“എന്ത് പരുപാടി????…. അതൊക്കെ വൈകുന്നേരം പറയാം…… അന്നേരം എന്തേലും ഉടായിപ്പ് പറഞ്ഞാ തലക്കിട്ടുഞാനടിക്കും…..”
“അഹ് നോക്കാം…..”
അപ്പോഴേക്കും അച്ഛനെന്നെ വിളിച്ചു പിന്നെ പണിയോട് പണിയായിരുന്നു എല്ലാവർക്കും അടിക്കാനുള്ള സാധനം മേടിക്കണം വരുന്ന ബന്ധുക്കളുടെ സ്റ്റേ റെഡിയാക്കണം അങ്ങനെ ഒരുവിധം പണിയൊക്കെ എനിക്കാണ് കിട്ടിയത് ഞാൻ പിന്നെ അതിന്റെ പുറകെയായിരുന്നു ഇടക്കെപ്പോഴേ പൊന്നു വിളിച്ച് വൈകുന്നേരം മറക്കരുതെന്നൊക്കെ പറഞ്ഞെങ്കിലും അപ്പോഴത്തെ തെരക്കിൽ അത് ഞാൻ മറന്നുപോകും…….. എന്റെ ഒരുവിധം പണിയൊക്കെ ഒരു ഏഴുമണിയോടെ ഒതുങ്ങി……
നേരെ റൂമില് പോയി കുളിയും കഴിഞ്ഞു ഒരു ആകാശനീല ഷർട്ടും അതെ കരയുള്ള വെള്ള മുണ്ടും ഉടുത്തു പുറത്തേക്കിറങ്ങിയതും പൊന്നു ഓടിവന്ന് എന്റെ കൈയിൽ കേറി പിടിച്ചു അവളും ഒരു നീല ചുരിദാറാണ് ഇട്ടിരുന്നത്…….. അത്യാവശ്യം പൂട്ടിയൊക്കെ ഇട്ട് നന്നായിട്ടൊരുങ്ങിയാണ് അവളുടെ നടപ്പ് ഞാൻ അവളെ സൂക്ഷ്മമായിട്ടൊന്ന് വീക്ഷിച്ചു…… മുഖത്ത് കുറച്ചധികം മേക്കപ്പ് കണ്ണിൽ കണ്മഷിയൊക്കെ ഇട്ടിട്ടുണ്ട് പക്ഷെ ചൂണ്ടിൽ ലിപ്സ്റ്റിക്കില്ല അല്ലേലും അവള്ടെ ചൂണ്ടിന് നല്ല റോസ് കളറാണ്…… ഒരു ചെറിയ സ്വർണമാലായിട്ടിട്ടുണ്ട് കാതിലൊരു ജിമിക്കി……. നീല ചുരിദാറിൽ അവളൊരുപാട് സുന്ദരിയായി തോന്നിയില്ല ഓർമവെച്ച കാലം തൊട്ട് ഇങ്ങനെ കാണുന്നത് കൊണ്ടാന്ന് തോന്നുന്നു സാധാരണ ഒരുങ്ങുന്നത് പോലെയേ എനിക്ക് തോന്നിയുള്ളു……. പക്ഷെ അറിയാതെയാണേലും അവളുടെ ചെറിയ ഓറഞ്ച് മൂലകളിലേക്ക് ഒരു നോട്ടം പോയി അവളും അത് ശ്രദ്ധിച്ചെങ്കിലും ചൂണ്ടിലൊരു ചിരി വിടർന്നതല്ലാതെ വേറൊന്നും അവള് പറഞ്ഞില്ല…….
“നീയെന്ന വൈകുന്നേരം എന്തോ പരിപാടിയുണ്ടെന്ന് പറഞ്ഞേ????”
“അതൊക്കെ പിന്നെ പറയാ വാ ഇപ്പൊ അങ്ങോട്ട് പോവാം…….”
ഫങ്ക്ഷനുവേണ്ടിയൊരുക്കിയ സ്റ്റേജിലേക്ക് കൈ ചൂണ്ടിക്കൊണ്ടവള് പറഞ്ഞപ്പോ ഞാൻ അങ്ങോട്ട് നടന്നു എന്റെ കൈപിടിച്ചവളും……..
ഞങ്ങളൊരുമിച്ചു നടന്നപ്പോ പലരും ഞങ്ങളെ നോക്കുന്നത് ഞാൻ ശ്രദ്ധിച്ചു ചിലപ്പോ ഒരേ കളറിലുള്ള ഡ്രെസ്സും കൈപിടിച്ചുള്ള നടപ്പുമൊക്കെ കൊണ്ടായിരിക്കും പക്ഷെ അവളിതൊന്നും കാര്യമാക്കാതെ നടപ്പാണ്…….
പന്തലിലേക്ക് ചെന്നതും നാനാപാടേന്നുമുള്ള ബന്ധുക്കൾ ഞങ്ങളെ വളഞ്ഞു…… എന്ത് ചെയ്യുന്നു, പഠിക്കുവാണോ, എന്താവാനാ ആഗ്രഹം, പിന്നെ കുറച്ചുപദേശമൊക്കെ കേട്ടെങ്കിലും അതിനൊക്കെ ഉത്തരം കൊടുത്തു നടന്നെങ്കിലും അവസാനം പൊന്നുന് വന്ന വിവാഹാലോചന ഞങ്ങടെ രണ്ടുപേരുടെയും മൂഡ് കളഞ്ഞു……. ഏതോ ഒരു അമ്മായിടെ മൂത്ത മോന് വേണ്ടിയാണ് പോലും ആള് മുംബൈയിൽ എഞ്ചിനീയർ ആണെന്നാണ് ആ തള്ള പറഞ്ഞത്……. ആദ്യമൊക്കെ തമാശ പോലെയെടുത്തെങ്കിലും അമ്മായിയോടും മാമനോടും അവര് ഒരു പ്രെപ്പോസൽ പോലെ വെച്ചപ്പോ പിന്നെ ഞങ്ങൾക്ക് രണ്ടുപേർക്കും അവടെ ഇരിക്കാൻ തോന്നിയില്ല ……..
“ടാ വാ ഒരു സ്ഥലം വരെ പോവാം…..”
അവളെന്റെ കൈയിൽ പിടിച്ച് വലിച്ചു കൊണ്ടുപോയി ഏട്ടന്റെ പോളോയിൽ കേറ്റി…… കല്യാണം ആയോണ്ട് കാർ രണ്ട് ദിവസമായിട്ട് എന്റെ കൈയിലാണ്……
ഞാൻ കാർ സ്റ്റാർട്ട്‌ ചെയ്ത് റോഡിലേക്കിറക്കി
കല്യാണം ആയോണ്ട് തിരക്ക് കൂടിയാ വണ്ടിയെടുക്കാൻ പറ്റില്ലെന്നും പറഞ്ഞു അനന്തു വണ്ടി റോഡ് സൈഡിൽ ഇട്ടത് നന്നായി എളുപ്പം വണ്ടിയെടുക്കാൻ പറ്റി…..
” എങ്ങോട്ടാടി പോവണ്ടത്????… ”
“ചുമ്മാ കുറച്ച് നേരം ഓടിക്ക് എന്നിട്ട് തീരുമാനിക്കാം….”
ഞാൻ പുതുതായി പണിത റോഡിലൂടെ വണ്ടി പായിച്ചു….. അവളാപ്പോഴേക്കും വിൻഡോയിലൂടെ രാത്രിയിലെ തണുപ്പ് കാറ്റ് ആസ്വദിക്കുവാരുന്നു……
കുറെ നേരം ആ ഹൈവേയിൽ കൂടെ ഞാൻ ഇരുട്ടിനെ കീറിമുറിച്ചു കളിച്ചു……
“ടി എങ്ങോട്ടാ പോവണ്ടതെന്ന് പറ….. ഇനി നീ പറഞ്ഞില്ലെങ്കി ഞാൻ തിരിച്ചു വീട്ടിലേക്ക് വിടും…….”
ഞാനിത്തിരി സൗണ്ട് കടുപ്പിച്ചാണ് പറഞ്ഞത്……..
“എന്റെ വീട്ടിലേക്ക് വണ്ടി വിട്……. ”
“അതിനവടെയാരുമില്ലല്ലോ……. ”
“അതുകൊണ്ടാ അങ്ങോട്ട് പോവാൻ പറഞ്ഞത്……”
അതും പറഞ്ഞവൾ വീണ്ടും ആ തണുപ്പ് കാറ്റ് ആസ്വദിക്കാൻ തുടങ്ങി…………
