“ഹി ഹി ഹി ….ഇതൊക്കെ എവിടുന്നാ ഏട്ടാ പഠിക്കുന്നെ….ഞാൻ എന്റെ ജീവിതത്തിൽ കേട്ടിട്ടില്ല ഇങ്ങനെയൊന്നും…”
“ജോലിയും കൂലിയും ഇല്ലാതെ മൂഞ്ചി കുത്തി ഇരുന്ന വർഷങ്ങൾ…. ആഹ് വർഷങ്ങളിൽ ഞാൻ ആർജ്ജിച്ചെടുത്ത എന്റെ കഴിവാണ് മോളെ അമ്മൂസെ…”
“പിന്നെ കഴിവ്….തെറി പറയുന്നതാണല്ലോ കഴിവ്…”
അമ്മു കെറുവിച്ചു എന്റെ നെഞ്ചിൽ തന്നെ പറ്റിക്കൂടി…
“ഇനി ഇങ്ങനെ വല്ലോം ഉണ്ടായാൽ കണ്ണും നിറച്ചു ഇതുപോലെ കൂനി ഇരിക്കരുത് കേട്ടോ…അമ്മൂസെ….. നീ ഇന്നലെ അങ്ങനെ ഇരുന്നപ്പോൾ ശെരിക്കും ഞാനും തീർന്നുപോയി,…”
“സോറി…..”
കണ്ണിൽ ഞാൻ കാണാതെ ഒളിപ്പിക്കാൻ ശ്രെമിക്കുന്ന കണ്ണീരും വെച്ചു അവൾ പറഞ്ഞു.
“ഇനീം ഇങ്ങനെ കരഞ്ഞും പിഴിഞ്ഞും ഇരിക്കല്ലേ അമ്മു… എന്റെ പെണ്ണ് എന്തിനാ കരയണേ…നീ ഒരു തെറ്റും ചെയ്തിട്ടില്ലാട്ടോ…. പിന്നെ ഇനി എപ്പോഴേലും ഇങ്ങനെ വല്ലോം ഉണ്ടായാൽ ഇതുപോലെ കരഞ്ഞോണ്ടിരിക്കാതെ അപ്പൊ തന്നെ തിരിച്ചു കൊടുക്കണം അപ്പൊ ആഹ് അണ്ടിയില്ലാത്തവന്മാർക്ക് മനസിലാവും….. അതിനുള്ള കുറച്ചു ട്രിക്ക് ഒക്കെ ഇപ്പൊ ചേട്ടൻ പഠിപ്പിച്ചു തരാം…”
ഞാൻ എഴുന്നേറ്റപ്പോൾ എന്നേം നോക്കി ബെഡിൽ തലയും വെച്ചു പെണ്ണ് കിടപ്പുണ്ട്.
“ദേ ഇതിപ്പോ ബസ് ആണെന്ന് കരുതിക്കോ…”
മുകളിലെ കമ്പിയിൽ പിടിക്കുന്ന പോലെ കൈയും പിടിച്ചു ഞാൻ നിന്നു,.. പെണ്ണ് ബെഡിൽ കാലുമടക്കി ഒരു തലയിണയും കെട്ടി പിടിച്ചു എന്നെത്തന്നെ നോക്കി ഇരിക്കുന്നുണ്ട്.
“ഞാൻ അമ്മൂസ്…ആണെന്ന് വിചാരിച്ചോണേ… ….ഇപ്പൊ എന്റെ പുറകിൽ ഒരു അണ്ടിക്കുറപ്പില്ലാത്ത ഒരു മൈരന് വന്നു നിപ്പുണ്ടെന്നു വെച്ചോ,… അവൻ തൊടുവാണേൽ ആദ്യം പറഞ്ഞോ, നോക്കിയോ ഒന്നു വാൺ ചെയ്യണം,… അബദ്ധത്തിൽ തിക്കിലോ തിരക്കിലോ പറ്റിയതാണേൽ അവൻ നീങ്ങി നിക്കും പിന്നെ അങ്ങനെ ഒരു സാഹചര്യം ഉണ്ടാവാതിരിക്കാൻ നോക്കും,… പിന്നേം അങ്ങനെ തന്നെ നിന്നു ശല്യപ്പെടുത്തിയാൽ, കൈമുട്ട് കുറച്ചു പൊക്കി പിടിക്കുക, എന്നിട്ട് നെഞ്ചിനും വയറിനും ഇടയിൽ ഒരു കുഴി ഇല്ലേ…അവിടെ ഒറ്റകുത്തു കുത്തുക,… അതോടെ അവനു കിട്ടേണ്ട ചുഗം കിട്ടിക്കോളും…”
ഞാൻ പറഞ്ഞത് കേട്ട അമ്മു കുത്തേണ്ട സ്ഥലം സ്വയം നോക്കുന്നുണ്ട്. എന്നിട്ട് തലകുലുക്കി കാട്ടി…
“ഇതൊക്കെ കാണിച്ചു തന്നെന്നു പറഞ്ഞിട്ട് അവസാനം എന്റെ കൂമ്പിന് കുത്തരുതെട്ടോ അമ്മൂസെ…ഞാൻ പാവോല്ലേ…”
കൊഞ്ചി ചിരിച്ചു അമ്മുവിന്റെ മടിയിൽ തലയും വെച്ചു കിടന്നപ്പോൾ മുല്ലപ്പല്ലു കാട്ടി പെണ്ണ് ചിരിച്ചു.
“ഏട്ടന്….അവിടെ ആരുടേലും കയ്യീന്ന് കുത്തു കിട്ടീട്ടുണ്ടോ…”
വായപൊത്തി പതിയെ ചിരിച്ചു അമ്മു ചോദിച്ചു.
“പോടി കുരുപ്പേ, അമ്മാതിരി ചെറ്റത്തരം ഒന്നും ഞാൻ ചെയ്യത്തില്ല….. ഇതു നിന്റെ ഊള എക്‌സ് ഇല്ലേ എന്റെ അനിയൻ തെണ്ടി അവനുമായി കുഞ്ഞിലെ ഇടി പിടിച്ചു കളിച്ചപ്പോൾ അറിയാതെ അവന്റെ കൈ കൊണ്ടൊരു കുത്തു അവിടെ കിട്ടി… ഹോ അന്ന് ശ്വാസം കിട്ടാതെ കണ്ണും മിഴിച്ചു കിടന്ന എന്നെ എനിക്ക് ഇപ്പോഴും ഓർമ ഉണ്ട്…”
ഞാൻ പറഞ്ഞു തീർന്നതും പെണ്ണ് കുനിഞ്ഞു വന്നു എന്റെ നെഞ്ചിൽ കടിച്ചു…
“ഔ….അമ്മൂ…വിടടി….ഊ…”
“ഇനി എന്നെ അവനുമായി കൂട്ടി പറയരുതെട്ടാ….നിക്ക് അത് ഇഷ്ടല്ലാ…”
കവിൾ വീർപ്പിച്ചു അമ്മു പറഞ്ഞതും അവിടെ ചൂണ്ടു വിരൽ കുത്തി ഞാൻ സോറി പറഞ്ഞു…
” ഇന്നലെ ഇവിടെ എന്തൊക്കെയാ കാട്ടിക്കൂട്ടിയെന്നു വല്ല ഓർമയും ഉണ്ടോ മോൾക്ക്….എന്താ പറ്റിയെന്നു അറിയാതെ ഞാനും വല്ലാതെ ആയി….”
ഞാൻ ചോദിച്ചത് കേട്ട അമ്മു എന്നെ കിടത്തി എനിക്ക് മേലെ കേറി കിടന്ന് എന്റെ നെഞ്ചിൽ തല വെച്ചു.
“അന്ന്…. എനിക്കൊരു എട്ട് ഒൻപതു വയസ്സ് ഉണ്ടാവും… തറവാട്ടിൽ കല്യാണം ആയി എല്ലാവരും കൂടിയിട്ടുണ്ടായിരുന്നു…. ഞങ്ങൾ പിള്ളേരെല്ലാം കൂടി അത്രേം കുട്ടികളെ ഒരുമിച്ചു കിട്ടിയതുകൊണ്ടു എന്തു കളിക്കണം എന്നറിയാതെ ഓടിപ്പാഞ്ഞു നടക്കുന്ന നേരം… അവസാനം ഞങ്ങൾ എല്ലാവരും ഒളിച്ചു കളിക്കാൻ … അന്ന് ഞാനിട്ട പട്ട് പാവാടയുടെ ചുവപ്പ് ഇപ്പോഴും എനിക്ക് ഓർമയുണ്ട്…. അന്ന് ഒളിക്കാൻ ആയി ഞാൻ ആദ്യം കയറിയത് അവിടെ പാചക്കാരു ഒക്കെ കൂടിയ കലവറയുടെ അടുത്തായിരുന്നു… ഒളിക്കാൻ സ്ഥലം നോക്കി ചുറ്റിയ എന്റെ അടുത്തേക്ക് വന്ന ആഹ് ആളുടെ മുഖത്തെ പാതി നര വീണ മീശ,…ചുവന്നു കുറുകിയ കണ്ണു… ആദ്യം എനിക്ക് പേടിയാ തോന്നിയത്…. ഒളിക്കാൻ സ്ഥലം കാട്ടി തരാം എന്ന് പറഞ്ഞു, എന്നെ വിളിചോണ്ട് പോയ അയാളുടെ കയ്യിലെ തഴമ്പു ഓർക്കുമ്പോൾ ഇപ്പോഴും എനിക്ക് എന്റെ കയ്യിൽ ഇടയ്ക്ക് അറിയാം… ഇരുട്ടിലേക്ക് എന്നെ പാത്തു നിർത്തി… ആഹ് കുറച്ചു നേരം എന്റെ മേലെ അയാളെന്താ ചെയ്തത് എന്നു എനിക്ക് ഓർമ പോലും ഇല്ല… അതെന്തായിരുന്നെന്നു മനസ്സിലാക്കാനുള്ള അറിവ് പോലും ഇല്ലായിരുന്നു… അന്ന് മുതൽ എനിക്ക് പേടിയാ ഏട്ടാ…ഇരുട്ടിൽ എന്താ നടക്കുന്നെന്നു പോലും അറിയാതെ നിക്കുന്ന ആഹ് കൊച്ചുകുട്ടിയായി പോവും ഞാൻ,.. എന്റെ മേലെ ദുരുദ്ദേശത്തോടെ കൈ ഇഴയുമ്പോൾ…. എനിക്ക് പറ്റത്തില്ല ഏട്ടാ…. എന്റെ മനസ്സ് പിടി വിട്ടു പോവും പോലെയാ…”
എന്റെ നെഞ്ചു പതിയെ നനയുന്നുണ്ടായിരുന്നു… അമ്മുവിന്റെ മേലെ കൈ വെക്കാൻ ഞാൻ ആദ്യമായി ഒന്നു മടിച്ചു… അതു മനസ്സിലാക്കി എന്നോണം അവൾ എന്നെ മുറുക്കെ പിടിച്ചു നെഞ്ചിൽ ഉമ്മ വെച്ചു… പതിയെ അവളുടെ മുതുകിൽ തഴുകി അമ്മുവിനെ അശ്വസിപ്പിക്കുമ്പോൾ കിലുക്കാം പെട്ടിപോലെ നടക്കുന്ന എന്റെ അമ്മുവിന്റെ ഉള്ളിൽ എന്നോ കോറിയിട്ട മുറിവുകളും ഉണ്ടെന്നു തിരിച്ചറിയുക ആയിരുന്നു ഞാൻ…
അന്ന് രാത്രി, കൊഞ്ചിച്ചും കളിപ്പിച്ചും പൂർണ്ണമായും അമ്മൂസിനെ എന്റെ പഴയ കിലുക്കാംപെട്ടി ആക്കി മാറ്റിയാണ് ഉറങ്ങിയത്,…
***********************************
ഒരു മാസം ഇതിനിടയിൽ കടന്നു പോയി,… പുറത്തൊക്കെ എന്തൊക്കെ റൗഡിത്തരം കാണിക്കുമെങ്കിലും ഒന്നു കൊഞ്ചിച്ചു അമ്മൂനെ കൊതിപ്പിച്ചു കഴിഞ്ഞാൽ പിന്നെ പെണ്ണിന്റെ അത്രേം നാണം വേറെ ആർക്കും ഇല്ല… അതുകൊണ്ടു തന്നെ ഇപ്പോഴും ഉമ്മ വെക്കലും തഴുകലും ഒക്കെയെ ഉള്ളൂ….
രാവിലെ, പോവും മുന്നേ പക്ഷെ കെട്ടിപ്പിടിച്ചു ഒരുമ്മ പെണ്ണിന് കിട്ടണം, അതു നിർബന്ധം ഉള്ള കാര്യമാണ്…
അന്ന് വൈകിട്ട് പണിയും കഴിഞ്ഞു ബേക്കറിയിൽ അമ്മൂനെ പറ്റിച്ചു ഒരു പപ്സും കേറ്റി, മുഖത്തു പറ്റിപ്പിടിച്ച ദൈവത്തിന്റെ കൈ ആയ പൊടി മുഴുവൻ തൂത്തു കളയുമ്പോൾ ആയിരുന്നു, ബസിൽ നിന്നു അമ്മു ഇറങ്ങി വന്നത്,… ഇറങ്ങിയതെ ബേക്കറിയിൽ കുറ്റിയടിച്ചിരുന്ന എന്നെ നോക്കി പെണ്ണ് ഓടി വന്നു.
മുഖത്തു ഭയങ്കര സന്തോഷം… അതുകണ്ടതും ഒന്നു പേടിച്ചത് ഞാനാണ്,… കരച്ചില് വന്നാൽ എന്നെ ചുറ്റിപ്പിടിക്കുന്ന അമ്മുവിന് സന്തോഷം വന്നാലും വേറെ വ്യത്യാസം ഒന്നുമില്ല,.. പെണ്ണിന്റെ തുള്ളി ചാടി ഉള്ള വരവ് കണ്ടപ്പോ തന്നെ, ചുറ്റുമുള്ളവർക്ക് ഇന്ന് നല്ലൊരു കാഴ്ച്ച കാണാം എന്നു ഞാൻ ഉറപ്പിച്ചു.
