തല തിരിക്കുന്നതിനു മുന്നേ തന്നെ പുറകിലെ അടക്കിയ സംസാരം നല്ലപോലെ കേൾക്കാൻ കഴിഞ്ഞു..എല്ലാരും ണ്ടോ ദൈവമേ.. ഉഷാന്റി ചതിച്ചു.ചിരി കഴിഞ്ഞു ചളിപ്പുള്ള മുഖവുമായി അനു ഒന്ന് എന്നെ നോക്കി…
“പെട്ടു ല്ലേ “എന്ന് പതിയെ അവളോട് ചോദിച്ചപ്പോ… ചെറിയമ്മക്ക് ഒരു പേടിയും ഇല്ലാ.. പിന്നെ ഞാൻ എന്തിന് പേടിക്കണം.. എന്റെ കൈ മുറുക്കി ചെറിയമ്മ കുറച്ചു മുന്നോട്ട് നിന്നപ്പോ തിരിഞ്ഞു നിന്നിരുന്ന ഞാൻ നേരെ ആയി ആ കാഴ്ച കണ്ടു. അടുക്കളയിലേക്ക് കേറി എല്ലാരും ചിരിയോടെ നിൽക്കുന്നുണ്ട്.
അച്ചനും അങ്കിൾ മാരും കണ്ണ് കൂർപ്പിച്ചു നോക്കുമ്പോ , ഉഷാന്റിക്കും ഗായത്രിക്കും ചിരിയാണ്, ആശാന്റി താടിക്ക് കൈ കൊടുത്തു നിൽക്കുന്നു. ഇതിനിടയ്ലേക്ക് “എന്താ എല്ലാരും ഇവിടെ “എന്ന് പറഞ്ഞു ഇടയിലൂടെ മുന്നോട്ട് വന്നു എന്റെ സ്വന്തം അമ്മയുടെ ചോദ്യം. ചെറിയമ്മ എന്റെ കയ്യിൽ മുറുക്കെ പിടിക്കുന്നത് ഞാൻ അറിഞ്ഞു. അമ്മ ഞങ്ങളെ രണ്ടു പേരെയും ഒന്ന് നോക്കി ചിരിച്ചു.രാവിലെ വേറെ ഒന്ന് കണ്ടതല്ലേ അതോണ്ട് അത്രവല്ല്യ കാര്യമായി തോന്നി കാണില്ല. ബാക്കിയുള്ളവർക്ക് ആദ്യമായി ഉള്ളൊരു കാഴ്ച അല്ലെ.
“എന്താണ് മക്കളെ ഇത്…അഭിയും അനുവും തന്നെ ആണോ രണ്ടും ” ഉഷാന്റിയുടെ കളിയാക്കുന്ന ചോദ്യം.. അവരാരും ഇതുവരെ ഞങ്ങൾ ഒന്ന് സംസാരിക്കുന്നത് പോലും കണ്ടു കാണില്ല.
ഇങ്ങനെ നിന്നാൽ പോരാ എല്ലാരും മുന്നിലില്ലേ.. ഞങ്ങൾ തമ്മിൽ ഒരു പ്രശ്നവും ഇല്ലെന്ന് കാട്ടണം.. അല്ലേൽ അവളെ ഇത്ര വിഷമിപ്പിച്ചതിന് ഒരു സോറി ഇവരുടെ മുന്നിൽ വെച്ചു അങ്ങു പറഞ്ഞാലോ..
കൂടെ എന്റെ ഒപ്പരം നില്‍ക്കുന്ന പെണ്ണിനെ ഞനൊന്ന് നോക്കി.എന്റെ നോട്ടം വന്നതും അതേപോലെ ചെറിയമ്മയും എന്റെ നേർക്കാ തല തിരിച്ചു .എന്ത് പാവം ആണിപ്പോ .ചിരിച്ചു കൊണ്ട് ഞാനാ കൈയിലെ പിടുത്തം വിട്ടു..ഒരു ചെറിയ പരുങ്ങൽ കൊണ്ട് ചെറിയമ്മ വിട്ടുതന്നില്ല എന്നാലും ഇടതു കൈ ഉയർത്തി ഞാൻ അനുവിന്റെ ഇടത്തെ തോളിൽ വെച്ചു എന്നോട് ചേർത്ത് നിർത്തി മുന്നിലുള്ളവർക്ക് കാണിച്ചു കൊടുത്തു ഞങളുടെ സ്നേഹം.
ആ നീക്കം കണ്ടു അനു ഒന്ന് ഞെട്ടി എന്റെ മുഖത്തേക്ക് തന്നെ മിഴി വെട്ടാതെ നോക്കി നിന്നു.അതിനും കൂടുതൽ എന്റെ മുന്നിൽ നിൽക്കുന്നവരുടെ ഭാവം ആയിരുന്നു എനിക്ക് കാണേണ്ടത്.അവർ വാതുറന്നു.
“എന്താ.. നോക്കുന്നെ എല്ലാരും? ഇതെന്റെ ചെറിയമ്മ ആണ്…എന്റെ അനു…ചിലരുടെയൊക്കെ വിചാരം ഞങ്ങൾ തമ്മിൽ കണ്ടാൽ കടിച്ചു കീറാൻ നടക്കാന്നൊക്കെയാ. ” വാ പൊളിച്ച അവരുടെ മുന്നിലേക്ക് ചെറിയമ്മയെ കൂട്ടി പിടിച്ചു രണ്ടടി വെച്ചു പറഞ്ഞതും കേട്ട് വീണ്ടും കിളി പോയി അവര് അങ്ങോട്ടു ഇങ്ങോട്ടും പരസ്പരം നൊക്കി നിന്നു.
എന്റെ കൂടെ അനുസരണയോടെ തന്നെ നിന്ന അനു ഒന്നും മിണ്ടാതെ ആയപ്പോ അവളുടെയും കിളിപോയൊ എന്നരീതിയിൽ ഞാൻ പതിയെ ഒന്ന് നോക്കി.നെഞ്ചിലേക് കൂടുതൽ അടുത്ത അവളെ വലത്തെ കൈ എന്നെ ചുറ്റി എന്റെ ഇടുപ്പിലാണ്. ഉയർത്തി എന്നെ നോക്കുന്ന ആ കണ്ണുകൾ നിറഞ്ഞിട്ടുണ്ട്.. എന്നത്തേയും പോലെ എന്നെ തളർത്തുള്ള ആ നോട്ടം.. ഈശ്വര. മുന്നിലെ അമ്മയെ നോക്കിയപ്പോ അവിടെ എന്താപ്പോ ഇതെന്നുള്ള ഭാവവും ..എനിക്ക് ഇവളെ കെട്ടണം കൂടെ പറഞ്ഞാലോ??? ചിന്ത കാട് കേറി. എന്തിനാ പൊല്ലാപ്പ്..വേണ്ട അമ്മ വെട്ടു കത്തി എടുക്കും.
“ആഹാ രണ്ടും കൂടെ ഒന്നായോ… ലക്ഷ്മിക്ക് ഇപ്പോ സന്തോഷായി കാണാല്ലോ ” ഞങ്ങളെയും അമ്മയെയും നോക്കി ഷാജി അങ്കിളിന്റെ ചോദ്യം.ശെരിയായിരിക്കും അമ്മക്കായിരുന്നിരിക്കണം ഞങ്ങൾ ഇങ്ങനെ ആയതിൽ ഏറ്റവും കൂടുതൽ സന്തോഷം.. ചെറിയമ്മയെ പോലെ ചെറുതായി ഒന്ന് കണ്ണ് നിറച്ചു ഞങ്ങളെയും പിന്നെ അച്ഛനെയും നോക്കി.. അമ്മ ചിരിച്ചു…
“ഏയ്യ് ഞങ്ങൾ തമ്മിൽ പ്രേശ്നഒന്നും ഉണ്ടായിരുന്നില്ല…” ഷാജി അങ്കിളിന്റെ ചോദ്യത്തിന് ഞാൻ മറുപടി പറയാണ് നോക്കി… “ല്ലേ ചെറിയമ്മേ.” അനൂനെ കൂടെ നോക്കി ഞാൻ ചോദിച്ചപ്പോ.. നല്ലപോലെ കണ്ണുനിറച്ചു അവൾ എന്റെ നെഞ്ചിലേക്ക് ചാഞ്ഞു . അതിന് ശെരിക്ക് സന്തോഷം ആയിക്കാണും.
“പിന്നെ ഞങ്ങൾ കാണാത്തത് ആണല്ലോ…” എന്റെ മറുപടിക്ക് ഗായത്രിയുടെ കമന്റ്‌..എടീ.. ഞാൻ കണ്ണുരുട്ടുന്നപോലെ കാട്ടി..
നാടകം കാണുന്ന പോലെ എന്തിനാ ഇവരൊക്കെ മുന്നിൽ നിൽക്കുന്നെ ഒന്ന് പൊയ്ക്കൂടേ?? വിചാരിച്ചപ്പോഴേക്കും ശ്രീ അങ്കിൾ തിരിച്ചു പോവാൻ തുടങ്ങി…ഓ സോറി പറയാൻ മറന്നല്ലോ..
“അതേ ഒന്ന് നിക്കോ ഒരു കാര്യം പറയാൻ ണ്ട്.”” പോവാൻ തുടങ്ങാൻ നിന്ന എല്ലാരും ഒന്നുടെ എന്നെ നോക്കി .ഇനി ഇവിന്നെന്താ എന്നുള്ള നോട്ടം…
ഞാൻ ചെറിയമ്മക്ക് നേരെ തല ചിരിച്ചു.. എന്റെ തോളിൽ ആണ് ആ മുഖം..
“എനിക്കവളെ കണ്ണെടുത്താൽ കണ്ടുകൂടായിരുന്നു… ഞാൻ കുറേ… വെറുതെ തല്ല് വാങ്ങി കൊടുത്തിട്ടുണ്ട്.അമ്മയുടെയും അച്ഛന്റെയും ചീത്ത കേൾപ്പിക്കാൻ നോക്കീട്ടുണ്ട്. എല്ലാം ഞാൻ വെറുതെ ചെയ്തതാ..ഇവൾ ഒന്നും ചെയ്തിട്ടൊന്നും ഇല്ലാ . കുറേ കളിയാക്കി.. നിങ്ങളുടെ എല്ലാരുടെയും മുന്നിൽ ഞാൻ എത്ര കളിയാക്കിയിട്ടുണ്ട്..പാവായിരുന്നു എന്നെ നല്ല ഇഷ്ടായിരുന്നു. അത് ഇപ്പഴാ എനിക്ക് മനസിലായത് ” ഞാൻ എന്താ പറയുന്നത് എന്ന് എനിക്ക് തന്നെ അറിയില്ല. കൂടെ പിടിച്ചു എന്റെ നെഞ്ചിൽ ചെറിയമ്മ ഉള്ള ആശ്വാസം ആയിരുന്നു.ഒന്ന് ശ്വാസം വിട്ടപ്പോ അച്ഛന്റെയും അമ്മയുടെയും മുഖം വിടർന്നു നിൽക്കുന്നുണ്ട് ബാക്കിയുള്ളവർ സിനിമ കാണുന്നപോലെ നിക്ക അടുത്തെതെന്താ സംഭവിക്കാ എന്നാ രീതിയിൽ..തിരിഞ്ഞു ഞാൻ ചെറിയമ്മയുടെ നേരെ ആയി… “സോറി ചെറിയമ്മേ….എല്ലാത്തിനും. ഞാൻ നല്ല കുട്ടീ ആയി. പണ്ട് അനൂന്ന് വിളിച്ചു വരുന്ന പഴയ അഭിയായി .? ” മുഖം ചുളിച്ചു ഞാൻ അവളോട് കാര്യം അങ്ങ് പറഞ്ഞു.
എവിടെ. എന്തുവന്നാലും കരച്ചിൽ വിടില്ല എന്ന് പറഞ്ഞു കണ്ണിൽ നിന്ന് വെള്ളം ഒഴുക്കി എന്നെ നോക്കുന്നു.കവിളൊക്കെ ചുവന്നുതുടുത്തിട്ടുണ്ട്.എന്തായാലും ഇത്രയായി ഒരുമ്മകൂടെ കൊടുക്കാം…
ഞാനിത്തിരി താഴ്ന്നു..ആ ചുവന്നു തുടുത്തു കണ്ണീരിഴുകുന്ന കവിളിൽ മുന്നിലുള്ളവർ കാണട്ടേ എന്ന രീതിയിൽ തന്നെയൊരുമ്മ കൊടുത്തു.. കവിളിൽ എന്റെ ചുണ്ടമാർന്നപ്പോ ചെറിയമ്മയുടെ രണ്ടുകൈയും എന്റെ പുറത്തേക്കെത്തിയിരുന്നു.. വലിഞ്ഞു ഒരു മുറുക്കം… എങ്ങലടിക്കുന്ന ശബ്‌ദം.. ഞാൻ തല പൊക്കിയപ്പോ.. അർത്തലാക്കുന്ന പോലെ അവളെന്നെ കെട്ടി പിടിച്ചു കരഞ്ഞു..
ഞാൻ പെട്ടന്ന് മുന്നോട്ടേക്കാണ് നോക്കിത്. എല്ലാരുടെ മുഖവും ആകെ വല്ലാതെ നിൽക്കുന്നു.ചെറിയമ്മേ മുറുക്കി അറിയാതെഞാനും കരഞ്ഞു പോയി. ഇത്തിരി നേരം അങ്ങനെ നിന്നപ്പോ.. അയ്യേ വല്ല്യ മക്കളായി കരയുന്ന കണ്ടില്ലേ എന്ന് പറഞ്ഞു ഉഷാന്റിയും ആശാന്റിയും ചുറ്റും കൂടി.ചെറിയമ്മ പെട്ടന്ന് തലപൊക്കി.. ഞാൻ ചെറിയമ്മയെ ചുറ്റിയിരുന്ന എന്റെ കൈ അയച്ചു. കണ്ണുകൾ രണ്ടും പെട്ടന്ന് തുടച്ച അവൾ എന്റെ കണ്ണുകളും ഒപ്പി രണ്ടുകവിളിലും ഓരോ കടിയും ഉമ്മയും..സുഗിച്ച എന്റെ ആ നോട്ടത്തിൽ.. ചെറിയമ്മ സാധാരണ നോക്കുന്ന പോലെ, തല ഇത്തിരി ചെരിച്ചു എന്റെ കണ്ണിലേക്കു നോക്കി നിന്നപ്പോഴേക്കും ആന്റിമാർ ഞങ്ങളെ ഏറ്റെടുത്തു… പിന്നെ ശ്രദ്ധ മാറി.
