ഇരുഭാഗത്തും കണ്ണോടിച്ചപ്പോൾ ആനകളെ തളച്ചിരുന്നിടത്തു കൂടെയും പോകാം..അതിനു ശേഷമുള്ള സ്റ്റെപ് കയറി നടന്നാൽ അമ്പലമുറ്റം ആയി…
അമ്പലപ്പറമ്പും ആൽത്തറ പരിസരവും മൊത്തം വെളിച്ചത്തിൽ കുളിച്ചാണെങ്കിലും ആനക്കൊട്ടിലിന്റെ ഭാഗത്തു പാതിവെളിച്ചമേയുള്ളു…
അവിടെ എത്തിയതും നിലത്താകെ ചെളി പോലെയാണ്. ..ഇട്ടിരുന്ന പാവാടയുടെ തുമ്പ് പൊക്കി പിടിച്ചു കൊണ്ടോടി….
സൈഡിൽ നിന്നും എന്തോ ശബ്ദം കേട്ട്നോക്കിയതും മുന്നിൽ വന്ന ആരുമായിട്ടോ കൂട്ടി ഇടിച്ചു…
“നീയെന്താടി ഇതിലെ നടക്കുന്നെ…”
മദ്യത്തിന്റെയും വിയർപ്പിന്റെയും രൂക്ഷമായ ഗന്ധം…പരിചയമില്ലാത്ത ആരോ ആണ്…
മുന്നോട്ട് ഓടാൻ ഒരുങ്ങിയതും കയ്യിൽ പിടി വീണു…
“എടീ നീയിതെങ്ങോട്ടാ..ഗാനമേള തുടങ്ങാറായി..അരുൺ അവിടെ കാണും നീ അങ്ങോടു ചെല്ല്…”
“വിടടോ…എന്റെ കൈ വിട്…” വിടുന്നില്ലന്ന് കണ്ട് അയാളെ പിടിവിടീക്കാനായി തള്ളിയതാണ്…അയാൾ വീഴുമ്പോലെ ശബ്ദംകേട്ടു…..
“ടീ……”
പേടികൊണ്ടായിരുന്നു മുന്നോട്ട് ഓടിക്കളഞ്ഞത്…അപ്പോളേക്കും മുന്നിൽ 3,4 പേര്…
എടാ അവൻ അല്ലെഅത് എന്നുംപറഞ്ഞു അയാളുടെ അടുത്തേക്ക് ഓടുന്നത് കണ്ടു….തിരിഞ്ഞു നോക്കാതെ ഓടി പടികൾ കയറി അച്ഛന്റെ അടുത്തെത്തി….
ആളാരെന്നറിയാതെ ഇരുട്ടിൽ കയ്യിൽ പിടിച്ചൊരാളെ തള്ളിയിട്ടതിനാണോ ഇവൻ…നിറഞ്ഞൊഴുകിയ കണ്ണ് കൈമുറുക്കെ തുടച്ചു…വാശിപോലെ…
ഇവിടെ ഒരുത്തന്റെ എവിടേം കാണാതൊരു എൽകെജി പ്രതികാര കഥയും അവിടെ ചെറിയമ്മയുടെ സ്ഥിരം ക്ലിഷേ രണ്ടാനമ്മ strategy കൂടെ ആയപ്പോൾ ജീവിതം ആ വഴിക്കങ്ങു പോയിക്കിട്ടി….
മുടിയൊന്നു വാരിക്കെട്ടി മുഖം അമർത്തിത്തുടച്ചു പുറത്തേക്കിറങ്ങി..ഹാളിലെങ്ങും ആരുമില്ല…അടുക്കളയിലേക്ക് നടന്നു…വർക്ക് ഏരിയ യോട് ചേർന്നു ഭിത്തിയിൽ തൂക്കിയിരുന്ന ബ്രഷ് ഹോൾഡറിൽ നിന്നും പേസ്റ്റ് എടുത്തു..മുറ്റത്തേക്കിറങ്ങി വിരലുകൊണ്ട് പല്ലുതേച്ചു….അയൽ വീടുകളിലെയും ജനാലകളിലെയും തലകൾ അപ്രത്യക്ഷമായിട്ടുണ്ട്…
കാലും കയ്യും മുഖവും കഴുകി അകത്തേക്ക് കയറി..
മൂടിവെച്ചിരുന്ന പ്ലേറ്റ് എടുത്തു..മുട്ട ഇരുന്ന ഭാഗം ചോറടക്കം മറ്റൊരു പാത്രത്തിലേക്ക് മാറ്റിവെച്ചിട്ട് കഴിക്കാനിരുന്നു..
ഇറങ്ങുന്നില്ല…തൊണ്ടയിൽ എന്തോ കല്ലുരുട്ടി വച്ചപോലെ….കടിച്ചുപിടിച്ചിറക്കി..ആരോടോ വാശി തീർക്കുന്ന മട്ടിൽ…
പാത്രം കഴുകി വച്ചു അവിടെ കണ്ട ചെറിയ ഫ്രിഡ്ജിൽ നിന്നും വെള്ളവും എടുത്തുകുടിച്ചു തിരികെ നടന്നു…ഹാളിൽ ബാഗ് ഇരിക്കുന്നത് കണ്ട് അതെടുത്തു മുറിയിലേക്ക് കയറി…..
തന്റെ ബുക്കുകളും ഡ്രെസ്സും മറ്റുമാണ്….ഡയറികണ്ടതും ഒരു നീറ്റൽ ഉള്ളിൽ എരിഞ്ഞുകയറി…..
കരയരുത്…
പൊട്ടി വന്ന വിതുമ്പലവൾ ചുണ്ടു കടിച്ചൊതുക്കി…
ബുക്ക്സ് എല്ലാം ബെഡിലേക്ക് എടുത്തു വച്ചു…ഡ്രെസ്സിൽ നിന്നും ഒരു പലാസോയും ടിഷർട്ടും ഇന്നറും എടുത്തു…
വീടിന്റെ അവസ്ഥ വച്ചിട്ട് പുറത്തെവിടെയെങ്കിലും ആകും ബാത്രൂം എന്ന് ആലോചിച്ചു വീടിനു പുറത്തേക്കിറങ്ങി…പിന്നിലെ മുറ്റത്തിന്റെ സൈഡിലായാണ് ബാത്രൂം…വീടുപോലെ അല്ല അടുത്തിടെ പുതുക്കിപണിതപോലുണ്ട്…
കുളി കഴിഞ്ഞ് വരുന്ന വഴി മായയുടെ മുറിയിലേക്ക് നോക്കി…വാതിലില്ലാത്ത ഡോറിന്റെ കർട്ടനിടയിലൂടെ മായ കിടക്കുന്നത് കാണാം…തിരികെ മുറിയിലേക്ക് കയറി..അവനെടുത്തു മാറ്റിയ അതേ മുണ്ടുതന്നെ എടുത്തു തലയിണകൂടെ പൊതിയും വിധം വിരിച്ചു കയറികിടന്നു….
കണ്ണടച്ചു തിരിഞ്ഞും മറിഞ്ഞും കിടന്നുനോക്കി…എവിടെ…ഉറക്കം വരുന്നേയില്ല…
കണ്ണ് തുറന്നു മേൽക്കൂരയിലേക്ക് നോക്കി കിടന്നു…ഇനി മുന്നോട്ട് എന്താ….പഠിക്കണം…പക്ഷെ എങ്ങനെ…ഇങ്ങനൊരു സാഹചര്യത്തിൽ നിന്നുകൊണ്ട് എന്ത് ചെയ്ത് കംപ്ലീറ്റ് ചെയ്യും…കോഴ്സ് ഫീ അച്ഛൻ അടച്ചതാണ്..പക്ഷെ അതുപോരല്ലോ…