മഴനീർതുള്ളികൾ – 1
Mazhaneerthullikal | Author : Anamika
[ Previous Part ] [ www.kambi.pw ]
“ന്റെ ദൈവങ്ങളേ……..
”മായേ….മായേ….ഈ എരണംകെട്ടവൻ ദേ ഏതാണ്ടൊരുത്തിയേം കൊണ്ട് വന്നേക്കുന്ന്…..“
വീടിന്റെ മുറ്റത്തു നിന്നും അകത്തേക്ക് നോക്കി വിളിച്ചു പറയുന്ന സ്ത്രീയെ നിർവികാരമായി നോക്കി അമൃത….
തൊട്ടപ്പുറത്തെ വേലിക്കൽ നിന്നും തലകൾ ഉയരുന്നുണ്ട്…
“പൊന്ന് ലളിതമ്മേ…ഒന്ന് പതുക്കെ…..”
ചുറ്റും പുറവും തല ചെരിച്ചു ആ നൈറ്റിയിട്ട സ്ത്രീയോട് പറയുന്നവനെ പുച്ഛത്തോടെ നോക്കിയവൾ.
അപ്പോളേക്കും പാതി ചാരിയിട്ട വാതിൽ തുറന്ന് ആരോ ഇറങ്ങി വന്നു.
പഴകിയതെങ്കിലും വൃത്തിയുള്ള കോട്ടൺ സാരി വാരിചുറ്റിയ ഒരമ്മ..കണ്ടിട്ടിവന്റെ അമ്മയാന്നു തോന്നുന്നില്ല ചെറുപ്പമാണ് ഐശ്വര്യമുള്ള മുഖം..
“ആ നീയിങ്ങു വന്നേ….ചോദിച്ചേ….” ലളിതാമ്മേ യെന്ന് അവൻ വിളിച്ച സ്ത്രീ ആ അമ്മയെ കൈയിൽ പിടിച്ചു അവന്റെ മുന്നിലേക്ക് നിർത്തി….
സാരിയുടെ മുന്താണിയിൽ കൈ തുടച്ചുകൊണ്ട് മുഖം കുനിച്ചു നില്കുന്നവനെയും അവളെയും മാറിമാറി നോക്കി അവർ..
“ഹരീ…..”
“എന്താടാ ഇതൊക്കെ..”
“ഏതാടാ ഈ കൊച്ച്..”
“എടാ നിന്നോടാ ചോദിച്ചേ..ഏതാ ഈ കൊച്ച്…”
അവൻ ഒന്നും മിണ്ടുന്നില്ലെന്ന് കണ്ട് അവർ അവൾക്കുനേരെ തിരിഞ്ഞു..
കരഞ്ഞു കലങ്ങിയ മുഖവും നെറ്റിയിലെ സിന്ദൂരവും കഴുത്തിലെ മഞ്ഞചരടും കണ്ടതേ അവർക്കൊരു പന്തികേട് തോന്നി..
“ഇതിലിനി എന്ത് അറിയാന മായേ..ഇവൻ പ്രേമിച്ചോണ്ട് പോന്നതായിരിക്കും..” വേലിക്കലെ ഏതോ തലയാണ്….
“ദൈവമേ…ഇന്നലെ പെയിന്റ് പണിക്കെന്നും പറഞ്ഞു പോയവനാ ഇന്ന് ദേ പെണ്ണുമായിട്ട് വന്നു നിക്കുന്നു…രാത്രിപണി കൂടെ ഉണ്ട് അതു കഴിഞ്ഞ് രാവിലെയേ എത്തുള്ളുന്നു പറഞ്ഞു പോയിട്ട്…ഇതാർനോടാ നിന്റെ പണി….”ലളിതേച്ചി ഇടയ്ക്കു കയറി..
ഒന്നും മിണ്ടാതെ നിൽക്കുന്നവനെ കാണും തോറും അമൃതക്ക് ഉള്ളിൽ ദേഷ്യം നുരഞ്ഞു കയറി..
കണ്ണ് നിറഞ്ഞു തന്നെ നോക്കുന്ന ആ അമ്മയെ കണ്ടതും അവൾ സ്വയം നിയന്ത്രിച്ചു…
“ഹരിക്കുട്ടാ….” അവൻ തലയുയർത്തി അവരെ നോക്കി..അവന്റെ മുഖത്തൊരു വല്ലായ്മ നിറയുന്നത് അവൾ കണ്ടു..
“എന്തൊക്കെയാടാ ഇത്..ഇന്നലെ പണിക്കായിട്ട് ഇവിടുന്ന് ഇറങ്ങിയതല്ലേ നീ..
ഏതാ ഈ കൊച്ച്..ഇവളെന്താ നിന്റെ കൂടെ ഇവടെ..”
“ഞാൻ കെട്ടിയതാ..അമ്മേ..” കാറ്റിനു പോലും ഇതിനേക്കാൾ ശബ്ദം ഉണ്ടെന്നവൾക് തോന്നി…രാവിലെ ഘോര ഘോരം പ്രസംഗിച്ചവന്റെ നാക്കിറങ്ങിപ്പോയോ..
“ആ പഷ്ട്……” ലളിതച്ചിയാണ് താടിക്ക് കൈ കൊടുത്തു കൊണ്ട് അവരെ അടിമുടി നോക്കിയാണ് പറച്ചിൽ..
“നീ എന്തറിഞ്ഞിട്ടാ ഇവന്റെ കൂടെ പോന്നേ…” അവൾ ലളിതേച്ചിയെ നോക്കി..
“പ്രേമിച്ചു കൂടാൻ പറ്റിയ മൊതലാ. ….ഈ ഹരികൃഷ്ണൻ രാവിലെ പെയിന്റ് പണിക്കെന്നും വണ്ടിയോട്ടമെന്നും പറഞ്ഞു ഇറങ്ങി പോയിട്ട് തോന്നുമ്പോലെയാ വരവ്..എന്നിട്ട് കിട്ടണതോ ആ പാടത്തു പാതിരക്ക് കള്ളുകുടിസഭ നടത്തി തീർക്കുവേം ചെയ്യും…” അവർ അവനെ ഒന്ന് ഇരുത്തിനോക്കി…
“ഈ വീട് കണ്ടോ കൊച്ച്…”.അവളാ വീട്ടിലേക്ക് നോക്കി..
ചുമര് തേക്കാത്ത തറ ചാന്തിട്ട ഒരു കൊച്ചു വീട്..ആകെ ആഡംബരം ആ ഓട് മാത്രം ആണ്..അതും പലയിടത്തും ചോർന്നിട്ടാകാം ടാർപ്പായ വലിച്ചു കെട്ടിയിട്ടുണ്ട്..
“ഇതാണ് ഇവിടുത്തെ അവസ്ഥ..മോളെ കണ്ടിട്ട് കുടുംബത്തിപിറന്ന ലക്ഷണം ഒക്കെ ഉണ്ട്..തിരിച്ചു മോൾടെ വീട്ടിലേക്ക് പോകുന്നെ അല്ലെ നല്ലത്…”
അതു കേട്ടതും അവന്റെ മുഖമൊന്ന് തെളിഞ്ഞു..
“അല്ലാണ്ടീ ഇട്ട ഷഡ്ഢി പോലും കഴുകാൻ മടിയുള്ളവന്റെ കൂടെ ഒക്കെ എങ്ങനെ പൊറുക്കാനാ…”
“ലളിതാമ്മേ….” അവൻ തൊലിയുരിഞ്ഞു വിളിച്ചു..
“അമ്മേ…നിങ്ങൾ വിചാരിക്കുംപോലെയൊന്നും അല്ല. ….എനിക്കിഷ്ടം ഉണ്ടായിട്ട് ഇറങ്ങി വന്നതൊന്നും അല്ല…ഇവനെ പോലൊരുത്തന്റെ കൂടെ എനിക്ക് ജീവിക്കാനും പറ്റില്ല..ഇവനൊരുത്തൻ കാരണമാ ഞാനിന്നിവിടെ…….അവൾ പാതിക്ക് നിർത്തി ചുറ്റും നോക്കി..