എന്നാൽ ദീപുവിൻ്റെ മേസേജ് കണ്ട് അന്ന ഞെട്ടി. നേരത്തെ അയച്ചതായിരിക്കണം
അർജുവിനെ കെട്ടിപിടിച്ചു കിടക്കുന്ന രണ്ടു ഫോട്ടോ. പുറത്തു പറഞ്ഞാൽ ഇത് വൈറൽ ആകുമെന്നുള്ള ഭീക്ഷിണിയും. അന്നക്ക് സങ്കടവും ദേഷ്യവും ഒന്നും തോന്നിയില്ല. ഒരു തരം മരവിച്ച അവ്സസ്ഥയിലായിരുന്നു അവൾ. അന്ന ഫോൺ സ്വിച്ച് ഓഫ് ചെയ്തിട്ട് അവിടെ ഇരുന്നു.
ഡയറക്ടർ മീരയുടെ വീട്ടിലേക്ക് അരുൺ സാറും ബീന മിസ്സും അന്നയുടെ കാര്യം പറയാനായി ചെന്നു. അവർ വീട്ടിലേക്ക് വന്നത് മീരക്കും അവരുടെ ഭർത്താവ് സുരേഷിനും ഒട്ടും തന്നെ ഇഷ്ട്പെട്ടില്ല. എങ്കിലും അത് പുറത്തു കാണിച്ചില്ല. രണ്ട് പേരെയും സ്വീകരണ മുറിയിലേക്ക് ഇരുത്തി.
“മാഡം ഞാൻ അന്നയുടെ കാര്യം പറയാനാണ് വന്നത്. തിങ്കളാ ഴ്ച്ച മുതൽ അവൾ ക്ലാസ്സിൽ വരുന്നുണ്ട്.”
അത് കേട്ടതും മീര ഞെട്ടി.
“അതിന് അന്ന എവിടെയാണ് എന്നറിയാമോ? അർജുവിൻ്റെ വീട്ടുകാരുടെ വിവരങ്ങൾ തിരക്കി ജോസ് ഇന്നലെ വിളിച്ചിരുന്നെല്ലോ. അന്ന എവിടെയാണ് എന്ന് അവർക്കറിയില്ലല്ലോ.”
“അന്ന ഇന്ന് രാവിലെ ഇവിടെ കാക്കനാടുള്ള ഒരു പ്രൈവറ്റ് ഹോസ്റ്റലിൽ അഡ്മിഷൻ എടുത്തിട്ടുണ്ട്. മറ്റന്നാൾ മുതൽ ക്ലാസിനു വരുമെന്ന വാശിയിലാണ്. “
മീര ഒന്നും തന്നെ മിണ്ടിയില്ല. കീർത്തനയുടെ കാര്യത്തിൽ തന്നെ തീരുമാനമാകാതെ നിൽക്കുമ്പോൾ ആണ് ഈ പ്രശ്‍നം. കുര്യൻ MLA ഇതൊക്കെ എങ്ങനെ എടുക്കുമെന്ന് ആലോചിച്ചപ്പോൾ ടെൻഷനായി. അന്ന ക്ലാസ്സിൽ വന്നാൽ ചെകുത്താനും കടലിനുമിടയിൽ എന്ന അവസ്ഥയാകും.
“അത് വേണോ കുര്യൻ അറിഞ്ഞാൽ പ്രശ്നമാകുമെല്ലോ?”
സുരേഷ് സാർ ആണ് ചോദിച്ചത്
“സാർ ഒന്ന് സംസാരിക്ക്, സാർ കുര്യൻ്റെ അനിയൻ ജോസ് സാറിൻ്റെ കൂട്ടുകാരൻ അല്ലേ. പിന്നെ മീര മാമിന് അന്നയുടെ അപ്പച്ചിയെയും അറിയാമെല്ലോ. സാർ ഒന്ന് സംസാരിച്ചു തത്കാലം അവരെ ഒന്നടക്കി നിർത്തു. അന്ന ഹോസ്റ്റലിലേക്ക് മാറി എന്നറിയുമ്പോൾ തന്നെ അവർ അൽപം അടങ്ങും”
“ആ കുട്ടി വന്നാൽ ബാക്കി ഉള്ളവരൊക്കെ കളിയാക്കില്ലേ. “
“അത് ശരിയാണ് മാഡം. അതിനു ഒറ്റ വഴിയേ ഉള്ളു. തിങ്കളാഴ്ച്ച രാവിലെ തന്നെ ദീപുവിനെയും കീർത്തനയെയും സസ്‌പെൻഡ് ചെയ്‌ത്‌ നോട്ടീസ് ഇറക്കുക. ഒപ്പം ആരെങ്കിലും അവരുടെ അടുത്ത് അപമര്യാദയായി പെരുമാറിയാൽ സസ്പെന്ഷൻ ആയിരിക്കും എന്ന് വ്യക്തമാക്കി ഒരു സിർക്യൂലർ ഇറക്കുക. പിന്നെ എന്തുണ്ടായാലും നമ്മുക്ക് നോക്കാം. :
അരുൺ സാർ അവർക്ക് ധൈര്യം കൊടുത്തു കൊണ്ട് പറഞ്ഞു.
“അർജ്ജുവിനെ കുറിച്ച് എന്തെങ്കിലും വിവരമുണ്ടോ?”
:ഇല്ല അർജ്ജുവും അവൻ്റെ കൂട്ടുകാരൻ രാഹുലും എവിടെയാണ് എന്നറിയില്ല സാർ.”
:നിങ്ങൾ വെയിറ്റ് ചെയ്യൂ ഞാൻ ജോസിനെ ഒന്ന് വിളിക്കട്ടെ.”
സുരേഷ് വേഗം അവിടെ നിന്ന് അൽപം മാറി നിന്നിട്ട് ജോസിനെ വിളിച്ചു കാര്യം പറഞ്ഞു. ജോസ് ഉടനെ തന്നെ കുര്യനെ വിളിച്ചു.
“അച്ചായാ മേനോൻ്റെ മോൻ സുരേഷ് ഇപ്പോൾ വിളിച്ചിരുന്നു അന്ന കാക്കനാട് ഉള്ള ഒരു പ്രൈവറ്റ് ഹോസ്റ്റലിലേക്ക് മാറി. തിങ്കളാഴ്ച്ച മുതൽ അവൾ ക്ലാസ്സിലേക്ക് പോകും പോലും.”
കുര്യൻ അല്പമൊന്ന് ആലോചിച്ചു. രാജീവ് കുമാർ പറഞ്ഞതുമായി യോജിക്കുന്നില്ലെല്ലോ. അവർ തമ്മിൽ സ്നേഹത്തിലാണെങ്കിൽ പിന്നെ അന്ന ഹോസ്റ്റലിലേക്ക് മാറിയത് എന്തിനായിരിക്കും അങ്ങനെ കുറിയൻ്റെ മനസ്സിൽ പല സംശയങ്ങൾ ഉയർന്നു.
മാർക്കോസിൻ്റെ മോൻ ജോണിയുമായി കല്യാണത്തിന് താൻ നിർബന്ധിച്ചത് കൊണ്ടാണ് അന്ന പോയത് എന്ന് കുര്യന് തോന്നി. സമയം എടുത്തു കരുക്കൾ നീക്കിയാൽ അന്നയെ തിരിച്ചു എത്തിക്കാം എന്ന് കുര്യന് മനസ്സിലായി.
“അന്നയെ തടയേണ്ട. നീ ഇങ്ങോട്ട് വാ എനിക്ക് നിന്നോട് ചില കാര്യങ്ങൾ സംസാരിക്കാനുണ്ട്.”
അച്ചായൻ പറഞ്ഞ കാര്യം അറിയിക്കാനായി ജോസ് വേഗം തന്നെ സുരേഷിനെ വിളിച്ചു.
“അന്ന ക്ലാസ്സിൽ പോകുന്നതിൽ എതിർപ്പില്ലെന്ന് കുര്യൻ സാർ അറിയിച്ചിട്ടുണ്ട്. പിന്നെ അവൾ ഏത് ഹോസ്റ്റലിൽ ആണ് എന്നൊന്ന് അന്വേഷിച്ചു പറയണം.”
“അത് ഞാൻ അന്വേഷിച്ചു പറയാം”
സുരേഷ് സാർ തിരിച്ചു വന്ന് കാര്യം പറഞ്ഞു. അരുൺ സാറും ബീന മിസ്സും അവിടന്ന് ഇറങ്ങി.
ജോസ് വേഗം തന്നെ കുര്യൻ്റെ വീട്ടിലെത്തി.
“അച്ചായൻ എന്താണ് എന്നെ വിളിപ്പിച്ചത് “
“ജോസേ ഇതിൽ എന്തോ പ്രശ്നമുണ്ടല്ലോ. ആ സിബിഐ ക്കാരൻ പറഞ്ഞത് അവർ ഇഷ്ടത്തിലാണെന്ന് അല്ലേ. അങ്ങനെയാണെങ്കിൽ പിന്നെ അവൾ ഹോസ്റ്റലിലേക്ക് എന്തിന് മാറണം. നീ മേനോൻ്റെ മരുമകൾ ഇല്ലേ, അന്നയുടെ പ്രിൻസിപ്പൽ അവരെ ഒന്ന് വിളിച്ചേ “
ജോസ് വേഗം തന്നെ മീരയെ വിളിച്ചു എന്നിട്ട് ഫോൺ കുര്യൻ്റെ കൈയിൽ കൊടുത്തു
“ഹലോ ഇത് ഞാൻ ആണ് MLA കുരിയൻ, അന്നയുടെ പപ്പാ.”
“പറയൂ സാർ”
“ഞാൻ കുറച്ചു കാര്യങ്ങൾ ചോദിക്കാനാണ് വിളിച്ചത്. ഗോവ ട്രിപ്പിൾ എന്താണ് യഥാർത്ഥത്തിൽ സംഭവിച്ചത്?”
“ഗോവ ട്രിപ്പിൾ അവരെ വേറെ ഒരു സ്റ്റുഡൻ്റെ എന്തോ മയക്കുമരുന്ന് കൊടുത്തു മയക്കി ചതിച്ചതാണ്. ടൂർ കഴിഞ്ഞു എത്തിയതും അവൻ വീട്ടിലേക്കു പോയി. അവനെ ഞങ്ങൾ സസ്‌പെൻഡ് ചെയ്‌തിട്ടുണ്ട്‌. ആ അർജ്ജുവുമായി ആ പയ്യന് ശത്രുത ഉണ്ടായിരുന്നു പോലും.”
മീര കീർത്തനയുടെ പേര് ഒഴുവാക്കി നുണ പറഞ്ഞു
“ഈ അർജ്ജുവും അന്നയും തമ്മിൽ അടുപ്പത്തിലാണോ?”
“അല്ല സാർ അങ്ങനെ ഒന്നുമില്ല. എൻ്റെ അറിവിൽ അവർ തമ്മിൽ ഒന്ന് രണ്ട് വട്ടം വഴക്കൊക്കെ ഉണ്ടായിട്ടുള്ളതാണ്.”
“പക്ഷേ അന്ന എന്തിനാണ് അന്ന് അർജ്ജുവിൻ്റെ ഒപ്പം കാറിൽ കയറി പോയത്.”
“അതറിയില്ല സാർ. എത്ര ആലോചിച്ചിട്ടും അത് മാത്രം മനസ്സിലായില്ല.”
“മിസ്സ് ഒരു പണി ചെയ്യൂ. കോളേജിൽ പോയിട്ട് അവൻ്റെ അഡ്രസ്സ് തന്നേരെ. ഞങ്ങളുടെ മോളെ ചതിച്ച ആ പുന്നാര മോനെ ഒന്ന് കാണണം.”
“എന്നാൽ ശരി.”
ജോസേ അമേരിക്കയിൽ അന്വേഷിച്ചിട്ടു എന്തായി.അവൻ്റെ അപ്പനും അമ്മയെകുറിച്ചും വല്ല വിവരവും കിട്ടിയോ.
കോളേജിലെ അഡ്രസ്സ് വെച്ച് ഞാൻ അന്വേഷിച്ചു അച്ചായാ അന്വേഷിച്ചു. അപ്പൻ ശങ്കർ ദേവ് പുള്ളിക്ക് അവിടെ റിയൽ എസ്റ്റേറ്റ് ബിസിനസ്സ് ആണ് വാഷിംഗ്‌ടണിൽ. ആ കിഴക്കേലെ തോമായോട് നേരിട്ട് പോയി സംസാരിക്കാൻ പറഞ്ഞിട്ടുണ്ട്. പുള്ളി സംസാരിച്ചിട്ട് നടന്നില്ലേൽ ഞാൻ വിളിച്ചോളാം. ഫോൺ നമ്പർ ഒക്കെ കോളേജിൽ നിന്ന് കിട്ടിയിട്ടുണ്ട്.
“അവൻ്റെ ലോക്കൽ ഗാർഡിയനോ ?”
“ ലോക്കൽ ഗാർഡിയൻ എക്സ് മിലിറ്ററിക്കാരൻ ജേക്കബ്. അയാളെ പറ്റി അന്വേഷിച്ചു കാഞ്ഞിരപ്പിള്ളി അഡ്രസ്സ് ആണ് കോളേജിൽ നിന്ന് കിട്ടിയത്. അവിടെ നമ്മുടെ ആൾക്കാർ പോയിരുന്നു വീട് പൂട്ടികിടക്കുകയാണ്. കുമിളിയിൽ എന്തോ എസ്റ്റേറ്റ് ഉണ്ട് അവിടെ ആയിരിക്കണം ഞാൻ അന്വേഷിക്കുന്നുണ്ട്. അങ്ങേര്‌ അവന് ഫുൾ സപ്പോർട്ട് ആണ്. ഞാൻ ഫോണിൽ സംസാരിച്ചു വഴക്കായി. അയാൾ ഒരു നടക്ക് പോകുമെന്ന് തോന്നുന്നില്ല. പിന്നെ ആ CI ഹമീദിൻ്റെ അടുത്ത് ടവർ ലൊക്കേഷൻ എടുക്കാൻ പറഞ്ഞിട്ടുണ്ട്. അവൻ പക്ഷേ എന്തോ ഇത് വരെ തിരിച്ചു വിളിച്ചില്ല. എസ്റ്റേറ്റ് എവിടെയാണ് എന്നറിഞ്ഞാൽ ഞാൻ അയാളെ നേരിട്ട് കാണാനായിരിക്കുകയാണ്.”
“നീ തത്കാലം അയാളുടെ പിന്നാലെ പോകാൻ നിക്കേണ്ട. അന്നയുടെ പ്രിൻസിപ്പാൾ ഒരു അഡ്രസ്സ് തരും നീ ആളുകളെ വിട്ട് അവനെ അങ്ങ് പൊക്കിയേരെ. ശരിക്കും എന്താണ് നടന്നത് എന്ന് അവൻ പറയും.”
