ഒരു 6 കൊല്ലത്തേക്ക് മാര്യേജ് എന്ന പ്ലാനേ എനിക്കില്ലായിരുന്നു….
ആ എന്റെ ജീവിതത്തിൽ സംഭവിച്ച ഏറ്റവും മികച്ച കാര്യങ്ങളിൽ ഒന്നാണ് നീയ്…….”
“എല്ലാം കേട്ടിട്ടെന്താ തോന്നുന്നേ…..
കുറെ നാൾ മുമ്പേ ഞാനിവിടെ ഇരുന്നു തന്നെ ചോദിച്ച ആ regret ഇപ്പൊ തോന്നുന്നുണ്ടോ…..
ഒന്നും വേണ്ടിയിരുന്നില്ലെന്ന്…..”
“അതിനുള്ള മറുപടി വാക്കുകൊണ്ട് പറഞ്ഞിട്ട് നിനക്ക് മനസിലായിട്ടില്ല ഇനീപ്പോ പ്രവർത്തി കൊണ്ടങ്ങ് കാണിച്ചു തരാം…..”
ഹരി അവളുടെ കയ്യിൽ കൈകോർത്തു പിടിച്ചു….
“കൂടെയുണ്ടാകുവോ……”
വീണ്ടും ഒരുറപ്പിനെന്നോണം ചോദിച്ചു…..
“till the last breath…….”
“എടാ നീയാ പറഞ്ഞ സാറിന്റെ പേരെനിക്ക് നല്ല കേട്ടു പരിചയം തോന്നുന്നുണ്ട്…
പക്ഷേ എവിടന്ന് ഒരു ഐഡിയയും ഇല്ല…..”
തിരികെ വരമ്പിലൂടെ നടന്ന് റോഡിലേക്ക് കയറി രണ്ടും…
“നീയറിയും…..
നിന്റെ കൂടെ പ്ലസ്ടു പഠിച്ച ഫിദയില്ലേ….
കാഞ്ഞിരയ്ക്കലെ അബ്ദുക്കാടെ മോള്…
നിൻറെ ബെസ്റ്റി….
അവളുടെ ഹസ്ബൻഡ് ആ…..”
“ആ വെള്ളപ്പാറ്റേടെ കാര്യം എന്നോട് മിണ്ടിപ്പോകല്ല്…..
ചങ്കും കരളും ആയിട്ട് നടന്നെയാ ഞങ്ങൾ….
നീയിപറഞ്ഞ സാറില്ലേ…മൂപ്പർ സ്കൂളിൽ ബോധവത്കരണ ക്ലാസ്സിനും annual ഡേ ഇനാഗുരെഷനും ഒക്കെ വരുമ്പോൾ എന്തോരം വായ്നോക്കീട്ടുണ്ടെന്ന് അറിയുവോ ഞങ്ങൾ….
ഒരു വട്ടം പോലും ആ ദുഷ്ട പറഞ്ഞില്ലടാ അവളുടെ സ്വന്തം പ്രോപ്പർട്ടിയാണെന്ന്…..
ഒന്നും അറിയാണ്ട് അവളുടെ കൂടെയിരുന്നെത്ര കമന്റ് അടിച്ചട്ടുണ്ടെന്ന് അറിയോ…..
Mangalore പഠിക്കാൻ പോയപ്പോൾ പോലും ഡെയിലി വിളിച്ചോണ്ടിരുന്നവളാ……
എന്നട്ടോ ലാസ്റ്റ് ഒരു വാക്കുപോലും പറയാണ്ട് അങ്ങേരുടെ കൂടെ ഒളിച്ചോടിപ്പോയി…..
അതും പ്രെഗ്നന്റ് ഒക്കെ ആയിട്ട്….“
അമ്മുവിന് കിന്റർ ഗാർട്ടൻ മുതൽ ഒന്നിച്ചുണ്ടായിരുന്നോരുത്തി ഒപ്പിച്ച പണി ഓർത്തിട്ട് സഹിക്കാൻ പറ്റുന്നില്ല…..
പരിതാപനം എല്ലാം കഴിഞ്ഞ് ഹരിയുടെ നേരെ നോക്കുമ്പോൾ ആണ് അവിടൊരുത്തൻ പല്ലു ഞെരിച്ചു പൊട്ടിക്കുന്നത് കാണുന്നത്……
“കാടക്കുഞ്ഞെ…….”
നന്നായൊന്നിളിച്ചു കാട്ടി…..
“അതവരുടെ ജീവിതമല്ലേ അതിനുള്ളിൽ എന്താ നടന്നതെന്ന് നമുക്കറിയില്ലലോ….
ആരെയും ഒന്നും പറഞ്ഞു വിധിക്കണ്ട നമ്മൾ…..
അവർക്കും പറയാൻ എന്നെയും നിന്നെയും പോലൊരു കഥ കാണും എന്ന് ചിന്തിച്ചാൽ മതി…..
“ഹ്മ്മ്….എന്നാലും അവൾക്കൊന്നു വിളിക്കായിരുന്നു…..
ഒരു വാക്ക് പറയായിരുന്നു…..”
“അവര് വല്ലപ്പോളും വരാറുണ്ട് ഇവിടെ ആ വീട്ടില്….
ഇനി വരുമ്പോൾ നീ ചെന്നു കണ്ടോ…..
ഇങ്ങോട് വിളിക്കാനും മിണ്ടാനും നോക്കിനിൽക്കണ്ട…
എന്നിട്ട് നമ്മുടെ കഥ കേട്ടിട്ട് സാറെന്റെ മുത്തീടെ മുത്തിക്ക് വരേ വിളിക്കണതും കേട്ട് നമുക്കിങ്ങ് പോരാ…..”
രണ്ടു ദിവസം കഴിഞ്ഞ് ഒരു ഞായറാഴ്ച്ച ടൗണിൽ ഇറച്ചി വാങ്ങാൻ കടയ്ക്ക് മുന്നിൽ നില്കുമ്പോളാണ്
ഹരിക്ക് അരുണിന്റെ കാൾ വരുന്നത്…..
“എന്നാടാ…..”
“മറ്റേ പുള്ളി എത്തീട്ടുണ്ട്…..കൊല്ലപ്പതിവ്….”
“ആര്……”
“സ്വന്തം ചരിത്രം കുഴിച്ചുമൂടീട്ട് ബാക്കിള്ളോരുടെ തേടിനടക്കണ ടീം….നിന്റച്ഛൻ…..”
“ആ ഒരു കുറവോടെ ഉണ്ടായിരുന്നുള്ളു…..അമ്മയില്ലേ വീട്ടില്….”
“മ്മ്മ് ഉണ്ട്….”
“അപ്പൊ സീൻ ഇല്ല വന്നവഴിക്ക് പറപ്പിച്ചോളും…..”
“അമ്മ മാത്രമല്ല അമ്മുവും ഇവിടുണ്ട്….അതു നീ മറന്നോ…..നീ വേഗം എത്താൻ നോക്ക്…..”
ഹരീടെ ചങ്കിലൊരു വെള്ളിടി വെട്ടി…..
ഇറച്ചി നുറുക്കാൻ ഒന്നും മിനക്കെടാതെ വാങ്ങി വേഗത്തിൽ അവൻ ബൈക്ക് പറപ്പിച്ചു……
___________________________________
ട്വിസ്റ്റ് ഒന്നും അല്ലാട്ടാ…..
എഴുതി തീർന്നിടം വച്ച് പോസ്റ്റയ്തതാ……
ഇനിം എഴുതാൻ ഇരുന്നാൽ പിന്നേം താമസിക്കും അതുകൊണ്ട്…….