അമ്മു പിന്നൊത്തിരി കടുംപിടുത്തതിന് നിന്നില്ല….
കണ്ണുനിറഞ്ഞത് അവനെ കാണിക്കാതെ കെട്ടിപിടിച്ചു മുഖം മുഴുവൻ ഉമ്മകൊണ്ട് മൂടി തിരിഞ്ഞുനിന്നു…..
ഇനിയൊരാഴ്ച ഒറ്റക്കല്ലെന്നും പറഞ്ഞു അവളുടെ ടിഷർട്ടും ടവലും അലമാരിയിൽ നിന്നും എടുത്തു ബാഗിലേക്ക് വച്ചവൻ ഒന്നുകൂടെ യാത്ര ചോദിച്ചു പുറത്തിറങ്ങി…..
മുമ്പൊക്കെ അവൻ പോകുമ്പോൾ സന്തോഷമായിരുന്നു ആ സാമീപ്യം കൊണ്ടുള്ള വീർപ്പുമുട്ടലില്ലാതെ അർമാദിക്കാമല്ലോ എന്നോർത്ത്…..
ഇന്നിപ്പോ ചങ്കുപൊടിയുവാണ്…..
ചൂടുവെള്ളമൊഴിച്ച നീറ്റുകക്ക പോലെ ചുട്ടു നീറുവാണ്….
ഹരിയാ കരഞ്ഞു ചുമന്ന കണ്ണും മുഖവും കണ്ടില്ലെന്നു നടിച്ചു….
അവനങ്ങു ഗൾഫിനു പോയതൊന്നും അല്ലാലോ അടുത്താഴ്ചയിങ് വരൂല്ലേയെന്നും പറഞ്ഞു മായ അവളെ അകത്തേക്ക് കയറ്റി…..
പ്രണയിച്ചുതുടങ്ങിയതിൽ പിന്നെ അകന്നിരുന്നിട്ടില്ലാത്തവർക്ക് അതു വല്ലാത്ത നോവ് തന്നെയായിരുന്നു….
അതു സഹിക്കാൻ വയ്യാഞ്ഞിട്ടാണ് കൊലുസും അരഞ്ഞാണവും വിറ്റോ പണയം വച്ചോ എന്താന്ന് വച്ചാ ചെയ്തോന്നും പറഞ്ഞു നീട്ടിയത്….
പക്ഷേ അവനതൊന്നു തൊട്ടുപോലും നോക്കിയില്ല….
ആ ഒരാഴ്ച കടന്നുകിട്ടാൻ അവരിരുവരും മണിക്കൂറേണ്ണി കാത്തിരുന്നു….
അല്ലെങ്കിലേ വന്നതിന്റെ പിറ്റേന്നു തന്നെ വേണ്ടിയിരുന്നില്ലെന്ന് ഹരിക്കൊരായിരം വട്ടം തോന്നിയിരുന്നു…
പക്ഷേ അപ്രതീക്ഷിതമായി വന്ന ലോറി സമരവും ഫാക്ടറിയിലെ തർക്കങ്ങളും തിരിച്ചുവരവ് മൂന്നാഴ്ചയോളം നീട്ടി….
അമ്മുവിന് കാത്തിരുന്നു കണ്ണുകഴച്ചു പ്രാന്ത് പിടിച്ചുപോയി……
അതങ്ങനെ വെറുതേ പിടിച്ചതല്ല…
ഒരു രാത്രിയും മുടങ്ങാതെയെത്തുന്ന നേരം വെളുക്കുവോളം നീളുന്ന കോളുകളിൽ അവൻ പിടിപ്പിച്ചതാണ്…..
മറ്റാര് പറഞ്ഞാലും കേട്ടാലറച്ചുപോകുന്ന വൃത്തികേടുകളിൽ അമ്മു കുളിരുകോരി….
അവൾക്കറിയാത്തത് പലതും അവനവളെ പഠിപ്പിച്ചു…..
അല്പമൊക്കെ ചെയ്തുനോക്കാൻ പ്രേരിപ്പിച്ചു….
അടുക്കാതിരുന്നപ്പോൾ ഞാൻ വന്നിട്ടറിയിച്ചുതരാമെന്നു പറഞ്ഞവളെ ഭ്രമിപ്പിച്ചു…..
അവന്റെ എണ്ണിയാലോടുങ്ങാത്ത ഫാന്റസികൾ….
പറഞ്ഞാൽ തീരാത്ത ഇക്കിളി സ്വപ്നങ്ങൾ…..
പലപ്പോളും അമ്മു കുഴങ്ങിപ്പോയി…..
ചിലതിനൊക്കെ പതിഞ്ഞുമൂളിക്കൊടുത്തു….
ചിലപ്പോൾ മൗനം സമ്മതമായി….
വേറെ ചിലതിനൊക്കെ പറ്റില്ലെന്നവൾ കട്ടായം പറഞ്ഞു….
അവനെത്ര കെഞ്ചിചോദിച്ചിട്ടും സമ്മതിക്കാത്തവയോർത്തു പകലെല്ലാം ആരും കാണാതൊരു ചിരി ചുണ്ടിൽ വിരിഞ്ഞു……
ആ മൂന്നാഴ്ചകൾ കൊണ്ടു കെട്ടുപൊട്ടിപ്പറക്കാൻ തയ്യാറെടുത്തൊരു പട്ടമായി ഇരുവരും……
അതിന് കാറ്റ് വീശാനെന്നോണം മായയുടെ കുടുംബശ്രീ ടൂറും….
ഡിസംബറിലെ തണുപ്പിൽ രണ്ടുദിവസത്തേക്കുള്ള ഊട്ടി ടൂർ…..
എല്ലാകൊല്ലവും പോക്കുള്ളതാണ്….
ദീപം കുടുംബശ്രീ യൂണിറ്റ് അംഗങ്ങൾ മൊത്തമായിട്ട്….
ഇരട്ടകൂട്ടികൾ പിറന്നവന് ഓണം ബംബർ അടിച്ച അവസ്ഥയായി ഹരിക്ക്……
ലോറി ഗാരേജിൽ കൊടുത്തിട്ട് തിരികെ വീട്ടിലേക്ക് പറക്കുവാണോ എന്ന് തോന്നിപ്പോയി അവനെ വിളിക്കാൻ കൂടെ ചെന്ന അരുണിന്…..
ആ ആവേശം കണ്ടിട്ടൊരു വശപിശക് അടിച്ചെങ്കിലും
അവരുടെ മോമെൻറ്സ് ഷെയർ ചെയ്യുന്നതിൽ ഒട്ടൊരു വിമുഖത കാട്ടാറുള്ള ഹരിയെ ഓർത്ത് ഒന്നും ചോദിച്ചില്ല……
വീട്ടിലെത്തുമ്പോൾ അമ്മ ടൂർ പോകാൻ റെഡി ആയി ബാഗൊക്കെ പാക്ക് ചെയ്തു തിണ്ണയിൽ വച്ചിട്ടുണ്ട്….
പോകാനിറങ്ങുകയാണ്….
ബൈക്ക് കൊണ്ടുവന്നു നിർത്തിയതും മായ ഇറങ്ങിവന്നു……
അമ്മയേക്കണ്ടു സന്തോഷത്തോടെ ചിരിച്ചെങ്കിലും തനിക്കു പിന്നിലേക്ക് അവളെ തേടി ആർത്തിയോടെ അലയുന്ന കണ്ണുകൾ കണ്ടു മായ ചിരി കടിച്ചുപിടിച്ചു…..
“നീയാ ഓട്ടോ ഒന്നു വിളിച്ചേടാ….ഞാനിറങ്ങുവാ ലളിതേച്ചി ഒക്കെ ഇപ്പൊ ഇറങ്ങും….”
“ഓട്ടോയെന്തിനാ ഞാൻ കൊണ്ടുവിടാം…..” മറുപടി പറയുന്നുണ്ടെങ്കിലും കണ്ണും മനസുമെല്ലാം വീടിനുള്ളിലാണ്….
അവൾ പുറത്തേയ്ക്കിറങ്ങി വരാതെയായപ്പോൾ ഒരു നിരാശ വന്നുമൂടി…..