“അയ്യോടാ ജിനു, ഞാനത് മറന്നുപോയി, സോറി.” ആന്റി നെറ്റിയിൽ തട്ടി തലയാട്ടി. “ഇപ്പൊ എന്ത് ചെയ്യും? ആ കുട്ടി രാവിലെ 7:10 നെ വിളിച്ചിട്ട്, നീതന്നെ വേണം, അതും നാളെ തന്നെ വേണമെന്ന് നിന്നോട് റിക്വസ്റ്റ് ചെയ്യാനും, ശേഷം സമയവും ഫിക്സ് ചെയ്തിട്ട് ആ കുട്ടിയെ അപ്ഡേറ്റ് ചെയ്യാൻ പറഞ്ഞതാണ്. അതുകഴിഞ്ഞ് ഒരു മണിക്കൂറിനകം ആ കുട്ടി രണ്ട് വട്ടം വിളിച്ചിട്ട് നിന്നോട് സംസാരിച്ച് ഫിക്സ് ചെയ്തു കഴിഞ്ഞോ എന്ന് ചോദിച്ചായിരുന്നു.”
“അയ്യോ ആന്റി, എനിക്ക് കല്യാണത്തിന് പോകാതിരിക്കാന് പറ്റില്ല. എനിക്ക് എത്ര വലിയ അർജന്റ് ജോലി ഉണ്ടായിരുന്നലും ഷിനയ്ക്ക് പ്രശ്നമില്ല, ഞാൻ എങ്ങനെയെങ്കിലും പോയില്ലെങ്കില് എന്നെ ലോറി കേറ്റി കൊല്ലുമെന്നാ ഷീനയുടെ ഭീകര ഭീഷണി. കല്യാണം ഫംഗ്ഷനൊക്കെ കഴിഞ്ഞു ഞാൻ തിരികെ വരുമ്പോ 4 മണിയെങ്കിലുമാകും.”
ഷീനയുടെ ഭീഷണി എന്താണെന്ന് കേട്ടതും ആന്റി ചിരിച്ചു.
“എന്നാ നാല് മണി കഴിഞ്ഞ് നിനക്ക് അങ്ങോട്ട് പോകാൻ പറ്റുമോ?” ആന്റി ചോദിച്ചു. “പാവം കുട്ടി, ദേഹം മുഴുവനും നല്ല വേദനയെന്നാ പറഞ്ഞത്. നീയാകുമ്പോ പേടിയില്ല എന്നും, നിന്റെ അറിവും കൈപുണ്യവും കാരണം അവളുടെ വേദനയൊക്കെ മാറുമെന്നും പറഞ്ഞാണ് ആ കുട്ടി നിന്നെതന്നെ വേനമെന്ന് നിര്ബന്ധം പിടിക്കുന്നത്.”
അതുകേട്ട് എനിക്കും സഹതാപം തോന്നി. പ്രീനേറ്റൽ മസാജ് എന്ന് പറഞ്ഞാൽ ഗർഭിണികൾക്ക് ചെയ്യുന്ന മസാജാണ്. ഈ മസാജ് ചെയ്യാൻ ഗർഭിണികളുടെ ശരീരഘടനാപരമായ മാറ്റങ്ങളും, ശാരീരിക പ്രവർത്തനാപരമായ മാറ്റങ്ങളെ കുറിച്ചുള്ള പൂര്ണ അറിവ് വേണം. മസാജ് ചെയ്യുമ്പോ ശരീരത്തിന്റെ ഏതു ഭാഗങ്ങളിൽ എത്ര പ്രഷർ കൊടുക്കണമെന്നും അറിഞ്ഞിരിക്കണം, അതും ശെരിയായ പൊസിഷനിൽ മാത്രം കിടത്തി വേണം മസാജ് ചെയ്യാൻ. അല്ലെങ്കിൽ ഗർഭിണിക്കും, ഗർഭസ്ത ശിശുവിനും ആപത്ത് സംഭവിച്ചേക്കാം.. ആ അറിവ് നല്ലതുപോലെ എനിക്കുള്ളത് കൊണ്ടാണ് ഒരുപാട് ഗർഭിണികൾ എന്നെ തന്നെ സെലക്ട് ചെയ്യുന്നത്. എന്റെ ചില സ്റ്റാഫ്സിനും ഈ അറിവൊക്കെ ഉണ്ടെങ്കിലും, ഞാൻ ചെയ്യുന്നത്ര ഫലം കിട്ടുന്നില്ല എന്നാണ് ആന്റിയോട് പറയാറുള്ളത്.
“ശെരി ആന്റി. നാളെ വൈകിട്ട് 5 മാണിക്ക് ആ കുട്ടിക്ക് ഓക്കെയാണോന്ന് ചോദിച്ചിട്ട് എന്നെ അറിയിക്കു.”
“ശെരി. ആ കുട്ടി ഓക്കെ പറയുമെന്ന് എനിക്കറിയാം, പക്ഷേ എന്തായാലും ഞാൻ വിളിച്ച് സംസാരിക്കട്ടെ.”
“പിന്നെ, ആന്റി, ആരാണ് ഈ പെണ്കുട്ടി, മുന്പ് ഇങ്ങോട്ട് വന്നിട്ടുള്ള കുട്ടിയാണോ?” ഞാൻ ചോദിച്ചു.
“അതേ, ആ കുട്ടി അവളുടെ വിവാഹത്തിന് മുമ്പ് പലവട്ടം ഇങ്ങോട്ട് വന്നിട്ടുണ്ടായിരുന്നു. എപ്പോ വന്നാലും നീ തന്നെ വേനമെന്ന് വാശിപിടിച്ചിരുന്ന ഒരുപാട് കുട്ടികളിൽ ഇവളും ഒരുത്തി.” ആന്റി ചിരിച്ചുകൊണ്ട് എന്നെ കളിയാക്കും പോലെ പറഞ്ഞിട്ട് തുടർന്നു, “പക്ഷേ വെറുതെ ഒന്നുമല്ലല്ലോ, നിനക്ക് നല്ല അറിവും കൈപുണ്യവും ഒരുപോലെയുണ്ട്. അതു തന്നെയാണ് നിന്റെ വിജയത്തിന്റെ രഹസ്യം.”
“അയ്യേ, വെറുതെ എന്നെ പൊക്കി പറയല്ലേ.” തുടുത്തു കേറിയ മുഖം വെറുതെയൊന്ന് തുടച്ചു കൊണ്ട് ഞാൻ പറഞ്ഞു.
“വെറുതെ ഒന്നുമല്ല പറഞ്ഞത്. അതാണ് സത്യം. ദിവസവും ഇങ്ങോട്ട് വിളിക്കുന്ന 80 ശതമനം സ്ത്രീകളും 55 ശതമാനം ആണുങ്ങളും ആദ്യം നിന്നെയാണ് ചോദിക്കാറുള്ളത്. പക്ഷേ, ദിവസത്തിൽ ഒന്നോ രണ്ടോ സ്പെഷ്യൽ തെറാപ്പി മാത്രം ചെയ്യാനുള്ള സമയമേ നിനക്ക് കിട്ടുകയുള്ളൂവെന്ന് ദിവസവും വാ തോരാതെ പറഞ്ഞു പറഞ്ഞ് എനിക്ക് മടുത്തുവെന്ന് വേണം പറയാൻ.”
“ശെരി അക്കാര്യം പോട്ടെ, ആന്റി. എന്താ ആ കുട്ടിയുടെ പേര്?”
“അവർണ.”
“ഓഹ്, എനിക്ക് ആളെ മനസ്സിലായി. ആ കുട്ടിക്കിപ്പോ എത്ര മാസമായെന്നാ പറഞ്ഞത്?”
“നാലര മാസം.”
“ബോഡി പെയിൻ അല്ലാതെ വേറെ പ്രശ്നങ്ങൾ എന്തെങ്കിലും ഉണ്ടെന്ന് പറഞ്ഞോ?”