“വേറെ പ്രശ്നങ്ങള് ഇല്ലെന്നാ പറഞ്ഞത്.”
“ഓക്കെ. ആ കുട്ടിക്ക് ഷെഡ്യൂൾ കൊടുത്തിട്ട് ലൊക്കേഷൻ വാങ്ങി എനിക്ക് അയച്ചിട്ടേക്കൂ.”
“ഓക്കെ, ചെയ്യാം.”
“പിന്നെ, രണ്ടുപേരുടെ ഷെഡ്യൂൾ ചെയ്യണമെന്നല്ലേ ആന്റി പറഞ്ഞത്. രണ്ടാമത്തെ കക്ഷി ആരാ?” ഞാൻ ആരാഞ്ഞു.
“അതും ഒരു പെണ്കുട്ടിയാണ്. പേര് പ്രിബി. 7 മാസത്തിന് മുന്പ് വരെ, മാസത്തിൽ 3 വട്ടം ഇങ്ങോട്ട് വന്നുകൊണ്ടിരുന്ന കുട്ടിയാണ്. 6 മാസം മുന്പ് അവളുടെ കസിന് ഫാമിലിയെ മീറ്റ് ചെയ്യാനായി അവൾ കാനഡ പോയിട്ട് ഒരു മാസം മുന്പാണ് നാട്ടിലേക്ക് തിരിച്ചെത്തിയത്. കാനഡയിൽ വച്ചുണ്ടായ ചെറിയൊരു വീഴ്ച കാരണം നടുവും കഴുത്തിനും വേദന തുടങ്ങി എന്നാണ് പറഞ്ഞത്. ഈ കുട്ടിക്കും നീ തന്നെ വേണമെന്നാ പറഞ്ഞത്, എങ്ങനെയെങ്കിലും ഇന്ന് ഉച്ച കഴിഞ്ഞുള്ള സമയം കൊടുക്കണമെന്ന് നിര്ബന്ധം പിടിച്ചിരുന്നു.”
“ആ കുട്ടി ആശുപത്രിയിൽ കാണിച്ചില്ലേ? എക്സ്റേ എഴുത്ത് നോക്കിയില്ലേ?”
“കാനടയിലും, പിന്നെ നാട്ടില് വന്ന ശേഷവും ആശുപത്രിയില് കാണിച്ചിരുന്നു, എക്സ്റേയും എടുത്തിരുന്നു, എന്നാൽ പ്രശ്നങ്ങൾ ഇല്ലെന്ന് ഡോക്ടര് പറഞ്ഞു. മസാജ് തെറാപ്പി ചെയ്താൽ ഭേദമാകുമെന്നും, കൂടാതെ നീ നല്ലോരു വൈദ്യൻ കൂടിയായത് കൊണ്ട്, നിന്റെ മസാജ് നന്നായി ഫലം ചെയ്യുമെന്നുമാണ് അവൾ വിശ്വസിക്കുന്നതെന്നാ എന്നോട് പറഞ്ഞത്.”
എന്റെ കഴിവില് വിശ്വസിക്കുന്നു എന്ന് കേട്ടപ്പോൾ എന്റെ മനസ്സിൽ വല്ലാത്ത കുളിരും സന്തോഷവുമുണ്ടായി. എന്റെ മനസിലെ സന്തോഷം അറിഞ്ഞത് പോലെ ആന്റി പുഞ്ചിരിച്ചു.
“ഓക്കെ, ആ കുട്ടിയോട് ഇന്ന് 2 മണിക്ക് എന്നെ എക്സ്പെക്റ്റ് ചെയ്യാൻ പറഞ്ഞോളൂ. ആ കുട്ടിയുടെ വീടിന്റെ ലൊക്കേഷനും ആന്റി വാങ്ങി എനിക്ക് വാട്സാപ് ചെയ്താല് മതി.”
“ശെരി, ജിനു. അതൊക്കെ ഞാൻ ചെയ്യാം.”
“പിന്നെ ആന്റിക്ക് എന്തോ അഭിപ്രായം പറയാനുണ്ടെന്ന് പറഞ്ഞില്ലേ, എന്താണ് കാര്യം?”
“അത് ഞാൻ പറയാൻ തുടങ്ങുവായിരുന്നു. ഇപ്പൊ നമുക്കിവിടെ വെറും 14 മസാജ് തെറാപ്പി സ്റ്റാഫുകളാണുള്ളത്. 8 പെണ്ണും 6 ആണും. പക്ഷേ അത്രയും സ്റ്റാഫുകൾ പോരെന്നാണ് എന്റെ അഭിപ്രായം. കുറഞ്ഞത് 6 സ്റ്റാഫിനെ എങ്കിലും ഇനിയും കൂട്ടണം. 3 പെണ്ണും 3 ആണും. പിന്നെ സെക്യൂരിറ്റിയും കൂട്ടണം.”
ആന്റി പറഞ്ഞത് കേട്ട് ഞാൻ ആലോചിച്ചു.
“ജിനു, ഇപ്പൊ വെറും 8 പേരെ മാത്രമാണ് ഫീൽഡ് സ്റ്റാഫായി നമ്മൾ ഉപയോഗിക്കുന്നത്. ഓരോരുത്തരും ദിവസത്തിൽ മൂന്ന് ക്ലൈന്റിന്റെ വീട്ടില് ചെന്ന് മസാജ് ചെയ്യുന്നുണ്ട്. പക്ഷേ എന്നിട്ടും 18 മുതൽ 22 ക്ലയന്റ്സിനേയാണ് ദിവസവും നമുക്ക് ഒഴിവാക്കേണ്ട അവസ്ഥ വന്നുകൊണ്ടിരിക്കുന്നത്. പിന്നെ ബാക്കിയുള്ള വെറും 6 സ്റ്റാഫ്സിനേയാണ് ഇവിടെ സെന്ററിൽ ഞാൻ അഡ്ജസ്റ്റ് ചെയ്തുകൊണ്ടിരിക്കുന്നതാ, എന്നാൽ ഒരേ സമയത്ത് നമ്മുടെ സെന്ററിൽ 30 പേര്ക്ക് മസാജ് തെറാപ്പി കൊടുക്കാനുള്ള സൗകര്യങ്ങള് ഉണ്ടെന്ന് നിനക്കറിയാം. എന്തായാലും, ഇപ്പൊ നമുക്കുള്ള സ്റ്റാഫ്സിന്റെ എണ്ണം അനുസരിച്ചാണ് ക്ലൈന്റസിന് ദിവസ ഷെഡ്യൂൾ ഞാൻ തയ്യാറാക്കുന്നത്. സ്റ്റാഫ്സ് കുറവായതിനാല് ഒറ്റ ദിവസത്തിൽ എടുക്കേണ്ട ബുക്കിങ് നാല് ദിവസത്തേയ്ക്കായി ഡിവൈഡായി പോകുന്നു. ഇതെല്ലാ കാര്യങ്ങൾ നിനക്കും അറിയാം, ജിനു.”
ആന്റി വിശദീകരിച്ചത് കേട്ട് ഞാനൊന്ന് മിഴിച്ചു നിന്നു. പക്ഷേ ആന്റി എന്റെ അഭിനയം കയ്യോടെ പൊക്കി.
“ദേ, ജിനു, ഇതൊന്നും അറിയാത്ത പോലെ നി അഭിനയിക്കരുത്.” ചെറു ചിരിയോടെ ആന്റി പറഞ്ഞതും ഞാൻ തല ചൊറിഞ്ഞു.
അപ്പോ ആന്റി തുടർന്നു, “അതുകാരണം ഒറ്റ ദിവസത്തിൽ കിട്ടേണ്ട ലാഭം നാല് ദിവസമായിട്ടാണ് നിനക്ക് കിട്ടുന്നത്. അങ്ങനെ വച്ചാൽ എല്ലാ നാല് ദിവസം കൂടുമ്പോഴും മൂന്ന് ദിവസങ്ങൾ വെറുതെ വേസ്റ്റായി പോകുന്നു. അതുകൂടാതെ ക്ലൈന്റ്സും പരാതി പറയാൻ തുടങ്ങിയിരിക്കുന്നു…”