അവൾ ഗ്ലാസ് എടുത്തു.
“ഇത്രയൊക്കെ ചെയ്യണോ ?”
“കുടിക്ക്. എന്നിട്ട് പറയാം.”
അവൾ ചെറിയൊരു സിപ്പ് എടുത്തു.
മുഖം അല്പം ചുളിഞ്ഞു.
ഞാൻ ചിരിച്ചു.
“എന്താ?”
“പുളിയുണ്ട്.”
“ലൈം.”
“അത് മനസ്സിലായി.”
അവൾ വീണ്ടും കുറച്ച് കുടിച്ചു.
“ഇപ്പോൾ?”
“മോശമില്ല.”
“മോശമില്ല, അത്രേ ഒള്ളു ?”
“ഇതിലും നല്ലത് വേണമെങ്കിൽ നാളെ വീണ്ടും ഉണ്ടാക്കി തരാം.”
“അപ്പോൾ ഇന്ന് പരീക്ഷണമായിരുന്നോ?”
“അല്ല. ഇന്ന് ആദ്യ ഗ്ലാസ്.”
അവൾ ചിരിച്ചു.
പിന്നെ ഗ്ലാസിലേക്ക് നോക്കി.
“ഇതുപോലെ വേറെ എന്തൊക്കെ ഉണ്ടാകും?”
“ഒരുപാട് സാധനങ്ങൾ ഉണ്ടാക്കും ”
“നിനക്ക് എല്ലാം അറിയാമോ?”
“എല്ലാം ഇല്ല.”
“പിന്നെ?”
“കുറച്ചൊക്കെ അറിയാം. എല്ലാം യൂട്യൂബ് നോക്കി പഠിച്ചതാ.”
“നീ എന്തൊക്കെ കുടിച്ചിട്ടുണ്ട്?”
“ബിയർ, വിസ്കി, റം… കോക്ടെയിൽ കുറച്ചൊക്കെ.”
“വോഡ്ക?”
“കുടിച്ചിട്ടുണ്ട്.”
“എന്താണ് ഏറ്റവും ഇഷ്ടം?”
ഞാൻ കുറച്ചുനേരം ആലോചിച്ചു.
“ഒരൊറ്റ ഡ്രിങ്ക് അങ്ങനെ പറയാൻ പറ്റില്ല.”
“അതെന്താ?”
“ഡ്രിങ്കിനേക്കാൾ എപ്പോഴാണ് കുടിക്കുന്നത് എന്നതാണ് എനിക്ക് പ്രധാനമെന്ന് തോന്നുന്നു.”
അവൾ എന്നെ നോക്കി.
“അതെന്താ?”
“ഒറ്റയ്ക്ക് ഇരുന്ന് കുടിക്കുന്നതും കൂട്ടുകാരുടെ കൂടെ കുടിക്കുന്നതും രണ്ടും വേറെയാണ്.”
“അപ്പോൾ ഇന്ന്?”
ഞാൻ അവളെ നോക്കി.
“ഇന്നത്തേത് വേറെയാണ്. ഇതുവരെ ഞാൻ അനുഭവിച്ചിട്ടില്ലാത്ത ഒരു ഫീൽ ”
അവൾ ഒന്നും പറഞ്ഞില്ല.
ഗ്ലാസിൽ നിന്ന് ഒരു സിപ്പ്
കൂടി എടുത്തു.
പിന്നെ എന്നെ നോക്കി.
ആ നോട്ടം കുറച്ചുനേരം നീണ്ടു.
“എന്താ ഇങ്ങനെ നോക്കുന്നേ?”
ഞാൻ ചോദിച്ചു.
“നോക്കാൻ പാടില്ലേ?”
“പാടില്ലെന്ന് പറഞ്ഞില്ല.”
“അപ്പോൾ നോക്കും.”
അവൾ പറഞ്ഞു.
ഞാൻ ചിരിച്ചു.
അവളും.
സംസാരം പതുക്കെ മറ്റൊരിടത്തേക്ക് പോയി.
ഓഫീസിനെക്കുറിച്ച്.
പഴയ കാര്യങ്ങളെക്കുറിച്ച്.
ഞങ്ങളെക്കുറിച്ച്.
ചിലപ്പോൾ ഒരാൾ സംസാരിക്കും.
മറ്റെയാൾ കേൾക്കും.
ചിലപ്പോൾ രണ്ടുപേരും ഒരുമിച്ച് ചിരിക്കും.
ഡ്രിങ്കുകൾ തീരാറായപ്പോഴേക്കും മീനാക്ഷിയുടെ ശബ്ദത്തിൽ ചെറിയൊരു മന്ദത വന്നിരുന്നു.
എനിക്കും മദ്യത്തിന്റെ സ്വാധീനം ഉണ്ടായിരുന്നു.
പക്ഷേ ഞങ്ങൾ രണ്ടുപേരും വ്യക്തമായി സംസാരിക്കുകയും എന്താണ് പറയുന്നതെന്ന് മനസ്സിലാക്കുകയും ചെയ്യുന്ന അവസ്ഥയിലായിരുന്നു.
അവൾ സോഫയിൽ എന്റെ അടുത്തേക്ക് കുറച്ചുകൂടി ചേർന്നിരുന്നു.
കുറച്ചുനേരം ഒന്നും പറയാതെ എന്നെ നോക്കി.
“എന്താ?”
ഞാൻ ചോദിച്ചു.
“ഒരു കാര്യം ചോദിക്കട്ടെ?”
“ചോദിക്ക്.”
“നിനക്ക് എന്നിൽ എന്താണ് ഇഷ്ടം?”
ഞാൻ ചിരിച്ചു.
“അതെന്താ ഇപ്പൊ അങ്ങനെ ഒരു ചോദ്യം ?”
“പറയെടാ.”
“ഒരുപാട് കാര്യങ്ങളുണ്ട്.”
“മ്മ് , എങ്കിൽ പറ ”
ഞാൻ കുറച്ചുനേരം ആലോചിച്ചു.
“നീ ചിരിക്കുമ്പോൾ.”
അവൾ ചിരിച്ചു.
“അത് എല്ലാവരും പറയാവുന്ന കാര്യമല്ലേ?”
“പക്ഷേ എനിക്ക് ശരിക്കും ഇഷ്ടമാണ്.”
അവൾ മിണ്ടാതെ നിന്നു.
“വേറെ?”
“നിനക്ക് എന്തെങ്കിലും ഇഷ്ടപ്പെട്ടാൽ അത് മുഖത്ത് കാണും.”
“ഓഹോ അതെങ്ങനെ ?”
“അതൊക്കെ മനസിലാകും ”
“പിന്നെ?”
ഞാൻ അവളെ നോക്കി.
“നീ ദേഷ്യപ്പെട്ടാലും അധികനേരം പിടിച്ചുനിൽക്കില്ല.”
അവൾ ചിരിച്ചു.
“നിനക്ക് അതും അറിയാമോ?”
“അറിയാം.”
“വേറെ?”
ഞാൻ കുറച്ചുനേരം അവളുടെ കണ്ണുകളിലേക്ക് നോക്കി.
“നീ എന്നെ നോക്കുന്ന രീതി.”
അവളുടെ മുഖത്തെ ചിരി പതുക്കെ
കുറഞ്ഞു.
“എങ്ങനെ?”
“അത് എങ്ങനെ പറയണം എന്നറിയില്ല.”
“പറ.”
“എന്നെക്കുറിച്ച് എന്തോ അറിയുന്നപോലെ.”
അവൾ കുറച്ചുനേരം എന്നെ നോക്കി.
പിന്നെ പതുക്കെ പറഞ്ഞു.
“എനിക്ക് നിന്റെ കണ്ണുകളാണ് ആദ്യം ഇഷ്ടപ്പെട്ടത്.”
ഞാൻ ചിരിച്ചു.
“ഇത് പുതിയ കാര്യമാണല്ലോ.”
“ആദ്യമേ പറഞ്ഞാൽ നീ ജാഡ കാണിക്കും.”
“ഇപ്പോൾ കാണിക്കുന്നില്ലേ?”
“കുറച്ച്.”
ഞങ്ങൾ രണ്ടുപേരും ചിരിച്ചു.
അവൾ എന്റെ കൈയിൽ വിരലുകൾ വെച്ചു.
“പിന്നെ നിന്റെ സ്വഭാവം.”
“അതൊക്കെ നീ ഒരുപാട് തവണ പറഞ്ഞതല്ലേ.”
“ഇന്നും പറയാം.”
അവൾ കുറച്ചുനേരം നിശ്ശബ്ദമായി.
“നീ ഒരാളെ സ്നേഹിച്ചാൽ അവളെ സ്വന്തമാക്കണം എന്നൊന്നും ചിന്തിക്കില്ല.”
ഞാൻ അവളെ നോക്കി.