മുഖം തുടച്ചുക്കൊണ്ട് എഴുന്നേറ്റ ആനന്ദിന്റെ കണ്ണുകളിൽ അപ്പോൾ വല്ലാത്തൊരു ദേഷ്യമുണ്ടായിരുന്നു. തന്നെ നോക്കി പൊട്ടിച്ചിരിക്കുന്ന അവളെ നോക്കിയപ്പോൾ അവന്റെ മനസ്സിൽ ആ നിമിഷം ഒരൊറ്റ പേര് മാത്രമേ അവൾക്കായി ഉയർന്നുവന്നുള്ളൂ… “പൂറി…!”