അവൾക്ക് അവിടെ നിന്നും പോകാൻ മനസില്ലെന്ന് ആ നോട്ടത്തിൽ ഉണ്ടായിരുന്നു
എന്നാൽ അവിടെ നിന്നും നടന്നു…..
പക്ഷേ ഓരോ ചുവടും അവളുടെ മനസ്സിൽ പുതിയൊരു ചോദ്യം ഉയർത്തിക്കൊണ്ടിരുന്നു.
മെഹർ മിസ് വരുമോ?
അവൾ വന്നാൽ ഇവിടെ എന്താണ് നടക്കുക ?
എന്തിന് എന്നെ ഒഴിവാക്കിയത് ?
അവൾ ലാബിൽ നിന്ന് പുറത്തിറങ്ങി.
വരാന്തയിൽ എത്തി കുറച്ച് ദൂരം നടന്നു.
പിന്നെ പെട്ടെന്ന് നിർത്തി.
ഇങ്ങനെ നേരെ പോയാൽ ഒന്നും അറിയാനാകില്ല.
ഇവിടെ നിന്നാൽ എന്തെങ്കിലും പിടികിട്ടും.
ആർദ്ര പതുക്കെ തിരിഞ്ഞു നോക്കി.
ലാബിന്റെ വാതിൽ പകുതി തുറന്ന നിലയിൽ.
അകത്ത് മനു ഒറ്റയ്ക്ക്.
ആർദ്ര ചുറ്റും നോക്കി.
ആരും ഇല്ല.
അവൾ സ്റ്റെയറിന് സമീപമുള്ള മതിലിന്റെ മറവിലേക്ക് പതുക്കെ മാറി നിന്നു.
അവിടെ നിന്ന് ലാബിന്റെ വാതിൽ നേരിട്ട് കാണാൻ കഴിയുന്നില്ലെങ്കിലും, വരുന്നതും പോകുന്നതും കാണാൻ പറ്റും.
അവളുടെ ഹൃദയം വേഗത്തിൽ മിടിക്കാൻ തുടങ്ങി.
ഇത് ശരിയാണോ?
അവൾ സ്വയം ചോദിച്ചു.
പക്ഷേ.
സത്യം അറിയണം.
കുറച്ച് നിമിഷങ്ങൾ കടന്നു.
ലാബിനകത്ത് വലിയ ചലനമൊന്നുമില്ല.
വരാന്തയിൽ മങ്ങിയ ഉച്ച വെളിച്ചം.
എങ്ങും വല്ലാത്ത നിശബ്ദത മാത്രം…
അപ്പോഴാണ് പടികൾ കയറുന്ന മൃദുവായ ചുവടുകൾ കേട്ടത്.
ആർദ്ര ശ്വാസം പിടിച്ചു.
മെഹർ മിസ്…?
അവൾ മതിലിനരികിൽ നിന്ന് അല്പം തല പുറത്താക്കി നോക്കി.
മുകളിലേക്ക് കയറി വരുന്നത് മെഹർ അല്ലായിരുന്നു.
എയ്ഞ്ചൽ.
ആർദ്രയുടെ കണ്ണുകൾ വലുതായി.
എയ്ഞ്ചൽ…?
അവൾ ഒന്ന് നടുങ്ങി.
എയ്ഞ്ചൽ വളരെ സൂക്ഷിച്ചാണ് നടക്കുന്നത്.
ചുറ്റും ആരെങ്കിലും ഉണ്ടോ എന്ന് ഇടയ്ക്കിടെ നോക്കുന്നു.
കൈയിൽ ഫോൺ. മുഖത്ത് നാണവും പേടിയും ചേർന്ന ഒരു ഭാവം.
ആർദ്രയുടെ മനസ്സിൽ ആശയക്കുഴപ്പം നിറഞ്ഞു.
ഇവൾ എന്തിന് ഇപ്പോൾ ഇവിടെ?
മെഹർ മിസ് വരുമെന്ന് സാർ പറഞ്ഞു… അതിന് ഇടയ്ക്ക് എയ്ഞ്ചൽ എന്തിന്?
അവൾക്ക് പെട്ടെന്ന് എയ്ഞ്ചലിനെ വിളിക്കണമെന്ന് തോന്നി.
“എയ്ഞ്ചൽ…”
പക്ഷേ ശബ്ദം പുറത്തുവന്നില്ല.
വിളിച്ചാൽ എയ്ഞ്ചൽ ചോദിക്കും
നീ ഇവിടെ എന്താണ് ചെയ്യുന്നത്?
നീ പോയില്ലേ?
എന്തിന് ഒളിച്ചുനിൽക്കുന്നു?
അപ്പോൾ താൻ എന്ത് മറുപടി പറയും?
ആർദ്ര വീണ്ടും മറവിലേക്ക് ചേർന്നു നിന്നു.
എയ്ഞ്ചൽ ലാബിന്റെ വാതിലിനരികിൽ എത്തി.
ഒരു നിമിഷം അവിടെ നിന്നു.
അപ്പോൾ തന്നെ അവൾ അകത്തേക്ക് കയറി.
ആ വാതിലുകൾ അടഞ്ഞു…..
ആർദ്രയുടെ ഉള്ളിൽ എന്തോ കുത്തിയതുപോലെ ആയി.
ഇതെന്താണ്?
മെഹർ മിസ് വരുമെന്നായിരുന്നു സാർ പറഞ്ഞത്.
പക്ഷേ വന്നത് എയ്ഞ്ചൽ.
അവൾ എന്തിന് ഒറ്റയ്ക്ക് ലാബിലേക്ക് പോയി?
ഇനി ലക്ഷ്മിയും പുറകേ വരുമോ ?
വാതിൽ അടച്ചത് എന്തിന് ?
ആർദ്രയുടെ മനസ്സ് ഒരേസമയം പല ദിശകളിലേക്ക് ഓടി.
എയ്ഞ്ചലിനെ വിളിച്ച് പുറത്തേക്ക് കൊണ്ടുവരണോ?
മെഹർ മിസ് വരുമെന്ന് മുന്നറിയിപ്പ് കൊടുക്കണോ?
അല്ലെങ്കിൽ താഴേക്ക് പോയി ലക്ഷ്മിയോട് പറയണോ?
പക്ഷേ ഒന്നും ചെയ്യാൻ അവൾക്ക് കഴിഞ്ഞില്ല.
കാരണം ഇപ്പോൾ ഏറ്റവും ശക്തമായി അവളുടെ ഉള്ളിൽ ഉയർന്ന ചോദ്യം മറ്റൊന്നായിരുന്നു.
ലാബിനുള്ളിൽ എന്താണ് നടക്കാൻ പോകുന്നത്?
ആർദ്ര പതുക്കെ മുന്നോട്ട് നടന്നു, ലാബിന് അരികിലേക്ക്.
ലാബിന്റെ ആദ്യത്തെ ജനലുകൾക്ക് അരികിൽ അവൾ നിന്നു..
വളരെ അടുക്കാതെ,
ചില്ലുകൾ ആന്നെകിലും അകത്തെയോ പുരത്തെയോ കാഴ്ചകൾ കാണുവാൻ പറ്റാത്ത ചില്ലുകളാണ്,…
പക്ഷേ പുറത്തുകൂടെ നടന്നാൽ നിഴൽ അകത്ത് കാണാം….
പക്ഷേ അകത്തുനിന്നുള്ള ശബ്ദം കേൾക്കാൻ പറ്റുമോ എന്നവൾക്ക് അറിയില്ല.
അവൾ ശ്വാസം പോലും പതുക്കെ വലിച്ചു.
അവസാനം അവൾ തീരുമാനിച്ചു.
അവിടെ എന്താണ് നടക്കുന്നത് എന്ന് അറിയണം .