” ഇനി എല്ലാവരും വന്നേ. ഇവിടെ ചെറിയൊരു രജിസ്റ്റർ ഉണ്ട്. അതിൽ പേരും അഡ്രസ്സും എഴുതി ഒപ്പ് വെക്കണം . അതാണ് ഇവിടുത്തെ ഒരു രീതി. നിങ്ങൾക്ക് ബുദ്ധിമുട്ടാണെങ്കിൽ വേണമെന്നില്ല. ” അയാൾ പറഞ്ഞു.
” ഒരു ബുദ്ധിമുട്ടും ഇല്ല കൃഷ്ണേട്ടാ.. ഞങ്ങൾ ചെയ്തോളാം. ” ഞാൻ പറഞ്ഞു രാകേഷ് നേരത്തെ അയാളെയായിരുന്നു കൃഷ്ണേട്ടാ എന്ന് വിളിച്ചത്.
അങ്ങനെ ഞങ്ങൾ അവിടെയുള്ള രജിസ്റ്ററിൽ പേരും അഡ്രസ്സും എഴുതി ഒപ്പുവെച്ചു. അവിടെ സാക്ഷിയായി മുത്തും രാകേഷും ഒപ്പുവെച്ചു.
അങ്ങനെ ഞങ്ങളുടെ വിവാഹത്തിന്റെ ഒന്നാം ഘട്ടം കഴിഞ്ഞു. അത് കഴിഞ്ഞ് ഉടനെ രാകേഷ് രാധികയെ വിളിക്കാൻ പോയി. അവളെയും കൂട്ടി വന്ന് . ഞങ്ങൾ നേരെ രജിസ്റ്റർ ഓഫീസിൽ പോയി. രജിസ്റ്റർ വിവാഹത്തിനുള്ള അപേക്ഷയിൽ ഒപ്പ് വെച്ചു. സാക്ഷിയായി രാധികയും മുത്തും ഒപ്പുവെച്ചു.
അതൊക്കെ കഴിയുമ്പോഴേക്കും ഉച്ച ആയിരുന്നു. ഞങ്ങളെല്ലാവരും കുറെ ഫോട്ടോ ഒക്കെ എടുത്തു. ഫിദ എന്റെ കൂടെ നിന്ന് കുറെ സെൽഫി എടുത്തു. ഞങ്ങളെ ചേർത്ത് നിർത്തി രാധിക അവളുടെ ഫോണിൽ ഫോട്ടോ എടുത്തു. പിന്നെ
ഞങ്ങൾ വണ്ടിയിൽ കയറി ഹോട്ടലിലേക്ക് പോയി. അവിടെനിന്നും ഭക്ഷണം കഴിച്ചു.
” ഇനിയെന്താ പരിപാടി. കുറച്ചുദിവസം ഇവിടെ താമസിക്കുകയല്ലേ.? അതോ ഇന്ന് തന്നെ തിരിച്ചു പോകണോ? നിങ്ങൾക്ക് വേണ്ടി ഞങ്ങൾ ഒരു സർപ്രൈസ് ഒരുക്കി വെച്ചിട്ടുണ്ടായിരുന്നു ” രാകേഷ് പറഞ്ഞു..
“ഇന്ന് എന്തിനാ തിരിച്ചുപോകുന്നുത്.? കുറച്ചുദിവസമെങ്കിലും ഞങ്ങൾ നാത്തൂന്മാർ ഒരുമിച്ച് കഴിയട്ടെ. ഇവിടുന്ന് ഹണിമൂൺ ഒക്കെ ആഘോഷിച്ചിട്ട് പോയാൽ മതി. . ” രാധിക പറഞ്ഞു
” അതല്ല മോളെ. ഞങ്ങൾക്ക് ഇന്ന് തന്നെ പോകണം. ഒരുമാസം ആകുമ്പോൾ ഇവർ ഇങ്ങോട്ടേക്ക് വരുമല്ലോ. അപ്പോൾ കുറച്ചുദിവസം താമസിക്കാം. ” മുത്തു പറഞ്ഞു.
” എന്നാൽ ഇപ്പോൾ വീട്ടിലേക്ക് പോകാം. അവിടെനിന്നും വൈകുന്നേരം നാട്ടിലേക്ക് തിരിച്ച് പോയാൽ മതി. ” രാധിക പറഞ്ഞു.
“എടാ ഞാൻ ഇവിടെ അടുത്ത് ഒരു റിസോർട്ടിൽ റൂം ബുക്ക് ചെയ്തിട്ടുണ്ടായിരുന്നു. നിങ്ങൾക്ക് ഹണിമൂൺ ആഘോഷിക്കാൻ. ഒരു സർപ്രൈസ് ആയിക്കോട്ടെ എന്ന് കരുതി. ഹണിമൂൺ ഒക്കെ ആഘോഷിച്ച് കുറച്ചുദിവസം കഴിഞ്ഞ് പോകാം.” രാകേഷ് പറഞ്ഞു.
“എടാ അത്. … ഞങ്ങൾ ഒന്ന് ആലോചിക്കട്ടെ എന്നിട്ട് പറയാം.. ” ഞാൻ പറഞ്ഞു.
“ആലോചിച്ച് പറഞ്ഞാൽ മതി.. ഇപ്പോൾ നമുക്ക് വീട്ടിലേക്ക് പോകാം.” രാധിക പറഞ്ഞു.
“അതെ അതാ നല്ലത്. വന്നിട്ട് വിശ്രമിക്കാൻ ഒന്നും സമയം കിട്ടിയില്ലല്ലോ. വീട്ടിൽ പോയി വിശ്രമിക്കാം. അപ്പോഴേക്കും ഒരു തീരുമാനം എടുത്താൽ മതി.” രാകേഷ് പറഞ്ഞു.
അങ്ങനെ ഞങ്ങൾ തിരിച്ചു വീട്ടിലേക്ക് വന്നു.
” ഞാൻ കഴിക്കാൻ എന്തെങ്കിലും ഉണ്ടാക്കാം.. അപ്പോഴേക്കും ഏട്ടനും നാത്തൂനും ആ റൂമിൽ പോയി വിശ്രമിച്ചോട്ടെ അല്ലേ മുത്തേ..?. ” അവിടെയുള്ള ഒരു മുറിയിലേക്ക് ചൂണ്ടികാണിച്ചിട്ട് രാധിക ചിരിച്ചുകൊണ്ട് പറഞ്ഞു.
അതു കേട്ട് മുത്തും ചിരിച്ചു.
“മുത്തിന് വിശ്രമിക്കേണ്ടേ.. മുത്ത് ഈ മുറിയിൽ വിശ്രമിച്ചോ.. ” രാധിക വീണ്ടും പറഞ്ഞു.
“മുത്തിന് വശ്രമിക്കുകയൊന്നും വേണ്ട. മോള് വാ.. മോൾക്ക് എന്താ കഴിക്കാൻ വേണ്ടത് എന്ന് പറഞ്ഞാൽ മുത്ത് ഉണ്ടാക്കിത്തരാം..” മുത്ത് രാധികയേയും കൂട്ടി അടുക്കളയിലേക്ക് നടന്നുകൊണ്ട് പറഞ്ഞു..
ഞാൻ ഫിദയേയും കൊണ്ട് റൂമിലേക്ക് പോയി. റൂമിൽ എത്തി വാതിൽ ചാരിയ ഉടനെ ഫിദ എന്നെ കെട്ടിപിടിച്ചു.
എന്നിട്ട് എന്റെ ചുണ്ടിൽ ഉമ്മ വെച്ചു.
“ഞാൻ കുറച്ചു സമയമായി കൊതിച്ചു നിൽക്കുന്നു . ഇങ്ങനെ കെട്ടിപിടിച്ചു ഉമ്മ തരാൻ..’ ഫിദ പറഞ്ഞു.
“ആദ്യം ഇതൊക്കെ അഴിച്ചു മാറ്റ് പെണ്ണെ.” ഞാൻ പറഞ്ഞു.
“അയ്യേ… ഇപ്പോഴോ.. ഇപ്പോൾ വേണോ രാത്രിയിൽ പോരെ.. ഇപ്പോഴേ ആദ്യ രാത്രി ആഘോഷിക്കാൻ പോകുകയാണോ?”