“അമ്മയ്ക്കത് പറയാം….ഇവള് കാരണം ഞാൻ ഒരാഴ്ച കോളേജിൽ പോയിട്ടില്ല……” അമൃത നിർത്താനൊന്നും ഭാവമില്ല…..
“ഇനീപ്പോ അമ്മേടെ മോന് കാരണം കോളേജിലേ പോണ്ട….” അർച്ചന പിറുപിറുത്തതാണെങ്കിലും അമൃതയത് വ്യക്തമായി കേട്ടു….
“അങ്ങനെയൊരാഗ്രഹം മോൾടെ മനസ്സിൽ ഇരിക്കത്തെ ഉള്ളൂ…..ഇതല്ല ഇതിനപ്പുറം ഇനിയെന്തൊക്കെ സംഭവിച്ചാലും ഞാൻ കോളേജിൽ വന്നിരിക്കും…..”
“ആ വരും വരും…കണ്ടാമൃഗത്തിന്റെ തൊലിക്കട്ടിയാണല്ലോ….”
“അമ്മാ….” അമൃതക്ക് പിടിവിട്ടു….
“ചിന്നൂ….നീ ചെന്നു കുളിച്ചു വല്ലോം കഴിക്കാൻ നോക്കിക്കേ….നേരം സന്ധ്യ കഴിഞ്ഞു…യൂണിഫോം പോലും മാറ്റിട്ടില്ലവള് വന്നു കയറീട്ട്….” മായ രണ്ടിനേം രണ്ട് വഴിക്കാക്കി…
ചവിട്ടികുലുക്കി ചിന്നൂ മുറ്റത്തേക്കിറങ്ങി വേലിയുടെ വിടവിലൂടെ അപ്പുറത്തെ മുറ്റത്തേക്ക് കയറി….
ആ പോണ പോക്കും നോക്കി നിന്ന മായ അകത്തേക്ക് കയറി…
“ഇവിടുള്ളതിനും വന്നതിനും ഒന്നിനും മരുന്നിനു പോലും വെളിവില്ലാലോ എന്റെ ദേവിയെ….ഒരുത്തനുണ്ട് ഇറങ്ങിപോയിട്ട് ഈ നേരമായി…ഈ വഴിക്ക് കണ്ടിട്ടില്ല…..കയറിവരട്ടിങ്ങോട്ട്…കൊടുക്കുന്നുണ്ട് ഞാൻ…..”
കടിച്ചുപിടിച്ചു തലയ്ക്കു കയ്യും കൊടുത്തു പറഞ്ഞോണ്ട് പോകുന്ന മായയുടെ പിന്നാലെ വച്ചുപിടിച്ചു അമൃതയും….
“അതേ…” അമൃത വാതിലിൽ ചുരണ്ടി വിളിച്ചു….
“കുറച്ചു മുമ്പേയെന്താ മോളെന്നെ വിളിച്ചേ….”
“അത്….അതമ്മാന്ന്….” അവളൊരു വല്ലായ്മയോടെ പറഞ്ഞു…
“ആ അങ്ങനങ്ങു വിളിച്ചാ മതി മുന്നോട്ടും…” മായ ഒട്ടും കടുപ്പം വിടാതെ പറഞ്ഞു..
“മ്മ്മ്..”
“മോളെന്ത് ചോദിക്കാന വന്നേ…”
“അത്….എനിക്കു വിശക്കുന്നുണ്ടായിരുന്നു….”
“അതായിരുന്നോ….ഒരഞ്ചു മിനിറ്റ് അമ്മയീ കറിയൊക്കെ ഒന്നു ചൂടക്കട്ടെ….
ഇവിടൊരുത്തനു 1 മണിയാ കണക്ക്…ഞാൻ അതോണ്ട് നേരത്തെ കഴിച്ചു കിടക്കും…“
”അതല്ലമ്മാ…..എനിക്ക് നോൺ ഒന്നും പറ്റില്ല…ഞാൻ കഴിക്കില്ല….“
”തോരനും കറിയും ഉണ്ട്..അത് കഴിക്കില്ലേ മോൾ….ഇന്നിപ്പോ വേറെ പച്ചക്കറി ഒന്നും ഇരിപ്പില്ല നാളത്തേക്ക് ആക്കിത്തരാം ഞാൻ…
അവൾ തലകുലുക്കി…
“ആ കുറച്ച് പാവയ്ക്കാ ഉണങ്ങിയത് ഇരിപ്പുണ്ട്…കൊണ്ടാട്ടം പൊരിച്ചു തരട്ടെ…” പ്ലേറ്റെടുത്തു ചോറു വിളമ്പിക്കൊണ്ടാണ് ചോദ്യം…
അവളൊന്നും മിണ്ടാതെ അവരെ തന്നെ നോക്കി നിന്നു…
“അമ്മാ…..
മായ തിരിഞ്ഞു നോക്കി…
”ഞാൻ വന്നുകയറിയത് വല്ലാത്ത നാണക്കേട് ആയല്ലേ….ഇങ്ങനൊന്നും ആവൂന്ന് വിചാരിച്ചു കൂടെ ഇല്ല…“
”അച്ഛൻ….കുറച്ച് എടുത്തുചാട്ടവും ദുരഭിമാനവും ഒക്കെ ഉണ്ടെന്നേ ഉള്ളൂ…പാവമാ…പുറമെകാണിച്ചില്ലേലും എന്നെ ഇഷ്ടവുമാ….ഇതിപ്പോ അങ്ങനൊരു അവസ്ഥയിൽ കണ്ടതിന്റെയും ആളുകൾ ഒക്കെ അറിഞ്ഞതിന്റെയും ദേഷ്യമാ…കൂട്ടത്തിൽ ചെറിയമ്മേടെ വകയും….ഒക്കെ ഒന്നാറുമ്പോ അച്ഛൻ വന്നു വിളിക്കുമായിരിക്കും….
അല്ലെങ്കിൽ…..എനിക്കൊരു ഹോസ്റ്റൽ സൗകര്യമോ പാർട്ട് ടൈം ജോലിയോ ശെരിയാകുന്നവരെ….അത്രവരെയേ ബുദ്ധിമുട്ടിക്കൂ….അത് ശെരിയായ മാറിക്കോളാം ഞാൻ…..“ വല്ലായ്മയോടെ പറഞ്ഞു നിർത്തി…
പ്ലേറ്റ് സ്ലാബിലേക്ക് വച്ചു അവളെ തന്നെ ഉറ്റുനോക്കി സ്ലാബിൽ ചാരി നിൽക്കുകയാണ് മായ…
“പറയണ കേട്ടാൽ തോന്നും മോളിവിടേക്ക് തന്നിഷ്ടത്തിന് വന്നു കയറിയതാന്ന്….”
”ഞാൻ പറഞ്ഞോ മോളിവിടെ നിൽക്കുന്നത് ബുദ്ധിമുട്ടാണെന്ന്….എന്റെ മോൻ പറഞ്ഞോ…അല്ലേൽ അവന്റെ കാര്യം വിട്…എന്റെ പെരുമാറ്റത്തിലോ പ്രവർത്തിയിലോ മോൾക് അങ്ങനെ തോന്നിയോ….“
”ഇല്ല…“
”ഇതിനു മുൻപ് എന്തെങ്കിലും ജോലി ചെയ്ത് ശീലമുണ്ടോ…“
ഇല്ലെന്നവൾ തലയാട്ടി…
”ആ വീട് വിട്ട് ഒറ്റക്ക് തേടി ജീവിച്ചു ശീലമുണ്ടോ….അതായത്ഇന്നുവരെ അച്ഛന്റെകീഴിലല്ലാതെ നിന്നിട്ടുണ്ടോ….ഒറ്റക്ക് ഒരു ജോലി ചെയ്ത് അതോടൊപ്പം പഠിത്തവും മുന്നോട്ട് കൊണ്ടുപോകാനുള്ള കാര്യപ്രാപ്തി ഉണ്ടോന്ന്….“