അതിനു മറുപടി ഒന്നുമുണ്ടായില്ല….
”ഇല്ലെന്നാണെങ്കിൽ മുന്നോട്ടെങ്ങനാ…..“
അവൾ ഉത്തരമില്ലാതെ നിന്നു…..
”ഇവിടുന്ന് മോൾ രാവിലെ ഇറങ്ങിപോകുമ്പോളും തിരികെവരുമ്പോളും പിന്നെ ഈ കഥകളൊക്കെ അറിഞ്ഞ ഇടങ്ങളിലും പല കളിയാക്കലുകളും മറ്റും ഉണ്ടാകും….നമ്മുടെയല്ലേ നാട്ടുകാർ….ഈ ഞാൻ ഇനി പുറത്തേക്ക് ഇറങ്ങിയാലും ഇതൊക്കെ തന്നെ ഉണ്ടാകും…അതോണ്ടതൊന്നും പ്രശ്നമല്ലെങ്കിൽ പഠിത്തം തീരും വരെ മോൾക്കിവിടെ നിൽകാം…ഇവിടുന്നാരും മോളെ ഇറക്കിവിടില്ല….
പിന്നെ ഫീസിന്റെയൊക്കെ കാര്യം… എന്നും പണിക്ക് പോണൊനാ അവൻ…മോൾടെ ഈ അവസ്ഥക്ക് കാരണോം അവൻ തന്നെയല്ലേ…അപ്പോ ഹരിയെക്കൊണ്ട് തന്നെ നോക്കിച്ചോളാം ഞാൻ…“
അവളെന്തോ പറയാൻ ആഞ്ഞതും കയ്യുയർത്തി തടഞ്ഞു….
“അതു മാത്രമല്ല….ഇതിപ്പോ തുടങ്ങിയല്ലേ ഉള്ളൂ…”
1st sem കഴിയാറാകുന്നതേ ഉള്ളൂ അവൾക്കു..
“ഇനിയുള്ള 2കൊല്ലം അടുപ്പിച്ചു ഇവിടെ നിക്കുമ്പോൾ മുന്നോട്ട് മറ്റൊരു ജീവിതത്തിലേക്ക് പോകുമ്പോ അതു മുഴച്ചു നിൽക്കും….അതും കൂടെ ചിന്തിച്ചിട്ട് മോള് പറഞ്ഞാ മതി….എന്റെ മോൻ കാരണം മോൾക് കിട്ടണ്ട നല്ലൊരു യോഗം ഇല്ലാണ്ടാകരുത്….”
“കുടുംബവും കുട്ടികളും ഒന്നും എന്റെ ചിന്തയിൽ പോലും ഇല്ലാമ്മ….എനിക്കൊരു ആഗ്രഹമേ ഉണ്ടായിരുന്നുള്ളു….അതിനു വേണ്ടിയാ കുത്തിയിരുന്ന് പഠിച്ചതും ഈ പാടൊക്കെ പെട്ടതും…..അതു കൊണ്ട് തന്നെ ആരെന്തൊക്കെ പറഞ്ഞാലും എനിക്കൊന്നും ഇല്ല….ഞാനൊന്നും വക വയ്ക്കാനും പോണില്ല…“
ശ്രീദേവിയെപോലല്ല….മിടുക്കിക്കുട്ടി….മായയൊന്നു പുഞ്ചിരിച്ചു….
__________________________
കൊയ്ത്തൊഴിഞ്ഞ പാടത്തെ വിളക്കുമാടത്തിൽ ആകാശം നോക്കി കിടക്കുകയാണ് ഹരി…
മാനം തെളിഞ്ഞാണെങ്കിലും ഉള്ളം കാറും കോളും മൂടിയിരുന്നു…
“ഏത് നേരത്താണോ ആ മൈരന്റെ വാക്കും കേട്ട് തുള്ളാൻ ഇറങ്ങിയത്…..”അവൻ സ്വയം പിറുപിറുത്തു….
രാത്രി തച്ചു കൂടെ എടുക്കുന്ന ദിവസങ്ങളിൽ 10 മണിയൊക്കെ ആകുമ്പോൾ ഒരു കൂടൽ പതിവുള്ളതാണ്….
ചെറുതായി സിപ് ചെയ്യാറെ ഉള്ളൂ…കൂടിപ്പോയാൽ ഉറക്കം വരും..
പക്ഷെ ഇന്നലെ…
മതിലകത്തെ കാവിന് പുറത്തുള്ള പറമ്പിലിരുന്നു പതിവ് പരിപാടി ആയിരുന്നു…പണി കോൺട്രാക്ട് എടുക്കുന്ന രാജൻ ആശാൻ ഇന്നില്ല…പുള്ളി പകൽ തന്നെ പോയി..പിള്ളേർ സെറ്റ് മാത്രമുള്ളതിന്റെ എല്ലാ കുന്തളിപ്പും നടക്കുന്നുമുണ്ട്…..
മനസ് എന്തോ ഒരു കാരണവും ഇല്ലാതെ അസ്വസ്ഥമായിരുന്നു…അതുകൊണ്ടാണ് പതിവ് തെറ്റിച്ചല്പം കൂടുതൽ എടുത്തതും….
“ഡാ…..ആ പെണ്ണ്… ആ പെണ്ണ്….”
ദീപുവാണ്….. ഓടിക്കിതച്ചു വന്നു നിന്ന് കുറച്ചുമാറികാണുന്ന എട്ടുകെട്ടിലേക്ക് ചൂണ്ടിയാണ് പറച്ചിൽ….
“ഏത് പെണ്ണെടാ…..” അരുൺ ചോദിച്ചു….
“നമ്മടെ കരിക്കുട്ടനെ ചെളിക്കുട്ടനാകീലെ….അവള്…..”
രണ്ട് രൂപേടെ അച്ചാറ് കൂടും നക്കികൊണ്ടിരുന്ന അരുൺ എന്നെയൊന്നു നോക്കി പിന്നെ തിരിഞ്ഞ് ദീപുവിനോടായി ചോദിച്ചു…..
“ഏത്….അന്നമ്പലത്തിൽ വച്ച്……”
“ ആ അത് തന്നേ…..അവള് ദോ ജനലിന്റെ അവിടിരുന്നു പഠിക്കുന്ന്……ഞാൻ കണ്ട്…”
“ഒന്നു നിർത്തെടാ……ആരെങ്കിലും എവിടേലും ഇരിക്കട്ടെ…നിനക്കൊക്കെ എന്താ….” എന്റെ ക്ഷമ കെട്ടു തുടങ്ങി…
“അതല്ലളിയാ……എന്നാലും അവളെങ്ങനെ ഇവിടെ….”
“ഇനിയാ പെണ്ണാ ഫണ്ടുമുക്കിടെ മോളെങ്ങാനും ആകുവോ…..”
“അപ്പൊ അവൾടെയാണോ ഈ കല്യാണം…..”
“അളിയാ…..സമ്മതിക്കരുത്….അങ്ങനെ അളിയനെ പിണ്ടത്തിൽ മുക്കീട്ട് അവൾ സ്മൂത്തായിട്ട് കെട്ടിപോകരുത്……”
“ഹാ…ഒന്നു വിടെടാ….അതൊക്കെ കഴിഞ്ഞ്…..”
“പറ്റത്തില്ല….അങ്ങനെ വിടാൻ പറ്റത്തില്ല….വെറുതെ അതിലേ പോയ ഹരിച്ചേട്ടനെ പിടിച്ചു തള്ളി ആ ചെളിക്കാത്തു ഇട്ടവളല്ലേ….എനിക്ക് നാലു വർത്താനം പറഞ്ഞേ പറ്റൂ…..” ദീപു വലിച്ചുകയറ്റിയതിന്റെ പവറിൽ നിന്നു തുള്ളുകയാണ്…..