മഴനീർതുള്ളികൾ 5

Mazhaneerthullikal Part 5 | Author : Anamika

[ Previous Part ] [ www.kambi.pw ]

---

 

 

“അമ്മൂ…….”

 

കതകിൽ മുട്ടും മായയുടെ വിളിയും കേട്ടു ഞെട്ടി കണ്ണ് തുറന്നവൾ ചുറ്റും പകച്ചുനോക്കി….

നേരം നല്ലപോലെ വെളുത്തിട്ടുണ്ട്….

അയ്യോഹ് ഇത്രേം ലേറ്റ് ആയോ…

 

“അമ്മുമോളെ…എണീക്കണില്ലേ….ഇന്ന് കോളേജിൽ പോണ്ടേ….”

 

“ആമ്മാ….വരുന്നു….”

 

“വേഗം….മണിയേഴായി….”

 

അമ്മു ഒന്നനങ്ങാൻ നോക്കി….

എവിടുന്ന്….

കമിഴ്ന്നു കിടക്കുന്നവളുടെ പുറത്തേക്ക് ഒരുത്തൻ കയ്യും കാലും പാതിദേഹവും കയ്യറ്റിവച്ചു അതുംപോരാഞ്ഞിട്ട് ഇടതുകൈ കൈക്കുഴയിലൂടെ കടത്തി അവളുടെ മാറിനും ബെഡിനും ഇടയിൽ കുത്തിത്തിരുകിയാണ് കിടപ്പ്….

അമ്മ വിളിച്ചതൊന്നും അറിഞ്ഞിട്ട് കൂടെയില്ല….

 

“ഹരീ…..”

 

ഒന്നു മൂളിയതല്ലാതെ ഹരി അനങ്ങിയില്ല….

 

“എടാ….നേരം വെളുത്തു ഒന്നെണീറ്റെ….”

അമ്മു ദേഹം കുതറിച്ചുനോക്കി…

 

“ഇച്ചിരിനേരം കൂടെ കിടക്കടി…..”തലയിണയിൽ അഴിഞ്ഞു ചിതറികിടക്കുന്ന അവളുടെ മുടിക്കുള്ളിലേക്ക് മുഖം പൂഴ്ത്തി അവൻ ഉള്ളം കയ്യിൽ തടഞ്ഞത് ഒന്നു മുറുകെപിടിച്ചു….തികയാഞ്ഞിട്ട് ഞെരിച്ചുകൂടെ പിടിച്ചു…..

 

“ആഹ്ഹ്…..” അവളുടെ മൃദുത്വത്തേക്കാൾ മുന്നേ പല്ലിന്റെ മൂർച്ച ഹരി കയ്യിൽ അറിഞ്ഞു….കൈകുടഞ്ഞകൊണ്ടവൻ എണീറ്റു നേരെ കിടന്നു…

 

അമ്മു ആ തക്കത്തിനു ചാടി നിലത്തിറങ്ങി….

 

“എന്തിനാടി ഇങ്ങനെ മേലുനോവിക്കണേ…..”

 

“മേലാത്ത കയ്യും വച്ചെന്റെ മേലെ വേണ്ടാത്ത പണിക്ക് നിന്നിട്ടല്ലേ….കുറച്ചങ്ങു സഹിച്ചോട്ടോ….” അമ്മു അവന്റെ ദേഹത്തിനടിയിൽ ആയിപോയ പുതപ്പു ശക്തിയിൽ വലിച്ചുകൊണ്ട് കളിയാക്കി….

 

“വേണ്ടാത്ത പണിയാ…..ഈ വെളുപ്പാൻ കാലത്ത് ഇതിലും വേണ്ടുന്ന പണി വേറെ ഇല്ലാടി…..എന്താ ഒരു ഫീലാന്ന് അറിയോ…..” എണീറ്റ് ലുങ്കി അഴിച്ചുടുത്തു ഹരി….പിന്നെ തിരിഞ്ഞ് കട്ടിലിന്റെ ക്രാസിയിൽ ഇന്നലെ കിടക്കും മുന്നേ അഴിച്ചിട്ട ടിഷർട്ടും എടുത്തിട്ടു….

 

അമ്മു അപ്പോളേക്കും അലമാരി തുറന്ന് യൂണിഫോം എടുത്ത് കയ്യിൽപിടിച്ചു ഇനി അയൺ ചെയ്യാനൊന്നും നേരമില്ല കുളിച് നേരെ എടുത്തിടാം….

 

“ആ വാ ഒന്നടച്ചുവെക്കുവോ പ്ലീസ്…..” അവന് നേരെ തിരിഞ്ഞൊന്നു കൈകൂപ്പിയിട്ട് അവൾ ഡോർ തുറക്കാനാഞ്ഞു….

പിന്നെന്തോ ഓർത്തെന്ന പോലെ ഒരു നിമിഷം നിന്നു…

തിരിഞ്ഞു വേഗം കണ്ണാടിക്ക് മുന്നിലെത്തി….

കഴുത്തിനിരുവശവും അവിടവിടെയായി നീലയും പച്ചയും കലർന്നു കിടപ്പുണ്ട്….

ഇന്നലത്തേതിന്റെ ബാക്കി പത്രം….

 

വേഗം കയ്യിലിരുന്ന ഫ്ലാനൽ ടവൽ എടുത്ത് കഴുത്തിനു ചുറ്റി ഇട്ടു…..

 

ഒന്നുമറിയാത്ത മട്ടിൽ കഴുക്കോലെണ്ണി നിക്കുന്നവനെ ദഹിപ്പിച്ചു നോക്കി ചവിട്ടിതുള്ളി വാതിൽ തുറന്ന് അടുക്കളയിലേക്ക് നടന്നു…..

 

കുളി കഴിഞ്ഞ് തിരികെ കയറുമ്പോൾ മായ പൂരിയും കടലക്കറിയും വിളമ്പിവെച്ചിട്ടുണ്ട്….

 

പങ്കു പതിവില്ലാതെ എണീറ്റ് അടുക്കളയിലും എത്തീട്ടുണ്ട്….

 

അമ്മു തലയിൽ ചുറ്റികെട്ടിയിരുന്ന നനഞ്ഞ ടവൽ അഴിച്ചു കഴുത്തിലെ വെള്ളം ഒപ്പുമ്പോലെ പാട് ഒളിപ്പിച്ചു പിടിച്ച് മായയുടെ അടുത്തേക്ക് ചെന്നു….

 

”അമ്മേ ഇരുന്ന് കഴിക്കാൻ നേരമില്ല ഞാൻ റെഡി ആകുന്നെന്റെ ഇടയ്ക്ക് കഴിച്ചോളാം എന്നും പറഞ്ഞു പ്ലേറ്റ് എടുത്തു…

 

“ആ തോർത്ത്‌ മാറ്റിപിടിക്ക് അമ്മു….യൂണിഫോം നനയും…..” പറയലും അതൂരി മാറ്റലും കഴിഞ്ഞു….

 

അമ്മു വേഗം മുടിയെടുത്തു മുന്നിലേക്കിട്ടു….

 

“മുടീന്നും വെള്ളം ഊരുന്നുണ്ട്….ചെന്നു ഉണങ്ങിയ തോർത്തെടുത്തു തോർത്തിക്കെ…..ഞാനിത് കൊണ്ട്തന്നേക്കാം….” അവളെ പറഞ്ഞുവിട്ടിട്ട് മായ പൂരിയുടെ പ്ലേറ്റ് എടുത്തു….

 

“ഇങ്ങനെ തലേൽ കേറ്റിവച്ചാൽ അവസാനം നീ തന്നെ അനുഭവിക്കും…. ഇള്ളക്കുഞ്ഞല്ലേ…..ഒരു പണീം അറിയത്തും ഇല്ല ചെയ്യത്തും ഇല്ല…..” ഉമിക്കരി കയ്യിലേക്ക് കുടഞ്ഞിട്ട് പങ്കു പിറുപിറുത്തു….