സന്ധ്യക്ക് പുറത്തുപോയവൻ തിരിച്ചു വന്നതും കുറച്ചുനേരത്തേക്ക് മാറിനിന്ന പേടി അതിനേക്കാൾ സ്പീഡിൽ പിന്നേം കേറി കുടിയിരിപ്പുണ്ട്….
എനിക്ക് സമയം വേണമെന്ന് ഇന്നലെ കൂടെ പറഞ്ഞതല്ലേ എന്നോർക്കുമ്പോളെല്ലാം അമ്മുവിന് പരിഭവം കൊണ്ട് ചുണ്ട് കൂർത്തു കൂർത്തു വരുന്നുണ്ട്….
ഇഷ്ടമാണ് അവന്റെ ഓരോ കുസൃതിക്കും നിന്നുകൊടുക്കാൻ….
വെറുതെയിങ്ങനെ കിടന്ന് കുതറാൻ….
വായിൽ നിന്നു വരുന്ന ഒറ്റനോട്ടത്തിൽ വൃത്തികേട്ന്ന് തോന്നുന്ന പലതും പിന്നെയും പിന്നെയും കേൾക്കാൻ….
എല്ലാറ്റിനുമുപരി അവനെയിങ്ങനെ പ്രാന്തിളക്കി പിന്നാലെ നടത്താൻ….
എന്നെന്നും തനിക്ക് മാത്രം സ്വന്തമെന്ന് തോന്നിയ ഒരേയൊരു മനുഷ്യനാ…..
ചോദിക്കുന്നതെന്തും ഉള്ളംകയ്യിൽ വച്ചു നേദിക്കാനുള്ള മനസുമുണ്ട്…..
പക്ഷേ….
പെട്ടെന്നിതൊക്കെ…..
ആരെയും കാണിക്കാതെ ആർക്കും കൊടുക്കാതെ ഒളിപ്പിച്ചതൊക്കെ ഇങ്ങനെ എടുത്തോ പിടിച്ചൊന്നുള്ള മട്ടിൽ അവൻ ചോദിക്കുമ്പോളെ കൊടുക്കാൻ ആകെയൊരു മടി…..
സ്ത്രീസഹജമായൊരു നാണം….
അതവനാണേൽ ചിന്തിക്കുന്നുപോലുമില്ല….
തന്റെ ആദ്യ പ്രണയം ആണവൻ എന്ന് ആ പൊട്ടന് അറിയത്തുകൂടെ ഇല്ല…..
ഒരു ചുംബനത്തിന്റെ സ്വാദ് പോലും അവൻ തന്നിട്ടാണ് അറിയുന്നത്…
അതിന്റെ ബാക്കിയായി എന്തൊക്കെയുണ്ടോ അതൊക്കെയും അവനിൽ നിന്നു തന്നെ വേണമെന്നാണ്…
അവനാൽ തന്നെ അറിയണമെന്നാണ്…
പൂർണമാകണമെന്നാണ്…..
എന്നാലതൊക്കെയും ഇത്ര വേഗത്തിലെങ്ങനെ….
യാതൊരു ബെല്ലും ബ്രേക്കും ഇല്ലാത്ത മുതലാ….
രാത്രിയിനി എന്ത് ചെയ്യും കണ്ണാ….
ചിന്തകൾ ഹരിയുടെ സൈഡും തന്റെ സൈഡും നിന്ന് ഉള്ളിൽ ആഭ്യന്തര യുദ്ധം തുടങ്ങിയപ്പോൾ അമ്മു ബുക്കും മടക്കിവെച്ചെണീറ്റ് ഹാളിലേക്ക് ചെന്നു….
പുറത്ത് മഴ അത്ര കനത്തല്ലാതെ പെയ്യുന്നുണ്ട്…
തുലാപ്പെയ്ത്തിന്റെ ബാക്കി….
ഹാളിൽ ഇരിക്കുന്നവനെ മൈൻഡ് ചെയ്യാതെ അടുക്കളയിൽ മായ കഴുകികൊണ്ടിരുന്ന പാത്രങ്ങളിൽ ചില്ലുപാത്രം എടുത്ത് തുടച്ച് അലമാരിക്കുള്ളിലേക്ക് വയ്ക്കാൻ തുടങ്ങി….
പാത്രമെല്ലാം കഴുകിത്തീർത്തു മായ മേലുകഴുകാൻ ഇറങ്ങി….
ഹരി ഫ്രിഡ്ജിൽ നിന്നും വെള്ളം എടുക്കുന്നത് അറിഞ്ഞിട്ടും അമ്മു കാണാത്ത മട്ടിൽ നിന്നു….
“പറ്റിക്കല്ല്….എനിക്ക് വേണട്ടോ…..” കാറ്റുപോലെ ചെവിക്കരുകെ പറഞ്ഞിട്ടവൻ കുപ്പിവെള്ളവുമായി തിരിച്ചുപോയി….
അതോടെ വിറയലങ്ങ് പതിന്മടങ്ങുമായി….
രാത്രി എല്ലാരും കഴിക്കാനിരിക്കെയും അമ്മു മുഖമുയർത്തിയില്ല….
അന്നെന്തോ ടേബിളിനടിയിലൂടെ തൊട്ടും പിടിച്ചുമൊന്നും അവൻ ശല്യത്തിനും പോയില്ല….
രാത്രിയൊരു പതിനൊന്ന് ഒക്കെ കഴിഞ്ഞപ്പോൾ ഹരി മുറിയിലേക്ക് കയറി മുണ്ടും തോർത്തുമെടുത്തിറങ്ങി….
ബെഡിൽ വിരലുകൾ തമ്മിൽ അഴിച്ചും മുറുക്കിയും ഇരുന്ന അമ്മു ഈ പാതിരക്ക് കുളിക്കാനോ ഇവന്റെ ഉദ്ദേശമെന്താന്നോർത്ത് അന്തിച്ചിരുന്നു…..
പിന്നെയും കുറെ നേരം കഴിഞ്ഞതും ഫോണിലേക്ക് കോൾ വന്നു….
ഹരിയാണ്…..
ഞാൻ പിന്നാമ്പുറത്തുണ്ട് ഇറങ്ങിവാ എന്നും പറഞ്ഞവൻ ഫോൺ വച്ചു….
അമ്മുവിന്റെ ഹാർട്ട് നെഞ്ചിൻകൂടിനുള്ളിൽ കിടന്ന് ഡപ്പാം കൂത്ത് കളിക്കാൻ തുടങ്ങി…..
പോകാതെ ഇരുന്നെങ്കിലും പിന്നെയും പിന്നെയും വന്ന കാൾ അവസാനം അവൾ കട്ട് ചെയ്തു വിട്ടിട്ട് മുറിതുറന്നിറങ്ങി….
ശബ്ദമുണ്ടാകാതെ ഭിത്തിയിൽ പിടിച്ച് അടുക്കളവാതിലിനു മുന്നിലെത്തി….
ഇടിച്ചിടിച്ചു പൊട്ടിത്തെറിക്കാറായ നെഞ്ചിൽ അമർത്തിയൊന്നു തിരുമ്മി വാതിൽ തുറന്ന് വർക്ക് ഏരിയയിലെ ഗ്രില്നടുത്തേക്ക് എത്തി…
ഗ്രില്ല് തുറന്ന് കാല് പടിയിലേക്ക് വച്ചതും
അവളെയും കാത്തുനിന്നിരുന്നവൻ വാരികൂട്ടിപിടിച്ചെടുത്തു ആ ചെറുമഴയിൽ കൂടി നടന്നു വിറകുപുരയ്ക്കുള്ളിലേക്ക് കയറ്റി….
ദേഹത്തൂടെ ഊർത്തി താഴെ ഇറക്കിനിർത്തി….
“എത്ര നേരായെടി…..കാത്തു കാത്ത് കടഞ്ഞുപോയെന്റെ പൊന്നേ…..” അവളെ എല്ലുനുറുങ്ങുമ്പോലെ കെട്ടിപിടിച്ചുകൊണ്ട് അവൻ കാതിൽ മുരണ്ടു…