“അവൾക്കു കൂടെ ചെയ്യാനൊന്നും ഇപ്പൊ ഇവിടില്ല അമ്മേ….പഠിക്കുന്ന കുഞ്ഞാ അത് അതിൽ ശ്രദ്ധിക്കട്ടെ….”
പൂരി പിച്ചി അതിലേക്ക് കറി ഒഴിച്ചിളക്കി ഒരു ഫോർക്കും എടുത്ത് വച്ചു മായ പ്ലേറ്റുമായി അമ്മുവിന്റെ മുറിയിലേക്ക് നടന്നു….
ഹരി പായിൽ ഷർട്ടും മുണ്ടും ഒക്കെ ഇട്ടു ഡീസന്റ് ആയി ഉറങ്ങുന്നുണ്ട്….
ശല്യപെടുത്താതെ പ്ലേറ്റ് അവളിരുന്നു പഠിക്കാറുള്ള ചെറിയ മേശമേൽ വച്ചിട്ട് അവളോട് കഴിക്കാൻ ആംഗ്യം കാണിച്ചു മായ പുറത്തിറങ്ങി….
ഒരു ടിന്റെഡ് സൺസ്ക്രീനും ടിന്റെഡ് ലിപ്ബാമും…കഴിഞ്ഞു ഒരുക്കം…
അതിനിടയിൽ പൂരിയും കഴിച്ചു…
അലമാരിയിൽ നിന്നും മിസ്സ് ഡിയോർ പെർഫ്യൂം ബോട്ടിൽ എടുത്തതും തീരാറായിട്ടുണ്ട്…
എല്ലാ വർഷവും മാമൻ അയക്കുന്ന ഗിഫ്റ്റ്ബോക്സിൽ ഉണ്ടാവാറുള്ളതാണ്…
അവിടുന്നിറങ്ങിയതിൽ പിന്നെ മാമ ഒന്നു വിളിച്ചിട്ട് കൂടെയില്ല…
ജീവനായി കൊണ്ടുനടന്നതാ തന്നെ….
ക്ഷമിക്കാൻ പറ്റിട്ടുണ്ടാകില്ല….
അമ്മു ബോട്ടിൽ അങ്ങനെ തന്നെ തിരിച്ചുവച്ചിട്ട് ബാഗ് എടുത്ത് എല്ലാം ഉണ്ടോയെന്നു ഒന്നുകൂടി നോക്കി ബെഡിലേക്ക് വച്ചു…
എന്നിട്ട് ഹരിയെ വിളിച്ചുണർത്തി…
“എടാ….ഞാൻ പോവാ….ഇന്ന് പണിക്കൊന്നും പോയേക്കല്ല്…ഇവിടെ ഇരിക്കണം കേട്ടോ….പിന്നെ ഇന്നലത്തെപോലെ അമ്മ വാരിതരാന്ന് പറയുമ്പോ വല്യ ആൺപിള്ള സിങ്കം കളിച്ച് വേണ്ടാന്ന് പറയല്ല്…വാങ്ങിച്ചു കഴിച്ചോണം….”
അമ്മു വല്യ കാര്യത്തിൽ പറയുമ്പോൾ പാതി ഉറക്കപ്പിച്ചിൽ തലയാട്ടുന്നുണ്ട് ഹരി…
അമ്മേ ഇറങ്ങുവാന്നും പറഞ്ഞ് ഓടിച്ചാടി മുറ്റത്തേക്കിറങ്ങിയതും ചെന്നു പെട്ടത് ചൂലുമായി നിൽക്കുന്ന പങ്കുന്റെ മുന്നിൽ….
ചിന്നു അതു കണ്ടിട്ട് തന്നെ മുറ്റത്തൊട്ട് പോലും കയറാതെ റോഡിൽ തന്നെ നിൽപ്പുണ്ട്….
“ഇന്നത്തെ പിള്ളേർക്കൊക്കെ പിന്നെ എന്ത് താലി എന്ത് സിന്ദൂരം…ഓരോരോ പരിഷ്കാരങ്ങളെ…..” ചൂല് കയ്യിലിട്ട് കുത്തി അവർ അടിതുടർന്നു….
അമ്മു അതിനൊരാക്ഷരം മിണ്ടാതെ കിട്ടിയ ചാൻസിൽ എസ്കേപ്പ് അടിച്ചു….
“എടീ….ഇത് പോകാൻ വല്ല വഴീണ്ടോ…..” അമ്മു യൂണിഫോം കോട്ട് നീക്കി കഴുത്തു കാണിച്ചു കൊണ്ട് ചിന്നുവിനോട് ചോദിച്ചു….
“എന്തോന്നാടി….രണ്ടിനും ഇത് തന്നാണോ ഫുൾ ടൈം പണി…..”
“കളിയാക്കാണ്ട് വല്ല ടിപ്സും ഉണ്ടേൽ പറഞ്ഞു താടി….”
“പിന്നേ ഞാൻ പാർട്ട് ടൈം കിസ്സോളജിസ്റ് ആണല്ലോ…
എടീ ഞാൻ കിസ്സെയ്തിട്ടുണ്ട് ബട്ട് ഇങ്ങനെ ഹിക്കി ഒന്നും ആയിട്ടില്ല….അതോണ്ടന്നെ ഒരു ഐഡിയയും ഇല്ല…..” ചിന്നു കൈമലർത്തി…
“എന്നാലും….മായമ്മ ഇത്രക്കും പൊട്ടിയാണോ….അയിന്റെ തലേൽ കുന്നിക്കുരുന്റത്രേം ബ്രെയിൻ പോലും ഇല്ലേ….ഇതൊക്കേം കണ്ടിട്ടും ഒന്നും മനസിലാക്കണ്ട് ഇരിക്കാൻ…..കല്യാണം ഒക്കെ കഴിച്ച ആളല്ലേ മൂപ്പത്തി…ഒരു മോനും ഉണ്ട്….”
ആരുടെയോ ചെമ്പരത്തി വേലിയിൽ നിന്നും പടർന്നുകിടന്നിരുന്ന മുല്ലപ്പൂ പൊട്ടിച്ചെടുത്തു വാസനിച്ചുകൊണ്ട് ചിന്നു മുന്നേ നടക്കുവാണ്…
“അതിനമ്മ ഒത്തിരിയൊന്നും അയാളുടെ കൂടെ ജീവിച്ചില്ലലോടി….കല്യാണം കഴിഞ്ഞതിന്റെ പിറ്റേന്ന് അയാൾ പോയില്ലേ…..പിന്നിതൊക്കെ എങ്ങനെ അറിയാന പാവം…..” അമ്മു അവൾക്കടുത്തേക്ക് നടന്നടുത്തു പതിയെ പറഞ്ഞു…
“ഹ്മ്മ്…..ഒറ്റ രാത്രി കൊണ്ട് മകൻ ഒഴിഞ്ഞുകൊടുത്തു പക്ഷെയാ മൂധേവിതള്ള…..അവരവിടെ തന്നെ ഇണ്ടല്ലോ ഭൂലോക പാര ആയിട്ട്…..”
ഉള്ളം കയ്യിലെ മുല്ലപ്പൂ ഞെരിക്കുന്നത് കണ്ടാൽ പങ്കജാക്ഷിയമ്മയുടെ മുഖമാണെന്ന് തോന്നും….
“അവരത്ര സീൻ ഒന്നുല്ലാടി….ഹരിയെ ജീവനാ….പിന്നെ അമ്മേടെ അടുത്ത് വല്ലാത്തൊരു സ്വഭാവ….ടിപ്പിക്കൽ ആ പഴേ അമ്മായിയമ്മ….“
അമ്മു തനിക്ക് മനസിലായത് അങ്ങനെ തന്നെ പറഞ്ഞു…
”നിനക്കൊന്നും അറിയില്ലെന്റെ അമ്മുമോനെ….നിന്റെ അഹിംസാവാദി അമ്മായിയമ്മ നിന്നോട് ഒന്നും പറഞ്ഞു തരാനും പോണില്ല….
എന്റമ്മ പറഞ്ഞു ഞാൻ കൊറേ കേട്ടിട്ടുള്ളതാ…