” അതാ നല്ലത് “
” ഡാ ഏതെങ്കിലും തട്ടുകടയിൽ നിർത്ത് എന്തെങ്കിലും കഴിച്ചിട്ട് പോകാം “
” വേണ്ടടാ സമയം ഒരുപാട് ആയില്ലേ എന്നെ വീട്ടിൽ ഇറക്കിയെക്ക് “
” നമ്മൾ എന്തായാലും കഴിച്ചിട്ടേ പോകുന്നുള്ളൂ…. നിന്നെ വേണമെങ്കിൽ കലിങ്ങിന്റെ അവിടെ ഇറക്കം അവിടെന്ന് നടന്ന് പൊക്കോ “
” പോടാ അവിടെ വേണ്ട “
” എന്താടാ ഇരുട്ടത് ഒറ്റക്ക് പോകാൻ പേടി ഉണ്ടോ”
” അവന് എന്ത് പേടി …. വല്ല പ്രേതവും വന്നാൽ തന്നെ നിളത്തിൽ രണ്ട് മന്ത്രം ചൊല്ലിയാൽ പോരേ “
” പോടാ “
” ഡാ ഈ പ്രേതം ഒക്കെ ഉണ്ടോ അതിനെ കുറിച്ച് നിന്റെ മുത്തച്ഛൻ എന്താ പറഞ്ഞിട്ടുള്ളത് “
” ഡാ പ്രേതം എന്നത് ഒക്കെ അന്തവിശ്വാസങ്ങൾ ആണ്…… പിന്നെ നമ്മുടെ ജാതക പ്രകാരമുള്ള ആയുസ് തീരും മുൻപ് വല്ല അപകടം പറ്റി മരിക്കുക ആണെങ്കിൽ നമ്മുടെ ഗ്രഹനില അനുസരിച്ച് നമ്മുടെ സാനിധ്യം ഇവിടെ കാണണം …. അത്‌ കൊണ്ട് നമ്മൾ ജീവിച്ചിരിക്കുന്ന യൂണിവേഴ്‌സിലെ നന്മുടെ പ്രവർത്തികളുടെ നിഴൽ ഇവിടെ പ്രതിഭലിക്കും അത്രയേ ഉള്ളു…. അല്ലാത്ത അത്‌ ഉപദ്രവിക്കുക ഒന്നും ഇല്ല “
” എന്ത് പറഞ്ഞാലും അവന് ഉത്തരം ഉണ്ട്‌ ….. …. എന്നിട്ട് നിന്നോട് ഇതൊന്നും പഠിപ്പിച്ചിട്ടില്ലേ നിന്റെ മുത്തച്ഛൻ “
” ഡാ അവനെ ഇട്ട് വരാതെ “
” ഡാ എനിക്ക് നല്ല വിശപ്പ് ഉണ്ട്‌ … നീ ആലിന്റെ മുട്ടിലെ തട്ട് കടയിലേക്ക് വിട്. “
” ഡാ എന്നെ ആക്കിയിട്ട് പോടാ ……. ഞാൻ വൃതത്തിൽ ആണ് “
” ഇത്‌ ആദ്യമേ പറയണ്ടേ നിനക്ക് ദേശയും സാമ്പാറും വെടിച്ചു താരം “
“ഡാ വണ്ടി ഒതുക്ക് “
അജീഷ് കാർ തട്ടുകടക്ക് അടുത്ത് നിർത്തി. ഞങ്ങൾ തട്ടുകടയിലേക്ക് നടന്നു.
“ഡാ വിനു ഇവിടെ “
“അവൻ കാറിൽ തന്നെ ഇരിപ്പുണ്ട്…… ഡാ ഇറങ്ങി വാടാ “
” ഡാ നിങ്ങൾ കഴിച്ചിട്ടു വാ ഞാൻ ഇവിടെ ഇരിക്കാം “
വിനു കാറിൽ തന്നെ ഇരുന്നു അവനെ വിളിച്ചിട്ട് കാര്യം ഇല്ലെന്ന് അറിയാവുന്നത് കൊണ്ട് ഞങ്ങൾ തട്ടുകടയിലേക്ക് നടന്നു.
എന്റെ പേര് സ്റ്റാലിൻ. പേര് കേൾക്കുമ്പോൾ തന്നെ മനസിലാകും എന്റെ അച്ഛൻ ഒരു കമ്മ്യൂണിസ്റ്റ്കാരൻ ആണ് അത്‌ കൊണ്ട് തന്നെ എനിക്ക് ഈ ജ്യോതിഷത്തിൽ ഒന്നും വിശ്വാസം ഇല്ല. അച്ഛൻ നാട്ടുകാരുടെ ഏത് ആവിശ്യത്തിനും ഓടി നടക്കും പക്ഷെ സ്വന്തം വീട്ടിൽ അടുപ്പ് പോകയണം എങ്കിൽ എന്റെ അമ്മ തന്നെ വിചാരിക്കണം. ആത്മാർത്ഥത ഉള്ള ഒരു ജനസേവകൻ നാട്ടുകാർക്ക് നന്മ ചെയ്യാൻ ഇറങ്ങി തിരിച്ചാൽ. അവന്റെ പ്രവർത്തന മേഖല അവന്റെ വാർഡ് വിട്ട് വെളിയിൽ പോകില്ല കൂടിപ്പോയാൽ പഞ്ചായത്ത് അല്ലെങ്കിൽ മുനിസിപ്പാലിറ്റി. ജനങ്ങളുടെ ഇടയിൽ പ്രവർത്തിക്കുന്ന ഇവർ പലപ്പോഴും ബലിയടുകൾ അവറുമുണ്ട്. ഭാഗ്യം ഉണ്ടെങ്കിൽ ബൈഇലക്ഷനിലോ മറ്റോ സീറ്റ്‌ കിട്ടും അല്ലെങ്കിൽ പാർട്ടിക്ക് അകത്ത് നല്ല സപ്പോർട്ട് വേണം…. ഇതൊന്നും നടന്നില്ലങ്കിൽ എസി കാറിൽ വരുന്ന നേതാക്കൾക്ക് വേണ്ടി ഒട്ട് പിടിക്കാൻ ആവും ഇവരുടെ വിധി. ഞാൻ പറഞ്ഞു പറഞ്ഞ് വിഷയത്തിൽ നിന്ന് മറി പോയി അച്ഛന്റെ കാര്യം ഓർക്കുമ്പോൾ ഇതെല്ലാം എന്റെ മനസിലേക്ക് വരും.എന്റെ അച്ഛന്റെ പേര് കൃഷ്ണൻ അമ്മ രാധമണി. ഞാൻ ഒറ്റ മോൻ ആണ്. ബാക്കി കാര്യങ്ങൾ വഴിയേ പറയാം.
ഞാനും അജീഷും കാർത്തിക്കും വിനുവും ഒരെ ക്ലാസ്സിലാണ് പഠിച്ചിരുന്നത് . പക്ഷെ സ്കൂളിൽ പഠിച്ചിരുന്നപ്പോൾ വിനുവിനോട് നമ്മൾ ഇത്ര ക്ലോസ് അല്ലായിരുന്നു. നമ്മോളോട് എന്നല്ല അവൻ ആരോടും അധികം മിണ്ടാറില്ലായിരുന്നു. കോളേജിൽ വെച്ചാണ് അവൻ നമ്മളോട് ഇത്രയെങ്കിലും ക്ലോസ് ആയത്.
ഞങ്ങൾ ഓർഡർ ചെയ്ത ഫുഡ്‌ തട്ടുകടയിലെ ചേട്ടൻ നമ്മൾ ഇരുന്ന ടേബിളിൽ കൊണ്ട് വെച്ചു.
” ഡാ ഒരു പ്ലേറ്റ് അധികം ഉണ്ടല്ലോ “
” അത്‌ ഞാൻ വിനുവിന് ഓർഡർ ചെയ്തതാ “
” അഹ് കൊണ്ടു കൊടുക്ക് “
കാർത്തിക്ക് വിനുവിന് ഉള്ള പ്ലാറ്റിലേക്ക് ടേബിളിൽ ഇരുന്ന തുക്കിൽ നിന്നും ചമ്മന്തിയും സാമ്പാറും ഒഴിച്ചു. എന്നിട്ട് അതുമായി കാറിനടുത്തേക്ക് നടന്നു.
ഞങ്ങൾ ഓരോന്ന് പറഞ്ഞുകൊണ്ട് ഫുഡ്‌ കഴിച്ചുകൊണ്ടിരുന്നു.
” ഡാ ഒരെണ്ണം കൂടെ പറയടാ “
കാറിൽ ഇരുന്നുകൊണ്ട് വിനു വിളിച്ചു പറഞ്ഞു.
” നീ വേണമെങ്കിൽ ഇറങ്ങി വന്ന് വാങ്ങി കൊണ്ട് പോ “
‘ ഡാ പ്ലീസ് “
” നീ അല്ലെ വേണ്ടന്ന് പറഞ്ഞത് “
” കൊണ്ട് കോടുക്കാടെ “
” അങ്ങനെ വിട്ടാൽ പറ്റില്ലാലോ “
അജീഷ് വിനുവിനെ ബലമായി പിടിച്ചുകൊണ്ട്. നമ്മൾ ഇരുന്ന ടേബിളിലേക്ക് വന്നു.
“ഇവിടെ ഇരിക്ക് “
വിനു വന്നിരുന്നപ്പോൾ ഞാൻ ബീഫ് ഫ്രൈ കുറച്ച് ഇങ്ങോട്ട് മറ്റി വെച്ചു.
“ഡാ… വിനു നീ കുറച്ചു മുൻപ് തന്നെ മുത്തച്ഛന്റെ കയ്യിൽ നിന്ന് ജോതിഷം ഒക്കെ പഠിച്ചിരുന്നെങ്കിൽ…. നമ്മുക്ക് പഠിത്തം കഴിഞ്ഞിട്ടും ഇങ്ങനെ അലഞ്ഞു തിരിഞ്ഞു നടക്കേണ്ടി വരില്ലായിരുന്നല്ലോ “
കാർത്തിക്ക് വിനുവിനെ വീണ്ടും ചൊറിയാൻ തുടങ്ങി.
” ഡാ ഒന്ന് മിണ്ടാതിരിക്ക് കുറച്ച് നേരം ആയില്ലേ അവനെ ഇട്ട് വരുന്നു ”
ഞാൻ കാർത്തിക്കിനോട് പറഞ്ഞു.
” ഡാ അത്‌ കൊണ്ട് നിനക്കും ഉപകാരം ഉണ്ടായേനെ…….. നീ ആ മായയെ വളക്കാൻ എന്തെക്കെ നോക്കി വല്ലതും നടന്നോ ….. ഇവനെ കൊണ്ട് സമയം നോകിച്ചു അവളെ പ്രൊപ്പോസ് ചെയ്തിരുന്നെങ്കിൽ …. മായ നിന്റെ ജീവിതത്തിൽ നിന്നും മായയായി പോവില്ലായിരുന്നല്ലോ “
” ഇപ്പോഴും വൈകിയിട്ട് ഒന്നും ഇല്ല “
” ഇല്ലെടാ അവളുടെ കല്യാണം കഴിഞ്ഞില്ലേ ഇനി അത്‌ അവിഹിതം ആയി പോവും “
“ഡാ നിനക്കൊക്കെ എന്ത്. അവനെ വിട്ട് ഇനി എന്റെ നെഞ്ചത്തോട്ട് കേറൂ “
എനിക്ക് പെട്ടെന്ന് ദേഷ്യം വന്നു. ഞാൻ അവിടെ നിന്ന് എണിറ്റ് കുറച്ച് മറി നിന്നു. എന്റെ പുറകെ അജീഷും വിനും വന്ന് എന്നെ സമദനിപ്പിച്ചു.
മായ എനിക്ക് ആദ്യമായി പ്രണയം തോന്നിയ പെണ്ണ്. അവളോട് ഇഷ്ടം തുറന്ന് പറയാൻ ഞാൻ ഒരുപാട് ശ്രമിച്ചതാ പക്ഷെ അതൊന്നും നടന്നില്ല . ഞാൻ അവളെ മറക്കാൻ ശ്രമിക്കുമ്പോൾ എല്ലാം ഇത്‌ പോലെ എന്തെങ്കിലും തരത്തിൽ അവൾ എന്റെ ഓർമയിലേക്ക് വീണ്ടും വരും. അന്ന് രാത്രി എനിക്ക് ഉറങ്ങാൻ പറ്റിയില്ല ഓരോന്ന് ആലോചിച്ചു ഞാൻ തിരിഞ്ഞും മറിഞ്ഞും കിടന്നു.
കുറച്ച് ദിവസം കഴിഞ്ഞു വിനു എന്നെ ഫോണിൽ വിളിച്ചു.
” ഡാ എന്റെ പിറന്നാൾ ആണ് നാളെ….. മുത്തച്ഛൻ ഇപ്പോൾ പുറത്ത് ഒന്നും പോകാറില്ല അതുകൊണ്ട് തറവാട്ടിൽ വെച്ച് ചെറിയ സദ്യ സെറ്റ് അപ്പ്‌ ഉണ്ട്‌ … നീ വരില്ലേ ….അവന്മാരൊക്കെ ഉണ്ട്‌ “
” ഹാപ്പി ബർത്ത് ഡേ അളിയാ….ഞാൻ വരാം “
പിറ്റേന്ന് അജീഷും കാർത്തിക്കും എന്റെ വീട്ടിലേക്ക് വന്നു. ഞാൻ അവരുടെ കൂടെ വിനുവിന്റെ തറവാട്ടിലേക്ക് പോയി.
” ഡാ വിനു….നമ്മൾ പുറത്തുണ്ട് നീ ഇങ് വാ “
‘ കേറി വാടാ “
വിനു ഞങ്ങളെ അവന്റെ തറവാട്ടിനുള്ളിലേക്ക് വിളിച്ചു കൊണ്ട് പോയി. അവിടെ വിനുവിന്റെ അടുത്ത ബന്ധുക്കൾ അല്ലാതെ ആരുമില്ലായിരുന്നു. പക്ഷെ അവന്റെ മുത്തച്ഛനെ പുറത്ത് ഒന്നും കണ്ടില്ല. അജീഷ് വിനുവിനെ അടുത്തേക്ക് വിളിച്ചു ചോദിച്ചു.
