അങ്ങനെ രണ്ട് മണിക്കൂർ അമ്പത്തിരണ്ട് മിനിറ്റ് നീണ്ട സിനിമ കാഴ്ച്ചക്ക് ശേഷം ഞാൻ കേറിക്കിടന്നുറങ്ങി……
പിറ്റേദിവസം എന്റെ സ്വന്തം ചേട്ടന്റ അലർച്ച കേട്ടാണ് ഞാൻ എഴുന്നേറ്റത്…….. കണ്ണ് തുറന്ന് നോക്കിയപ്പോ കാലൻ കാലിൽ പിടിച്ച് കുലുക്കി വിളിക്കുന്നു……
“ഈ മൈരൻ ചത്തില്ലായിരുന്നോ??….” ഞാൻ സ്വയം ചോദിച്ചോണ്ട് എഴുന്നേറ്റു……
“ഇല്ലടാ ചത്തില്ല…… പക്ഷെ രണ്ട് ദിവസം മുന്നേ ഒരു വാഴ ചത്തേനെ…..”
കോപ്പ് ആത്മഗതാഗത്തിന് സൗണ്ട് കൂടി പോയോ…..
“അഹ് കൂടി പോയി…….. വാ എഴുന്നേറ്റൊരുങ്ങ് ഹോസ്പിറ്റലി പോകണ്ടേ…..”
“അഹ് ഇവിടിരി ഞാനൊന്ന് കുളിക്കട്ടെ……”
“ടാ വിവരദോഷി തല അനക്കരുത് നനക്കരുതെന്നൊക്കെ ഡോക്ടർ പറഞ്ഞേക്കുന്നെ….. അപ്പൊ നീ കുളിക്കാൻ പോകുവാണോ…..”
” തല നനക്കാൻ പാടില്ലെന്നല്ലേ ഡോക്ടർ പറഞ്ഞത് കുളിക്കരുതെന്ന് പറഞ്ഞില്ലല്ലോ…… ഞാൻ ബോഡി മാത്രം വാഷെയ്തിട്ട് വരാം…… ”
ഞാൻ പല്ല് തേപ്പും കഴിഞ്ഞ് മേല് മുഴുവൻ നന്നായിട്ട് കഴുകി…… ഹോ അത്രേം വല്യ ഇടി വെച്ചിട്ട് ബോഡിയിൽ ഒരു സ്ക്രച്ച് പോലും ഇല്ല……. പക്ഷെ തലേൽ നല്ലൊരു കെട്ട് ………. രണ്ട് ദിവസമായിട്ട് തലേലിരിക്കണ കാരണം ചെറുതായിട്ട് അഴുക്ക് പറ്റിയിട്ടുണ്ട്……ഞാൻ ശരീരോം തോർത്തി ഒരു ഷോർട്സും ഷർട്ടും എടുത്തിട്ട് പുറത്തേക്കിറങ്ങി…….
അമ്മായിയോടും പൊന്നുനോടും ഹോസ്പിറ്റലിൽ പോയിട്ട് വരാമെന്നും പറഞ്ഞിറങ്ങി…… അവളും കൂടെ വരാന്ന് പറഞ്ഞെങ്കിലും ചേട്ടൻ സമ്മതിച്ചില്ല……
ഞാൻ കാറിൽ കേറിയതും അവൻ വണ്ടി പായിച്ചു…….
” നീയെന്തൊരു ചേട്ടനാടാ സ്വന്തം അനിയൻ തലേം പൊട്ടി അനങ്ങാൻ പാടില്ലാണ്ട് കെടക്കുമ്പോഴും നിനക്ക് ബിസ്സിനെസ്സ്…… കൊള്ളടാ….. നീയൊന്ന് തിരിഞ്ഞ് നോക്കിയില്ലല്ലോ….. ”
“ഓ ഞാൻ നോക്കിയില്ലേൽ എന്ന നിന്നെ നോക്കാൻ വേറെ ആളുണ്ടല്ലോ……”
അവനൊരു കള്ളച്ചിരിയോടെ പറഞ്ഞപ്പോഴേ ഞാനൊരു പന്തികേട് മണത്തു……
“ആര്???….”
“ഡേയ് ഞാനൊന്നും അറിയണില്ലന്നോണോ നീയോർത്തിരിക്കണത്……അന്ന് പൊന്നു നിന്നെ റൂമിലേക്ക് വിളിച്ചോണ്ട് പോയില്ലേ അന്ന് കൊറേ നേരം നോക്കിയിരുന്നിട്ടും നിന്നെ കാണാത്തോണ്ട് ഞാൻ തെരക്കി വന്നപ്പോ നീ അവളേം കെട്ടിപിടിച്ചോണ്ട് കെടന്നൊറങ്ങണ് അപ്പൊ തന്നെ എനിക്ക് രണ്ടിന്റെയും അസുഖം മനസ്സിലായി പിന്നെ പിറ്റേദിവസം തന്നെ ഞാൻ അവളെ ചോദ്യം ചെയ്താരുന്നു…… അപ്പൊ കൺഫോമായി ”
അവനൊരു വളിച്ച ചിരിയോടെ എന്നോട് പറഞ്ഞു……
“എടാ എന്നിട്ട് വേറാരെലും കണ്ടോ ഞങ്ങൾ ഒരുമിച്ച് കെടക്കണത്???……”
“ഇനി കാണാനായിട്ട് ആ വീട്ടില് ഒരാള് പോലുമില്ല……”
“ങേ….. നീ വിളിച്ചെല്ലാരേം കാണിച്ചു കൊടുത്തോ???…..”
“ഞാനങ്ങനെ ചെയ്യുന്ന് നിനക്ക് തോന്നണുണ്ടോ???…..
അവരെല്ലാരും വന്ന് നോക്കിയപ്പോ നിങ്ങള് കെട്ടിപിടിച്ചു കെടക്കണ്…..”
“അമ്മായിയോക്കെ കണ്ടോ???”
“റിയ ഉൾപ്പടെ ആ വീട്ടില് അന്നുണ്ടായിരുന്ന എല്ലാരും കണ്ടു…….”
“കോപ്പ്…….
“പക്ഷെ ആർക്കും കൊഴപ്പൊന്നും ഇല്ലടാ…… അമ്മായിയും മാമനും പറഞ്ഞത് ഒന്ന് രണ്ട് കൊല്ലം കൂടി കഴിഞ്ഞാ നിങ്ങടെ കല്യാണം നടത്തിത്തരാന്നാ….
“സത്യായിട്ടും?????”
“ആഹ്ടാ സത്യായിട്ടും……”
“അപ്പൊ അമ്മ എന്ന പറഞ്ഞ്???”
“അമ്മയ്ക്കും അച്ഛനും യാതൊരു പ്രശ്നോമില്ല……
പക്ഷെ നിന്റെ ഇപ്പോഴത്തെ ആറ്റിറ്റ്യൂഡ് ഒന്ന് മാറ്റണം……. ഒന്നില്ലെങ്കി അച്ഛനെ സഹായിക്കണം അല്ലെങ്കി മാമനെ ബിസ്സിനെസ്സിൽ ഹെല്പ് ചെയ്യണം ഇത് രണ്ടുവില്ലെങ്കി എന്തെങ്കിലും പഠിക്കാൻ പോണം……..അങ്ങനെ എന്തേലും കൂടി ചെയ്ത് തുടങ്ങി കഴിഞ്ഞ പിന്നെ നിന്റെ കാര്യം ഏകദേശം സെറ്റായി……”
അവൻ പറഞ്ഞ് തീർന്നതും ഞാൻ ഹാപ്പിനെസിന്റെ എക്സ്ട്രീം ലെവലിൽ എത്തിയിരുന്നു……
“പൊന്നു ഇത് വല്ലോം അറിഞ്ഞാരുന്നോ??..”
“ഞാനവളെ ചോദ്യം ചെയ്തത് എല്ലാരുടേം മുന്നിലിട്ടാണ്…….”
“അടിപൊളി……”
പിന്നേം ഓരോന്നും പറഞ്ഞോണ്ടിരുന്നതും ഹോസ്പിറ്റലിത്തി….. നേരെ കേറി മുറിവ് ഡ്രെസ്സും ചെയ്ത് ഇറങ്ങി വണ്ടിയിൽ കേറിയതും ഇനിയെങ്ങനെ അമ്മായിനേം മാമനേം ഫേസ് ചെയ്യുന്നൊള്ള ചിന്തയായിരുന്നു മനസ്സ് നിറയെ……