ഞാനത് സൂക്ഷ്മമായി പരിശോധിച്ചു. അവള് പറഞ്ഞത് സത്യമാണെന്ന് മനസ്സിലായി. ഞാൻ അതിൽ കിടന്ന അവളുടെ പേരും എക്സ്റേ എടുത്ത ഡെയിറ്റും പരിശോധിച്ചു. ഈ എക്സ്റേ അവളുടെ തന്നെയാണെന്ന് ഉറപ്പാക്കിയ ശേഷം അതിനെ തിരികെ കൊടുത്തു. അവൾ അതിനെ ബീറോയിൽ തിരികെ വച്ച് പൂട്ടിയ ശേഷം വന്ന് പിന്നെയും അവളുടെ ബെഡ്ഡിലിരുന്നിട്ട് എന്തോ പറയാനുള്ളത് പോലെ നോക്കി. പക്ഷേ ദൈര്യം കിട്ടാത്തത് പോലെ അവൾ മിണ്ടാതിരുന്നു.
“നമുക്ക് തുടങ്ങിയാലോ?” കുറെ കഴിഞ്ഞിട്ടും അവള് ഒന്നും മിണ്ടാത്തത് കൊണ്ട് ഞാൻ ചോദിച്ചു.
“മ്മ്..” അവള് മൂളി.
ഉടനെ ആ വിശാലമായ റൂമിൽ ഞാൻ ഒരു സ്ഥലം സെലക്റ്റ് ചെയ്തു. ശേഷം എന്റെ ട്രോളി ബാഗ് തുറന്ന് ആദ്യം റബ്ബര് മാറ്റിങ് എടുത്ത് ഫ്ളോറിൽ വിരിച്ചു. അതുകഴിഞ്ഞ് ബാഗില് നിന്നും ഫോൾഡ്ഡിങ് മസാജ് ടേബിൾ എടുത്ത് റബ്ബർ മാറ്റിങ്ങിന് മുകളില് നിവർത്തി സെറ്റ് ചെയ്തിട്ട് അതിലേക്ക് ഫ്രെഷ് ടവൽ വിരിച്ചു. എന്നിട്ട് അവള്ക്ക് അത്യാവശ്യമായി വേണ്ടിവരുന്ന പലതരം കുഷൻ സപ്പോര്ട്ടുകളും എടുത്ത് പുറത്ത് വച്ചിട്ട് അവളെ നോക്കി.
അവള് എല്ലാം ജിജ്ഞാസയോടെ നോക്കി നില്ക്കുന്നതാണ് കണ്ടത്.
“മേഡം—”
“പ്ലീസ് ചേട്ടാ, ഞാൻ ആയിരം വട്ടം പറഞ്ഞു കഴിഞ്ഞു, എന്റെ ക്ഷമ പരീക്ഷിക്കരുത്, എന്റെ പേര് പറഞ്ഞാൽ മതി.” ഇടക്ക് കേറി അവൾ പറഞ്ഞു.
“ഓക്കെ, എപ്പോഴത്തേയും പോലെ പാർഷ്യൽ ബോഡി മസാജ് തെറാപ്പിക്കാണ് നിങ്ങൾ അപ്പോയിന്റ്മെന്റ് എടുത്തിരിക്കുന്നത്. നടുവും, കഴുത്തും, തോളും കൈകളുമാണ് നിങ്ങൾ അതിൽ സൂചിപ്പിച്ചിരുന്നത്, ശെരിയല്ലേ?” ഉറപ്പ് വരുത്താനായി ഞാൻ ചോദിച്ചു.
“ബുക്കിങ് പ്രകാരം ശെരിയാണ്, പക്ഷേ…,” അവൾ ഒന്ന് മടിച്ചിരുന്നിട്ട് വെപ്രാളം പിടിച്ച് വേഗം തുടർന്നു, “എനിക്ക് ഫുൾ ബോഡി മസാജ് തെറാപ്പിയാണ് വേണ്ടത്, അതിന്റെ പേമെന്റ് ഇപ്പോള്തന്നെ ഞാൻ ചെയ്തേക്കാം.” അതും പറഞ്ഞ് എന്റെ മറുപടിക്ക് പോലും കാത്തുനിൽക്കാതെ അവൾ വേഗം മൊബൈലില് ഓൺലൈൻ പേമെന്റ് ചെയ്യാൻ തുടങ്ങി.
അവളുടെ പെട്ടന്നുള്ള മനമാറ്റത്തില് ഞാനൊന്ന് അന്തിച്ചെങ്കിലും പെട്ടന്നു തന്നെ ആത്മ നിയന്ത്രണം വീണ്ടെടുത്തു.
പ്രിബിക്ക് ഞാൻ മൊത്തം 29 പ്രാവശ്യം മസാജ് ചെയ്തു കൊടുത്തിട്ടുണ്ട്, എല്ലാം പാർലറിൽ വച്ചു മാത്രം. പക്ഷേ അവള് ഒരിക്കൽ പോലും ഫുൾ ബോഡി മസാജ് ചെയ്തിരുന്നില്ല. പക്ഷേ ഇപ്പൊ ആദ്യമായി അവളുടെ വീട്ടിലേക്ക് എന്നെ വിളിച്ചുവരുത്തിയിരിക്കുന്നു. ആദ്യമായി ഫുൾ ബോഡി മസാജ് വേണമെന്ന് പറയുന്നു…., അതും, പാർഷ്യൽ മസാജിന് അപ്പോയിന്റ്മെന്റ് എടുത്തിട്ട് ഞാൻ ഇങ്ങോട്ട് വന്ന ശേഷം മാത്രം പറയുന്നു. എന്താണ് ഇവൾക്ക് സംഭവിച്ചത്?
പൊതുവെ ഞാൻ ആര്ക്കും ഫുൾ ബോഡി മസാജ് ചെയ്തു കൊടുക്കാറില്ലാത്തതാണ്, അതിനായി എന്റെ സ്റ്റാഫ്സിൽ നിന്നും ആരെയെങ്കിലും അറേഞ്ച് ചെയ്യാറാണ് പതിവ്. അത് പ്രിബിക്കും അറിയാം.
പക്ഷേ ഇങ്ങോട്ട് വന്നുപോയ സ്ഥിതിക്ക് വേറെ നിവൃത്തിയില്ലാതായിരിക്കുന്നു. ഒരുപക്ഷേ അതുകൊണ്ട് തന്നെയാവും പ്രിബി പാർഷ്യൽ മസാജ് ബുക്ക് ചെയ്തിട്ട് ഞാൻ നേരിട്ട് വന്നപ്പോ മാറ്റി പറഞ്ഞതും.
ശെരി എന്തെങ്കിലുമാവട്ടെ. ഞാൻ എന്റെ ബാഗില് നിന്നും പുതിയ മസാജ് ടവൽ എടുത്തിട്ട് അവളെ നോക്കി. അവള് എന്നെത്തന്നെ നോക്കിയിരിക്കുകയായിരുന്നു. ഞങ്ങളുടെ കണ്ണുകൾ തമ്മില് ഇടഞ്ഞതും അവളുടെ മുഖം പെട്ടന്ന് തുടുത്തത് ഞാൻ ശ്രദ്ധിച്ചു.
“ശെരി, ഞാൻ റൂമിന് പുറത്ത് വെയിറ്റ് ചെയ്യാം. മേഡം—”
“പ്ലീസ്, ജിനു ചേട്ടാ… ദയവായി ഈ മേഡം വിളി മതിയാക്കി എന്റെ പേര് ഉപയോഗിക്കൂ. ഞാൻ നിങ്ങളെ തൊഴാം.” പ്രിബി ദേഷ്യത്തില് എഴുനേറ്റ് നിന്നിട്ട് കൈകൂപ്പി പറഞ്ഞിട്ട് വേഗം ഒരു കൈ കഴുത്തിലും മറ്റെ കൈ ഇടുപ്പിലും പിടിച്ചു കൊണ്ട് വേദനയിൽ ചെറുതായി കിതച്ചു.