സ്റ്റീഫനെ ലെന വിട്ടില്ല. അപ്പച്ചിയുടെ കൂടെ നിൽക്കട്ടെ എന്ന് പറഞ്ഞവിടെ പിടിച്ചു നിർത്തി. ലെന പോലീസ് കണ്ട്രോൾ റൂമിൽ വിളിച്ചു അർജ്ജുവും അന്നയും പോയ വാഹനങ്ങളെ കുറിച്ച് വിവരം കിട്ടിയോ എന്ന് അന്വേഷിച്ചു.
അത് മാഡം വിളിച്ചതിന് പിന്നാലെ ADGP വിളിച്ചു സ്റ്റേഷനിലേക്ക് മെസ്സേജ് പാസ്സ് ചെയ്യണ്ടതില്ല എന്ന് പറഞ്ഞായിരുന്നു ”
അതോടെ ലെനക്ക് കാര്യം മനസ്സിലായി. സിറ്റി പോലീസ് കമ്മിഷണർ ആയിട്ടു കൂടി തൻ്റെ ഫോൺ ചോർത്തുന്നുണ്ട്. രാജീവ് കുമാർ എന്ന അർജ്ജുവിൻ്റെ കസിൻ സിസാരക്കാരനല്ല. അയാൾക്ക് പോലീസിൽ നല്ല സ്വാധീനം ഉണ്ട്. അല്ലാതെ ഇതൊന്നും നടക്കില്ല
ലെന ഗാർഡ് ഡ്യൂട്ടിയിലുള്ള പോലീസിനെ വിളിച്ചിട്ടു അയാളുടെ ഫോൺ വാങ്ങി. എന്നിട്ട് വിശ്വാസമുള്ള ഒരു സി.ഐ യെ വിളിച്ചു ഫ്ലാറ്റിൽ നിന്ന് ലഭിച്ച അക്കൗണ്ട് നമ്പറുകൾ കൈമാറി. എന്നിട്ട് രഹസ്യമായി അക്കൗണ്ട് സ്റ്റേറ്റ്മെൻ്റെകൾ എടുക്കാൻ ആവശ്യപ്പെട്ടു.
ത്രിശൂർ:
ദീപു വീട്ടിലെത്തി അവൻ്റെ അച്ഛനും അമ്മയുടെയും അടുത്തു കുറച്ചു നേരം വിശേഷങ്ങളൊക്കെ പറഞ്ഞിരുന്നു. ടൂർ കഴിഞ്ഞു മൂന്നു ദിവസം അവധിയാണെന്ന് അവൻ നുണ പറഞ്ഞു. പതിവ് പോലെ അവർ ഓഫീസിൽ പോയി.
ദീപു ചാർജ് ചെയ്യാൻ കുത്തിയിട്ട് ഫോൺ ഓണക്കാൻ നോക്കി. എത്ര ശ്രമിച്ചിട്ടും നടന്നില്ല. അവൻ വീട് പൂട്ടി ടൗണിൽ ഉള്ള മൊബൈൽ റിപ്പയറിങ് ഷോപ്പിലേക്ക് പോയി.
ചേട്ടാ ഈ മൊബൈൽ വർക്ക് ചെയ്യുന്നില്ല ഒന്ന് നോക്കാമോ ?
കുറച്ചു നേരം വെയിറ്റ് ചെയ്യൂ.
ടെക്നീഷൻ ഫോൺ പരിശോദിച്ചു. എത്ര ശ്രമിച്ചിട്ടും ഓണക്കാൻ ആയില്ല.
ഇത് സമയമെടുക്കും ഞാൻ നോക്കിയിട്ടു വിളിച്ചാൽ മതിയോ.
എന്നാൽ അന്നയുടെയും അർജ്ജുവിൻ്റെയും ഫോട്ടോസ് ഉള്ള ഫോൺ കൊടുക്കുന്നത് സേഫ് അല്ല. അത് കൊണ്ട് അവൻ അത് തിരികെ വാങ്ങി.
‘തത്കാലം പുതിയ ഒരു ഫോൺ വാങ്ങാം. എന്നിട്ട് കീർത്തനയോട് ഫോട്ടോസ് ഒന്ന് കൂടി അയക്കാൻ പറയാം. ‘
അവൻ പുതിയ ഒരു ഫോൺ വാങ്ങി. സിം അതിലേക്കിട്ടു. കാര്യങ്ങൾ അറിയാൻ ആയി രമേഷിനെ വിളിച്ചു.
“ഡാ നീ എവിടെയാ. അകെ പ്രശ്നമാണ് രാവിലെ തന്നെ അരുൺ സാർ നിന്നെ തിരക്കി വന്നിരുന്നു. പുള്ളി നല്ല കലിപ്പാണ്. നിൻ്റെ അഡ്രസ്സും വാങ്ങി പോയിട്ടുണ്ട്.”
ദീപു കാര്യങ്ങൾ ചോദിച്ചു മനസ്സിലാക്കി. തത്കാലം വീട്ടിൽ പോകേണ്ട എന്ന് തീരുമാനിച്ചു. പകരം തേക്കിൻകാട് മൈതാനത്തു പോയിരിക്കാം. നൂൺ ഷോ തുടങ്ങുമ്പോൾ ഏതെങ്കിലും സിനിമക്കും കയറാം. അവൻ അവിടെ ഒരു മരത്തിൻ്റെ ചോട്ടിൽ പോയിരുന്നു. അവിടെയിരുന്ന അവൻ പല പ്രാവിശ്യം കീർത്തനയെ വിളിച്ചു. പക്ഷേ അവൾ ഫോൺ എടുത്തില്ല. അവളായിരിക്കും എല്ലാം പറഞ്ഞു കാണും. അവന് അവളോട് ദേഷ്യം തോന്നി.
ദീപു വീട്ടിൽ നിന്നിറങ്ങി അൽപ്പ നേരം കഴിഞ്ഞപ്പോളാണ് അരുൺ അവിടെ എത്തിയത്. വീട് പൂട്ടിയിരിക്കുന്നത് കണ്ട കാരണം അയൽ വീട്ടിൽ അന്വേഷിച്ചു. വീട്ടുകാർ ജോലിക്ക് പോയതാണ് എന്ന് മനസ്സിലായി.
ദീപു വേറെ എവിടേക്കോ ആണ് മുങ്ങിയത് എന്ന് കരുതി അരുൺ തിരിച്ചു പോകാൻ തുടങ്ങിയപ്പോൾ ആണ് ടെക്ക് ടീം വിളിച്ചത്.
സാർ സിം ആക്റ്റീവ് ആയിട്ടുണ്ട്. പുതിയ മൊബൈൽ ആണ്. ടൗണിലെ സിറ്റി സെൻറർ ഷോപ്പിങ് മാൾ അടുത്തുള്ള ടവർ ആണ് കാണിക്കുന്നത്. കുറച്ചു കൂടി അക്ക്യൂറേറ്റ ആയി ലൊക്കേഷൻ അപ്ഡേറ്റ് ചെയ്യാൻ ശ്രമിക്കാം. സിഗ്നൽ ട്രിൻഗ്ലെലേഷൻ നടന്നുകൊണ്ടിരിക്കുകയാണ്
അരുൺ വേഗം തന്നെ ടൗണിലേക്ക് പോയി. അവിടെ എത്താറായപ്പോളേക്കും ടെക്ക് ടീം വീണ്ടും വിളിച്ചു അരുൺ, സൗത്ത് ഈസ്റ്റ് ഡിറക്ഷനിൽ സിഗ്നൽ നീങ്ങുന്നുണ്ട്. പിന്നെ ഔട്ട്ഗോയിംഗ് കാൾ പോയിട്ടുണ്ട് ഒരു രമേഷിന്
കിട്ടിയ ഒരു പാർക്കിങ്ങിൽ അരുൺ വണ്ടി ഒതുക്കി. ഒറ്റ നോട്ടത്തിൽ തന്നെ അരുൺ മനസ്സിലായി ഒഴിഞ്ഞു കിടക്കുന്ന മൈതാനത്തേക്കായിരിക്കും ദീപു പോയിരിക്കുകയെന്ന്.
സാർ സിഗ്നൽ മൂവ് ചെയ്യുന്നില്ല, സ്റ്റേഷനറിയായി.
അരുൺ പതുക്കെ നടന്നു, പൂരം നടക്കുന്ന തേക്കിൻകാട് മൈതാനം. തിരക്കൊന്നുമില്ല. നടുക്കായി ക്ഷേത്രം. ഏതോ ചാനലിൽ പൂരം കണ്ടിട്ടുണ്ട്. ഒരു പ്രാവിശ്യം ഈ ക്ഷേത്രത്തിൽ വരണം. അരുൺ പതുക്കെ ദീപുവുനെ തിരക്കി നടന്നു. അവിടെ ഉള്ള അൽമരത്തിൻ്റെ തറയിൽ മൊബൈലിൽ കുത്തികൊണ്ടിരിക്കുന്ന ദീപുവിനെ കണ്ടു. അരുണിന് ദേഷ്യം ഇരച്ചു കയറി. ഈ തെണ്ടി കാരണം എന്തൊക്കെ പ്രശ്നങ്ങളാണ്.