മഴയ്ക്ക് ശേഷം – 3
[ Ruther ]
[ Previous Part ] [ www.kambi.pw ]
വ്യാഴാഴ്ച വൈകുന്നേരം ഓഫീസിൽ നിന്ന് ഇറങ്ങുമ്പോൾ ഞാൻ വീട്ടിലേക്ക് പോകുന്ന വഴി അടുത്തുള്ള സൂപ്പർമാർക്കറ്റിലേക്ക് കയറി.
എന്തെങ്കിലും നല്ല ഭക്ഷണം ഉണ്ടാക്കണമെന്ന് കുറച്ച് ദിവസമായി ആലോചിക്കുന്നുണ്ടായിരുന്നു. വീട്ടിൽ ഉണ്ടായിരുന്ന സാധനങ്ങൾ കൊണ്ട് എന്തെങ്കിലും ഒപ്പിക്കാമെന്ന് കരുതി പലതവണ മാറ്റിവെച്ചതായിരുന്നു.
അന്ന് എന്തായാലും ഉണ്ടാക്കണമെന്ന് തീരുമാനിച്ചു.
ഒരു ബാസ്കറ്റ് എടുത്ത് പതുക്കെ ഓരോ സാധനങ്ങളും എടുത്തുവെക്കുകയായിരുന്നു.
പച്ചക്കറി സെക്ഷനിൽ നിൽക്കുമ്പോഴാണ് മീനാക്ഷി എന്റെ അടുത്തേക്ക് വന്നത്.
“ഇവിടെ എന്താ?”
“സാധനം വാങ്ങാൻ വന്നതാ.”
“അത് കണ്ടു.”
അവൾ എന്റെ കയ്യിലിരുന്ന ബാസ്കറ്റിലേക്ക് നോക്കി.
“എന്താ ഉണ്ടാക്കുന്നേ?”
“എന്തെങ്കിലും ”
അവൾ ചിരിച്ചു.
“അതെന്താ സീക്രെട്ട് ആണോ ”
“സീക്രെട്ട് ഒന്നുമല്ല , അങ്ങനെ പ്രേത്യേകിച്ചു ഒന്നും മനസ്സിൽ ഇല്ല, അത്ര തന്നെ ”
അവൾ എന്റെ കൂടെ നടക്കാൻ തുടങ്ങി.
ഞാൻ പച്ചക്കറികൾ ഓരോന്നായി എടുത്ത് ബാസ്കറ്റിൽ ഇടുകയായിരുന്നു.
ഞാൻ ഓരോ സാധനങ്ങൾ എടുക്കുമ്പോഴും എന്തെടുക്കുന്നെന്ന് അവൾ നോക്കും.
“നിനക്ക് പാചകം ഇത്ര ഇഷ്ടമാണെന്ന് എനിക്ക് അറിയില്ലായിരുന്നു.”
“അതിന് ഞാൻ അങ്ങനെ പറഞ്ഞിട്ടില്ലല്ലോ ?”
“പറഞ്ഞിട്ടില്ല. അതുകൊണ്ടാണ് ചോദിച്ചത്.”
“ഇഷ്ടമാണ്.”
“എത്രത്തോളം?”
ഞാൻ ചിരിച്ചു.
“ഒരുപാട് ഇഷ്ടമാണ് , വെറുതെ ഭക്ഷണം ഉണ്ടാക്കുന്നത് പോലെയല്ല എനിക്ക്. എന്തെങ്കിലും പുതിയത് പരീക്ഷിക്കാൻ ഇഷ്ടമാണ്.”
അവൾ എന്റെ കൂടെ പതുക്കെ നടന്നു.
“എന്തൊക്കെയാണ് പരീക്ഷിച്ചിട്ടുള്ളത്?”
“ഒരുപാട്.”
“എല്ലാം നന്നായോ?”
“അതൊന്നും പറയണ്ട.”
അവൾ ചിരിച്ചു.
“അപ്പോൾ പാളിയിട്ടുണ്ടല്ലേ?”
“പാളിയിട്ടുണ്ട്.”
“എന്നിട്ടും വീണ്ടും ഉണ്ടാക്കുമോ?”
“അതല്ലേ രസം.”
ഞാൻ അടുത്ത ഷെൽഫിൽ നിന്ന് കുറച്ച് സാധനങ്ങൾ എടുത്തു.
“ആദ്യമായിട്ട് ഒരു പുതിയ റെസിപ്പി
ഉണ്ടാക്കുമ്പോൾ കൃത്യമായി വരണം എന്നില്ല. ചിലപ്പോൾ രുചി ശരിയാകില്ല. ചിലപ്പോൾ നമ്മൾ കരുതിയതിലും നല്ലതാകും. പക്ഷേ ഓരോ തവണയും എന്തെങ്കിലും പുതിയത് പഠിക്കും.”
“നീ ഇതൊക്കെ എവിടുന്നാണ് പഠിച്ചത്?”
“അമ്മയിൽ നിന്ന് കുറച്ച്. ബാക്കി സ്വയം.”
“അമ്മ നല്ല പാചകക്കാരിയാണല്ലേ?”
“അമ്മ ഉണ്ടാക്കുന്ന ഭക്ഷണത്തേക്കാൾ രുചിയുള്ളത് വേറെന്തുണ്ട് .”
“അപ്പോൾ അമ്മയോടൊപ്പം നിന്നാണ് പഠിച്ചത്?”
“അതെ. ചെറുപ്പത്തിൽ തന്നെ അടുക്കളയിൽ കയറുമായിരുന്നു. ആദ്യം ചെറിയ കാര്യങ്ങൾ. പിന്നെ പതുക്കെ ഓരോന്നായി.”
അവൾ എന്നെ നോക്കി.
“അമ്മ പഠിപ്പിച്ച ഭക്ഷണങ്ങളിൽ ഏറ്റവും ഇഷ്ടപ്പെട്ടത്?”
ഞാൻ കുറച്ചുനേരം ആലോചിച്ചു.
“അങ്ങനെ ഒന്നില്ല. ഓരോ ഭക്ഷണത്തിനും ഓരോ ഓർമ്മയുണ്ട്.”
“നിനക്ക് പാചകം ചെയ്യുമ്പോൾ ഏറ്റവും ഇഷ്ടമുള്ള ഭാഗം ഏതാണ്?”
ഞാൻ ചിരിച്ചു.
“അത്…”
കയ്യിലിരുന്ന സാധനം ബാസ്കറ്റിലേക്ക് ഇടുമ്പോൾ ഞാൻ കുറച്ചുനേരം ആലോചിച്ചു.
“അവസാനം ഭക്ഷണം കഴിക്കുന്നത് മാത്രമല്ല. തുടക്കം മുതൽ ഒരു കാര്യം പതുക്കെ രൂപപ്പെടുന്നത് കാണുന്നത് ഇഷ്ടമാണ്. ആദ്യം ഒന്നുമല്ലാത്ത കുറച്ച് സാധനങ്ങൾ.
പിന്നെ മസാല, മണം, രുചി… അവസാനം എല്ലാം കൂടുമ്പോൾ രുചികരമായ ഭക്ഷണസാധനമായി മാറും.”
അവൾ കുറച്ചുനേരം ഒന്നും പറഞ്ഞില്ല.
“അതുകൊണ്ടാണോ പുതിയതൊക്കെ പരീക്ഷിക്കുന്നത്?”
“അതെ. ഒരേ ഭക്ഷണം പോലും വേറെ രീതിയിൽ ഉണ്ടാക്കി നോക്കും.”
“എല്ലാം ഒറ്റയ്ക്ക് കഴിക്കുമോ?”
“മിക്കപ്പോഴും.”
“അപ്പോൾ നിനക്ക് വേണ്ടി മാത്രം ഉണ്ടാക്കുന്നതാണോ?”
“മറ്റാരുണ്ട്?”
അവൾ ചിരിച്ചു.
“അത് ശരിയാ.”
ഞങ്ങൾ മുന്നോട്ട് നടന്നു.
ഞാൻ ബാസ്കറ്റിലേക്ക് കുറച്ച് മസാലകൾ കൂടി എടുത്തുവച്ചു.
മീനാക്ഷി കുറച്ചുനേരം അതില്ലാം നോക്കി നിന്നു.
പിന്നെ പതുക്കെ ചോദിച്ചു.
“എനിക്കെന്നാ എന്തെങ്കിലും ഉണ്ടാക്കി തരുന്നേ?”
ഞാൻ അവളെ നോക്കി.
അവൾ ഒന്നും പ്രത്യേകിച്ച് പ്രതീക്ഷിക്കുന്നതുപോലെ തോന്നിയില്ല. വെറുതെ ചോദിച്ചതുപോലെ.